Қазақстан Республикасының 2005 жылғы 8 шілдедегі "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Заңының 7-бабы 2-тармағының 17-11) тармақшасына, Қазақстан Республикасы Ауыл шаруашылығы министрінің 2019 жылғы 29 шілдедегі № 280 "Әлеуметтік маңызы бар азық-түлік тауарларына бағаларды тұрақтандыру тетіктерін іске асырудың үлгілік қағидаларын бекіту туралы" бұйрығына және Алматы қаласының әлеуметтік маңызы бар азық-түлік тауарларына бағаларды тұрақтандыру тетіктерін іске асыруды қамтамасыз ету жөніндегі комиссия отырысының 2020 жылғы 10 желтоқсандағы № 13 хаттамасына сәйкес, Алматы қаласының әкімдігі ҚАУЛЫ ЕТЕДІ:
1. Қоса беріліп отырған азық-түлік тауарларының өңірлік тұрақтандыру қорына сатып алынатын азық-түлік тауарларының тізбесі және шекті сауда үстемесі бекітілсін.
2. "Алматы қаласы Кәсіпкерлік және инвестициялар басқармасы" коммуналдық мемлекеттік мекемесі осы қаулының әділет органдарында мемлекеттік тіркелуін, кейіннен мерзімді баспа басылымдарында ресми жариялануын және интернет-ресурста орналастырылуын қамтамасыз етсін.
3. Осы қаулының орындалуын бақылау Алматы қаласы әкімінің орынбасары М. С. Қиқымовқа жүктелсін.
4. Осы қаулы алғаш ресми жарияланған күнінен бастап қолданысқа енгізіледі.
| Алматы қаласының әкімі | Б. Сагинтаев |
| Алматы қаласының әкімі 2021 жылғы 26 ақпандағы № 1/152 |
|
| Алматы қаласы әкімдігінің қаулысына қосымша |
Өңірлік тұрақтандыру қорына сатып алынатын азық-түлік тауарларының
тізбесі және шекті сауда үстемесі
№ | Азық-түлік тауарларының атауы | Көлемі, тонна | Шекті сауда үстемесі (жеткізу құнын қоса алғанда, сатып алу бағасынан артық емес) % |
1 | Қарақұмық жармасы (ядро, салмақтық) | 300 | 10 |
2 | Тегістелген күріш (дөңгелек дәнді, салмақтық) | 1 000 | 10 |
3 | Ақ қант-құмшекер | 1 000 | 10 |
