Мақсаттарға қол жеткізу блогы бойынша операциялық бағалау әдістемесін бекіту туралы

Жаңартылған

Республикалық бюджеттің атқарылуын бақылау жөніндегі есеп комитетінің 2020 жылғы 26 ақпандағы № 1-НҚ және Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2020 жылғы 26 ақпандағы № 201 бірлескен нормативтік қаулысы мен бұйрығы. Қазақстан Республикасының Әділет министрлігінде 2020 жылғы 27 ақпанда № 20072 болып тіркелді.

      Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қалалардың, астананың жергілікті атқарушы органдары қызметінің тиімділігін жыл сайынғы бағалау жүйесінің 27-тармағына сәйкес Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) ҚАУЛЫ ЕТЕДІ және Қазақстан Республикасы Премьер-Министрінің бірінші орынбасары - Қазақстан Республикасының Қаржы министрі БҰЙЫРАДЫ:

      1. Қоса беріліп отырған Мақсаттарға қол жеткізу блогы бойынша операциялық бағалау әдістемесі бекітілсін.

      2. Есеп комитетінің Заң бөлімі Қазақстан Республикасының заңнамасында белгіленген тәртіппен:

      1) осы бірлескен нормативтік қаулының және бұйрықтың Қазақстан Республикасының Әділет министрлігінде мемлекеттік тіркелуін;

      2) осы бірлескен нормативтік қаулының және бұйрықтың Есеп комитетінің интернет-ресурсына орналастырылуын қамтамасыз етсін.

      3. Осы бірлескен нормативтік қаулының және бұйрықтың орындалуын бақылау Есеп комитетінің аппарат басшысына және жетекшілік ететін Қазақстан Республикасының Қаржы вице-министріне жүктелсін.

      4. Осы бірлескен нормативтік қаулы және бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Республикалық бюджеттің атқарылуын бақылау
жөніндегі есеп комитетінің Төрайымы
Н. Годунова
     
      Қазақстан Республикасы
Премьер-Министрінің Бірінші орынбасары -
Қазақстан Республикасы Қаржы министрі
А. Смаилов

  Республикалық бюджеттің
атқарылуын бақылау
жөніндегі есеп комитетінің
2020 жылғы 26 ақпандағы
№ 1-НҚ Нормативтік
қаулымен және
Қазақстан Республикасы
Премьер-Министрінің
Бірінші орынбасары -
Қаржы министрінің
2020 жылғы 26 ақпандағы
№ 201 бұйрығымен
бірлесіп бекітілген

Мақсаттарға қол жеткізу блогы бойынша операциялық бағалау әдістемесі

1-тарау. Жалпы ережелер

      1. Осы Мақсаттарға қол жеткізу блогы бойынша операциялық бағалау әдістемесі (бұдан әрі – Әдістеме) Қазақстан Республикасы Президентінің 2010 жылғы 19 наурыздағы № 954 Жарлығымен бекітілген Орталық мемлекеттік органдар мен облыстардың, республикалық маңызы бар қалалардың, астананың жергілікті атқарушы органдары қызметінің тиімділігін жыл сайынғы бағалау жүйесін (бұдан әрі – Бағалау жүйесі) іске асыру мақсатында әзірленді.

      2. Осы Әдістемеде мынадай анықтамалар пайдаланылады:

      1) индикатордың жоспарлы мәндерін түзету – стратегиялық жоспардың нысаналы индикаторларының жоспарлы мәндерін төмендету;

      2) нысаналы индикатордың іс жүзіндегі орындалу серпіні – мемлекеттік органның қызметіне байланысты емес факторларға негізделген іс-шаралар мен міндеттемелерді орындамау жағдайларын қоспағанда, өткен кезеңнің фактісімен салыстырғанда стратегиялық жоспардың нысаналы индикаторларының іс жүзінде орындалуының нашарламауы;

      3) индикатордың артығымен орындалуы – индикатордың іс жүзіндегі мәнінің жоспарлы мәннен 25%-ға және одан астам артық орындалуы;

      4) бюджеттік бағдарламаның орындалу тиімділігі – қойылған мақсаттарға неғұрлым аз шығынмен қол жеткізу, шығындары бар нәтижелерді салыстыру (арақатынасы) арқылы анықталады;

      5) тікелей нәтиже – қол жеткізілуі мемлекеттік функцияларды, өкілеттіктерді жүзеге асыратын немесе мемлекеттік қызметтер көрсететін ұйымдардың қызметіне толық байланысты болатын, көзделген бюджет қаражаты шегінде атқарылатын осы функциялар, өкілеттіктер және көрсетілетін қызметтер көлемінің сандық сипаттамасы;

      6) түпкілікті нәтиже – мемлекеттік орган қызметінің тікелей нәтижелерге қол жеткізуіне негізделген стратегиялық жоспардың, аумақты дамыту бағдарламасының және (немесе) бюджеттік бағдарламаның мақсатына қол жеткізуді санмен өлшейтін бюджеттік бағдарлама көрсеткіші;

      7) жалпыұлттық көрсеткіштер – бұл өңірлердің экономикалық жағдайын көрсететін макроэкономикалық көрсеткіштер. Олар каскадталған және (немесе) мемлекеттік жоспарлау жүйесінің жоғары тұрған стратегиялық құжаттарынан декомпозицияланған;

      8) өңірлік көрсеткіштер – жергілікті атқарушы органның өкілеттіктері мен функцияларын орындауға тікелей байланысты көрсеткіштер, олар халықтың өмір сүру сапасын дамытуға бағытталған (күрделі жөндеуді талап ететін кондоминиум объектілерінің үлесін азайту, халықты тазартылған сарқынды сулармен қамту және осыған ұқсас).

      Ескерту. 2-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      3. Әдістеме мемлекеттік органдардың жетекшілік ететін саланы/аяны/өңірді дамыту, сондай-ақ бюджет қаражатын пайдалану бойынша қабылдайтын шаралардың тиімділігін айқындауға арналған.

      4. Мақсаттарға қол жеткізу блогы бойынша операциялық бағалау Қазақстан Республикасы Президентінің Әкімшілігі Бағалау жүйесінің 11-тармағына сәйкес бекітетін Мемлекеттік органдар қызметінің тиімділігіне операциялық бағалау жүргізу кестесіне (бұдан әрі – Бағалау кестесі) сәйкес жүзеге асырылады.

      5. Мақсаттарға қол жеткізу блогы бойынша операциялық бағалауды мынадай мемлекеттік органдар (бұдан әрі – бағалауға уәкілетті мемлекеттік органдар):

      Қазақстан Республикасы Президентінің Әкімшілігі – Қазақстан Республикасының Президентіне тікелей бағынатын және есеп беретін орталық мемлекеттік органдар тиімділігін операциялық бағалауды;

      Қазақстан Республикасы Премьер-Министрінің Кеңсесі – бюджетті атқару жөніндегі уәкілетті органның тиімділігін операциялық бағалауды;

      Қазақстан Республикасының Қаржы министрлігі (бұдан әрі – бюджетті атқару жөніндегі уәкілетті орган) – бюджеттік бағдарламалардың орындалу тиімділігін және олардың орталық мемлекеттік органдардың стратегиялық жоспарының мақсаттарымен өзара байланысын, жергілікті атқарушы органдардың бюджеттік бағдарламалардың көрсеткіштеріне қол жеткізуі бойынша тиімділігін, орталық мемлекеттік және жергілікті атқарушы органдардың Азаматтық бюджет жарияланымдарының сапасы мен мазмұнын бағалауды, жергілікті атқарушы органдардың бюджеттеудің жаңа практикаларын (халық қатысатын бюджет) пайдалануын бағалауды, сондай-ақ орталық мемлекеттік және жергілікті атқарушы органдардың бюджеттік бағдарламаларды іске асыру бойынша есептік деректерін қайта тексеруді;

      Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) – мемлекеттік органдардың стратегиялық жоспарлардың және аумақтарды дамыту бағдарламаларының мақсаттарына қол жеткізуі бойынша тиімділігін бағалауды жүзеге асырады.

      Жергілікті атқарушы органдардың бюджеттік бағдарламалар көрсеткіштеріне қол жеткізуі бойынша тиімділігіне, орталық мемлекеттік және жергілікті атқарушы органдардың Азаматтық бюджет жарияланымдарының сапасы мен мазмұнына бағалау жүргізу, бюджеттеудің жаңа практикаларының (халық қатысатын бюджет) пайдаланылуын бағалау, орталық мемлекеттік органдардың бюджеттік бағдарламаларды іске асыру бойынша есептік деректерін қайта тексеру үшін бюджетті атқару жөніндегі уәкілетті органда Жыл сайынғы бағалау жөніндегі комиссияның кіші тобы болып табылатын жұмыс тобы (бұдан әрі – Бюджетті атқару жөніндегі жұмыс тобы) құрылады. Жұмыс тобының құрамы бюджетті атқару жөніндегі уәкілетті органның бұйрығымен немесе бюджетті атқару жөніндегі уәкілетті орган ведомствосының бұйрығымен бекітіледі.

2-тарау. Мақсаттарға қол жеткізу блогы бойынша операциялық бағалауға арналған ақпарат көздері

      6. Бағаланатын мемлекеттік органдар жыл сайын Бағалау кестесінде белгіленген мерзімде есепті (күнтізбелік) жылдың қорытындысы бойынша есептік ақпаратты электрондық және қағаз жеткізгіштерде бағалауға уәкілетті мемлекеттік органдарға:

      1) Әдістемеге 1-қосымшаға сәйкес нысан бойынша мақсаттардың, нысаналы индикаторлардың орталық мемлекеттік органның бюджеттік бағдарламаларымен өзара байланысы туралы ақпаратты;

      2) Әдістемеге 2-қосымшаға сәйкес нысан бойынша бағаланатын бюджеттік даму бағдарламаларының (жергілікті атқарушы органдар) тікелей нәтижелеріне қол жеткізу туралы ақпаратты;

      3) Әдістемеге 3-қосымшаға сәйкес нысан бойынша Азаматтық бюджет жарияланымдарының мазмұнына және орналастыру тәртібіне қойылатын талаптарды орындау туралы ақпаратты;

      4) түсіндірме жазбаны (жергілікті атқарушы органдар) ұсынады.

      Жергілікті атқарушы органдардың бағаланатын бюджеттік даму бағдарламаларының тікелей нәтижелеріне қол жеткізуі туралы түсіндірме жазбада бағалау өлшемшарттары бөлінісінде ақпарат көрсетіледі.

      Мемлекеттік органдар бағалайтын стратегиялық жоспардың нысаналы индикаторларын нақты орындау көрсеткіштері үтірден кейін екі белгіге дейін математикалық дөңгелектеуді ескере отырып қалыптастырылады.

      Ескерту. 6-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      7. Мемлекеттік аудит және қаржылық бақылау органдары Әдістемеге 4-қосымшаға сәйкес нысан бойынша мемлекеттік аудит нәтижелері және мемлекеттік аудит және қаржылық бақылау органдарының нұсқамаларын, қаулыларын орындау туралы ақпаратты бюджетті атқару жөніндегі уәкілетті органға ұсынады.

      Мақсаттарға қол жеткізу блогы бойынша операциялық бағалау ұсынылған есептік ақпарат, сондай-ақ Бағалау кестесіне сәйкес олардың ресми интернет-ресурстарында орналастырылған:

      1) орталық мемлекеттік органдардың стратегиялық жоспарлары;

      2) жергілікті атқарушы органдардың аумақтарды дамыту бағдарламалары;

      3) стратегиялық жоспарларды іске асыру туралы есептер;

      4) аумақтарды дамыту бағдарламаларын іске асыру туралы есептер;

      5) бюджетті атқару жөніндегі уәкілетті органның бағаланатын орталық мемлекеттік және жергілікті атқарушы органдардың бюджетті атқаруы туралы статистикалық есебі;

      6) статистикалық және ведомстволық деректер;

      7) халықаралық рейтингілер;

      8) Азаматтық бюджет туралы деректер;

      9) басқа да дереккөздер (болған жағдайда) негізінде жүзеге асырылады.

