COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін қолдану әдістемесін бекіту туралы

Күшін жойған

Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-261/2020 бұйрығы. Қазақстан Республикасының Әділет министрлігінде 2020 жылғы 15 желтоқсанда № 21793 болып тіркелді. Күші жойылды - Қазақстан Республикасы Денсаулық сақтау министрінің 2023 жылғы 16 қазандағы № 155 бұйрығымен.

Ескерту. Күші жойылды - ҚР Денсаулық сақтау министрінің 16.10.2023 № 155 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

"Әлеуметтік-экономикалық тұрақтылықты қамтамасыз ету жөніндегі шаралар туралы" Қазақстан Республикасы Президентінің 2020 жылғы 16 наурыздағы № 286 Жарлығы 1-тармағының 1) тармақшасына сәйкес және Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 2020 жылғы 7 желтоқсандағы хаттамалық тапсырмасының 3-тармағының 3) тармақшасын іске асыру үшін БҰЙЫРАМЫН:

1. Осы бұйрыққа қосымшаға сәйкес COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін қолдану әдістемесі бекітілсін.

2. Қазақстан Республикасы Денсаулық сақтау министрлігінің Міндетті әлеуметтік медициналық сақтандыруды үйлестіру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жарияланғаннан кейін Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Денсаулық сақтау бірінші вице-министрі М.Е. Шорановқа жүктелсін.

4. Осы бұйрық алғашқы ресми жарияланған күнінен бастап қолданысқа енгізіледі және 2020 жылғы 16 наурыздан бастап туындаған құқықтық қатынастарға қолданылады.

Қазақстан Республикасы Денсаулық сақтау министрі

А. Цой

Қазақстан Республикасы Денсаулық сақтау министрі 2020 жылғы 15 желтоқсаны № ҚР ДСМ-261/2020 Бұйрығына қосымша

COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін қолдану әдістемесі

1-тарау. Жалпы ережелер

1. COVID-19 коронавирустық инфециясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін қолдану әдістемесі COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін медициналық ұйымдардың төсектердің бос тұрып қалуын ескере отырып, түзету коэффициентін қолдана отырып ақы төлеу сомасын есептеуге арналған.

2-тарау. COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін қолдануды есептеу

2. COVID-19 коронавирустық инфекциясымен күрес шеңберінде іс-шараларды жүзеге асыру кезеңінде денсаулық сақтау субъектілерінің тұрақты жұмыс істеуін қамтамасыз ету үшін түзету коэффициентін есептеу үшін Қазақстан Республикасы Денсаулық сақтау министрлігінің ақпараттық жүйелерінен ақылы медициналық қызметтер көрсетуден есептелген шығыстар сомасын шегере отырып, зерттелетін кезеңдегі нақты шығыстар сомасы туралы деректер қолданылады.

3. Денсаулық сақтау субъектілерінің тұрақты жұмыс істеуін қамтамасыз етудің түзету коэффициенті рұқсат етілген мәндердің диапазоны 30-дан 75% - ға дейінгі денсаулық сақтау субъектілері бөлінісінде жалпы нақты шығыстардан жалақы мен коммуналдық қызметтерге жұмсалатын шығындардың орташа үлесін ескере отырып есептеледі.

n – денсаулық сақтау субъектісі;

– денсаулық сақтау субъектілерінің жалақысына жұмсалған нақты шығыстардың сомасы;

– денсаулық сақтау субъектілерінің коммуналдық қызметтеріне нақты шығыстардың сомасы;

– денсаулық сақтау субъектілері нақты шығыстарының жалпы сомасы;

– денсаулық сақтау субъектілерінің тұрақты жұмыс істеуін қамтамасыз етудің түзету коэффициенті 0,58 мөлшерінде.

4. Денсаулық сақтау субъектілерінің тұрақты жұмыс істеуін қамтамасыз етуге ақы төлеу сомасын есептеу үшін денсаулық сақтау субъектілерінің тұрақты жұмыс істеуін қамтамасыз етудің түзету коэффициенті зерттелетін кезеңдегі игерілмеген сомаға қолданылады:

– қызметтерді сатып алу шарты бойынша 2020 жылғы наурыз-желтоқсан сомасы;

– қызметтерді сатып алу шарты бойынша 2020 жылғы наурыз-желтоқсан нақты орындау сомасы;

– 2020 жылғы қазанның мәлімделген сомасы;

– денсаулық сақтау субъектісінің COVID-19 бар науқастарды емдеуге нақты орындалған сомасы.

5. Денсаулық сақтау субъектілерінің тұрақты жұмыс істеуін қамтамасыз етудің түзету коэффициенті бір рет қолданылады.

6. Денсаулық сақтау субъектілерінің тұрақты жұмыс істеуін қамтамасыз етудің түзету коэффициенті төсектердің 10%-дан астам бос тұру фактісі бар және 2020 жылғы жылдық жоспардың игерілмеуінің болжамды сомалары 90%-дан кем медициналық ұйымдарға қолданылады.