1. «Aукционға қатысушыларға қойылатын біліктілік талаптарын, өтінімнің мазмұнын және оны беру тәртібін, аукционға қатысуға арналған өтінімді қаржылық қамтамасыз ету түрлерін және оларды енгізу мен қайтару шарттарын, қорытынды шығару және жеңімпаздарды анықтау тәртібін қамтитын аукциондық сауда-саттықты ұйымдастыру мен өткізу қағидаларын бекіту туралы» Қазақстан Республикасы Энергетика министрінің 2017 жылғы 21 желтоқсандағы № 466 бұйрығына (Нормативтік құқықтық актілерді мемлекеттік тіркеу тізілімінде № 16240 болып тіркелген, Қазақстан Республикасы нормативтік құқықтық актілерінің эталондық бақылау банкінде 2018 жылғы 24 қаңтарда жарияланған) мынадай өзгерістер мен толықтырулар енгізілсін:
көрсетілген бұйрықпен бекітілген Aукционға қатысушыларға қойылатын біліктілік талаптарын, өтінімнің мазмұнын және оны беру тәртібін, аукционға қатысуға арналған өтінімді қаржылық қамтамасыз ету түрлерін және оларды енгізу мен қайтару шарттарын, қорытынды шығару және жеңімпаздарды анықтау тәртібін қамтитын аукциондық сауда-саттықты ұйымдастыру мен өткізу қағидаларында:
1) аукциондық баға - жаңартылатын энергия көздерін пайдалану объектісі, қалдықтарды энергетикалық кәдеге жарату объектісі өндіретін электр энергиясын жаңартылатын энергия көздерін қолдау жөніндегі қаржы-есеп айырысу орталығының сатып алуына арналған, аукциондық сауда-саттық қорытындысы бойынша айқындалған және тиісті шекті аукциондық баға деңгейінен аспайтын баға;
2) аукциондық сауда-саттық - аукциондық сауда-саттықты ұйымдастырушы аукцион негізінде электрондық жүйеде ұйымдастыратын және өткізетін және жаңартылатын энергия көздерін пайдалану объектілерін орналастыру жоспары ескеріле отырып, осы жаңа объектілерді, қалдықтарды энергетикалық кәдеге жаратудың жаңа объектілерін салу жөніндегі жобаларды іріктеуге және жаңартылатын энергия көздерін пайдалану объектілері, қалдықтарды энергетикалық кәдеге жарату объектілері өндіретін электр энергиясының аукциондық бағаларын айқындауға бағытталған процесс;
3) аукциондық сауда-саттық жеңімпаздарының тізілімі - аукциондық сауда-саттық қорытындылары бойынша ұйымдастырушы қалыптастыратын және өткізілген сауда-саттық нәтижелерін растайтын құжат;
4) аукциондық сауда-саттыққа қатысушы (бұдан әрі - қатысушы) - аукциондық сауда-саттықты ұйымдастырушыда тіркелген және қатысушы дәрежесін алған өтінім беруші;
5) аукциондық сауда-саттықты ұйымдастырушы (бұдан әрі - Ұйымдастырушы) - уәкiлеттi орган айқындайтын, Заңда көзделген тәртіппен аукциондық сауда-саттықты ұйымдастыру мен өткізуді жүзеге асыратын заңды тұлға;
6) банктік кепілдік - Қазақстан Республикасы Ұлттық Банкі Басқармасының 2017 жылғы 28 қаңтардағы № 21 қаулысымен бекітілген (Нормативтік құқықтық актілерді мемлекеттік тіркеу тізілімінде №14915 болып тіркелген) Екінші деңгейдегі банктердің банк кепілдіктері мен кепілгерлігін беру қағидаларына сәйкес ресімделген және банктің клиентке (борышкер тұлғаға) оның өтініші негізінде үшінші тұлғаның (кредитор тұлғаның) пайдасына берілетін жазбаша құжат, осы құжат негізінде онда көрсетілген шарттарға сәйкес банк шекті соманы үшінші тұлғаға (кредитор тұлғаға) төлеуге міндеттенеді;