      Ескерту. 7-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

3-тарау. Бағаланатын мемлекеттік органдардың есептік ақпаратында қамтылған деректерді қайта тексеру

      8. Бағалауға уәкілетті мемлекеттік органдар бағаланатын мемлекеттік органдардың есептік ақпаратындағы деректерді олардың анықтығы тұрғысынан қайта тексеру жүргізеді.

      9. Деректердің анықтығын бағаланатын мемлекеттік органдар қамтамасыз етеді және статистикалық, ведомстволық деректермен, халықаралық бәсекеге қабілеттілік көрсеткіштерімен, сондай-ақ салалық орталық мемлекеттік органдардың есептік деректерімен расталады.

      10. Бағалау жүйесінің 42-тармағына сәйкес бағалауға уәкілетті мемлекеттік органдар бағаланатын мемлекеттік органдардың есептік ақпаратында қамтылған деректерді қайта тексеруді (бұдан әрі – қайта тексеру) жүзеге асырады. Бұл ретте қайта тексеруге жататын бағаланатын мемлекеттік органдардың есептік ақпараты Бағалау жүйесінің 43-тармағына сәйкес айқындалады.

      11. Қайта тексеру стратегиялық жоспарларды/аумақтарды дамыту бағдарламаларын және бюджеттік бағдарламаларды іске асыру бойынша ұсынылған ақпараттың дұрыстығын анықтау тұрғысынан жүргізіледі.

      12. Қайта тексеру рәсімі растайтын құжаттарды (ведомстволық есептер, орындалған жұмыстар мен көрсетілген қызметтер актілері, хаттамалар, хаттар) жинау және талдаудан, сондай-ақ бағаланатын мемлекеттік органдарға барудан тұрады. Есептік ақпараттағы деректерді қайта тексерудің қорытындысы бойынша Әдістемеге 5-қосымшаға сәйкес нысан бойынша Салыстырып тексеру актісі (бұдан әрі - Салыстырып тексеру актісі) жасалады.

      13. Қайта тексеру шеңберінде бағалауға уәкілетті органдар құпиялылық белгісі, сондай-ақ "Қызмет бабында пайдалану үшін" деген белгісі бар құжаттарды қоспағанда, растайтын құжаттардың электрондық көшірмелерін алады.

      Егер нысаналы индикаторды есептеу кезінде бірнеше жыл ішіндегі жинақтаушы деректер қолданылса, онда есептік ақпараты қайта тексеруге жататын органдар жинақтаушы есептеулердің анықтығын растайтын бірнеше жыл ішіндегі ақпаратты береді.

      Есептік ақпараты қайта тексеруге жататын мемлекеттік органдар растайтын құжаттарды осы рәсімді жүргізу кезеңінде ғана ұсынады. Сондай-ақ орталық мемлекеттік органдар үшін растайтын құжаттар (атап айтқанда ресми хаттар, сұрау салулар және тағы басқа) есепті жылдан кейінгі жылдың 15 ақпанына дейінгі күнмен, жергілікті атқарушы органдар үшін – есепті жылдан кейінгі жылдың 1 наурызына дейінгі күнмен ұсынылады.

      Ескерту. 13-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      14. Бюджетті атқару жөніндегі уәкілетті орган орталық мемлекеттік органдардың бюджеттік бағдарламаларының нәтижелеріне қол жеткізу көрсеткіштерін қайта тексеру нәтижелері бойынша Салыстырып тексеру актісін Есеп комитетіне жыл сайын 10 сәуірге дейінгі мерзімде ұсынады.

4-тарау. Есептік ақпараттың уақтылылығын, толықтығын және анықтығын анықтау рәсімі

      15. Бағаланатын мемлекеттік орган Бағалау кестесіне сәйкес толық және анық есептік ақпаратты уақтылы ұсынуды қамтамасыз етеді.

      16. Бағаланатын мемлекеттік орган бағалауға уәкілетті мемлекеттік органдарға есептік ақпаратты уақтылы, анық ұсынбаған жағдайда бағаланатын мемлекеттік органның аталған блок бойынша қорытынды бағасынан айыппұл балдары шегеріледі.

      17. Бағалау кестесінде көзделген мерзімнен кеш ұсынылған/орналастырылған есептік ақпарат уақтылы ұсынылмаған болып танылады.

      Бағаланатын мемлекеттік орган есептік ақпаратты уақтылы ұсынбағаны/орналастырмағаны үшін 1,5 айыппұл балы шегеріледі.

      18. Бағаланатын мемлекеттік орган толық емес есептік ақпаратты ұсынғаны/орналастырғаны үшін 2 айыппұл балы шегеріледі.

      Есептік ақпараттың құрылымына қойылатын белгіленген талаптарда көзделген элементтері (қосымшалар, бөлімдер, кестелер) жоқ есептік ақпарат толық емес болып танылады.

      19. Бағаланатын мемлекеттік орган анық емес есептік ақпаратты ұсынғаны/орналастырғаны үшін әрбір тіркелген факт үшін 0,2 айыппұл балы шегеріледі.

      Қайта тексеру барысында шындыққа сәйкес келмейтін фактілер анықталған есептік ақпарат анық емес болып танылады.

      Мемлекеттік органның стратегиялық жоспарының немесе аумақтарды дамыту бағдарламасының мақсаттарына қол жеткізу бойынша анық емес ақпаратты ұсынғаны үшін 2,5-тен аспайтын балл және бюджеттік бағдарламалардың көрсеткіштеріне қол жеткізу бойынша 2,5-тен аспайтын балл шегеріледі.

      Бағаланатын мемлекеттік орган өткен есепті жылдың Салыстырып тексеру актісін ескере отырып, анық емес есептік ақпаратты қайта ұсынғаны/орналастырғаны үшін әрбір тіркелген факт үшін 0,5 айыппұл балы шегеріледі.

      Шегерілетін айыппұл балдарының жалпы сомасы 6,5 балдан аспайды.

      Анық емес ақпаратты ұсыну фактілері деректерді қайта тексерудің қорытындысы бойынша Салыстырып тексеру актісінде тіркеледі.

      Ескерту. 19-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      20. Нысаналы индикатор бойынша есептеу әдістемесі болмаған жағдайда әрбір тіркелген факт үшін 0,5 айыппұл балы шегеріледі.

      21. Жергілікті атқарушы органның аумақты дамыту бағдарламасының нысаналы индикаторы бойынша нақты көрсеткіштің жоспарлы мәннен 25-99,99%-ға артығымен орындалуы белгіленсе, онда жоспарлы мәндердің артығымен орындалуының әрбір тіркелген фактісі үшін 0,5 айыппұл балы, 100%-ға және одан көп – 0,9 балл шегеріледі. Көрсеткіштердің артығымен орындалуы тек өңірлік көрсеткіштер бойынша ескеріледі.

      Ескерту. 19-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      22. Егер бюджеттік бағдарламалардың тікелей және түпкілікті нәтижелерінің көрсеткіштері бойынша нақты мәндердің жоспарлы мәндерден 5%-ке артығымен орындалуы белгіленген жағдайда, жоспарлы мәндердің артығымен орындалуының әрбір тіркелген фактісі үшін 0,2 айыппұл балы шегеріледі.

      23. Шегерімдер туралы ақпарат Қорытындыда орталық мемлекеттік органның/жергілікті атқарушы органның "Балдарын шегеру" деген бөлімде көрсетіледі.

5-тарау. Орталық мемлекеттік органдарды мақсаттарға қол жеткізу блогы бойынша операциялық бағалау

      24. Мақсаттарға қол жеткізу блогы бойынша операциялық бағалау мемлекеттік органның стратегиялық жоспарының мақсаттарына қол жеткізу деңгейін және бюджеттік бағдарламаларды орындаудың тиімділігін айқындау арқылы жүзеге асырылады.

      25. Орталық мемлекеттік органдар қызметінің тиімділігін операциялық бағалау мынадай өлшемшарттар бойынша жүзеге асырылады:

      1) стратегиялық жоспардың мақсаттарына қол жеткізу;

      2) стратегиялық жоспардың мақсаттарына қол жеткізуде бюджеттік бағдарламаларды орындаудың тиімділігі;

      3) стратегиялық жоспар мақсатының бюджеттік бағдарламалармен өзара байланысы;

      4) Азаматтық бюджет жарияланымдарының сапасы мен мазмұны.

      26. Орталық мемлекеттік органның мақсаттарға қол жеткізу блогы бойынша операциялық бағалау нәтижелері туралы қорытынды осы Әдістемеге 6-қосымшаға сәйкес нысан бойынша қалыптастырылады.

1-параграф. "Аi" "Стратегиялық жоспардың мақсаттарына қол жеткізу" өлшемшарты бойынша бағалау

      27. Орталық мемлекеттік органдардың стратегиялық жоспарларының мақсаттарына қол жеткізуі бойынша бағалауды Есеп комитеті жүзеге асырады.

      Тиімділікті бағалау мемлекеттік органның стратегиялық жоспарының мақсаттарына қол жеткізу деңгейін айқындау арқылы жүзеге асырылады.

      28. "Аi" "Стратегиялық жоспардың мақсатына қол жеткізу" өлшемшарты бойынша бағалау мына формула бойынша есептеледі:



      мұнда:

      hj – стратегиялық жоспардың тиісті мақсатына қол жеткізу үшін көзделген әрбір нысаналы индикаторға қол жеткізу коэффициенті;

      m – стратегиялық жоспардың тиісті мақсатына қол жеткізу үшін көзделген нысаналы индикаторлардың саны.

      Егер нысаналы индикатор серпінінің сипаты оң болса, нысаналы индикаторға қол жеткізу коэффициенті іс жүзінде орындалғанның жоспарлы мәнге арақатынасына тең болады:

      hj = факт/жоспар.

      Егер нысаналы индикатор серпінінің сипаты теріс болса, нысаналы индикаторға қол жеткізу коэффициенті:

      hj = 2 – факт/жоспарға тең болады.

      Серпіннің теріс сипатындағы көрсеткіштің нақты мәні жоспарлы мәннен 2 есе немесе одан да көп болғанда, онда осы нысаналы индикаторға қол жеткізу коэффициенті 0-ге теңестіріледі.

      Бұл ретте:

      егер hj ≥ 1, онда hj = 1,

      егер hj < 1, онда hj = фактінің жоспарлы мәнге арақатынасы/жоспарланған мәннің нақты орындалғанға арақатынасы;

      егер hj ˂ 0, онда hj = 0.

      Есепті кезеңде жоспарлы мәні жоқ нысаналы индикатор стратегиялық жоспардың мақсатына қол жеткізу коэффициентін есептеуге алынбайды.

      Мемлекеттік органның қызметіне тәуелді емес факторларға байланысты (Үкіметтің тапсырмалары, төтенше жағдайлардың салдарлары) іс-шаралар мен міндеттемелердің орындалмау жағдайларын қоспағанда, тиісті қаржы жылына арналған нысаналы индикаторлар мен нәтижелер көрсеткіштерінің жоспарлы мәндерін төмендетуге жол берілмейді.

      Нысаналы индикатордың өлшем бірлігі уақыт болғанда (сағат: минут), онда индикаторға қол жеткізуді есептеу кезінде өлшем бірлігінің бірыңғай форматы (сағаттар немесе минуттар) есепке алынады.

