БҰЙЫРАМЫН:
1. "Қазақстан Республикасы ұлттық қауіпсіздік органдары әскери, арнаулы оқу орындарының тауарларды (жұмыстарды, көрсетілетін қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, көрсетілетін қызметтерді) өткізуден түскен ақшаны жұмсау қағидаларын бекіту туралы" Қазақстан Республикасы Ұлттық қауіпсіздік комитеті Төрағасының 2018 жылғы 13 желтоқсандағы № 101/қе (Нормативтік құқықтық актілерді мемлекеттік тіркеу тізілімінде № 17938 болып тіркелген, Қазақстан Республикасы нормативтік құқықтық актілерінің эталондық бақылау банкінде электронды түрде 2018 жылғы 20 желтоқсанда жарияланған) бұйрығына мынадай өзгерістер енгізілсін:
аталған бұйрықпен бекітілген Қазақстан Республикасы ұлттық қауіпсіздік органдары әскери, арнаулы оқу орындарының тауарларды (жұмыстарды, көрсетілетін қызметтерді) өткізу жөніндегі ақылы қызмет түрлерін көрсету және олардың тауарларды (жұмыстарды, көрсетілетін қызметтерді) өткізуден түскен ақшаны жұмсау қағидаларында:
4-тармақ мынадай редакцияда жазылсын:
4. ҰҚО оқу орындары интернет-ресурстарында және (немесе) бұқаралық ақпарат құралдарында мынадай ақпаратты орналастырады:
1) ҰҚО оқу орындарының ақылы негізде өткізетін тауарларының (жұмыстардың, көрсетілетін қызметтердің) тізбесін;
2) ұсынылатын тауарлардың (жұмыстардың, көрсетілетін қызметтердің) бағаларын.";
8-тармақ мынадай редакцияда жазылсын:
"8. Мыналардан:
1) ғылыми зерттеулер жүргізуден түсетін қаражат Қазақстан Республикасы Үкіметінің 2011 жылғы 25 мамырдағы № 575 қаулысымен бекітілген Ғылыми және (немесе) ғылыми-техникалық қызметті базалық, гранттық және бағдарламалық-нысаналы қаржыландыру қағидаларының 25, 53-тармақтарына сәйкес жұмсалады;
2) қосымша білім беру бағдарламаларын өткізуден, оқу-әдістемелік әдебиеттерді, баспа және (немесе) полиграфиялық өнімдерді әзірлеуден және (немесе) өткізуден түсетін қаражаттар мынадай бағыттар бойынша:
шығыс материалдарын, жиһаздар, мүкәммалдар сатып алуға;
қызмет көрсетуді қоса алғанда, жабдықтар мен бағдарламалық қамтамасыз етуді сатып алуға;
әдебиеттер, оқу басылымдарын, көрнекі материалдар сатып алуға;
оқу-материалдық базаны нығайтуға;
қосымша білім беру бағдарламаларын өткізуге, кәсіби білім беруді ұйымдастыруға, оқу-әдістемелік әдебиеттерді, баспа және (немесе) полиграфиялық өнімдерді әзірлеуге және өткізуге тартылатын штаттан тыс мамандардың еңбегіне ақы төлеуге;
оқу, ғылыми және әдістемелік материалдарды шығаруға;
ҰҚО оқу орындарының қызметкерлері, әскери қызметшілері мен жұмыскерлерінің біліктілігін арттыруға және тағылымдамадан өтуге;
тамақтану мен мәдени-демалыс іс-шараларын ұйымдастыруды қоса алғанда, конференциялар, семинарлар, дөңгелек үстелдер, спорттық жарыстар, оқыту тренингтері, олимпиадалар, мерейтойлық іс-шаралар жүргізуге, ақпараттық материалдар сатып алуға;
электрондық ақпараттық ресурстарды немесе оларды пайдалану құқығын сатып алуға;
қосымша білім беру бағдарламалары бойынша оқу процесін ұйымдастыруға;
үй-жайларды, жабдықтар мен техниканы жалға алуға;
кәдесый өнімдерін сатып алуға;
оқу және ғылыми мақсаттарға арналған бейнероликтер, бейнефильмдер, аудиожазбалар дайындауға;
білім беру қызметін қамтамасыз ететін ғимараттар мен құрылыстарды ағымдағы жөндеуге;
көлік құралдарын, сондай-ақ оларға қызмет көрсету жөніндегі тауарлар мен қызметтерді сатып алуға;
Қазақстан Республикасының заңнамасында белгіленген іссапар шығындарын өтеу нормалары шегінде қосымша білім беру бағдарламаларын өткізуге, оқу-әдістемелік әдебиеттерді, баспа және (немесе) полиграфиялық өнімдерді әзірлеуге және өткізуге байланысты іссапарларға;
байланыс қызметіне, жарнама және көлік қызметтеріне ақы төлеуге;
қосымша білім беру бағдарламаларын өткізу, оқу-әдістемелік әдебиеттерді, баспа және (немесе) полиграфиялық өнімдерді әзірлеу және өткізу шеңберінде банктік қызметтерге ақы төлеуге;
қосымша білім беру бағдарламаларын өткізу шеңберінде кофе-брейктерді ұйымдастыру және өткізу қызметтеріне ақы төлеуге;
қосымша білім беру бағдарламалары шеңберінде ақылы білім беру қызметтерін көрсету үшін тартылатын мамандардың (оның ішінде ҰҚО оқу орындарының кадр құрамы қатарынан) қызметтеріне ақы төлеуге жұмсалады.".