7) белгіленген қуаттың рұқсат етілетін ең аз көлемі - одан төмен болса қатысушы жаңартылатын энергия көздерін пайдалану бойынша жаңа объекті құрылысының жобасын іске асыра алмайтын белгіленген қуаттың көлемі;
9) борышкер тұлға - эмитент банкке бенефициар пайдасына банк кепілдігін немесе резервтік аккредитивті шығаруға тапсырма беретін заңды тұлға;
10) бір жақты аукцион - аукциондық сауда-саттыққа қатысушылардың өтінімдерін аукциондық сауда-саттыққа қатысушылардың сараланған тізімінен бірізді іріктеу жолымен жеңімпаздарды анықтауға бағытталған аукциондық сауда-саттықты ұйымдастыру нысаны;
11) жаңартылатын энергия көздерi (бұдан әрі - ЖЭК) - табиғи жаратылыс процестерi есебiнен үздiксiз жаңартылатын энергия көздерi, олар мынадай түрлерді қамтиды: күн сәулесiнiң энергиясы, жел энергиясы, гидродинамикалық су энергиясы; геотермальдық энергия: топырақтың, жерасты суларының, өзендердiң, су айдындарының жылуы, сондай-ақ бастапқы энергия ресурстарының антропогендiк көздерi: биомасса, биогаз және электр және (немесе) жылу энергиясын өндiру үшiн пайдаланылатын органикалық қалдықтардан алынатын өзге де отын;
12) жаңартылатын энергия көздерін қолдау жөніндегі қаржы-есеп айырысу орталығы (бұдан әрі - қаржы-есеп айырысу орталығы) - жүйелік оператор құратын және уәкілетті орган айқындайтын, ЖЭК объектілері, қалдықтарды энергетикалық кәдеге жарату объектілері өндірген және Қазақстан Республикасының бірыңғай электр энергетикалық жүйесінің электр желілеріне берілген электр энергиясын және тасқындық электр энергиясын Заңда көзделген тәртіппен орталықтандырылған сатып алуды және сатуды жүзеге асыратын заңды тұлға;
13) ЖЭК объектілерінің барынша рұқсат етілген қуаты - электр энергетикалық жүйенің техникалық мүмкіндіктеріне сүйене отырып анықталған, электр желісіне қосылатын күн және жел электр станциялары қуатының барынша рұқсат етілген көлемі;
14) ЖЭК пайдалану объектісі - ЖЭК пайдалана отырып, электр және (немесе) жылу энергиясын өндіруге арналған техникалық құрылғылар және ЖЭК пайдалану объектісін пайдалану үшін технологиялық тұрғыдан қажетті және ЖЭК объектісі меншік иесінің балансындағы, олармен өзара байланысты құрылыстар мен инфрақұрылым;
15) қалдықтарды энергетикалық кәдеге жарату - органикалық қалдықтардан биогаз және өзге де отын алуды қоспағанда, қалдықтардың көлемін азайту және энергия алу, оның ішінде оларды екінші реттік және (немесе) энергетикалық ресурстар ретінде пайдалану мақсатында оларды термиялық өңдеу процесі;
16) қалдықтарды энергетикалық кәдеге жарату жөніндегі объект - қалдықтарды энергетикалық кәдеге жаратуға арналған техникалық құрылғылар мен қондырғылардың және қалдықтарды энергетикалық кәдеге жарату үшін технологиялық тұрғыдан қажетті, олармен өзара байланысты құрылыстар мен инфрақұрылымның жиынтығы;
17) қоршаған ортаны қорғау саласындағы уәкілетті орган - қоршаған ортаны қорғау және табиғат пайдалану саласындағы басшылықты және салааралық үйлестіруді жүзеге асыратын орталық атқарушы орган, сондай-ақ оның аумақтық органдары;
19) резервтік аккредитив - жағдай орын алған (борышкер тұлға бенефициар алдында міндеттемелерін орындамаған) кезде бенефициар пайдасына аккредитив бойынша соманы төлеуге банк міндеттемесі. Резервтік аккредитив SWIT жүйесі бойынша шығарылады;