      12 айдың деректерін ұсыну мүмкін болмаған кезде, нысаналы индикатор стратегиялық жоспардың мақсатына қол жеткізу коэффициентін есептеуге алынбайды.

      Жоспарлы және нақты мәні 0-ге (оң серпін кезінде) тең нысаналы индикатор есептеуге алынбайды.

      Стратегиялық жоспардың мақсаттарына қол жеткізу коэффициентін есептеу кезінде индикаторды артығымен орындау фактілерінің, индикатордың жоспарлы мәндерін азаю жағына қарай түзетулердің болуы, өткен жылдың фактісімен салыстырғанда фактінің оң серпінінің болмауы ескеріледі.

      Мемлекеттік органның қызметіне тәуелді емес факторларға байланысты (Үкіметтің тапсырмалары, төтенше жағдайлардың салдарлары) (іс-шаралар мен міндеттемелердің орындалмау) жағдайларды қоспағанда, индикатордың жоспарлы мәндерінің азаю және/немесе қол жеткізілмеу жағына қарай түзетулерді қоспағанда, аталған фактілер болған жағдайда, hj нысаналы индикаторына қол жеткізу нәтижесі 0,9 коэффициентіне көбейтіледі.

      Артығымен орындау фактісі 100%-дан асқанда, hj нысаналы индикаторына қол жеткізу нәтижесі 0,8 коэффициентіне көбейтіледі.

      Бағалау кезінде "Құпия" деген белгісі бар мақсаттар мен нысаналы индикаторлар ескерілмейді.

      Ескерту. 28-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

2-параграф. "Bi" "Стратегиялық жоспардың мақсатына қол жеткізу үшін бюджеттік бағдарламаларды орындаудың тиімділігі" өлшемшарты бойынша бағалау

      29. Бюджеттік бағдарламалардың көрсеткіштеріне қол жеткізу бойынша мемлекеттік органдардың тиімділігін бағалауды бюджетті атқару жөніндегі уәкілетті мемлекеттік орган жүзеге асырады.

      Bi өлшемшарты бойынша стратегиялық мақсатқа қол жеткізу үшін көзделген бюджеттік бағдарламалардың белгіленген нәтижелерін іске асырудың тиімділігі бағаланады.

      Есепті жылдан кейінгі жылдың 1 сәуіріне дейінгі мақсаттарға қол жеткізуде бюджеттік бағдарламалардың орындалу тиімділігінің коэффициентін бағалау үшін есепті кезеңде бағаланатын орталық мемлекеттік органдардың бюджеттік бағдарламаларына талдау жүргізіледі. Мақсаттарға қол жеткізу үшін көзделген бюджеттік бағдарламалардың орындалу тиімділігін айқындау бойынша жұмыс есептері жүргізіледі (бюджеттік бағдарламаның тікелей және түпкілікті нәтижелерінің орташа мәндеріне қол жеткізу пайызы тиісті қаржы жылына бөлінген қаражаттың нақты игерілу пайызына бөлінеді және 100-ге көбейтіледі).

      Ескерту. 29-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      30. Bi "Стратегиялық жоспардың мақсатына қол жеткізуде бюджеттік бағдарламаларды орындаудың тиімділігі" өлшемшартын есептеу мына формула бойынша жүзеге асырылады:



      мұнда:

      rz – мақсатқа қол жеткiзудегі әрбiр бюджеттік бағдарламаның орындалу тиiмдiлiгінің коэффициентi;

      t – мақсатқа қол жеткізудегі бюджеттік бағдарламалардың саны.

      Мақсатқа қол жеткiзудегі әрбiр бюджеттiк бағдарламаның орындалу тиімділігінің коэффициентi (rz) бюджеттік бағдарламаның бюджет қаражатын игеру коэффицентіне тiкелей және түпкiлiктi нәтижелер көрсеткіштеріне қол жеткiзу коэффициенттерiнiң орташа арифметикалық мәнiн бөлу жолымен есептеледi.

      Тікелей және түпкілікті нәтижелерге қол жеткізу көрсеткіштері асыра орындалған жағдайда, 100%-тен аспайтын мән көрсеткіші бойынша есепке алынады.

      Қаражаттың игерілуі 90% және одан аз, ал нәтижелерге қол жеткізу жоғары болған бюджеттік бағдарламалар бойынша орындалу тиімділігінің коэффициенті 0,9-ды құрайтын болады.

      Мысалы, бағдарлама бойынша қаражат 84,5%-ке игерілсе, ал нәтижелерге 100% қол жеткізілсе, бюджеттік бағдарламаның орындалу тиімділігінің коэффициенті 1,2 (100/84,5) құрайды.

      Басқа мысал: қаражат 63%-ке игерілсе, нәтижелерге 75% қол жеткізілсе, бюджеттік бағдарламаның орындалу тиімділігінің коэффициенті 1,2 (75/63) құрайды.

      Мұндай жағдайларда осындай бағдарламаларға орындаудың 0,9 тиімділік коэффициенті қолданылады.

      Мемлекеттік органның стратегиялық жоспарының мақсаттарына және/немесе нысаналы индикаторларына қол жеткізуге қатысатын барлық бюджеттік бағдарламалар (субвенцияларды қоспағанда) бағалануы тиіс.

      Трансферттер мен бөлінетін бюджеттік бағдарламалар бойынша трансферттерді жіберетін және бөлінетін бюджеттік бағдарламаларды бөлетін бюджеттік бағдарламалар әкімшісінің түпкілікті нәтижелер көрсеткіштері бағаланады.

      Бөлінетін бюджеттік бағдарламалар есебінен қаражат алатын бюджеттік бағдарламалар әкімшілерінің тікелей нәтижелер көрсеткіштері бағаланады.

3-параграф. "Сi" "Стратегиялық жоспар мақсатының бюджеттік бағдарламалармен өзара байланысы" өлшемшарты бойынша бағалау

      31. Стратегиялық жоспар мақсатының бюджеттік бағдарламалар көрсеткіштерімен өзара байланысын бағалауды бюджетті атқару жөніндегі уәкілетті мемлекеттік орган жүзеге асырады.

      "Сi" өлшемшарты бойынша стратегиялық жоспар мақсатының іске асырылатын бюджеттік бағдарламалардың көрсеткіштерімен өзара байланыс дәрежесі бағаланады.

      32. Стратегиялық жоспар мақсатының бюджеттік бағдарламалармен өзара байланыс коэффициенті әрбір бюджеттік бағдарламаны өзара байланыс пен сәйкестікке талдау кезінде сараптама жолымен анықталады.

      Мысалы, егер бюджеттік бағдарлама бойынша 10 көрсеткіштің 2-уі мақсаттарға және/немесе нысаналы индикаторларға қол жеткізуді сипаттамаса, онда өзара байланыс коэффициентін 8/10 қатынасымен есептеу қажет. Бұл жағдайда өзара байланыс коэффициенті 0,8-ге тең болады.

      Әр мақсаттың өзара байланыс коэффициенті оған қол жеткізуге қатысатын барлық бюджеттік бағдарламалардың өзара байланысының орташа арифметикалық мәнімен есептеледі.



      мұнда:

      Сi - стратегиялық жоспар мақсатының бюджеттік бағдарламалармен өзара байланыс коэффициенті;

      Сr - мақсатқа қол жеткізудегі бюджеттік бағдарламаның өзара байланыс коэффициенті;

      t – мақсатқа қол жеткізудегі бюджеттік бағдарламалардың саны.

4-параграф. "E" "Азаматтық бюджет жарияланымдарының сапасы мен мазмұны" өлшемшарты бойынша бағалау

      33. Осы өлшемшарт бойынша қоғамды бөлінген бюджет қаражатының қалыптасуы мен атқарылуы туралы түсінікті хабардар ету, халықтың бюджет процесіне қызығушылығын қалыптастыру мақсатында мемлекеттік органдардың ресми интернет-ресурстарында Азаматтық бюджетті жариялау бойынша талаптардың сақталуы бағаланады.

      Бюджеттік жоспарлау және бюджеттерді атқару сатыларында азаматтық бюджетті жасау мен ұсыну қағидалары Қазақстан Республикасы Қаржы министрінің 2018 жылғы 9 қаңтардағы № 15 бұйрығымен бекітілген (Нормативтік құқықтық актілерді мемлекеттік тіркеу тізілімінде № 16261 болып тіркелген) (бұдан әрі – Қағида).

      34. Интернет-ресурстардың мазмұны Азаматтық бюджет бойынша бекітілген Қағидаға толық сәйкес келген жағдайда айыппұл балдары қолданылмайды; 90%-ке сәйкес болған кезде 0,2 айыппұл балы, 80%-ке сәйкестік - 0,4 балы шегеріледі, яғни сәйкестіктің әрбір төмендеу деңгейіне айыппұл балы ұлғаяды. Азаматтық бюджетті орналастыруға қойылатын талаптар және үлес салмағын бекітілген Қағидаға сәйкестік тұрғысынан есептеу Әдістемеге 3-қосымшада көрсетілген.

5-параграф. Стратегиялық жоспардың мақсатына қол жеткізудің және орталық мемлекеттік органдардың бюджеттік бағдарламаларының орындалу тиімділігінің қорытынды есептемесі

      35. Стратегиялық жоспардың мақсатына қол жеткізуді және мақсатқа қол жеткізуде бюджеттік бағдарламалар көрсеткіштерін есептеу формуласы:

      Ri = (Ai + Bi) /2 × Сi ,

      мұнда:

      Ai – стратегиялық жоспардың мақсатына қол жеткізу коэффициенті;

      Bi – стратегиялық жоспардың мақсаттарына қол жеткізудегі бюджеттік бағдарламалардың орындалу тиімділігінің коэффициенті;

      Сi – стратегиялық жоспар мақсатының бюджеттік бағдарламалармен өзара байланыс коэффициенті.

      Стратегиялық жоспардың мақсатына қол жеткізу және бюджеттік бағдарламалардың орындалу тиімділігін қорытынды есептеу кезінде әрбір нысаналы индикатор бойынша коэффициент есептеледі.

      Ескерту. 35-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      36. Орталық мемлекеттік органдардың бюджеттік бағдарламалардың мақсаттарына және көрсеткіштеріне қол жеткізуінің тиімділігін бағалау коэффициенті үтірден кейінгі екі белгіге дейін математикалық дөңгелектеу ескеріле отырып қалыптастырылады.

6-параграф. Орталық мемлекеттік органдарды "Мақсатқа қол жеткізу" бойынша жалпы бағалау

      37. Орталық мемлекеттік органдардың "Мақсатқа қол жеткізу" бойынша тиімділігін жалпы бағалау мына формула бойынша анықталады:



      мұнда:

      RОМО – орталық мемлекеттік органның бюджеттік бағдарламалардың мақсаттары мен көрсеткіштеріне қол жеткізуінің тиімділігін қорытынды бағалау;

      Ri – стратегиялық жоспардың мақсатына және мақсатқа қол жеткізудегі бюджеттік бағдарламалардың көрсеткіштеріне қол жеткізу коэффициенті;

      n – стратегиялық жоспар мақсаттарының саны;

      W – айыппұл балдары.

      E – "Азаматтық бюджет бойынша жарияланымдардың сапасы мен мазмұны" өлшемшарты бойынша айыппұл балы.

      38. Орталық мемлекеттік органдарды мақсаттарға қол жеткізу блогы бойынша операциялық бағалаудың қорытынды балы үтірден кейінгі екі белгіге дейін математикалық дөңгелектеу ескеріле отырып қалыптастырылады.

