Абай аудандық мәслихатының 2017 жылғы 30 қарашадағы № 18/3-VІ "Абай ауданы бойынша сот шешімімен коммуналдық меншікке түскен болып танылған иесіз қалдықтарды басқару қағидаларын бекіту туралы" шешімінің күші жойылды деп тану туралы

Шығыс Қазақстан облысы Абай аудандық мәслихатының 2020 жылғы 29 маусымдағы № 49/13-VI шешімі. Шығыс Қазақстан облысының Әділет департаментінде 2020 жылғы 9 шілдеде № 7299 болып тіркелді

ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған

Қазақстан Республикасының 6 сәуірдегі 2016 жылғы "Құқықтық актілер туралы" Заңының 27 бабына, Қазақстан Республикасының 23 қаңтардағы 2001 жылғы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 7 бабының 5 тармағына сәйкес, Абай аудандық мәслихаты ШЕШІМ ҚАБЫЛДАДЫ:

1. Абай аудандық мәслихатының 2017 жылғы 30 қарашадағы № 18/3-VІ "Абай ауданы бойынша сот шешімімен коммуналдық меншікке түскен болып танылған иесіз қалдықтарды басқару қағидалары бекіту туралы" (нормативтік құқықтық актілерді мемлекеттік тіркеу Тізілімінде № 5329 болып тіркелген, Қазақстан Республикасының нормативтік құқықтық актілерді электрондық түрде эталондық бақылау банкінде 2017 жылғы 12 желтоқсанда жарияланған) шешімінің күші жойылды деп танылсын.

2. Осы шешім қабылданған күнінен бастап қолданысқа енгізіледі.

Сессия төрағасы	А. Белибаев
Мәслихат хатшысы	Е. Лдибаев