20) сараланған тізім - аукциондық сауда-саттыққа қатысушылардың өтінімдерінде көрсетілген бағалардың өсуі бойынша реттелген өтінімдер тізімі;
21) сатып алу шарты - қаржы-есеп айырысу орталығы мен ЖЭК немесе қалдықтарды энергетикалық кәдеге жаратуды пайдаланатын энергия өндіруші ұйым арасында жасалатын, ЖЭК немесе қалдықтарды энергетикалық кәдеге жаратуды пайдаланатын энергия өндіруші ұйымнан электр энергиясын аукциондық бағамен сатып алу шарты;
22) сауда жүйесі - интернет арқылы аукциондық сауда-саттықты өткізуді қамтамасыз ететін ұйымдастырушылық, техникалық, бағдарламалық компоненттер кешені;
23) сауда сессиясы - аукциондық сауда-саттыққа қатысушылардың өтінім беруін, аукциондық сауда-саттық бағаларын, көлемдерін анықтау кезінде жүзеге асырылатын және аукциондық сауда-саттық жеңімпаздарының тізілімі қалыптастырылатын процесс;
24) уәкілетті орган - жаңартылатын энергия көздерін пайдалануды қолдау саласындағы басшылықты және салааралық үйлестіруді жүзеге асыратын орталық атқарушы орган;
26) электр желісіне қосылу нүктесі - энергия өндіруші ұйымның жаңартылатын энергия көздерін пайдалану объектісін, энергия өндіруші ұйымның қалдықтарын энергетикалық кәдеге жарату объектісін энергия беруші ұйымның электр желісіне физикалық қосу орны.»;
«2-2. Қалдықтарды энергетикалық кәдеге жарату жөніндегі жобаларды іріктеу және қалдықтарды энергетикалық кәдеге жарату жөніндегі объектілер өндіретін электр энергиясының аукциондық бағаларын айқындау осы Қағидалардың 2-тарауы 6-параграфына сәйкес қалдықтарды энергетикалық кәдеге жарату жөніндегі объектілерді салу бойынша дайындалған негізгі ақпаратпен аукциондық сауда-саттықты ұйымдастыру және өткізу арқылы жүргізіледі.»;
«5. Облыстық, республикалық маңызы бар қала және астананың жергілікті атқарушы органдары 2003 жылғы 20 маусымдағы Қазақстан Республикасын Жер кодексіне (бұдан әрі - Жер кодексі) сәйкес аукциондық сауда-саттықтың жеңімпаздарына жер учаскесіне құқық берілгенге дейін Заңның 7-бабы 3-1) тармақшасына сәйкес жоспарланған ЖЭК пайдалану объектілерін салу үшін жер учаскелерін резервке қоюды жүзеге асырады және тиісті ақпаратты уәкілетті органға Графиктің 1-кестесіне сәйкес нысан бойынша жібереді.»;
«23. Aукциондық сауда-саттықты өткізу кезіндегі сауда сессиясы осы Қағидалардың 3-тармағына немесе қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық өткізу жағдайында, 60-5-тармағының 7) тармақшасына сәйкес бекітілетін мерзімдерде өткізіледі және 30 (отыз) минутқа созылады.
Бұл ретте сауда сессиясы аукциондық сауда-саттыққа қатысушылардан өтінім түскен кезде сауда сессиясы аяқталғанға дейін бес минут ішінде қолда бар ең төменгі ұсыныстан төмен бағасымен 5 (бес) минутқа ұзартылады.
Осы тармақтың екінші бөлігінде көзделген ұзарту мүмкіндігін ескере отырып, сауда сессиясын өткізудің жалпы уақыты ашылған сәтінен бастап 1 (бір) сағаттан аспайды.»;
1) аукциондық сауда-саттыққа қатысуға өтінімдердің белгіленген қуатының жиынтық көлемі белгіленген қуатқа сұраныс көлемінің кемінде 130% құрайды;
2) сауда жүйесінде тіркелген және тиісті аукциондық сауда-саттыққа жіберілген қатысушылардың саны екіден кем емес.