      39. Алынған бағалау нәтижесіне сәйкес мемлекеттік органның мақсаттарға қол жеткізу бойынша қызметінің тиімділік дәрежесі анықталады.

      Мемлекеттік орган тиімділігінің жоғары дәрежесі 90-нан 100 балға дейінгі бағалау көрсеткішіне, орташа дәреже - 70-тен 89,99 балға дейінгі көрсеткішке, төмен дәреже - 50-ден 69,99 балға дейінгі көрсеткішке сәйкес келеді. Бағалау нәтижелері бойынша 50 балдан аз алған мемлекеттік органның қызметі тиімсіз болып танылады.

6-тарау. Қазақстан Республикасы Ұлттық Банкінің стратегиялық жоспарының мақсаттарына қол жеткізуін операциялық бағалау

      40. Қазақстан Республикасы Ұлттық Банкі (бұдан әрі – ҚРҰБ) қызметінің тиімділігін операциялық бағалау стратегиялық жоспардың мақсаттарына қол жеткізу өлшемшарты бойынша жүзеге асырылады.

      41. ҚРҰБ стратегиялық жоспарының мақсаттарына қол жеткізуді бағалау мынадай формула бойынша есептеледі:

      RҚРҰБ = ( Ai * 100 ) - W ,

      мұнда:

      Ai – стратегиялық жоспардың мақсатына қол жеткізу коэффициенті;

      W – айыппұл балдары.

7-тарау. Мақсаттарға қол жеткізу блогы бойынша жергілікті атқарушы органдар қызметінің тиімділігін операциялық бағалау

      42. Операциялық бағалау аумақтарды дамыту бағдарламасының мақсаттарына қол жеткізу деңгейін және бюджеттік бағдарламалардың көрсеткіштеріне қол жеткізу бойынша тиімділікті анықтау арқылы жүзеге асырылады.

      43. Жергілікті атқарушы органдар қызметінің тиімділігін операциялық бағалау мынадай өлшемшарттар бойынша жүзеге асырылады:

      1) аумақты дамыту бағдарламасының мақсаттарына қол жеткізу;

      2) бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы;

      3) бюджеттік даму бағдарламаларының тікелей нәтижелеріне қол жеткізу;

      4) бюджеттік даму бағдарламасын орындаудың тиімділігі;

      5) Азаматтық бюджет жарияланымдарының сапасы мен мазмұны;

      6) бюджеттеудің жаңа практикаларын (халық қатысатын бюджет) пайдалану.

      "Аумақты дамыту бағдарламасының мақсаттарына қол жеткізу" өлшемшарты бойынша жергілікті атқарушы органдар қызметінің тиімділігін бағалауды Есеп комитеті жүзеге асырады.

      "Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы", "Бюджеттік даму бағдарламасының тікелей нәтижелеріне қол жеткізу", "Азаматтық бюджет жарияланымдарының сапасы мен мазмұны", "Бюджеттеудің жаңа практикаларын (халық қатысатын бюджет) пайдалану" және "Бюджеттік даму бағдарламасын орындаудың тиімділігі" өлшемшарттары бойынша тиімділікті бағалауды бюджетті атқару жөніндегі уәкілетті орган жүзеге асырады.

      Бюджетті атқару жөніндегі уәкілетті орган "Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы", "Бюджеттік даму бағдарламасының тікелей нәтижелеріне қол жеткізу", "Бюджеттік даму бағдарламасын орындаудың тиімділігі", "Азаматтық бюджет жарияланымдарының сапасы мен мазмұны" және "Бюджеттеудің жаңа практикаларын (халық қатысатын бюджет) пайдалану" өлшемшарттары бойынша қорытындыны қалыптастырады және кестеде белгіленген мерзімде Есеп комитетіне жібереді.

      Ескерту. 43-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      44. Жергілікті атқарушы органдардың мақсаттарға қол жеткізу блогы бойынша операциялық бағалау нәтижелері туралы қорытындылар Әдістемеге 7-қосымшаға сәйкес нысан бойынша қалыптастырылады.

      45. Алынған бағалау нәтижесіне сәйкес бағаланатын мемлекеттік орган қызметінің тиімділік дәрежесі анықталады.

      Бағаланатын мемлекеттік орган қызметі тиімділігінің жоғары дәрежесі 90-нан 100 балға дейінгі бағалау көрсеткішіне, орташа дәреже - 70-тен 89,99 балға дейінгі көрсеткішке, төмен дәреже - 50-ден 69,99 балға дейінгі көрсеткішке сәйкес келеді. Бағалау нәтижелері бойынша 50 балдан аз алған бағаланатын мемлекеттік органның қызметі тиімсіз болып танылады.

1-параграф. "D" "Аумақты дамыту бағдарламасының мақсаттарына қол жеткізу" өлшемшарты бойынша бағалау

      46. "Аумақты дамыту бағдарламасының мақсаттарына қол жеткізу" өлшемшартын есептеу аумақты дамыту бағдарламасының тиісті бөлімінің негізінде мынадай формула бойынша жүзеге асырылады:



      мұнда:

      D – аумақты дамыту бағдарламасының мақсаттарына қол жеткізу коэффициенті;

      hj – тиісті мақсатқа қол жеткізу үшін көзделген әрбір нысаналы индикаторға қол жеткізу коэффициенті;

      m – нысаналы индикаторлардың жалпы саны.

      Бұл ретте:

      егер hj ≥ 1, онда hj = 1,

      егер hj < 1, онда hj = фактінің жоспарлы мәнге арақатынасы;

      егер hj ˂ 0, онда hj = 0.

      "Аумақты дамыту бағдарламасының мақсаттарына қол жеткізу" өлшемшарты бойынша бағалау Әдістемеге 10-қосымшада көрсетілген жалпыұлттық және өңірлік көрсеткіштер негізінде жүзеге асырылады.

      Егер нысаналы индикатор серпінінің сипаты оң болса, нысаналы индикаторға қол жеткізу коэффициенті іс жүзінде орындалғанның жоспарлы мәнге арақатынасына тең болады:

      hj = факт/жоспар.

      Егер нысаналы индикатор серпінінің сипаты теріс болса, нысаналы индикаторға қол жеткізу коэффициенті:

      hj = 2 – факт/жоспарға тең болады.

      Серпіннің теріс сипатындағы көрсеткіштің нақты мәні жоспарлы мәннен 2 есе немесе одан да көп болғанда, онда осы нысаналы индикаторға қол жеткізу коэффициенті 0-ге теңестіріледі.

      Ескерту. 46-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      47. Аумақты дамыту бағдарламасының мақсаттарына қол жеткізу коэффициентін есептеу кезінде:

      есепті кезеңде жоспарлы мәні жоқ нысаналы индикатор мақсатқа қол жеткізу коэффициентін есептеуге алынбайды;

      12 (он екі) айдың деректерін ұсыну мүмкін болмаған жағдайда, нысаналы индикатор аумақты дамыту бағдарламасының мақсатына қол жеткізу коэффициентін есептеуге алынбайды;

      жоспарлы және нақты мәні 0-ге (оң серпін кезінде) тең нысаналы индикатор есептеуге алынбайды.

2-параграф. "L" "Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша бюджет және өзге заңнама бұзушылықтарының болмауы" өлшемшарты бойынша бағалау

      48. "Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы" өлшемшарты бойынша бағалау жүргізу кезінде мыналар:

      тексеріс жүргізілген мемлекеттік аудит және қаржылық бақылау органы;

      есепті кезеңді қамтыған тексерулер саны;

      аудитпен қамтылған мемлекеттік органның және оның ведомстволық бағынысты мекемелерінің бюджет қаражатының жалпы көлемі;

      есепті кезеңде қолданыстағы заңнама шеңберінде анықталған бұзушылықтар, соның ішінде:

      қаржылық бұзушылықтар;

      бухгалтерлік есеп пен қаржылық есептілік заңнамасын бұзушылық;

      камералдық бақылаумен анықталған бұзушылықтарды және конкурстарды ұйымдастырушылар сот тәртібінде шағымданған бұзушылықтар сомаларын қоспағанда, мемлекеттік сатып алу туралы заңнаманың бұзушылықтары көрсетіледі.

      Ішкі аудит қызметі жүргізген бюджеттік шығыстармен өзара байланыста аумақты дамыту бағдарламаларының мақсаттарына қол жеткізуді талдаудың болуы туралы ақпарат ұсынылады.

      Ескерту. 48-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      49. Осы өлшемшарт бойынша балл Әдістемеге 8-қосымшаға сәйкес қойылады және бюджеттік даму бағдарламалары әкімшілерінің бөлінісінде орташа балл түрінде анықталады.

3-параграф. "Z" "Бюджеттік даму бағдарламасының тікелей нәтижелеріне қол жеткізу" өлшемшарты бойынша бағалау

      50. "Бюджеттік даму бағдарламасының тікелей нәтижелеріне қол жеткізу" өлшемшарты бойынша балл "Бюджеттік даму бағдарламасының тікелей нәтижелеріне қол жеткізу" және "Бюджеттік бағдарламалар нәтижелілігі көрсеткіштерін жоспарлау сапасы" деген екі көрсеткіш бойынша айқындалады.

      Тікелей нәтиже көрсеткіштері орындалатын мемлекеттік функциялар, өкілеттіктер мен көрсетілетін мемлекеттік қызметтердің аталған бюджеттік бағдарлама бойынша көзделген бюджет қаражаты шегіндегі көлемінің сандық сипаттамасын көрсететін көрсеткіштер болып табылады.

      Бюджеттік даму бағдарламалары бойынша тікелей нәтиже көрсеткіштерінде бюджеттік инвестициялардың атаулары бойынша тізбесі көрсетіледі. Бұл ретте, ұзақ жалғасатын сипаттағы объектілер іске асырылған кезде ағымдағы қаржы жылында орындалатын жұмыстар мен қызметтердің көлемі көрсетіледі, ал олар аяқталған жағдайда, ағымдағы қаржылық жылы аяқталған инвестициялық жобалардың атаулары көрсетіледі. Орындалатын жұмыстардың және қызметтердің көлемі нақты мәнінде көрсетіледі.

      Егер даму бағдарламалары бойынша ағымдағы шығыстар (кредиторлық берешекті өтеу, конкурстарды өткізуге, активтерді сатып алуға, құқық белгілейтін және растайтын құжаттарды алуға арналған шығыстар) көзделсе, онда осы бағдарлама бағалау кезінде ескерілмейді.

      Орындалған жұмыс көлемдерінің актілеріне келесі қаржы жылының қаңтарында қол қойылғанда, тікелей нәтижені қол жеткізілген ретінде ескеру қажет.

      Бір бюджеттік бағдарлама бойынша тікелей нәтижеге қол жеткізу балы мынадай формула бойынша айқындалады:

      Z = F/Q * 18

      мұнда:

      Z – бір бюджеттік бағдарлама бойынша тікелей нәтижеге қол жеткізу балы;

      F – әрбір іс-шараның нақты қол жеткізілген көрсеткіштерінің саны;

      Q – бюджеттік бағдарламалар көрсеткіштерінің жалпы саны;

      18 – бюджеттік даму бағдарламасының тікелей нәтижелеріне қол жеткізудің ең жоғары балы.

      Тікелей нәтижеге қол жеткізу өлшемшарты бойынша ең жоғары балл – 20, соның ішінде бюджеттік даму бағдарламаларының тікелей нәтижелеріне қол жеткізу – 18 балл; бюджеттік бағдарламалардың көрсеткіштерін жоспарлау сапасын қамтамасыз ету – 2 балл.

