Су қорғау аймақтарын, белдеулерін және оларды шаруашылықта пайдалану режимін белгілеу туралы

Қызылорда облысы әкімдігінің 2018 жылғы 22 қазандағы № 1247 қаулысы. Қызылорда облысының Әділет департаментінде 2018 жылғы 25 қазанда № 6481 болып тіркелді

"Қазақстан Республикасының Су Кодексі" Қазақстан Республикасының 2003 жылғы 9 шілдедегі Кодексінің 116-бабының 2-тармағына сәйкес Қызылорда облысының әкімдігі ҚАУЛЫ ЕТЕДІ:

1. Бекітілген жобалау құжаттамасы негізінде белгіленсін:

1) осы қаулының 1-қосымшасына сәйкес Қызылорда облысының Арал, Қазалы, Қармақшы, Жалағаш, Сырдария, Шиелі аудандары және Қызылорда қаласындағы су объектілерінің су қорғау аймақтары мен белдеулері;

2) осы қаулының 2-қосымшасына сәйкес Қызылорда облысының Арал, Қазалы, Қармақшы, Жалағаш, Сырдария, Шиелі аудандары және Қызылорда қаласындағы су объектілерінің су қорғау аймақтары мен белдеулерінің шаруашылықта пайдалану режимі.

2. Қызылорда облысының Арал, Қазалы, Қармақшы, Жалағаш, Сырдария, Шиелі аудандары мен Қызылорда қаласының әкімдері, "Қызылорда облысының табиғи ресурстар және табиғат пайдалануды реттеу басқармасы" мемлекеттік мекемесі осы қаулыдан туындайтын шараларды қабылдасын.

3. Осы қаулының орындалуын бақылау Қызылорда облысы әкімінің орынбасары С.С. Қожаниязовқа жүктелсін.

4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қызылорда облысының әкімі	Қ. Көшербаев
КЕЛІСІЛДІ "Қазақстан Республикасы Ауыл шаруашылығы министрлігі Су ресурстары комитетінің Су ресурстарын пайдалануды реттеу және қорғау жөніндегі Арал-Сырдария бассейндік инспекциясы" Республикалық мемлекеттік мекемесінің басшысы ________________ Ә. Қарлыханов 2018 жылғы "22" қазан

Қызылорда облысы әкімдігінің 2018 жылғы "25" қазандағы № 6481 қаулысына 1-қосымша

Қызылорда облысының Арал, Қазалы, Қармақшы, Жалағаш, Сырдария, Шиелі аудандары және Қызылорда қаласындағы су объектілерінің су қорғау аймақтары мен белдеулері

№	Су объектілерінің атауы	Әкімшілік-аумақтық бірліктердің атауы	Су қорғау аймағы мен белдеулерінің көлемі, гектар	Су қорғау аймағының ені, метр	Су қорғау белдеуінің ені, метр
1	Арал теңізі	Арал ауданы Бөген ауылдық округі	31266,300	500	35
2	Қарашалаң көлі	Арал ауданы Бөген ауылдық округі	3410,42	500	35
3	Жалаңаш көлі	Арал ауданы Қосжар ауылдық округі	1594,03	500	35
4	Қаязды - Бидайкөл көлі	Арал ауданы Қосжар ауылдық округі	1182,88	500	35
5	Лайкөл көлі	Арал ауданы Райым ауылдық округі	1467,75	500	35
6	Ақшатау - Сорғақ көлі	Арал ауданы Райым ауылдық округі	2428,53	500	35
7	Қаракөл көлі	Арал ауданы Райым ауылдық округі	1366,05	500	35
8	Суықкөл көлі	Арал ауданы Райым ауылдық округі	200,09	500	35
9	Райым көлі	Арал ауданы Райым ауылдық округі	725,16	500	35
10	Алашакөл көлі	Арал ауданы Райым ауылдық округі	598,68	500	35
11	Шөмішкөл көлі	Арал ауданы Райым ауылдық округі	638,56	500	35
12	Құмкөл көлі	Қазалы ауданы Әйтеке би кенті	246,11	500	35
13	Қотанкөл көлі	Қазалы ауданы Майдакөл ауылдық округі	2047,04	500	35
14	Ақкөл көлі	Қазалы ауданы Тасарық ауылдық округі	852,37	500	35
15	Ащыкөл көлі	Қазалы ауданы Арықбалық ауылдық округі	371,66	500	35
16	Қаракөл көлі	Қазалы ауданы Қызылқұм ауылдық округі	455,96	500	35
17	Қуандария көлі	Қазалы ауданы Тасарық және Сарыбұлақ ауылдық округтері	15371,106	500	35
18	Қалғандария көлі	Сырдария ауданы А. Тоқмағанбетов ауылдық округі	262,52	500	35
19	Таушұқырой көлі	Шиелі ауданы Телікөл ауылдық округі	401,4	500	35
20	Алабие көлі	Шиелі ауданы Талаптан ауылдық округі	1599,2	500	35
21	Үлкен барша көлі	Шиелі ауданы Бәйгеқұм ауылдық округі	439,4	500	35
22	Ханқожа көлі	Шиелі ауданы Жөлек ауылдық округі	4130,1	500	35
23	Қараөзек арнасы	Қызылорда облысы Қызылорда қаласы, Сырдария, Жалғаш, Қармақшы ауданы	17200,3	500	35
24	Қалғандария – 200 көлі	Қызылорда облысы Қызылорда қаласы	341,9	500	35

	Қызылорда облысы әкімдігінің
	2018 жылғы "22" қазандағы №1247
	қаулысына 2-қосымша

Қызылорда облысының Арал, Қазалы, Қармақшы, Жалағаш, Сырдария, Шиелі аудандары және Қызылорда қаласындағы су объектілерінің су қорғау аймақтары мен белдеулерін шаруашылықта пайдалану режимі

Ескерту. 2-қосымша жаңа редакцияда - Қызылорда облысы әкімдігінің 02.02.2021 № 194 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).