Жоғарыда көрсетілген шарттар орындалмаған жағдайда Ұйымдастырушы баға есебін жүргізбейді, сауда сессиясының жабылу уақыты өткенге дейін сауда-саттықты жабады және сауда-саттықты өтпеді деп жариялайды.
Осы тармақтың 1) тармақшасында көрсетілген шарт судың гидродинамикалық энергиясын, биомассаны, биогазды және электр энергиясын өндіру үшін пайдаланылатын органикалық қалдықтардан алынатын өзге де отынды пайдаланатын қалдықтарды энергетикалық кәдеге жарату объектілерін салу жөніндегі жобаларды іріктеу бойынша аукциондық сауда-саттық жүргізуге жатпайды.»;
«Параграф 6. Қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттықты ұйымдастыру және өткізу
60-1. Қоршаған ортаны қорғау саласындағы уәкілетті орган жергілікті атқарушы органдарға қалдықтарды энергетикалық кәдеге жарату жөніндегі объектіні тиісті өңірде енгізу және осы Қағидалардың 60-2-тармағында көзделген энергетикалық кәдеге жарату жөніндегі объектілерді салу жөнінде ақпарат беру қажеттігі туралы хабарлама жібереді.
60-2. Жергілікті атқарушы органдар қоршаған ортаны қорғау саласындағы уәкілетті органға бір ай мерзімде жазбаша түрде мынадай ақпаратты жібереді:
1) Қазақстан Республикасының Жер кодексіне сәйкес техникалық сипаттамаларын ескере отырып, қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттықтың жеңімпазына жер учаскесін резервтеу және беру (қалдықтарды энергетикалық кәдеге жарату жөніндегі салынуы жоспарланған объектілер үшін) туралы кепілдік хат;
60-3. Қоршаған ортаны қорғау саласындағы уәкілетті орган энергия беруші ұйымдарға және Жүйелік операторға белгілі бір өңірде қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық үшін электр желілеріне қосудың ықтимал нүктелері туралы ақпаратты ұсыну қажеттігі туралы сұрау салуды жібереді.
Энергия беруші ұйымдар сұрау алынған сәттен бастап күнтізбелік 15 (он бес) күн ішінде қоршаған ортаны қорғау саласындағы уәкілетті органға көрсетілген өңірдегі электр желілеріне ең жақын қосылу мүмкіндігі туралы ақпарат береді және қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық жеңімпазы үшін электр желісіне қосудың осы нүктесін резервке қояды.
Электр желілеріне қосылу мүмкіндігі туралы ақпаратты ұсынған сәттен бастап қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық аяқталғанға дейін энергия беруші ұйымдар электр желісіне резервтелген қосу нүктелері бойынша электр желісіне қосуға арналған техникалық шарттарды алуға өтінімдерді қабылдауды тоқтата тұрады.
60-4. Қазақстан Республикасының Жер кодексіне сәйкес жергілікті атқарушы органдар өндіріс және тұтыну қалдықтарын орналастыру жөніндегі объектілерді салуға жер учаскелерін бөледі және энергетикалық кәдеге жарату жөніндегі объектілерді салуға арналған жер учаскелерін жеңімпаздарға жер учаскесіне аукциондық сауда-саттық берген кезге дейін резервте сақтайды.