      Бұл ретте 80% және одан астам нәтижесі бар көрсеткіштерге нақты қол жеткізілді деп есептеледі

      Бюджеттік бағдарлама әкімшісі бойынша әрбір бюджеттік бағдарлама бойынша балдарды қосу және алынған соманы бюджеттік бағдарламалардың жалпы санына бөлу жолымен барлық бюджеттік бағдарламалар бойынша тікелей нәтижелерге қол жеткізудің орташа балы айқындалады.

      Жергілікті атқарушы орган бойынша жергілікті бюджеттік бағдарламалардың барлық әкімшісі бойынша бюджеттік даму бағдарламаларының тікелей нәтижелеріне қол жеткізу өлшемшарттары бойынша орташа бағалау айқындалады.

      Осы өлшемшарттың көрсеткіштерін артығымен орындаған кезде көрсеткіш бойынша 100% мәні ескеріледі.

      Жарғылық капиталдың ұлғаюын көздейтін бюджеттік бағдарламалар бойынша нәтижелерге қол жеткізуді бағалау іске асырылуы бағаланатын қаржы жылына көзделген қаржылық-экономикалық негіздемеде көрсетілген іс-шаралар бойынша жүзеге асырылады.

      Бюджеттік бағдарламалар бойынша тікелей нәтижелер көрсеткіштері сандық сипаттамалардың орнына тікелей нәтижеге қол жеткізуді бағалауға мүмкіндік бермейтін іс-шараларды көздесе, онда осы бюджеттік бағдарлама сапасыз жоспарлаудың нәтижесі ретінде бағаланады.

      Бюджеттік даму бағдарламаларын іске асыру шеңберінде талдамалық ақпарат үшін жоспарланған объектілерді белгіленген мерзімде (жоспар және факт) тапсыру (енгізу) туралы деректер және есепті кезеңде пайдалануға берілмеген объектілер тізбесі пайдалануға берудің кешіктірілу себептері көрсетіле отырып ұсынылады.

      "Бюджеттік бағдарламалар нәтижелілігінің көрсеткіштерін жоспарлау сапасы" көрсеткіші бойынша бағалау бюджеттік бағдарламалар әкімшілері бекіткен бюджеттік бағдарламалар нәтижелілігінің көрсеткіштерін талдау арқылы жүзеге асырылады.

      Мемлекеттік органның барлық бюджеттік бағдарламаларында санмен өлшенетін және бағалауға жататын, сондай-ақ бюджеттік бағдарламалар әкімшісінің мақсаттары мен міндеттеріне және мемлекеттік жоспарлау жүйесінің құжаттарына сәйкес келетін нәтижелілік көрсеткіштері болған кезде, оларға ең жоғары балл беріледі.

      Бюджеттік бағдарламада тікелей және/немесе түпкілікті нәтиже болмаған кезде, тікелей нәтижеге қол жеткізуді бағалауға мүмкіндік бермейтін сандық сипаттамалардың орнына іс-шаралар болған, тікелей нәтижелердің түпкілікті нәтижелермен қайталануы, бюджеттік бағдарлама көрсеткіштерінің басқа бюджеттік бағдарлама көрсеткіштерімен қайталануы, өлшенбейтін мәндер, жоспарлы мәндердің төмендеуі, сондай-ақ тікелей нәтижелер көрсеткіштерінің бюджеттік бағдарламалар әкімшілерінің мақсаттары мен міндеттеріне мемлекеттік жоспарлау жүйесінің құжаттарына сәйкес келмеуі, сондай-ақ объектілерді салудың (реконструкциялау) нормативтік мерзімдері асып кеткен жағдайда оған 0 балл беріледі.

      Одан әрі тиісті балл берілетін аталған көрсеткіш бойынша бағаланатын барлық бюджеттік бағдарламалар бойынша орташа балл айқындалады.

      Бекітілген бюджеттік бағдарламалар және оларды іске асыру бойынша есептер, сондай-ақ есепті кезеңде тікелей көрсеткіштерге қол жеткізудің нақты мәнін растайтын құжаттар, соның ішінде орындалған жұмыстар актілері, объектілерді қабылдау актілері, жүкқұжаттар, қабылдау-тапсыру актілері, жобалау-сметалық құжаттамаларды әзірлеу кезіндегі мемлекеттік сараптама қорытындылары ақпарат көздері болып табылады.

      Ескерту. 50-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

4-параграф. "G" "Бюджеттік даму бағдарламасын орындаудың тиімділігі" өлшемшарты бойынша бағалау

      51. "Бюджеттік даму бағдарламасын орындаудың тиімділігі" өлшемшарты бойынша бағалау бюджеттік бағдарламаның тікелей нәтижесіне қол жеткізу процентін тиісті қаржы жылына бөлінген қаражаттың нақты игерілу процентіне бөлу арқылы жүзеге асырылады.

      52. Бюджеттік бағдарламаны орындаудың тиімділігі мынадай жолмен анықталады:

      Б/б тиімд. = % ТН/% ҚИ * 18,

      мұнда:

      Б/б тиімд. – бюджеттік бағдарламаны орындау тиімділігі;

      % ТН – тікелей нәтижеге қол жеткізу пайызы;

      % ҚИ – бюджет қаражатын игеру пайызы;

      18 – ең жоғары балл.

      80%-тен кем нәтижелерге қол жеткізілген жағдайда, бюджеттік бағдарламаны орындаудың тиімділігі 0 балл деп есептеледі.

      Бюджеттік бағдарлама әкімшісі бойынша әрбір бюджеттік бағдарлама бойынша балдарды қосу және алынған соманы бюджеттік бағдарламалардың жалпы санына бөлу арқылы барлық бюджеттік бағдарламалар бойынша орташа тиімділік балы айқындалады.

      Одан әрі жергілікті атқарушы орган бойынша бағалау барлық жергілікті бюджеттік бағдарламалар әкімшілері бойынша бюджеттік даму бағдарламасының орындалу тиімділігі өлшемшартының орташа балы түрінде айқындалады.

5-параграф. "O" "Азаматтық бюджет жарияланымдарының сапасы мен мазмұны" өлшемшарты бойынша бағалау

      53. Бұл өлшемшарт бойынша қоғамды республикалық және жергілікті бюджеттердің қалыптасуы мен атқарылуы туралы түсінікті хабардар ету, халықтың бюджет процесіне қызығушылығын қалыптастыру мақсатында жергілікті атқарушы органдардың ресми интернет-ресурстарында Азаматтық бюджетті, сондай-ақ Ашық бюджетті1 жариялау бойынша талаптардың сақталуы бағаланады.

      54. Интернет-ресурстардың мазмұны бекітілген Қағиданың талаптарына толық сәйкес келген жағдайда 2,0 балл; 80%-ке дейін сәйкес келген жағдайда - 1 балл, одан төмен - 0 балл беріледі (Әдістемеге 3-қосымша).

      __________________________

      1Ескертпе:

      "Ашық бюджеттер" тақырыбы "Ашық Үкімет" тұжырымдамасының өзге де компоненттерімен ("Ашық деректер", "Ашық НҚА", "Ашық диалог" және "Мемлекеттік органдар қызметінің тиімділігін бағалау") бірге іске асырылады

6-параграф. "N" "Бюджеттеудің жаңа практикаларын (халық қатысатын бюджет) пайдалану" өлшемшарты бойынша бағалау

      55. Осы өлшемшарт бойынша бюджеттік қатынастардың жаңа құралы ретінде азаматтардың, жұртшылықтың қатысуымен (халық қатысатын бюджет) өңір бюджетінің белгілі бір үлесінің жоспарлануы мен атқарылуы бағаланады. Өлшемшарт халықтың қоғамдық қаржыны басқаруға қатысуына, оның мемлекеттік шешімдерді қабылдаудың нақты процесіне қатысты болуына және осы шешімдерге ықпал ету мүмкіндігіне бағытталған (жергілікті маңызы бар жобаларды қалыптастыру, осы мақсаттарға көзделген бюджет қаражатының нысаналы және тиімді атқарылуын іске асыру және бақылау жолымен).

      Бұл ретте азаматтардың қатысуымен және олардың ұсыныстары бойынша облыстың, республикалық маңызы бар қалалардың және астананың жергілікті атқарушы органдарының бюджеті 5%-ға дейін бөлінгенде 1,2, 3%-ға дейін - 1,1 бонустық түзету коэффициенті қолданылады.

      Ескерту. 55-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

7-параграф. Жергілікті атқарушы органдарды мақсаттарға қол жеткізу блогы бойынша операциялық бағалаудың қорытынды балы

      56. Жергілікті атқарушы органдарды операциялық бағалаудың қорытынды балы мынадай формула бойынша есептеледі:

      RЖАО == ((0,3*D+0,7*T)*0,5) + ((L + Z + G + O) * N) - W

      мұнда:

      RЖАО – жергілікті атқарушы органдарды мақсаттарға қол жеткізу блогы бойынша операциялық бағалаудың қорытынды балы;

      D – жалпыұлттық көрсеткіштерге қол жеткізу;

      T – өңірлік көрсеткіштерге қол жеткізу;

      L – бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы;

      Z – бюджеттік даму бағдарламасының тікелей нәтижелеріне қол жеткізу;

      G – бюджеттік даму бағдарламасын орындаудың тиімділігі;

      O – Азаматтық бюджет жарияланымдарының сапасы мен мазмұны;

      N – бюджеттеудің жаңа практикаларын пайдалану (халық қатысатын бюджет);

      W – айыппұл балдары.

      Ескерту. 56-тармақ жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

8-тарау. Бағалау нәтижелеріне шағымдану рәсімі

      57. Қорытындыны алған күннен бастап бағаланатын мемлекеттік орган бағалау нәтижелерімен келіспеген жағдайда, 5 жұмыс күні ішінде бағалауға уәкілетті мемлекеттік органдарға өзінің қарсылықтарын жібере алады. Белгіленген мерзім аяқталғаннан кейін бағаланатын мемлекеттік органдардың қарсылықтары қабылданбайды.

      58. Бағалау нәтижелеріне шағымдану растайтын құжаттарды ұсынумен дәлелденеді және негізделеді. Растайтын құжаттары мен негіздемелері жоқ, сондай-ақ мемлекеттік жоспарлау саласындағы нормативтік құқықтық актілердің және "Қазақстан Республикасындағы Мемлекеттік жоспарлау жүйесінің кейбір мәселелері туралы" Қазақстан Республикасы Ұлттық экономика министрінің 2018 жылғы 19 ақпандағы № 64 бұйрығының (Нормативтік құқықтық актілерді мемлекеттік тіркеу тізілімінде № 16493 болып тіркелген) ережелеріне қайшы келетін қарсылықтар қаралмайды.

      59. Бағалаудың нәтижелеріне қарсылықтар болмаған жағдайда, бағаланатын мемлекеттік орган 5 жұмыс күні ішінде бағалауға уәкілетті мемлекеттік органдарға тиісті хабарлама жібереді.

      60. Бағалау жүйесінің 59-тармағына сәйкес шағымдану рәсімін жүргізу үшін бағалауға уәкілетті мемлекеттік органдарда арнайы комиссия құрылады, оның құрамына қарсылықтарын білдірген мемлекеттік органдардың тиімділігін бағалауға қатысқан қызметкерлер кіре алмайды.

      Арнайы комиссияның саны мен құрамын бағалауға уәкілетті мемлекеттік органдар өз бетінше айқындайды, бірақ кемінде 5 адам болуы тиіс.

      61. Бағаланатын мемлекеттік органдардан растайтын құжаттарымен бірге қарсылықтарды алған күннен бастап бес жұмыс күні ішінде бағалауға уәкілетті мемлекеттік органдар Әдістемеге 9-қосымшаға сәйкес нысан бойынша Мемлекеттік органдар қызметінің тиімділігін операциялық бағалау нәтижелері бойынша келіспеушіліктер кестесін (бұдан әрі – Келіспеушіліктер кестесі) қалыптастырады және арнайы комиссияның қарауына енгізеді.

