Ескерту. Күші жойылды - Шығыс Қазақстан облысы Күршім аудандық мәслихатының 24.06.2020 № 50/14-VI шешімімен (01.01.2020 бастап қолданысқа енгізіледі).
РҚАО-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Салық және бюджетке төленетін басқа да міндетті төлемдер туралы" (Салық кодексі) Қазақстан Республикасының 2017 жылғы 25 желтоқсандағы Кодексінің 546-бабына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6-бабы 1-тармағының 15) тармақшасына сәйкес Күршім аудандық мәслихаты ШЕШІМ ҚАБЫЛДАДЫ:
1. Осы шешімнің қосымшасына сәйкес қызметін Күршім ауданының аумағында жүзеге асыратын барлық салық төлеушілер үшін тіркелген салық мөлшерлемелері белгіленсін.
2. Күршім аудандық мәслихатының 2009 жылғы 29 қазандағы № 16-9 "Тіркелген салықтың ставкаларын бекіту туралы" (Нормативтік құқықтық актілерді мемлекеттік тіркеу тізілімінде 5-14-99 нөмірімен тіркелген, 2009 жылғы 5 желтоқсандағы "Рауан" аудандық газетінде жарияланған) шешімінің күші жойылған деп танылсын.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Сессия төрағасы | Л. Құмарова |
| Күршім аудандық мәслихаттың хатшысы | М. Сағанақов |
| Күршім аудандық мәслихаттың 2018 жылғы 25 сәуірдегі № 22/11-VI шешіміне қосымша |
Р/с | Салық салу объектісінің атауы | Бірыңғай тіркелген салық мөлшерлемелерінің мөлшерлері (айлық есептік көрсеткіштермен) |
1 | 2 | 3 |
1 | Бiр ойыншымен ойын өткiзуге арналған ұтыссыз ойын автоматы | 1 |
2 | Бiреуден көп ойыншының қатысуымен ойын өткiзуге арналған ұтыссыз ойын автоматы | 1 |
3 | Ойын өткiзу үшiн пайдаланылатын дербес компьютер | 1 |
4 | Ойын жолы | 5 |
5 | Карт | 2 |
6 | Бильярд үстелі | 3 |
7 | Астана және Алматы қалаларын және арнайы аймақты қоспағанда, уәкілетті ұйымның елді мекенде орналасқан айырбастау пункті | 10 |
