Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы, "Құқықтық актілер туралы" 2016 жылғы 6 сәуірдегі Заңдарына сәйкес, Астана қаласының әкімдігі ҚАУЛЫ ЕТЕДІ:
1. Астана қаласы әкімдігінің 2015 жылғы 11 желтоқсандығы № 367-2307 "Астана қаласы бойынша есептеу аспаптары жоқ тұтынушылар үшін электрмен жабдықтау, жылумен жабдықтау, сумен жабдықтау және су бұру, газбен жабдықтау бойынша коммуналдық көрсетілетін қызметтерді тұтыну нормаларын бекіту туралы" қаулысына (Нормативтік құқықтық актілерді мемлекеттік тіркеу тізілімінде № 995 болып тіркелген, 2016 жылғы 28 қаңтарда "Астана ақшамы", "Вечерняя Астана" газеттерінде жарияланған) мынадай өзгеріс енгізілсін:
"3. Астана қаласы бойынша есептеу аспаптары жоқ тұтынушылар үшін сумен жабдықтау және су бұру бойынша коммуналдық қызметтерін тұтыну нормалары" деген бөлім осы қаулының қосымшасына сәйкес жаңа редакцияда жазылсын.
2. "Астана қаласының Коммуналдық шаруашылық басқармасы" мемлекеттік мекемесінің басшысы Қазақстан Республикасы заңнамасында белгіленген тәртіпте:
1) осы қаулының аумақтық әділет органдарында мемлекеттік тіркелуін;
2) осы қаулының көшірмесін мемлекеттік тіркелген күнінен бастап күнтізбелік он күн ішінде баспа және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;
3) осы қаулы мемлекеттік тіркелген күнінен бастап күнтізбелік он күн ішінде оның көшірмесін Астана қаласының аумағында таратылатын мерзімді баспа басылымдарында ресми жариялау үшін жіберуді;
4) осы қаулы ресми жарияланғаннан кейін Астана қаласы әкімдігінің интернет-ресурсында орналастырылуын;
5) осы қаулы мемлекеттік тіркелгеннен кейін он жұмыс күні ішінде аумақтық әділет органына осы тармақтың 1), 2), 3) және 4) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.
3.0Осы қаулының орындалуын бақылау Астана қаласы әкімінің орынбасары Қ.Қ. Айтмұхаметовке жүктелсін.
4. Осы қаулы әділет органдарында мемлекеттік тіркелген күннен бастап күшіне енеді және алғашқы ресми жарияланған күннен кейін он күнтізбелік күн өткен соң қолданысқа енгізіледі.
| Астана қаласының әкімі | Ә. Исекешев |
| Астана қаласы әкімдігінің 2018 жылғы 10 қаңтардағы № 3067-70 қаулысына қосымша |
3. Астана қаласы бойынша есептеу аспаптары жоқ тұтынушылар үшін сумен жабдықтау және су бұру бойынша коммуналдық қызметтерін тұтыну нормалары
Р/с | Тұтынушылардың атауы | Өлшегіш |
Норма тәулігіне/литр |
1 | 2 | 3 | 4 |
1. | Жеке немесе аз пәтерлі тұрғын үйлер | ||
1.1. | Көшелік су тарату колонкаларынан су пайдаланумен | Тәулігіне 1 тұрғын | 70 |
1.2. | Аулалық колонкаларынан су пайдаланумен немесе аулалық су тарату крандарындағы су пайдаланумен | Тәулігіне 1 тұрғын | 250 |
1.3. | Эконом-кластағы тұрғын үйлер* | Тәулігіне 1 тұрғын | 400 |
1.4. | Жоғарғы жайлылығы бар тұрғын үйлер ** | Тәулігіне 1 тұрғын | 600 |
2. | Көпқабатты тұрғын үйлер | ||
2.1. | Орталықтандырылған ыстық және суық сумен жабдықталған | Тәулігіне 1 тұрғын | 332 |
2.2. | Орталықтандырылған суық сумен жабдықталған | Тәулігіне 1 тұрғын | 164 |
3. | Жатақханалар | ||
3.1. | Дәліз үлгісіндегі жатақхана | Тәулігіне 1 тұрғын | 160 |
3.2. | Секциялық үлгідегі жатақхана | Тәулігіне 1 тұрғын | 250 |
4. | Монша | Айына 4 рет | 0,18 м3 х 4 = 0,72 м3 |
5. | Бассейн | 1 м3 | (1 м3 бассейн х тариф) |
6. | Бақша, бау-бақша | ||
6.1. | Бақшаны суару | 1 жүздік | (0,6 м3 х 30 күн х 3 ай) = 54 м3 |
6.2. | Бау-бақшаны суару | 1 жүздік | (0,3 м3 х 30 күн х 3 ай) = 27 м3 |
Ескерту:
* міндетті керек-жарақтардың ең төменгі жиынтығымен жабдықталған (су құбыры) және бірлі-жарым санитарлық-техникалық құралдары орнатылған (унитаз, жуғыш, ванна, қол жуғыш) тұрғын үйлер
** міндетті керек-жарақтардың толық жиынтығымен жабдықталған (су құбыры, кәріз) және бірнеше санитарлық тораптары, ванналары және душ бөлмелері бар, тұрмыстық су тұтыну құралдары (ыдыс-аяқ жуатын машина, автоматты кір жуғыш машина) орнатылған тұрғын үйлер