      62. Арнайы комиссия қарсылықтарды қарау және бағалау нәтижелерінің объективтілігін анықтау бойынша отырыстар өткізеді, оларға қарсылықтарын жіберген бағаланатын мемлекеттік органдардың өкілдері, мүдделі салалық орталық мемлекеттік органдардың өкілдері, сондай-ақ мемлекеттік органдарды бағалауға қатысқан қызметкерлер шақырылады.

      63. Арнайы комиссия отырыстарының нәтижелері бойынша Келіспеушіліктер кестелері пысықталады, оларға арнайы комиссия төрағасы қол қояды және бағаланатын мемлекеттік органның назарына жеткізіледі.

      Қарсылықтар қабылданған жағдайда бюджетті атқару жөніндегі уәкілетті орган бюджеттік бағдарламалар көрсеткіштеріне қол жеткізу тиімділігін бағалау нәтижелері туралы түзетілген қорытындыны жергілікті атқарушы органдарға және Есеп комитетіне жолдайды.

      64. Бағалау жүйесінің 62-тармағына сәйкес бағаланатын мемлекеттік органдар шағымдану рәсімінен кейін бес жұмыс күні ішінде бағалаудың қорытындысына қатысты Қазақстан Республикасы Президентінің Әкімшілігіне шағымдана алады.

9-тарау. Қайта ұйымдастырылған және таратылған мемлекеттік органдарға бағалау жүргізу тәртібі

      65. Мемлекеттік орган бағаланатын жылдың бірінші жартыжылдығында қайта ұйымдастырылған немесе таратылған жағдайда аталған мемлекеттік органды бағалау осы Әдістемеге сәйкес құқықтық мирасқор-мемлекеттік органды бағалау шеңберінде жүзеге асырылады.

      66. Мемлекеттік орган бағаланатын жылдың екінші жартыжылдығында қайта ұйымдастырылған немесе таратылған жағдайда, оның қызметін бағалау жүзеге асырылмайды, ал аталған мемлекеттік органның қызметін талдау нәтижелері құқықтық мирасқор-мемлекеттік органға бағалаудың қорытындысы бойынша берілген ұсынымдар мен ұсыныстарды әзірлеу кезінде ескеріледі.

  Мақсаттарға қол жеткізу блогы
бойынша операциялық бағалау
әдістемесіне
1-қосымша
  Нысан

Мақсаттардың, нысаналы индикаторлардың орталық мемлекеттік органның бюджеттік бағдарламаларымен өзара байланысы туралы ақпарат

      1. Мақсаттарға, нысаналы индикаторларға және бюджеттік бағдарламалар мен кіші бағдарламалардың көрсеткіштеріне қол жеткізу

Мақсаттардың, нысаналы индикаторлардың, бюджеттік бағдарламалардың, кіші бағдарламалардың, тікелей және түпкілікті нәтижелер көрсеткіштерінің атауы

Өлшем бірлігі

Шығыстар

Тікелей нәтижелерге қол жеткізу

Түпкілікті нәтижелерге қол жеткізу

Түпкілікті және тікелей нәтижелер көрсеткіштерінің нәтижелеріне қол жеткізудің орташа мәні

Ескертпе, бюджеттік бағдарламалар көрсеткіштеріне қол жеткізілмеу себептері

жоспар

Іс жүзінде

%

жоспар

Іс жүзінде

%

жоспар

Іс жүзінде

%

1

2

3

4

5

6

7

8

9

10

11

12

13

1-стратегиялық бағыт.

1.1-мақсат*


Мың теңге

х

х

х

х

х

х

х

х

х

х


Нысаналы индикатор**


%

х

х

х

х

х

х

х

х

х

х


Бюджеттік бағдарлама


Мың теңге

х

х

х

х

х

х

х

х

х

х


Түпкілікті нәтиже көрсеткіші


%







х

х

х



100 кіші бағдарламасы


Мың теңге

х

х

х

х

х

х






Тікелей нәтиже көрсеткіші


Бірлік




х

х

х






Нысаналы индикатор


%

х

х

х

х

х

х






102 кіші бағдарламасы


Мың теңге

х

х

х

х

х

х






Тікелей нәтиже көрсеткіші


Бірлік




х

х

х






Тікелей нәтиже көрсеткіші


Бірлік




х

х

х






n-стратегиялық бағыт.

n-мақсат



























      Ескертпе:

      * бұл жолда мақсат бойынша жоспарлы және іс жүзіндегі мәндер толтырылады

      ** бұл жолда нысаналы индикатор бойынша жоспарлы және іс жүзіндегі мәндер толтырылады

      "Х" - толтыру қажет бағандарды білдіреді.

  Мақсаттарға қол жеткізу блогы
бойынша операциялық бағалау
әдістемесіне
2-қосымша
  Нысан

Бағаланатын бюджеттік бағдарламалардың тікелей нәтижелеріне қол жеткізу туралы ақпарат

      __________________________________________________________________

      (жергілікті атқарушы органның атауы)

      ________________

            (есепті кезең)

      Бюджеттік бағдарлама әкімшісінің коды мен атауы: ________________

      Бюджеттік бағдарлама _________________________________________

      Сипаты: _____________________________________________________

Атауы

Өлшем бірліктері

Бюджеттік бағдарламаның есепті қаржы жылында жоспарланған көрсеткіштері

Көрсеткіштердің іс жүзінде орындалуы

Ауытқу

Көрсеткіштердің орындалу % (4 - баған/3 – баған *100%)

Жобаның іске асырылу мерзімі

Бюджеттік бағдарлама нәтижелеріне қол жеткізбеу жән қаражатының орындалмау себептері/нәтижеге қол жеткізуді растау (құжаттың нөмірі және күні, атауы)

1

2

3

4

5

6


7

Тікелей нәтиже көрсеткіші, соның ішінде:








бюджеттік инвестициялық жобалар








іс-шаралар бөлінісінде









Облыстың, республикалық маңызы бар қаланың, астананың әкімі

_________
(қолы)

________________
(толық жазылуы)

  Мақсаттарға қол жеткізу блогы
  бойынша операциялық
  бағалау әдістемесіне
  3-қосымша

_______________________________________ интернет-ресурсында (мемлекеттік органның атауы) Азаматтық бюджет жарияланымдарының мазмұны мен орналастыру тәртібіне қойылатын талаптардың орындалуы туралы ақпарат

      Ескерту. 3-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

      ___________ (есепті кезең)


р/н
Бюджеттік процесстің бөлімдері, сатылары,
Қағидалардың тармақтарына сілтеме
 
Талаптардың мазмұны
Орналастыру кезеңділігі, уақыты мен мерзімі ЖАО-ғы ББӘ саны Талаптарға сәйкестік %-ы, орындалған, сақталған, орналастырған Іс жүзінде орындалғаны
+/-
Сайтқа сілтеме
1 2 3 4 5 6 7

1-бөлім. Азаматтық бюджетті жасау және орналастыру тәртібі

1.

Қағидалардың 3-т.

Сайтта бюджетті жоспарлау сатысында және атқару сатысында бөлімдері бар Азаматтық бюджет жеке салымының болуы






2.

Қағидалардың 5-т.

Ақпаратты мемлекеттік және орыс тілдерінде орналастыру






3.

Қағидалардың 6-т.

Азаматтық бюджеттің мазмұны қысқа, түсінікті, азаматтар үшін оңай ұғынылатын нысанда жазылады, оны жариялаған кезде инфографика, суреттер, схемалар, диаграммалар, кестелер және басқа да таныстыру нысандары пайдаланылады. Көлемді материалдар машина оқитын форматта ұсынылады (мысалы, кестелер – Excel-де, мәтіндік материал – Word-та)






4.

Қағидалардың 8-т.

Азаматтық бюджетті жасау кезінде бюджеттік жоспарлау, бюджеттi атқару жөніндегі орталық уәкiлеттi органдардың және мемлекеттiк жоспарлау, бюджеттi атқару жөніндегі жергілікті уәкілетті органдардың, аудандық маңызы бар қалалардың, ауылдардың, кенттердің, ауылдық округтердің әкімдері аппараттарының ресми интернет-ресурстарында (бұдан әрі – уәкілетті органдардың интернет-ресурстары) "Азаматтық бюджет" салымында Қазақстан Республикасының бюджеттік процесінің қысқаша сипаттамасы орналастырылады.







Қағидалардың 9-т.

Бюджеттік жоспарлау жөніндегі орталық уәкілетті органдар, мемлекеттік жоспарлау жөніндегі жергілікті уәкілетті органдар, аудандық маңызы бар қалалар, ауылдар, кенттер, ауылдық округтер әкімдерінің аппараттары бюджет процесін сипаттау кезінде бюджетті жоспарлаудың негізгі рәсімдерін көрсетеді.







2-бөлім. 1-саты. Бюджетті жоспарлау (қалыптастыру, бекіту, нақтылау)

Мемлекеттік жоспарлау, бюджетті жоспарлау, бюджетті атқару жөніндегі уәкілетті органдарға, облыстық, республикалық маңызы бар қала, астана, аудан (облыстық маңызы бар қала) деңгейіндегі әкімдер аппараттары


Қағидалардың 10-т.

"Бюджетті жоспарлау (қалыптастыру, бекіту, нақтылау) сатысында" бөлімі "Қазақстан Республикасының негізгі әлеуметтік-экономикалық көрсеткіштері" немесе "Өңірдің негізгі әлеуметтік-экономикалық даму көрсеткіштері", "Республикалық бюджеттің түсімдері мен шығыстары", тиісті бюджеттің "Дефициті (профициті)" деген кіші бөлімдерді қамтиды






5.

Қағидалардың 11-т.

Республикалық деңгейде негізгі әлеуметтік көрсеткіштер: ең төмен күнкөріс деңгейінің мөлшері, айлық есептік көрсеткіш, ең төменгі және орташа айлық номиналды жалақы мөлшері, ең төменгі зейнетақы мөлшері және базалық зейнетақы төлемі, жұмыссыздық деңгейi көрсетіледі.








Өңірдің негiзгi әлеуметтiк-экономикалық даму көрсеткiштерi: (жоспарланған үш жылдық кезеңге облыстық деңгейде, республикалық маңызы бар қала, астана деңгейінде), алдыңғы жылдармен салыстырғандағы жалпы өңірлік өнімнің (бұдан әрі – ЖӨӨ) болжамды деңгейі.








Жергілікті бюджеттер деңгейінде айлық есептік көрсеткіш, ең төменгі және орташа айлық жалақы мөлшері, ең төменгі зейнетақы мөлшері, стипендия, жәрдемақы мөлшері көрсетіледі.







Қағидалардың
12-13-т.

алдыңғы жылдармен салыстыру жолымен үш жылдық кезеңге жоспарланып отырған бюджет түсімдері мен шығыстары туралы ақпарат (салық, салықтық емес түсімдер, негізгі капиталды сатудан түсетін түсімдер, трансферттер түсімдері).






6.

Қағидалардың
14-16-т.

Бюджет шығыстарында функционалдық топтар бөлінісінде мемлекеттiк бағдарламаларды іске асыруға бағытталған шығыстарға талдау, сондай-ақ алдыңғы жылдармен салыстырғандағы жоспарланған үш жылдық кезеңге негізгі басым бағыттар бойынша шығыстарға талдау келтіріледі.
Бюджеттің "Тапшылығы (профициті)" деген кіші бөлімде тиісті кезеңге арналған республикалық бюджет туралы заңға немесе жергілікті бюджет туралы мәслихат шешіміне сәйкес республикалық бюджеттің тапшылығын (профицитті пайдалану) қаржыландыру көлемінің деректері көрсетіледі.
Тиiстi қаржы жылына арналған республикалық бюджет туралы заңмен бекітілген үкіметтік борыш лимиті туралы ақпарат көзделеді.






