Түркістан қалалық мәслихатының 2020 жылғы 26 маусымдағы № 64/313-VI "Түркістан қаласында бейбіт жиналыстарды ұйымдастыру және өткізу тәртібі туралы" шешіміне өзгерістер мен толықтыру енгізу туралы

Түркістан облысы Түркістан қалалық мәслихатының 2020 жылғы 7 тамыздағы № 65/317-VI шешімі. Түркістан облысының Әділет департаментінде 2020 жылғы 13 тамызда № 5753 болып тіркелді

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 6 бабының 1 тармағының 15) тармақшасына, "Құқықтық актілер туралы" Қазақстан Республикасының 2016 жылғы 6 сәуірдегі Заңының 26 бабына сәйкес, Түркістан қалалық мәслихаты ШЕШІМ ҚАБЫЛДАДЫ:

1. Түркістан қалалық мәслихатының 2020 жылғы 26 маусымдағы № 64/313-VI "Түркістан қаласында бейбіт жиналыстарды ұйымдастыру және өткізу тәртібі туралы" (Нормативтік құқықтық актілерді мемлекеттік тіркеу тізілімінде № 5692 тіркелген, 2020 жылғы 9 шілдеде Қазақстан Республикасының нормативтік құқықтық актілерінің электрондық түрдегі Эталондық бақылау банкінде жарияланған) шешіміне мынадай өзгерістер мен толықтыру енгізілсін:

шешімнің 1-тармағы мынадай мазмұндағы 3) тармақшамен толықтырылсын:

"3) О.Жарылқапов атындағы стадион.";

шешімнің 2-тармағындағы "бекітілсін" деген сөз "айқындалсын" деген сөзбен ауыстырылсын;

шешімнің 1-қосымшасындағы арнайы орындар кестесі мынадай редакцияда жазылсын:

№ п/п	Арнайы орын атауы	Материалдық-техникалық қамтамасыз етуі	Шекті толу нормалары
1.1.	"Парасат" саябағы алдындағы алаң	- көше жарығы, - электр энергиясын қосу нүктесі, - бейнебақылау және бейнежазба камералары, - автотұрақ орындарының болуы (1 кіру, 1 шығу).	150 адам
2.2.	"Жеңіс" саябағында орналасқан сахна алдындағы алаң	- көше жарығы, - электр энергиясын қосу нүктесі, - бейнебақылау және бейнежазба камералары - автотұрақ орындарының болуы (1 кіру, 1 шығу).	150 адам
3.3.	О.Жарылқапов атындағы стадион	- көше жарығы, - электр энергиясын қосу нүктесі, - бейнебақылау және бейнежазба камералары - автотұрақ орындарының болуы (1 кіру, 1 шығу).	150 адам

шешімнің 1-қосымшасындағы кестеден кейінгі мәтіннің екінші және он екінші абзацтарындағы "айрықша" деген сөз "айырым" деген сөзбен ауыстырылсын;

шешімнің 1-қосымшасындағы кестеден кейінгі мәтіннің жетінші абзацындағы "шеру бағытымен" деген сөздер "жүру маршрутымен" деген сөздермен ауыстырылсын.

2. "Түркістан қалалық мәслихат аппараты" мемлекеттік мекемесі Қазақстан Республикасының заңнамасында белгіленген тәртіппен:

1) осы шешімнің "Қазақстан Республикасы Әділет Министрлігі Түркістан облысының Әділет департаменті" Республикалық мемлекеттік мекемесінде мемлекеттік тіркелуін;

2) ресми жарияланғаннан кейін осы шешімді Түркістан қалалық мәслихатының интернет-ресурсында орналастыруды қамтамасыз етсін.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қалалық мәслихат сессиясының төрағасы	А. Абпазов
Мәслихат хатшысы	Г. Сарсенбаев