60-5. Қоршаған ортаны қорғау саласындағы уәкілетті орган осы Қағидалардың 60-2 және 60-3-тармақтарында көрсетілген ақпаратты алғаннан кейін күнтізбелік 7 (жеті) күн ішінде ұйымдастырушыға аукциондық сауда-саттық өткізу үшін мынадай ақпаратты жібереді:
1) 2007 жылғы 9 қаңтардағы Қазақстан Республикасының Экологиялық кодексінің (бұдан әрі - Экологиялық кодекс) 17-бабы 28-17)-тармақшасына сәйкес қоршаған ортаны қорғау саласындағы уәкілетті орган бекітетін Қалдықтарды энергетикалық кәдеге жаратуды пайдаланатын энергия өндіруші ұйымдардың тізбесін қалыптастыру қағидаларында айқындалған энергетикалық кәдеге жарату объектілерін енгізу үшін елді мекендердің топтары бойынша;
2) осы тармақтың 1) тармақшасында көрсетілген топтың әрбір елді мекеніндегі жер учаскелерін резервтеу жөніндегі жергілікті атқарушы органдардың құжаттары бойынша;
3) қалдықтарды энергетикалық кәдеге жаратуды енгізу болжанатын, осы тармақтың 1) тармақшасында көрсетілген топтың әрбір елді мекенінде түзілетін қалдықтардың көлемі туралы;
4) қалдықтарды энергетикалық кәдеге жаратуды енгізу болжанатын, осы тармақтың 1) тармақшасында көрсетілген топтың әрбір елді мекені үшін электр желілеріне қосудың таяу нүктелері туралы;
6) қалдықтарды энергетикалық кәдеге жарату жөніндегі болжамды объектілердің белгіленген қуаты туралы;
7) аукциондық сауда-саттықты өткізу күні мен мерзімі, құжаттарды қабылдау мерзімі және өтінім берушілерді аукциондық сауда-саттықта тіркеу, сондай-ақ сауда сессиясын өткізу күні мен мерзімі туралы.
Бұл ретте, сауда сессиясын өткізу күні Ұйымдастырушы осы тармақта көрсетілген ақпаратты алған сәттен бастап кемінде 2 (екі) ай бұрын айқындалады.
60-6. Энергетикалық кәдеге жарату жөніндегі объектілерді салу жөніндегі ақпаратты алғаннан кейін Ұйымдастырушы 3 (үш) жұмыс күні ішінде оны өзінің интернет-ресурсында, сондай-ақ өтінім берушілерді аукциондық сауда-саттықта тіркеу және құжаттарды қабылдау шарттары мен мерзімдерін орналастырады.
60-7. Қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттыққа дайындық осы Қағидалардың 10, 11, 12, 15, 16, 17 және 18-тармақтарына, 18-тармақтың 5) тармақшасын және 43-тармақты қоспағанда, сәйкес жүргізіледі.
60-8. Осы Қағидалардың 10-тармағына сәйкес Ұйымдастырушы осы Қағидалардың 60-5-тармағына сәйкес ұсынылған ақпарат мәтіні орналастырылған күннен бастап 1 (бір) ай ішінде сауда жүйесінің деректер базасында құжаттарды қабылдауды және өтінім берушілерді тіркеуді жүргізеді.
60-9. Ұйымдастырушы құжаттарды қабылдау және өтінім берушілерді тіркеу аяқталған күннен бастап үш жұмыс күнінен кешіктірмей қоршаған ортаны қорғау саласындағы уәкілетті органға Ұйымдастырушының сауда жүйесінің деректер базасында тіркеуден өткен аукциондық сауда-саттыққа қатысушылардың тізімін жібереді және Ұйымдастырушының интернет-ресурсында орналастырады.
60-10. Қалдықтарды энергетикалық кәдеге жарату жөніндегі жобаларды іріктеу жөніндегі аукциондық сауда-саттыққа қатысушылар қоршаған ортаны қорғау саласындағы уәкілетті органға Экологиялық кодекстің 17-бабы 28-17)-тармақшасына сәйкес қоршаған ортаны қорғау саласындағы уәкілетті орган бекіткен, Қалдықтарды энергетикалық кәдеге жаратуды пайдаланатын энергия өндіруші ұйымдардың тізбесін қалыптастыру қағидаларына сәйкес қалдықтарды энергетикалық кәдеге жаратуды пайдаланатын энергия өндіруші ұйымдардың тізбесіне оларды енгізу үшін құжаттарды жібереді.
