"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 31, 37 баптарына, "Білім туралы" Қазақстан Республикасының 2007 жылғы 27 шілдедегі Заңының 6 бабының 4 тармағының 8-1) тармақшасына және 62 бабының 6 тармағына сәйкес, Тараз қаласының әкімдігі ҚАУЛЫ ЕТЕДІ:
1. "Тараз қаласында 2020 жылға мектепке дейінгі тәрбие мен оқытуға мемлекеттік білім беру тапсырысы, ата-ана төлемақысының мөлшерін бекіту туралы" Тараз қаласы әкімдігінің 2019 жылғы 27 желтоқсандағы № 4524 қаулысына (Нормативтік құқықтық актілерді мемлекеттік тіркеудің тізілімінде № 4474 болып тіркелген, Қазақстан Республикасы нормативтік құқықтық актілерінің электрондық түрдегі эталондық бақылау банкінде 2019 жылдың 30 желтоқсанында жарияланған) келесідей толықтыру енгізілсін:
аталған қаулының қосымшасы төмендегі мектепке дейінгі мемлекеттік жекешелік әріптестік негізіндегі ұйымдармен толықтырылсын:
мектепке дейінгі мемлекеттік жекешелік әріптестік негізіндегі ұйымдар | |||
"Айзада РК" жауапкершілігі шектеулі серіктестігі | 100 | 29344 | 10000 |
"Damu-Taraz" жауапкершілігі шектеулі серіктестігі "Do-Re-Mi" бөбекжай-бақшасы | 85 | 29344 | 10000 |
2. "Тараз қаласы әкімдігінің білім бөлімі" коммуналдық мемлекеттік мекемесі заңнамада белгіленген тәртіппен:
1) осы қаулының әділет органдарында мемлекеттік тіркелуін;
2) осы қаулыны Тараз қаласы әкімдігінің интернет-ресурсында орналастырылуын;
3) осы қаулыдан туындайтын басқа да шаралардың қабылдануын қамтамасыз етсін.
3. Осы қаулының орындалуын бақылау Тараз қаласы әкімінің орынбасары К.Олжабайға жүктелсін.
4. Осы қаулы әділет органдарында мемлекеттiк тiркелген күннен бастап күшiне енедi және оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Тараз қаласының әкімі | А. Карабалаев |