2. "Қазақстан Республикасы ұлттық қауіпсіздік органдары әскери, арнаулы оқу орындарының ақылы негізде берілетін тауарларына (жұмыстарына, көрсетілетін қызметтеріне) бағаларды бекіту туралы" Қазақстан Республикасы Ұлттық қауіпсіздік комитеті Төрағасының 2018 жылғы 13 желтоқсандағы № 102/қе (Нормативтік құқықтық актілерді мемлекеттік тіркеу тізілімінде № 17937 болып тіркелген, Қазақстан Республикасы нормативтік құқықтық актілерінің эталондық бақылау банкінде электронды түрде 2018 жылғы 20 желтоқсанда жарияланған) бұйрығына мынадай өзгеріс енгізілсін:
аталған бұйрықпен бекітілген Қазақстан Республикасы ұлттық қауіпсіздік органдары әскери, арнаулы оқу орындарының ақылы негізде берілетін тауарларына (жұмыстарына, көрсетілетін қызметтеріне) бағалар осы бұйрыққа қосымшаға сәйкес жаңа редакцияда жазылсын.
3. Қазақстан Республикасы Ұлттық қауіпсіздік комитетінің Академиясы заңнамамен белгіленген тәртіпте:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрық ресми жарияланғаннан кейін Қазақстан Республикасы Ұлттық қауіпсіздік комитетінің интернет-ресурсында орналастыруды қамтамасыз етсін.
4. Осы бұйрықпен Қазақстан Республикасы ұлттық қауіпсіздік органдарының кадрлық құрамы таныстырылсын.
5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Ұлттық қауіпсіздік комитетінің Төрағасы |
К. Масимов |
"КЕЛІСІЛГЕН"
Қазақстан Республикасының
Білім және ғылым министрлігі
___________________________
20___ жылғы "____" _________
"КЕЛІСІЛГЕН"
Қазақстан Республикасының
Қаржы министірлігі
___________________________
20___ жылғы "____" _________
Қазақстан Республикасы ұлттық қауіпсіздік органдары әскери, арнаулы оқу орындарының ақылы негізде берілетін тауарларына (жұмыстарына, көрсетілетін қызметтеріне) бағалар
Тармақ № | Тауарлардың (жұмыстардың, көрсетілетін қызметтердің) атауы | Өлшем бірлігі | Бағасы (теңгемен) |
1-тарау. Ғылыми зерттеулер жүргізу | |||
1. | Гранттық қаржыландыру шеңберіндегі ғылыми-зерттеу және (немесе) тәжірибелік-конструкторлық жұмыстар | жұмыс | ҰҒК* шешіміне сәйкес |
2. | Бағдарламалық-нысаналы қаржыландыру шеңберіндегі ғылыми-зерттеу және (немесе) тәжірибелік-конструкторлық жұмыстар | жұмыс | ҰҒК және ЖҒТК** шешіміне сәйкес |
2-тарау. Қосымша білім беру бағдарламаларын өткізу | |||
3. | "Талдамалық ойлау дағдылары" курстарында оқыту, 1 адамға | академиялық сағат | 4 000*** |
4. | Полиграфолог-мамандарды бастапқы даярлау курстарында оқыту, 1 адамға | академиялық сағат | 4 000*** |
5. | "Профайлинг. Жалғандықты байланыссыз анықтау" курстарында оқыту, 1 адамға | академиялық сағат | 4 000*** |
6. | Шет тілін үйрету курстарында оқыту (араб, қытай, парсы, тәжік, урду және хинди қоспағанда), 1 адамға | академиялық сағат | 2 500*** |
7. | Шет тілін үйрету курстарында оқыту (араб, қытай, парсы, тәжік, урду және хинди), 1 адамға | академиялық сағат | 4 000*** |
8. | "Объектілердің кешенді қауіпсіздігі" курстарында оқыту, 1 адамға | академиялық сағат | 4 000*** |
9. | "RedHat Linux" операциялық жүйені сүйемелдеу бойынша курстарында оқыту, 1 адамға | академиялық сағат | 5 000*** |