60-11. Қалдықтарды энергетикалық кәдеге жаратуды пайдаланатын энергия өндіруші ұйымдардың тізбесін қалыптастыру мәселелері жөніндегі Комиссия 1 (бір) айдан аспайтын мерзімде қатысушылар ұсынған құжаттарды қарайды, шешім қабылдайды және қалдықтарды энергетикалық кәдеге жаратуды пайдаланатын энергия өндіруші ұйымдардың тізбесін сауда сессиясы өткізілетін күнге дейін күнтізбелік 15 күннен кешіктірмей Ұйымдастырушыға жібереді.
60-12. Қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттыққа қатысу үшін өтінім беру осы Қағидалардың 21, 22, 23, 25-тармақтарына, 26-тармақтың 1), 2) және 3) тармақшаларына және 27, 28, 31, 32 және 33-тармақтарына сәйкес жүзеге асырылады.
60-13. Ұйымдастырушы аукциондық сауда-саттық ашылғанға дейін сауда жүйесіне осы Қағидалардың 60-5-тармағында көрсетілген ақпаратты енгізеді, сауда сессиясы ашылғанға дейін сауда жүйесіне қаржы-есеп айырысу орталығынан алынған аукциондық сауда-саттыққа қатысуға өтінімдерді қаржылық қамтамасыз ету шамалары туралы ақпаратты енгізеді.
60-14. Aукционға қатысуға өтінімді қаржылық қолдау түрлері және олардың қалдықтарды энергетикалық кәдеге жарату жөніндегі жобаларды іріктеу бойынша сауда-саттыққа кіру және қайтару шарттары осы Қағидалардың 20, 34, 35, 36, 37, 38, 39, 40, 41, 42, 44, 45, 46, 47, 48 және 49-тармақтарына сәйкес регламенттеледі.
60-15. Қатысуға арналған аукциондық сауда-саттыққа өтінімді қаржылық қамтамасыз ету мөлшері осы Қағидалардың 60-5-тармағының 6) тармақшасына сәйкес қоршаған ортаны қорғау саласындағы уәкілетті орган ұсынған ақпаратта көрсетілген қалдықтарды энергетикалық кәдеге жарату жөніндегі объектінің белгіленген қуатына көбейтілген, белгіленген қуаттың 1 (бір) киловатына - 5000 (бес мың) теңгені құрайды.
60-16. Сауда сессиясына қалдықтарды энергетикалық кәдеге жаратуды пайдаланатын энергия өндіруші ұйымдардың тізбесіне енгізілген аукциондық сауда-саттыққа қатысушылар қатысады.
2) қатысушының оның барлық параметрлерімен берген аукциондық сауда-саттыққа қатысуға өтінімі (бағасы, өтінімді беру уақыты);
60-17. Сауда сессиясына қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттыққа бір қатысушы қатысқан жағдайда, Ұйымдастырушы келесі шарттарды ұсына отырып, осы қатысушыға оферта жібереді:
1) егер шекті аукциондық баға 50%-ға және одан да көп төмендеген жағдайда, онда оферта осы қатысушының өтінімінде тіркелген ең төмен бағадан 1% -ға төмен жіберіледі;
2) егер шекті аукциондық баға 30%-дан 50%-ға дейінгі диапазонда төмендеген жағдайда, онда оферта осы қатысушының өтінімінде тіркелген ең төменгі бағадан 5% - ға төмен жіберіледі;
3) егер шекті аукциондық баға 10%-дан 30%-ға дейінгі диапазонда төмендеген жағдайда, онда оферта осы қатысушының өтінімінде тіркелген ең төменгі бағаның 7% -на төмен жіберіледі;
4) егер шекті аукциондық баға 10%-ға дейін төмендеген жағдайда, онда оферта осы қатысушының өтінімінде тіркелген ең төменгі бағадан 10%-ға төмен жіберіледі.
Осы тармақта көрсетілген қатысушының келісімі алынған жағдайда, оны аукциондық сауда-саттық жеңімпаздарының тізіліміне енгізеді.
Қатысушыдан бас тарту алған жағдайда, Ұйымдастырушы сауда сессиясын жабу уақыты өткенге дейін сауда-саттықты жабады және сауда-саттықты өтпеді деп жариялайды.