1. Су қорғау аймақтарының шегінде:

1) су объектілерін және олардың су қорғау аймақтары мен белдеулерінің ластануы мен қоқыстануын болғызбайтын құрылыстармен және құрылғылармен қамтамасыз етілмеген жаңа және реконструкцияланған объектілерді пайдалануға беруге;

2) ғимараттарға, құрылыстарға, коммуникацияларға және басқа да объектілерге реконструкция жүргізуге, сондай-ақ құрылыс, су түбін тереңдету және жарылыс жұмыстарын жүргізуге, пайдалы қазбалар өндіруге, кәбіл, құбыр және басқа да коммуникацияларды төсеуге, белгіленген тәртіппен жергілікті атқарушы органдармен, бассейндік инспекциялармен, қоршаған ортаны қорғау саласындағы уәкілетті мемлекеттік органмен, халықтың санитариялық-эпидемиологиялық саламаттылығы саласындағы мемлекеттік органмен және басқа да мүдделі органдармен келісілген жобасы жоқ бұрғылау, жер қазу және өзге де жұмыстар жүргізуге;

3) тыңайтқыштар, пестицидтер, мұнай өнімдерін сақтайтын қоймаларды, көлік құралдары мен ауыл шаруашылығы техникасына техникалық қызмет көрсету, оларды жуу пункттерін, механикалық шеберханаларды, тұрмыстық және өнеркәсіп қалдықтарын төгетін құрылғыны, аппаратураларды пестицидтермен толтыратын алаңдарды, авиациялық-химиялық жұмыстар жүргізуге арналған ұшу-қону жолақтарын орналастыруға және салуға, сондай-ақ судың сапасына кері әсер ететін басқа да объектілерді орналастыруға;

4) мал шаруашылығы фермалары мен кешендерін, сарқынды су жинағыштарды, сарқынды сумен суарылатын егістіктерді, зираттарды, мал қорымдарын (биотермиялық шұңқырларды), сондай-ақ жерүсті және жерасты суларының микробпен ластану қаупіне себепші болатын басқа да объектілерді орналастыруға;

5) жүктелім нормасынан асырып мал жаюға, су тоғандарының режимін нашарлататын мал тоғыту мен санитариялық өңдеуге және шаруашылық қызметінің басқа да түрлеріне;

6) су көздеріндегі су кемерінен екі мың метрге жетпейтін қашықтықта орналасқан ауыл шаруашылығы дақылдары мен орман екпелерін пестицидтермен авиациялық өңдеу және авиация арқылы минералдық тыңайтқыштармен қоректендіру тәсілін қолдануға;

7) концентрациясының жол берілетін шегі белгіленбеген пестицидтерді қолдануға, қардың үстіне тыңайтқыш себуге, сондай-ақ залалсыздандырылмаған көң қосылған сарқынды суды және тұрақты хлорорганикалық пестицидтерді тыңайтқыш ретінде пайдалануға тыйым салынады.

Су қорғау аймағында мәжбүрлі санитариялық өңдеу жүргізу қажет болған жағдайда уыттылығы әлсіз және орташа тұрақсыз пестицидтерді қолдануға жол беріледі.

2. Су қорғау белдеулерінің шегінде:

1) су объектілерінің сапалық және гидрологиялық жай-күйін нашарлататын (ластану, қоқыстану, сарқылу) шаруашылық қызметіне немесе өзге де қызметке;

2) су шаруашылығы және су жинайтын құрылыстар мен олардың коммуникацияларын, көпірлерді, көпір құрылыстарын, айлақтарды, порттарды, пирстерді және су көлігі қызметіне байланысты өзге де көлік инфрақұрылымдары объектілерін, жаңартылатын энергия көздерін (гидродинамикалық су энергиясын) пайдалану объектілерін, сондай-ақ су объектісіндегі рекреациялық аймақтарды қоспағанда, демалыс және (немесе) сауықтыру мақсатындағы ғимараттар мен құрылысжайлар салмай ғимараттар мен құрылыстарды салуға және пайдалануға;

3) бау-бақша егуге және саяжай салуға жер учаскелерін беруге;

4) су объектілерінің және олардың су қорғау аймақтары мен белдеулерінің ластануын болғызбайтын құрылыстармен және құрылғылармен қамтамасыз етілмеген қазіргі бар объектілерді пайдалануға;

5) жекелеген учаскелерді шалғындандыруға, егін егуге және ағаш отырғызуға арналған жерлерді өңдеуді қоспағанда, топырақ және өсімдік қабатын бұзатын жұмыстарды жүргізуге (оның ішінде жер жыртуға, мал жаюға, пайдалы қазбаларды өндіруге);

6) шатыр қалашықтарын, көлік құралдары үшін тұрақты тұрақтарды, малдың жазғы жайылым қостарын орналастыруға;

7) пестицидтер мен тыңайтқыштардың барлық түрлерін қолдануға тыйым салынады.

3. Қазақстан Республикасының заңнамасында белгіленген тәртіппен келісілген және салалық сараптамалардың түйіндерін қамтитын, құрылыс жобаларына (техникалық-экономикалық негіздемелерге, жобалау-сметалық құжаттамаға) ведомстводан тыс кешенді сараптаманың оң қорытындысы алынған жобалар болмаса, су қорғау аймақтары мен белдеулерінде кәсіпорындар, ғимараттар, құрылыстар мен коммуникациялар салуға (реконструкциялауға, күрделі жөндеуге) тыйым салынады.