Қазақстан Республикасының 2003 жылғы 20 маусымдағы Жер кодексінің 17 бабының 5-1) тармақшасына және 69 бабының 4 тармағының 2-1) тармақшасына, Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабына сәйкес, аудан әкімдігі ҚАУЛЫ ЕТЕДІ:
1. "МұнайТас" Солтүстік-Батыс құбыр компаниясы" жауапкершілігі шектеулі серіктестігіне Қызылқоға ауданы аумағынан "Кеңқияқ-Атырау магистральдық мұнай құбырының желілік бөліктерін (құбыр) пайдалану үшін жалпы көлемі 8,925 гектар жер учаскесі шектеулі нысаналы мақсатта (қауымдық сервитут) жер пайдалану құқығын 2070 жылдың 31 желтоқсанына дейінгі мерзімге қауымдық сервитут белгіленсін.
2. Осы қаулының орындалысын бақылау аудан әкімінің орынбасары Ж.Тұрдағалиевқа жүктелсін.
3. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Қызылқоға ауданының әкімі | Н. Бисембиев |