Бюджеттік бағдарламалардың әкімшілері

5.

Қағидалардың 18-т. (1-абзац)

 Тікелей және түпкілікті нәтижелер көрсеткіштері бар жоспарланып отырған шығыстарды сипаттай отырып (млн. теңгеде), бюджеттік бағдарламалар туралы ақпарат.






6.


Бюджетті бекіту (нақтылау) жөніндегі ақпарат

Бюджет бекітілгеннен кейін күнтізбелік 15 күн ішінде





7.

Қағидалардың 18-т.
(2-абзац)

Мемлекеттік бағдарламалар бойынша жоспарланып отырған шығыстар туралы ақпарат.







3-саты. "Бюджетті атқару"

Мемлекеттік жоспарлау, бюджетті жоспарлау, бюджетті атқару жөніндегі уәкілетті органдарға, облыстық, республикалық маңызы бар қала, астана, аудан (облыстық маңызы бар қала) деңгейіндегі әкімдер аппараттары


Қағидалардың 19-т.

"Бюджетті атқару сатысында" деген бөлім ай сайынғы негізде қалыптастырылады.






8

Қағидалардың 20-т.

Кірістер бойынша есепті кезеңге жоспарлы деректермен салыстырғандағы, есепті жылға жоспарлы деректермен салыстырғандағы, сондай-ақ тиісті есепті күнге алдыңғы кезеңдердің (кемінде соңғы үш жыл) нақты деректермен салыстырғандағы есепті деректер көрсетіледі.







Шығыстар бойынша есепті кезеңге жоспарлы цифрлармен салыстырғандағы, есепті жылға жоспарлы цифрлармен салыстырғандағы, сондай-ақ тиісті есепті күнге алдыңғы кезеңдердің (кемінде соңғы үш жыл) нақты цифрларымен салыстырғандағы ағымдағы атқару көрсетіледі. Шығыстардың негізгі басым бағыттары көрсетіледі (деректер үдемелі қорытындымен көрсетіледі).






9

Қағидалардың 21-т.

Негізгі макроэкономикалық көрсеткіштердің (ЖІӨ/ЖӨӨ, инфляция деңгейі, жұмыссыздық деңгейі) атқарылуы

Ай сайын
25-не дейін





10

Қағидалардың 22-т.

Республикалық деңгейдегі мемлекеттік борыш жөніндегі ақпарат борыш құрылымы бойынша бөліністегі соңғы бес жылдағы мемлекеттік борыштың (Қазақстан Республикасы Үкіметінің борышы, Қазақстан Республикасы Ұлттық Банкінің борышы, жергілікті атқарушы органдардың борышы) серпінін қамтиды. Сондай-ақ, мемлекеттік борыштың ЖІӨ-ге қатынасын сақтау көрсетіледі.






Бюджеттік бағдарламалардың әкімшілері

11

Қағидалардың 24-т.

Нысаналы индикаторларға қол жеткізу туралы стратегиялық жоспар көрсеткіштерін орындау нәтижелері

жылына бір рет
1 ақпанға дейін





12

Қағидалардың 24-т.

Бюджеттік бағдарламаларды іске асыру туралы есеп (млн. теңгеде)

жылына бір рет
1 ақпанға дейін





13

Қағидалардың 24-т.

Тауарларды (жұмыстарды, көрсетілетін қызметтерді) өткізуден түсетін ақша түсімдері мен шығыстарының жоспарларының орындалуы туралы есеп (млн. теңгеде)

жартыжылдық үшін 1 тамызға дейін және бір жыл үшін келесі жылдың 1 ақпанына дейін





14

Қағидалардың 24-т.

Қайырымдылықтан түскен түсімдер мен ақша жұмсалуы туралы есеп (млн. теңгеде)

жартыжылдық үшін 1 тамызға дейін және бір жыл үшін келесі жылдың 1 ақпанына дейін





15

Қағидалардың 24-т.

Мемлекеттік аудит пен қаржылық бақылау қорытындысы бойынша ақпарат

жартыжылдық үшін 1 тамызға дейін және бір жыл үшін келесі жылдың 1 ақпанына дейін







Балдардың жиынтығы:








Сәйкестіктің үлес салмағы %-пен: (8-баған жиынтығы/ факті бойынша тармақтар саны (14)*00






      ● Бар, орналастырылған, орындалған, сақталған, сәйкес келеді: кестеде + деген белгімен белгілеу, 1 балл

      ● Жоқ, орналастырылмаған, орындалмаған, сақталмаған, сәйкес келмейді: - деген белгі, 0 балл

      ● Бар, бірақ ішінара – +/- деген белгі, 0,5 балл

      ● ББӘ – бюджеттік бағдарламалардың әкімшісі

      ● ЖАО – жергілікті атқарушы органдар

  Мақсаттарға қол жеткізу блогы
бойынша операциялық бағалау
әдістемесіне
4-қосымша
  Нысан

______жылғы мемлекеттік аудиттің және мемлекеттік аудит және қаржылық бақылау органдарының нұсқамалары мен қаулыларының орындалу нәтижелері туралы ақпарат

Реттік нөмірі

Бюджеттік бағдарламалар әкімшісінің атауы

Бюджеттік бағдарламаның атауы

Тексеру кезеңі

Мемлекеттік аудитпен қамтылған қаражат көлемі

соның ішінде бағаланатын кезеңде

бағаланатын кезеңде анықталған бұзушылықтар көлемі

өтелген сомасы

қалпына келтірілген сомасы

барлығы

соның ішінде:

Қаржылық бұзушылықтар

Бухгалтерлік есеп және қаржылық есептілік туралы заңнаманың бұзушылықтары

Мемлекеттік сатып алу туралы заңнаманың бұзушылықтары

1

2

3

4

5

6

7

8

9

10

11

12

      Мемлекеттік аудит және қаржылық бақылау органының басшысы

      _____________ __________________

            (қолы)       (толық жазылуы)

  Мақсаттарға қол жеткізу блогы
бойынша операциялық бағалау
әдістемесіне
5-қосымша
  Нысан

Есептік ақпараттағы деректерді қайта тексерудің қорытындысы бойынша салыстырып тексеру актісі

      (орталық мемлекеттік органның/жергілікті атқарушы органның атауы)

      (есепті кезең)

Атауы

Шегерілетін балдар

1

Толық емес ақпаратты ұсыну/орналастыру


2

Анық емес ақпаратты ұсыну/орналастыру


3

Есептік ақпараттың уақтылы ұсынылмауы


4

Есептік ақпараттың болмауы


5

Нысаналы индикаторларды есептеу әдістемелерінің болмауы (орталық мемлекеттік органдар үшін)


6

Нақты көрсеткіштің жоспарлы мәннен 25 %-тен артық орындалуы (жергілікті атқарушы органдар үшін)


Барлығы:


      1. Бағалау кестесіне сәйкес бағаланатын мемлекеттік органға есептік ақпаратты ұсыну/орналастыру мерзімі:

      20___ жылғы "___"___________.

      1) Есептік ақпаратты ұсынудың/орналастырудың нақты күні:

      20___ жылғы "___" ___________.

      2) Бағаланатын мемлекеттік органның есептік ақпараты жоқ.

      Шегеру: __балды құрайды.

      2. Есептік ақпараттың құрылымына қойылатын белгіленген талаптарда көзделген элементтері жоқ (қосымшалар, бөлімдер, кестелер, көрсеткіштер мәндері) толық емес ақпарат ұсынылған/орналастырылған:

      1)

      2)

      Шегеру: __ балды құрайды.

      3. Анық емес ақпарат ұсынылған/орналастырылған. Қайта тексеру барысында мынадай шындыққа сәйкес келмеу фактілері анықталған:

Нысаналы индикатордың атауы

Есепті кезең жоспары

Есепті кезеңнің іс жүзіндегісі

Қайта тексерудің қорытындысы бойынша есепті кезеңнің іс жүзіндегісі

Балдарды шегеру

Ескертпе

1













      Шегеру: _______ балды құрайды.

      Қорытынды шегеру: ______ балл.

Бағалауға уәкілетті мемлекеттік органның өкілі, лауазымы

________
(күні)

_________
(қолы)

_______________
(қолының толық жазылуы)

Бағаланатын мемлекеттік органның өкілі, лауазымы

________
(күні)

________
(қолы)

_______________
(қолының толық жазылуы)

  Мақсаттарға қол жеткізу блогы
бойынша операциялық бағалау
әдістемесіне
6-қосымша
  Нысан

Орталық мемлекеттік органдарды мақсаттарға қол жеткізу блогы бойынша операциялық бағалау нәтижелері туралы қорытынды

      __________________________________________________________________

      (орталық мемлекеттік органның атауы)

      ________________

            (есепті кезең)

Бағалау өлшемшарттары

Коэффициент

Балдар

1

Стратегиялық жоспардың мақсаттарына қол жеткізу



2

Стратегиялық жоспардың мақсаттарына қол жеткізуде бюджеттік бағдарламаларды орындаудың тиімділігі



3

Стратегиялық жоспар мақсаттарының бюджеттік бағдарламалармен өзара байланысы



4.

Азаматтық бюджет жарияланымдарының сапасы мен мазмұны



5

Балдарды шегеру




Жалпы бағалау



      Мақсаттарға қол жеткізу тиімділігін талдау:

      _________________________________________________________________

      Балдарды шегеру _________________________________________________

      Орталық мемлекеттік органның қызметін жақсарту бойынша тұжырымдар мен ұсынымдар:

      _________________________________________________________________

Мемлекеттік органның/Қазақстан Республикасының Президенті Әкімшілігінің құрылымдық бөлімшесінің/Премьер-Министрі Кеңсесінің басшысы

_______
(қолы)

_______________
(қолының толық жазылуы)

Бағалауға уәкілетті мемлекеттік органның тиісті құрылымдық бөлімшесінің басшысы

_______
(қолы)

_______________
(қолының толық жазылуы)


20___ж "____"___________

  Мақсаттарға қол жеткізу блогы
бойынша операциялық бағалау
әдістемесіне
7-қосымша
  Нысан

Мақсаттарға қол жеткізу блогы бойынша жергілікті атқарушы органдарды операциялық бағалау нәтижелері туралы қорытынды

      ________________________________________________________________

      (жергілікті атқарушы органның атауы)

  ________________
  (есепті кезең)

Бағалау өлшемшарттары

Коэффициент/ іс жүзінде орындалуы

Балдар

1

Аумақты дамыту бағдарламасының мақсаттарына қол жеткізу *



2

Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша бюджет және өзге де заңнаманы бұзушылықтардың болмауы



3

Бюджеттік даму бағдарламасының тікелей нәтижелеріне қол жеткізу



4

Бюджеттік даму бағдарламасын орындаудың тиімділігі



5

Азаматтық бюджет жарияланымдарының сапасы мен мазмұны



6

Бюджеттеудің жаңа практикаларын (халық қатысатын бюджет) пайдалану



7

Балдарды шегеру




Жалпы бағалау



      Аумақты дамыту бағдарламасының мақсаттарына қол жеткізудің тиімділігін талдау:

      _________________________________________________________________

      Бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша бюджет және өзге де заңнаманы бұзушылықтардың болмауы:

      _________________________________________________________________

      Бюджеттік даму бағдарламасының тікелей нәтижелеріне қол жеткізу:

      _________________________________________________________________

      Бюджеттік даму бағдарламасын орындаудың тиімділігі:

      _________________________________________________________________

      Азаматтық бюджет жарияланымдарының сапасы мен мазмұны:

      _________________________________________________________________

      Бюджеттеудің жаңа практикаларын (халық қатысатын бюджет) пайдалану:

      _________________________________________________________________

      Жергілікті атқарушы органның қызметін жақсарту бойынша тұжырымдар мен ұсынымдар:

      _________________________________________________________________

Мемлекеттік органның басшысы

_______
(қолы)

_______________
(қолының толық жазылуы)

Бағалауға уәкілетті мемлекеттік органның тиісті құрылымдық бөлімшесінің басшысы

_______
(қолы)

_______________
(қолының толық жазылуы)


20___ж "____"___________

      Ескертпе:

      * осы бағалау өлшемшарттарын мемлекеттік жоспарлау жөніндегі уәкілетті орган толтырады

  Мақсаттарға қол жеткізу блогы
  бойынша операциялық
  бағалау әдістемесіне
  8-қосымша

Өлшемшарттар мен көрсеткіштер балдары

      Ескерту. 8-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

Өлшемшарттың/көрсеткіштің атауы Балл/коэффиц.

