Талдыкөл көлінің және Нұра-Есіл каналы жекелеген учаскелерінің су қорғау аймақтары мен белдеулерін белгілеу туралы

Күшін жойған

Нұр-Сұлтан қаласы әкімдігінің 2020 жылғы 9 қыркүйектегі № 205-1856 қаулысы. Нұр-Сұлтан қаласының Әділет департаментінде 2020 жылғы 14 қыркүйекте № 1290 болып тіркелді. Күші жойылды - Астана қаласы әкімдігінің 2023 жылғы 20 қазандағы № 205-2263 қаулысымен

Ескерту. Күші жойылды - Астана қаласы әкімдігінің 20.10.2023 № 205-2263 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) қаулысымен.

Қазақстан Республикасының 2003 жылғы 9 шілдедегі Су кодексі 116-бабының 2-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңы 27-бабы 1-тармағының 8-1) тармақшасына, "Су қорғау аймақтары мен белдеулерін белгілеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 18 мамырдағы № 19-1/446 (Нормативтік құқықтық актілерді мемлекеттік тіркеу тізілімінде № 11838 болып тіркелген) бұйрығына сәйкес Нұр-Сұлтан қаласының әкімдігі ҚАУЛЫ ЕТЕДІ:

1. Нұра-Есіл каналы жекелеген учаскелерінің су қорғау аймағы мен белдеуінің ең аз ені осы қаулының қосымшасына сәйкес белгіленсін.

2. Талдыкөл көлі үшін су қорғау аймағының ең аз ені – 500 метр;

Талдыкөл көлі үшін су қорғау белдеуінің ең аз ені – 100 метр болып белгіленсін.

3. Нұра-Есіл каналының және Талдыкөл көлінің су қорғау аймақтары мен белдеулерін шаруашылық пайдалану режимі Қазақстан Республикасы Су кодексінің талаптарына сәйкес белгіленсін.

4. "Нұр-Сұлтан қаласының Қоршаған ортаны қорғау және табиғатты пайдалану басқармасы" мемлекеттік мекемесінің басшысы Қазақстан Республикасы заңнамасында белгіленген тәртіпте:

1) осы қаулыға 1 қосымшасына сәйкес Нұр-Сұлтан қаласының әкімшілік шекарасындағы Талдыкөл көлі және Нұра-Есіл каналы ұшін су қорғау аймақтары мен белдеулерін картографиялық материалдарға түсірілуін;

2) осы қаулының аумақтық әділет органында мемлекеттік тіркелуін;

3) осы қаулы мемлекеттік тіркелген күнінен бастап күнтізбелік он күн ішінде оның көшірмесін Нұр-Сұлтан қаласының аумағында таратылатын мерзімді баспа басылымдарында ресми жариялау үшін жіберуді;

4) осы қаулы ресми жарияланғаннан кейін Нұр-Сұлтан қаласы әкімдігінің интернет-ресурсында орналастырылуын;

5) осы қаулы мемлекеттік тіркелгеннен кейін он жұмыс күні ішінде аумақтық әділет органына осы тармақтың 1), 3) және 4) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.

5. Осы қаулының орындалуын бақылау Нұр-Сұлтан қаласы әкімінің орынбасары Н.Қ. Солтамбековқа жүктелсін.

6. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Әкім	А. Кульгинов

КЕЛІСІЛДІ

"Нұр-Сұлтан қаласының Сәулет,

қала құрылысы және жер

қатынастары басқармасы"

мемлекеттік мекемесі басшысы

__________________ Н. Ұранхаев

"____" ____________ 2020 жыл

КЕЛІСІЛДІ

"Қазақстан Республикасы Экология,

геология және табиғи ресурстар

министрлігі Су ресурстары

комитетінің Су ресурстарын

пайдалануды реттеу және қорғау

жөніндегі Есіл бассейндік

инспекциясы" республикалық

мемлекеттік мекемесі басшысы

__________________ Д. Бекмағамбетов

"____" ____________ 2020 жыл

Нұр-Сұлтан қаласы әкімдігінің 2020 жылғы 9 қыркүйегі № 205-1856 қаулысына қосымша

Нұр-Сұлтан қаласының әкімшілік шекараларында орналасқан Нұра-Есіл каналының жекелеген учаскелері және осы учаскелер үшін су қорғау аймақтары мен белдеулерінің ең аз ені

Р/с №	Жеке учаскенің атауы	Су объектісі (канал учаскесінің координаттары және су қорғау аймағы мен белдеуінің координаттары)	Су қорғау аймағының ені, м	Су қорғау белдеуінің ені, м
1.	"GEOAstana" жауапкершілігі шектеулі серіктестігі үшін Нұр-Сұлтан қаласы, "Есіл" ауданы, Ұлы Дала даңғылы, Е114 және Е115 көшелері (жобалық атауы) арасында орналасқан автожанармай құю-автогаз құю станциясының құрылыс учаскесі	Нұра-Есіл каналы (канал учаскесі x=2774,8; y=-8558,2; x=2701,1; y=-8630,1; су қорғау белдеуі x=2799,4; y=-8583,3; x=2725,6; y=-8655,1; су қорғау аймағы x=2976,3; y=-8763,9; x=2884,3; y=-8742,3; х=2870,1; у=-8801,6)	208 241 288	35
2.	"Дал Диагностик" жауапкершілігі шектеулі серіктестігі үшін Нұр-Сұлтан қаласы, "Есіл" ауданы, Е 495 көшесі (жобалық атауы) № 2 ғимарат ауданында орналасқан ядролық медицина орталығының құрылыс учаскесі	Нұра-Есіл каналы (канал учаскесі x=630.1; y=-10624.3; x=718.6; y=-10538.3; су қорғау белдеуі x=600.0; y=-10606.3; x=688.6; y=-10520.0; су қорғау аймағы х=206.0; у=-10360.7; х=291.5; у=-10277.6)	500	35
3.	"Елорда құрылыс компаниясы" жауапкершілігі шектеулі серіктестігі үшін Нұр-Сұлтан қаласы, "Есіл" ауданы, Е 357 және Е 495 көшелердің (жобалық атаулары) қиылысы ауданы мекенжайында орналасқан жапсарластыра салынған орын-жайлары бар көп пәтерлі тұрғын үй кешенінің құрылыс учаскесі	Нұра-Есіл каналы (канал учаскесі x= 710,0; y=-10546,6; x=816,35; y=-10444,1; су қорғау белдеуі x= 685,64; y= -10521,88; x= 790,35; y= -10418,59; су қорғау аймағы х= 642; у= -10473,09; х= 727,91; у= -10388,35)	100	35

_________________________________