Қазақстан Республикасының 2003 жылғы 20 маусымдағы Жер кодексінің 17 бабының 1-1) тармақшасына, 69 бабының 4 тармағына және 71-1 бабының 2 тармағына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабына сәйкес, Әйтеке би ауданының әкімдігі ҚАУЛЫ ЕТЕДІ:
1. "СОКОЛОВКА" акционерлік қоғамымен пайдалы қазбаларды барлау жұмыстарын жүргізу үшін, Әйтеке би ауданының "Шугаршин", "Шунай", "Абай" учаскелерінде орналасқан жалпы алаңы 14120 гектар жер учаскесіне жер пайдаланушылардан алып қоймай, 2025 жылдың 13 қыркүйекке дейінгі мерзімге қауымдық сервитут белгіленсін.
2. "Әйтеке би аудандық жер қатынастары бөлімі" мемлекеттік мекемесі заңнамада көрсетілген тәртіппен.
1) осы қаулыны Ақтөбе облысының Әділет департаментінде мемлекеттік тіркеуді;
2) осы қаулыны оны ресми жариялағаннан кейін Әйтеке би ауданы әкімдігінің интернет-ресурсында орналастыруды қамтамасыз етсін.
3. Осы қаулының орындалуын бақылау аудан әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен бастап қолданысқа енгізіледі.
| Әйтеке би ауданының әкімі |
| Д. Ермаганбетов |
