Қазақстан Республикасының 2016 жылғы 6 сәуірдегі "Құқықтық актілер туралы" Заңының 46-бабы 2-тармағы 4) тармақшасына сәйкес, Екібастұз қалалық мәслихаты ШЕШІМ ҚАБЫЛДАДЫ:
1. Екібастұз қалалық мәслихатының 2015 жылғы 11 қыркүйектегі "Екібастұз қаласы мәслихатының регламентін бекіту туралы" № 345/41 шешімінің (Нормативтік құқықтық актілерді мемлекеттік тіркеу тізілімінде № 4731 болып тіркелген, 2015 жылғы 8 қазанда "Отарқа" газетінде және 2015 жылғы 8 қазанда "Голос Экибастуза" газетінде жарияланған) күші жойылды деп танылсын.
2. Осы шешімнің орындалуын бақылау Екібастұз қаласы мәслихатының азаматтардың құқықтары мен заңды мүдделерін қамтамасыз ету жөніндегі тұрақты комиссиясына жүктелсін.
3. Осы шешім оның алғаш ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | Э. Абдинов |
| Қалалық мәслихат хатшысы | Б. Куспеков |