60-18. Қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық қорытындыларын шығару және жеңімпаздарын айқындау тәртібі осы Қағидалардың 51, 52, 53-1, 57, 58 және 60-тармақтарына сәйкес регламенттеледі.
60-19. Ұйымдастырушы сауда сессиясы жабылғаннан кейін 1 (бір) жұмыс күнінен кешіктірмей аукциондық сауда-саттықты өткізу тәртібін кезең-кезеңімен ашып көрсете отырып және сауда жүйесіне берілген барлық өтінімдер туралы толық ақпаратты және аукциондық сауда-саттық жеңімпаздарының тізілімін көрсете отырып, қалдықтарды энергетикалық кәдеге жарату жөніндегі жобаларды іріктеу бойынша өткізілген аукциондық сауда-саттық қорытындыларын қалыптастырады және қоршаған ортаны қорғау саласындағы уәкілетті органға жібереді.
60-20. Қалдықтарды энергетикалық кәдеге жарату жөніндегі жобаларды іріктеу бойынша аукциондық сауда-саттық жеңімпаздары оларды аукциондық сауда-саттық жеңімпаздарының тізіліміне енгізгеннен кейін күнтізбелік 60 (алпыс) күн ішінде энергетикалық кәдеге жарату жөніндегі әрбір жекелеген объект бойынша қаржы-есеп айырысу орталығымен сатып алу-сату шартын жасасу үшін өтінім береді.»;
«64-1. Егер аукциондық сауда-саттық осы Қағидалардың 51-тармағында көрсетілген себептер бойынша өтпеді деп жарияланған жағдайда, Ұйымдастырушы оларды келесі тоқсанның соңғы айының екінші он күндігінде бір реттен көп емес қайта өткізеді.»;
2. Қазақстан Республикасы Энергетика министрлігінің Жаңартылатын энергия көздері департаменті Қазақстан Республикасының заңнамасында белгіленген тәртіппен:
3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.
Қазақстан Республикасы
Энергетика министрі Н. Ногаев
Энергетика министрі Н. Ногаев
«КЕЛІСІЛДІ»
Қазақстан Республикасы
Ұлттық экономика министрлігі
«КЕЛІСІЛДІ»
Қазақстан Республикасы Экология,
геология және табиғи ресурстар министрлігі
Қазақстан Республикасы
Энергетика министрі
2021 жылғы 9 наурыздағы
№ 74 бұйрығына
1-қосымша
Aукционға қатысушыларға
қойылатын біліктілік
талаптарын, өтінімнің мазмұнын
және оны беру тәртібін,
аукционға қатысуға арналған
өтінімді қаржылық қамтамасыз
ету түрлерін және оларды енгізу
мен қайтару шарттарын,
қорытынды шығару және
жеңімпаздарды анықтау тәртібін
қамтитын аукциондық сауда-
саттықты ұйымдастыру мен
өткізу қағидаларына
1-қосымша
Энергетика министрі
2021 жылғы 9 наурыздағы
№ 74 бұйрығына
1-қосымша
Aукционға қатысушыларға
қойылатын біліктілік
талаптарын, өтінімнің мазмұнын
және оны беру тәртібін,
аукционға қатысуға арналған
өтінімді қаржылық қамтамасыз
ету түрлерін және оларды енгізу
мен қайтару шарттарын,
қорытынды шығару және
жеңімпаздарды анықтау тәртібін
қамтитын аукциондық сауда-
саттықты ұйымдастыру мен
өткізу қағидаларына
1-қосымша
Нысан
Сауда-саттық күні (айы)
|
Сауда-саттықты өткізу уақыты (Нұр-Сұлтан қаласы уақыты мен)
|
Aукциондық сауда-саттыққа қатысушылар тізіліміне енгізу үшін құжаттар қабылдау кезеңі
