"Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 31-бабына, "Өсімдік шаруашылығындағы міндетті сақтандыру туралы" 2004 жылғы 10 наурыздағы Қазақстан Республикасы Заңының 5-бабы 3-тармағының 3) тармақшасына сәйкес Қарабалық ауданының әкімдігі ҚАУЛЫ ЕТЕДІ:
1. 2019 жылға арналған өсімдік шаруашылығындағы міндетті сақтандыруға жататын өсiмдiк шаруашылығы өнiмiнiң түрлерi бойынша табиғи-климаттық аймақтар бөлігіндегі Қарабалық ауданының аумағында егiс жұмыстардың басталуы мен аяқталуының оңтайлы мерзiмдерi осы қаулының қосымшасына сәйкес белгiленсін.
2. "Қарабалық ауданы әкімдігінің ауыл шаруашылық бөлімі" мемлекеттік мекемесі Қазақстан Республикасының заңнамасында белгіленген тәртіпте:
1) осы қаулының аумақтық әділет органында мемлекеттік тіркелуін;
2) осы әкімдіктің қаулысы мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмесін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберілуін;
3) осы қаулыны ресми жарияланғанынан кейін Қарабалық ауданы әкімдігінің интернет-ресурсында орналастырылуын қамтамасыз етсін.
3. Осы қаулының орындалуын бақылау аудан әкімінің ауыл шаруашылығы мәселелері жөніндегі орынбасарына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2019 жылғы 5 мамырдан бастап туындайтын қатынастарға өз әрекетін таратады.
| Әкімдіктің 2019 жылғы 16 шілдедегі № 96 қаулысына қосымша |
2019 жылға арналған өсімдік шаруашылығындағы міндетті сақтандыруға жататын өсiмдiк шаруашылығы өнiмiнiң түрлерi бойынша табиғи-климаттық аймақтар бөлігіндегі Қарабалық ауданының аумағында егiс жұмыстардың басталуы мен аяқталуының оңтайлы мерзiмдерi
№ | Өсімдік шаруашылығы өнімінің түрлері | Егiс жұмыстардың басталуы мен аяқталуы |
II табиғи-климаттық аймақ (дала) | ||
1 | Жаздық бидай | 2019 жылғы 12 мамыр мен 5 маусым аралығы |
2 | Жаздық арпа | 2019 жылғы 18 мамыр мен 5 маусым аралығы |
3 | Сұлы | 2019 жылғы 18 мамыр мен 5 маусым аралығы |
4 | Тары | 2019 жылғы 20 мамыр мен 5 маусым аралығы |
5 | Бұршақ | 2019 жылғы 18 мамыр мен 31 мамыр аралығы |
6 | Рапс | 2019 жылғы 15 мамыр мен 28 мамыр аралығы |
7 | Күнбағыс | 2019 жылғы 5 мамыр мен 28 мамыр аралығы |
8 | Аңқа | 2019 жылғы 15 мамыр мен 28 мамыр аралығы |