10. | "Киберинциденттерді талдау" курстарында оқыту, 1 адамға | академиялық сағат | 10 000*** |
11. | "Ақпаратты криптографиялық қорғау" курстарында оқыту, 1 адамға | академиялық сағат | 5 000*** |
12. | Футбол спорттық секциясында оқыту, 1 адамға | академиялық сағат | 1 200**** |
13. | Волейбол спорттық секциясында оқыту, 1 адамға | академиялық сағат | 1 200**** |
14. | Баскетбол спорттық секциясында оқыту, 1 адамға | академиялық сағат | 1 200**** |
15. | Жеңіл атлетика спорттық секциясында оқыту, 1 адамға | академиялық сағат | 1 200**** |
16. | Теннис спорттық секциясында оқыту, 1 адамға | академиялық сағат | 1 200**** |
17. | Фитнес спорттық секциясында оқыту, 1 адамға | академиялық сағат | 1 200**** |
3-тарау. Оқу-әдістемелік әдебиеттерді, баспа және (немесе) полиграфиялық өнімдерді әзірлеу және (немесе) өткізу | |||
18. | Мәтінді редакциялау | бет | 400 |
19. | Аудару (орысша, қазақша) | бет | 1000 |
20. | Корректура | бет | 80 |
21. | Мәтінді теру А4 форматта | бет | 150 |
22. | Беттеу | бет | 100 |
23. | Түзету | бет | 40 |
24. | Салыстыру | бет | 30 |
25. | Дизайн | 1 сағат | 3000 |
26. | Сканерлеу А4 | бет | 70 |
27. | Басып шығару А4 форматта (қара-ақ, 5% бояқ құю, 80 грамм) | бет | 8 |
28. | Басып шығару А4 форматта (түрлі-түсті, 5% бояқ құю, 80 грамм) | бет | 13 |
29. | Басып шығару А3 форматта (қара-ақ, 5% бояқ құю, 80 грамм) | бет | 10 |
30. | Басып шығару А3 форматта (түрлі-түсті, 5% бояқ құю, 80 грамм) | бет | 18 |
31. | Басып шығару А4 форматта (қара-ақ, 5% бояқ құю, 160 грамм) | бет | 15 |
32. | Басып шығару А4 форматта (түрлі-түсті, 5% бояқ құю, 160 грамм) | бет | 22 |
33. | Басып шығару А3 форматта (қара-ақ, 5% бояқ құю, 160 грамм) | бет | 26 |
34. | Басып шығару А3 форматта (түрлі-түсті, 5% бояқ құю, 160 грамм) | бет | 35 |
35. | Басып шығару А4 форматта (қара-ақ, 5% бояқ құю, 300 грамм) | бет | 26 |
36. | Басып шығару А4 форматта (түрлі-түсті, 5% бояқ құю, 300 грамм) | бет | 35 |
37. | Басып шығару А3 форматта (қара-ақ, 5% бояқ құю, 300 грамм) | бет | 47 |
38. | Басып шығару А3 форматта (түрлі-түсті, 5% бояқ құю, 300 грамм) | бет | 56 |
39. | Мәтінді тираждау (қара/ақ) | парақ | 15 |
40. | Түптеу (термобиндер, серіппе) | дана | 160 |
41. | Ламинаттау А4, А3 (ыстық пакетті) | парақ | 70 |
42. | Қағазды кесу (электрлі) | парақ | 10 |
43. | Фальцовка | биг | 10 |
Ескертпе:
1. *ҰҒК – Ұлттық ғылыми кеңес.
2. **ЖҒТК – Жоғары ғылыми-техникалық комиссия.
3. ***Жұмыскерлерді тиісті курстарға оқуға жіберген коммерциялық ұйымдар үшін мынадай мөлшерлерде жеңілдік беріледі:
10-нан 20 адамға дейін – 10 пайыз;
20-дан және одан да көп адам – 20 пайыз.
Коммерциялық емес ұйымдар, сондай-ақ дауыс беретін акцияларының елу және одан да көп пайызы мемлекетке тиесілі ұйымдар, жіберетін қызметкерлер үшін 20 пайыз мөлшерінде жеңілдік беріледі.
4. ****Спорт секцияларының оқулары үшін ақы төленген жағдайда мынадай мөлшерлерде жеңілдік беріледі:
8 академиялық сағаттан кем емес - 10 пайыз;
24 академиялық сағаттан кем емес - 20 пайыз;
48 академиялық сағаттан кем емес - 30 пайыз.
