ЗҚАИ-ның ескертпесі.
Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңының 37-бабы 3-тармағына, "Ветеринария туралы" Қазақстан Республикасының Заңының 10-1-бабы 8) тармақшасына, "Құқықтық актілер туралы" Қазақстан Республикасының Заңының 27-бабына сәйкес және Зайсан ауданының бас мемлекеттік ветеринариялық-санитариялық инспекторының 2021 жылғы 31 мамырдағы № 552 ұсынысы негізінде, ШЕШТІМ:
1. Мүйізді ірі-қара малдарының бруцеллез ауруының ошақтарын жою жөніндегі ветеринариялық іс-шаралар кешені жүргізілгеніне байланысты Дайыр ауылдық округіне қарасты "Жәнібек-БР" және "Сенімжер" шаруа қожалықтарына белгіленген шектеу іс-шаралары алып тасталсын.
2. Зайсан ауданының Дайыр ауылдық округі әкімінің "Дайыр ауылдық округіне қарасты "Жәнібек-БР" және "Сенімжер" шаруа қожалықтарына шектеу іс-шараларын белгілеу туралы" 2021 жылғы 22 қаңтардағы №3 (нормативтік құқықтық актілерді мемлекеттік тіркеу тізілімінде №8360 болып тіркелген) шешімнің күші жойылды деп танылсын.
3. "Дайыр ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіппен:
1) осы шешімнің Қазақстан Республикасының Әділет министрлігінде мемлекеттік тіркелуін;
2) осы шешім мемлекеттік тіркелген күнінен кейін күнтізбелік он күн ішінде оның көшірмесін Зайсан ауданының аумағында таратылатын мерзімді баспа басылымдарында ресми жариялауға жолданылуын;
3) осы шешімді ресми жарияланғаннан кейін Зайсан ауданы әкімдігінің интернет-ресурсына орналастыруын қамтамасыз етсін.
4. Осы шешімнің орындалуын бақылауды өзіме қалдырамын.
5. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Дайыр ауылдық округінің әкімі | Н. Исанов |