1.

бағаланатын кезеңде мемлекеттік аудит және қаржылық бақылау органдарының даму бағдарламаларын тексерудің қорытындысы бойынша Қазақстан Республикасының қолданыстағы заңнамасы шеңберінде бұзушылықтардың болмауы- 10 балл


Бұзушылықтардың болмауы

8


Ішкі аудит қызметі жүргізген бюджеттік шығыстармен өзара байланыста аумақты дамыту бағдарламаларының мақсаттарына қол жеткізуді талдаудың болуы

2


Ішкі аудит қызметі жүргізген бюджеттік шығыстармен өзара байланыста аумақты дамыту бағдарламаларының мақсаттарына қол жеткізуді талдаудың болмауы

0


Мемлекеттік аудит және қаржылық бақылау органдарының есепті кезеңде тексерулер жүргізбеуі

5


Мемлекеттік аудит және қаржылық бақылау объектілерінде анықталатын бұзушылықтар сыныптамасына сәйкес аудитпен қамтылған бюджет қаражатының жалпы көлеміне шаққанда (тиімсіз шығыстарды қоспағанда) бұзушылықтардың болуы


5%-ға дейін

6


5,1 – 9,9%

3


10,0 – 14,9%

1


15%-дан артық

0

2.

Азаматтық бюджет жарияланымдарының сапасы мен мазмұны

2

2.1.

Азаматтық бюджет жарияланымдары сапасы мен мазмұнының белгіленген талаптарға толық сәйкестігі

2

2.2.

Азаматтық бюджет жарияланымдары сапасы мен мазмұнының белгіленген талаптарға 80%-ға дейін сәйкестігі

1

2.3

Азаматтық бюджет жарияланымдарының талаптарына 80%-дан төмен сәйкес ақпараттың орналастырылуы

0

3.

Бюджеттеудің жаңа практикаларын (халық қатысатын бюджет (ХҚБ) пайдалану, бонустық коэффициент беріледі

1,2

3.1

ХҚБ арқылы жергілікті бюджетті 5%-ға дейін бөлу, коэффициент

1,2

3.2

ХҚБ арқылы жергілікті бюджетті 3%-ға дейін бөлу, коэффициент

1,1

  Мақсаттарға қол жеткізу блогы
бойынша операциялық бағалау
әдістемесіне
9-қосымша
  Нысан

Мемлекеттік органдар қызметінің тиімділігін операциялық бағалау нәтижелері бойынша келіспеушіліктер кестесі

      _______________________________________________________

      (орталық мемлекеттік органның/ жергілікті атқарушы органның атауы)

      "Мақсаттарға қол жеткізу" блогы бойынша

Бағалауға уәкілетті мемлекеттік органның қорытындысы

Бағаланатын мемлекеттік органның қарсылығы

Шағымдану қорытындысы бойынша шешім (қабылданды/бас тартылды)

Ескертпе (қарсылықты қабылдаудың/бас тартудың негіздемесі)

1

2

3

4

5

1





2









      Тұжырымдар:

      1-өлшемшарт бойынша: _______________________________________;

      2-өлшемшарт бойынша: _______________________________________;

      …

      Шағымдану қорытындысын қоса алғанда, жалпы балл _______ құрады.

Комиссия төрағасы, лауазымы

_________
(күні)

__________
(қолы)

______________
(қолының толық жазылуы)

Шағымдану қорытындысымен таныстым:




Бағаланатын мемлекеттік органның өкілі, лауазымы
 

_________
(күні)

__________
(қолы)

______________
(қолының толық жазылуы)

  Мақсаттарға қол жеткізу
  блогы бойынша операциялық
  бағалау әдістемесіне
  10-қосымша

"Аумақты дамыту бағдарламасының мақсаттары мен көрсеткіштеріне қол жеткізу" өлшемшарты бойынша жергілікті атқарушы органдарды бағалауға арналған көрсеткіштер тізбесі

      Ескерту. Әдістеме 10-қосымшамен толықтырылды - Республикалық бюджеттің атқарылуын бақылау жөніндегі есеп комитетінің 15.04.2021 № 2-НҚ және ҚР Қаржы министрінің 16.04.2021 № 351 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бірлескен нормативтік қаулысы мен бұйрығымен.

Бағыттың/көрсеткіштің атауы Ақпарат көзі
I. Жалпыұлттық көрсеткіштер

Бағыты: Экономика



Өңірлік макроэкономика


1

Халықтың жан басына шаққандағы жалпы өңірлік өнiм

мың теңге/адам

2

Өткен жылға қарағанда еңбек өнімділігінің өсімі:

%

өңдеу өнеркәсібінде

ауыл шаруашылығында

3

Жергілікті бюджетке салықтық және салықтық емес түсімдердің өсу қарқыны

%

4

Бақыланбайтын (көлеңкелі) экономика үлесі*

ЖІӨ-дегі %

5

Нақты ақшалай кірістер индексі

%

6

Тұтынушылық шығындарға қатысты азық-түлік тауарларына арналған үй шаруашылық шығыстарының құрылымы

%

Өнеркәсіп және инвестициялар

7

Өндеу өнеркәсібіндегі өнеркәсіп өндірісінің индексі

%

8

Тауарлардың шикізаттық емес экспортының көлемі

млн. АҚШ доллары

9

2016 жылға қарай негізгі капиталға салынатын инвестициялар

%

10

Мемлекеттік-жекешелік әріптестік шеңберінде іске асырылатын жобалардың жалпы санынан жергілікті атқарушы органдардың мемлекеттік-жекешелік әріптестік жобалары бойынша мемлекеттік міндеттемелерді талап етпейтін жобалар үлесі

%

Агроөнеркәсіптік кешен

11

Ауыл шаруашылығы жалпы өнімінің (көрсетілетін қызметтердің) нақты көлемінің индексі

%

12

Өңделген ауыл шаруашылығы өнімдері экспортының көлемі

%

Шағын және орта бизнес

13

ЖІӨ-дегі шағын және орта бизнес үлесі

ЖӨӨ-дегі ЖҚҚ %

14

Орта кәсіпкерліктің экономикадағы үлесі

ЖӨӨ-дегі ЖҚҚ %

Денсаулық сақтау

15

Туу кезіндегі күтілетін өмір сүру ұзақтығы

жас

16

Аналардың өлім-жітімі

тірі туған 100 мың балаға шаққандағы жағдайлар саны

17

Нәрестелердің өлім-жітімі

тірі туған
1 мың балаға шаққандағы жағдайлар саны

Еңбек және халықты әлеуметтік қорғау

18

Жұмыссыздық деңгейі

%

19

Өзін-өзі жұмыспен қамтығандардың жалпы санынан нәтижесіз жүмыспен қамтылғандар үлесі

%

20

Халықтың неғұрлым аз қамтылған 40%-ның кіріс үлесі (халықтың жалпы кірісіндегі)

%

21

Атаулы әлеуметтік көмек (шартты ақшалай көмек) алушылардың ішіндегі жұмыспен қамтудың белсенді шараларына тартылғандар үлесі

%

22

Халықты жұмыспен қамту орталықтарына жүгінгендердің ішінен жұмысқа орналасқан мүмкіндіктері шектеулі адамдардың үлесі

%

23

Мүгедектерге қол жетімділік қамтамасыз етілген әлеуметтік және көлік инфрақұрылымы объектілерінің үлесі

%

Қоғамдық қауіпсіздік және құқықтық тәртіп

24

10 000 тұрғынға шаққандағы қылмыстың деңгейі

%

25

Көшелерде жасалған қылмыстардың үлесі

26

Төтенше жағдайларға қарсы іс-қимыл инфрақұрылымының қамтамасыз етілу деңгейі

II. Өңірлік көрсеткіштер

Бағыты: Әлеуметтік сала

Білім беру

1

PISA тестісінің нәтижелері бойынша мектептегі білім берудің сапасын бағалау: математика бойынша

орта балл

PISA тестісінің нәтижелері бойынша мектептегі білім берудің сапасын бағалау: оқу бойынша

PISA тестісінің нәтижелері бойынша мектептегі білім берудің сапасын бағалау: ғылым бойынша

2

Дуальды оқытумен қамтылған техникалық және кәсіптік білім ұйымдарының білім алушылар үлесі

%

3

Жұмыс істеп тұрған авариялық және үш ауысымды мектептер саны

бірлік

4

Балаларды (3-6 жас) мектепке дейінгі тәрбиемен және оқытумен қамту

%

Мәдениет, спорт және туризм

5

1000 адамға шаққандағы мәдениет ұйымдарына келушілердің (келу) орташа саны: кітапханаларға

адам

1000 адамға шаққандағы мәдениет ұйымдарына келушілердің (келу) орташа саны: театрларға

1000 адамға шаққандағы мәдениет ұйымдарына келушілердің (келу) орташа саны: концерттік ұйымдарға

1000 адамға шаққандағы мәдениет ұйымдарына келушілердің (келу) орташа саны: мұражайларға

6

Халықтың спорт инфрақұрылымымен қамтамасыз етілуі

1000 адамға арналған спорттық алаңдар саны

7

Өткен жылмен салыстырғанда өңірдегі орналастыру орындары қызмет көрсеткен келушілер санының ұлғаюы

%

Бағыты: Инфрақұрылым

Құрылыс және тұрғын үй-коммуналдық шаруашылығы

8

Бір адамға шаққандағы тұрғын үймен қамтамасыз ету

бір адамға шаққандағы ш.м.

9

Күрделі жөндеуді талап ететін кондоминиум объектілерінің үлесін төмендету

%

10

Орталықтандырылған сумен жабдықтаумен қамтамасыз етілу:қалаларда; ауылдық елді мекендерде

%

11

Жақсы және қанағаттанарлық жағдайдағы облыстық және аудандық маңызы бар автомобиль жолдарының үлесі

%

Жақсы және қанағаттанарлық жағдайдағы қалалық маңызы бар автомобиль жолдарының үлесі (республиқалық маңызы бар қалалар, астана үшін)

Экология және жер ресурстары

12

Тұрмыстық қатты қалдықтардың түзілуіне қатысты оларды қайта өңдеу және кәдеге жарату үлесі

%

13

Экологиялық талаптар мен санитариялық қағидаларға сәйкес келетін тұрмыстық қатты қалдықтарды орналастыру объектілерінің үлесі (оларды орналастыру орындарының жалпы санынан)

14

Халықты тазартылған сарқынды сулармен қамту


Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады