"Қазақстан Республикасының әкімшілік-аумақтық құрылысы туралы" Қазақстан Республикасының 1993 жылғы 8 желтоқсандағы Заңының 11-бабының 4) тармақшасына және Облыстық ономастика комиссиясының 2019 жылғы 10 желтоқсандағы № 3, 2020 жылғы 28 қазандағы № 2 қорытындыларына сәйкес Қызылорда облысының әкімдігі ҚАУЛЫ ЕТЕДІ және Қызылорда облыстық мәслихаты ШЕШІМ ҚАБЫЛДАДЫ:
1. Қызылорда облысының келесі ауылдары мен ауылдық округтері:
1) Арал ауданының Октябрь ауылдық округі "Аққұм" атауымен;
2) Қазалы ауданының Қарашеңгел ауылдық округінің Водокачка ауылы "Шитүбек" атауымен;
3) Шиелі ауданының Ақмая ауылдық округінің Полуказарма ауылы "Қосарық" атауымен;
4) Шиелі ауданының Алмалы ауылдық округінің Лесхоз ауылы "Тоғайлы" атауымен;
5) Шиелі ауданының Гигант ауылдық округі "Бәйтерек" атауымен;
6) Шиелі ауданының Төңкеріс ауылдық округі "Тұран" атауымен;
7) Жаңақорған ауданының Бесарық ауылдық округі "Жаманбай батыр" есімімен қайта аталсын.
2. Осы бірлескен қаулы және шешім алғашқы ресми жарияланған күнінен бастап қолданысқа енгізіледі.
| Қызылорда облысының әкімі | Г. Абдыкаликова |
| Қызылорда облыстық мәслихатының кезекті 51-сессиясының төрағасы | Н. Амитов |
| Қызылорда облыстық мәслихатының хатшысы | К. Бисенов |
