Ескерту. Күші жойылды - ҚР Индустрия және инфрақұрылымдық даму министрінің м.а. 30.03.2023 № 195 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
"Арнайы экономикалық және индустриялық аймақтар туралы" 2019 жылғы 3 сәуірдегі Қазақстан Республикасы Заңының 11-бабының 8) тармақшасына сәйкес БҰЙЫРАМЫН:
1. Арнайы комиссияның ережесі бекітілсін.
2. Қазақстан Республикасы Индустрия және инфрақұрылымдық даму министрлігінің Индустриялық даму және өнеркәсіптік қауіпсіздік комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрық мемлекеттік тіркелген күнінен бастап күнтізбелік он күн ішінде қазақ және орыс тілдерінде Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Қазақстан Республикасының заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
3) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Индустрия және инфрақұрылымдық даму министрі |
Р. Скляр |
| Қазақстан Республикасы Индустрия және инфрақұрылымдық даму министрінің 2019 жылғы 27 маусымдағы № 446 бұйрығымен бекітілген |
Арнайы комиссияның ережесі
1-тарау. Жалпы ережелер
1. Осы Арнайы комиссияның ережесі (бұдан әрі – Ереже) "Арнайы экономикалық және индустриялық аймақтар туралы" 2019 жылғы 3 сәуірдегі Қазақстан Республикасы Заңының 11-бабының 8) тармақшасына (бұдан әрі - Заң) сәйкес әзірленді.
2. Осы Ережеде мынадай негізгі ұғымдар пайдаланылады:
1) уәкілетті орган – арнайы экономикалық және индустриялық аймақтардың құрылуы, жұмыс істеуі және таратылуы саласында мемлекеттік реттеуді жүзеге асыратын орталық атқарушы орган;
2) арнайы комиссия – арнайы экономикалық аймақтардың басқарушы компанияларының және әлеуетті қатысушыларының басым қызмет түрлерінің тізбесінде көзделмеген немесе арнайы экономикалық аймақты құру мақсаттарына сәйкес келмейтін қызмет түрлерін осындай тізбеге қосу туралы өтініштерін қарауды жүзеге асыратын, тұрақты түрде жұмыс істейтін комиссия.
3. Арнайы экономикалық және индустриялық аймақтардың құрылуы, жұмыс істеуі және таратылуы саласында мемлекеттік реттеуді жүзеге асыратын уәкілетті орган арнайы комиссияның жұмыс органы болып табылады.
4. Арнайы комиссия өз қызметін Қазақстан Республикасының Конституциясына, Заңына, Қазақстан Республикасының өзге де нормативтік құқықтық актілеріне, сондай-ақ осы Ережеге сәйкес жүзеге асырады.
2-тарау. Арнайы комиссияның негізгі міндеттері мен функциялары
5. Арнайы комиссияның негізгі міндеттері басқарушы компаниялардың және арнайы экономикалық аймақтардың әлеуетті қатысушыларының басым қызмет түрлерінің тізбесінде көзделмеген немесе арнайы экономикалық аймақты құру мақсаттарына сәйкес келмейтін қызмет түрлерін осындай тізбеге қосу туралы өтініштерін қарау болып табылады.
6. Арнайы комиссияның негізгі функциясы басым қызмет түрлерінің тізбесінде көзделмеген немесе арнайы экономикалық аймақты құру мақсаттарына сәйкес келмейтін қызмет түрлерін енгізуді мақсатқа сәйкестігі туралы оң немесе теріс шешімді ұсыну болып табылады.
3-тарау. Арнайы комиссияның жұмысын ұйымдастыру және тәртібі
7. Арнайы комиссия:
1) уәкілетті органның (төрағалық етуші);
2) салық саясаты саласындағы уәкілетті органның;
3) кәсіпкерлік жөніндегі уәкілетті органның;
4) салық және бюджетке төленетін басқа да міндетті төлемдердің түсуін қамтамасыз ету саласында басшылықты жүзеге асыратын уәкілетті мемлекеттік органның;
5) мемлекеттік жоспарлау жөніндегі орталық уәкілетті органның;
6) бюджеттік жоспарлау жөніндегі орталық уәкілетті органның;
7) Қазақстан Республикасы Ұлттық кәсіпкерлер палатасының дауыс беру құқығы бар өкілдерінен құралады.
Арнайы комиссияның жұмысы үшін дауыс беру құқығы жоқ өзге мүдделі тұлғалар да тартылуы мүмкін.
Арнайы комиссияның отырысы дауыс беру құқылы мүшелердің барлығы қатысқан кезде құқықты деп есептеледі.
8. Жұмысты ұйымдастыруды, арнайы комиссияның отырысын өткізуге дайындық, тиісті құжаттарды, материалдарды дайындау және рәсімдеу, арнайы комиссия отырысынан кейін қорытындыға қол қоюды арнайы комиссияның хатшысы жүзеге асырады.
Хатшы арнайы комиссияның мүшесі болып табылмайды.
9. Басым қызмет түрлерінің тізбесінде көзделмеген қызмет түрін басым қызмет түрлерінің тізбесіне енгізу туралы шешімді арнайы комиссия дауыс беру арқылы көпшілік дауыспен қабылданады. Дауыстар тең болған жағдайда төрағалық етушінің даусы шешуші болып табылады.
10. Арнайы комиссияның оң шешімі негізінде:
1) уәкілетті орган қосымша қызмет түрін басым қызмет түрлерінің тізбесіне енгізуді бекітеді;
2) арнайы экономикалық аймақтың басқарушы компаниясы өтініш берушімен қызметті жүзеге асыру туралы шарт жасасады.
11. Арнайы комиссияның отырыстары қажеттілігіне қарай өткізіледі.
12. Арнайы комиссия отырыстарының шешімдері қорытынды түрінде ресімделеді және ұсынымды сипатта болады.
