"Өсімдіктер карантині туралы" Қазақстан Республикасының 1999 жылғы 11 ақпандағы Заңының 9-1 бабының 2) және 3) тармақшаларына сәйкес және Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Шымкент қаласы бойынша аумақтық инспекциясының 2019 жылғы 29 қазаныдағы № 02-01-04/394 ұсынысы негізінде, Шымкент қаласының әкімдігі ҚАУЛЫ ЕТЕДІ:
1. Осы қаулының қосымшасына сәйкес Шымкент қаласының ауыл шаруашылығы алқаптарында карантиндік режим енгізе отырып, карантиндік аймақ белгіленсін.
2. "Шымкент қаласының ауыл шаруашылығы және ветеринария басқармасы" мемлекеттік мекемесі Қазақстан Республикасының заңнамалық актілерінде белгіленген тәртіпте:
1) осы қаулыны Шымкент қаласының Әділет департаментінде мемлекеттік тіркелуін;
2) осы қаулы мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таратылатын мерзімді баспасөз басылымдарына жіберуді;
3) осы қаулыны оны ресми жариялағаннан кейін Шымкент қаласы әкімдігінің интернет-ресурсында орналастыруды қамтамасыз етсін.
3. Осы қаулының орындалуын бақылау Шымкент қаласы әкімінің орынбасары Б.Пармановқа жүктелсін.
4. Осы қаулы оның алғашқы ресми жарияланған күнінен бастап қолданысқа енгізіледі.
| қала әкімі | Е. Айтаханов |
| Шымкент қаласы әкімдігінің 2019 жылғы "11" желтоқсандағы № 963 қаулысына қосымша |
Шымкент қаласының ауыл шаруашылығы алқаптарында карантиндік режим енгізілетін аймақ
Ескерту. Қосымша жаңа редакцияда - Шымкент қаласы әкімдігінің 14.03.2024 № 1204 қаулысымен (алғашқы ресми жарияланған күнінен кейін қолданысқа енгізіледі).
р/с | Карантиндік объект атауы | Аудан атауы | Жалпы зақымданған алаң, (гектар) |
1 | Арам сояу | Тұран | 1,51 |
2 | Әл-Фараби | 0,1 | |
3 | Еңбекші | 2 | |
4 | Қаратау | 0,7 | |
Барлығы | 4,31 | ||
1 | Жатаған у кекіре | Тұран | 1,5 |
2 | Еңбекші | 2,9 | |
3 | Қаратау | 1,1 | |
4 | Абай | 11,15 | |
Барлығы | 16,65 | ||
ЖАЛПЫ | 20,96 | ||