|
БЭЖ аймағы
|
ЖЭК типі
|
Сатып алынатын белгіленген қуат көлемі, МВт
|
Шекті аукциондық баға шамасы, тг/кВт*сағ
|
Пайдалануға енгізу талап етілетін күн, шарттың қолданылу мерзімі
|
Жобаның белгіленген қуатының 1 кВт есебінен аукциондық сауда-саттыққа қатысуға өтінімнің қаржылық қамтамасыз етуі
|
Жобаның белгіленген қуатының 1 кВт есебінен сатып алу шартының талаптарын орындауды қаржылық қамтамасыз ету
|
Құжаттама ның болуы (бар/жоқ)
|
|
шағын 0,1-ден 10 МВт дейін қоса алғанда ( 0,75 МВт басталатын ЖЭС үшін)
|
ірілері 10 МВт және одан жоғары
|
||||||||||
Жаңартылатын энергия көздерін пайдалану объектілерін салу үшін жоспарланатын резервтелген жер учаскелері туралы ақпаратпен 1-кесте
р/с №
|
Облыс
|
Aудан
|
Елді мекен
|
Жер ауданы, гектар
|
Жер санаты
|
Электр желілеріне қосу нүктелері бойынша барынша рұқсат етілген қуат және болжамды қосу саны көрсетілген энергия беруші ұйымның электр желілеріне қосылу мүмкіндігі туралы ақпаратпен 2-кесте
Энергия беруші ұйым
|
Облыс
|
Aудан
|
ЭБЖ
|
Кіші станция
|
Қосылу қуаты бойынша (белгіленген қуаттың максималды рұқсат етілген көлемі) шектеу, МВт
|
Жаңа қосылулар саны бойынша шектеу
|
|
Aтауы, координаттары
|
Шиналары
|
||||||
Ескерпе:
осы қосымшада қолданылатын аббревиатуралардың оқылуы:
БЭЖ - бірыңғай энергетикалық жүйе;
ЖЭК - жаңартылатын энергия көздері;
ЖЭС - жел электр станциялары;
ЭБЖ - электр беру желілері;
МВт - мегаватт;
кВт - киловатт;
тг/кВт*сағ - тенге/киловатт*сағат.
Қазақстан Республикасы
Энергетика министрі
2021 жылғы 9 наурыздағы
№ 74 бұйрығына
2-қосымша
Aукционға қатысушыларға
қойылатын біліктілік
талаптарын, өтінімнің мазмұнын
және оны беру тәртібін,
аукционға қатысуға арналған
өтінімді қаржылық қамтамасыз
ету түрлерін және оларды енгізу
мен қайтару шарттарын,
қорытынды шығару және
жеңімпаздарды анықтау тәртібін
қамтитын аукциондық сауда-
саттықты ұйымдастыру
мен өткізу қағидаларына
2-қосымша
Энергетика министрі
2021 жылғы 9 наурыздағы
№ 74 бұйрығына
2-қосымша
Aукционға қатысушыларға
қойылатын біліктілік
талаптарын, өтінімнің мазмұнын
және оны беру тәртібін,
аукционға қатысуға арналған
өтінімді қаржылық қамтамасыз
ету түрлерін және оларды енгізу
мен қайтару шарттарын,
қорытынды шығару және
жеңімпаздарды анықтау тәртібін
қамтитын аукциондық сауда-
саттықты ұйымдастыру
мен өткізу қағидаларына
2-қосымша
Нысан
№ п/п
|
Сауда-саттық күні
|
Мәміле нөмірі
|
ЖЭК түрі/қалдықтарды энергетикалық кәдеге жарату объектісі
|
Жеңімпаздың атауы
|
Жер учаскесі
|
Қосылу нүктесі
|
Aукциондық бағасы, тг/кВт*сағ (ҚҚС-сыз)
|
Белгіленген қуат, кВт
|
1
|
||||||||
2
|
||||||||
ЖИЫНЫ:
|
||||||||
Ескертпе:
осы қосымшада қолданылатын аббревиатуралардың оқылуы:
ЖЭК - жаңартылатын энергия көздері;
ҚҚС - қосылған құн салығы;
тг/кВт*сағ - теңге/киловатт*сағат;
кВт - киловатт.
