Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 35 бабына, Қазақстан Республикасының 1993 жылғы 8 желтоқсандағы "Қазақстан Республикасының әкімшілік-аумақтық құрылысы туралы" Заңының 14 бабының 4) тармақшасына сәйкес, тиісті аумақ халқының пікірін ескере отырып және Ақтөбе облысы әкімдігі жанындағы облыстық ономастика комиссиясының 2020 жылғы 22 қазандағы № 2 қорытындысы негізінде, Кішіқұм ауылдық округінің әкімі ШЕШІМ ҚАБЫЛДАДЫ:
1. Кішіқұм ауылдық округіндегі келесі елді мекендердің көшелері қайта аталсын:
1) Қарашоқат стансасында:
"Достық" көшесін "Спандияр Көбеев" көшесіне,
"Теміржолшылар" көшесін "Атақоныс" көшесіне;
2) Шоқысу стансасында:
"Теміржолшылар" көшесін "Жерұйық" көшесіне,
"Сарбұлақ" көшесін "Құлагер" көшесіне,
"Толағай" көшесін "Сарыжайлау" көшесіне.
2. "Ақтөбе облысы Шалқар ауданы Кішіқұм ауылдық округі әкімінің аппараты" мемлекеттік мекемесі заңнамада белгіленген тәртіппен:
1) осы шешімді Ақтөбе облысының Әділет департаментінде мемлекеттік тіркеуді;
2) осы шешімді оны ресми жариялағаннан кейін Шалқар ауданы әкімдігінің интернет-ресурсында орналастыруды қамтамасыз етсін.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Кішіқұм ауылдық округінің әкімі | К. Казбеков |
