Қазақстан Республикасының "Ветеринария туралы" Заңының 10-1-бабының 8) тармақшасына, Қазақстан Республикасының "Құқықтық актілер туралы" Заңының 27-бабына сәйкес Күршім ауданының бас мемлекеттік ветеринариялық-санитариялық инспекторының 2021 жылғы 30 қарашадағы № 1566 ұсынысы негізінде, ШЕШТІМ:
1. Күршім ауданы Сарыөлең ауылдық округіне қарасты Сарыөлең, Барақ батыр, Бірлік ауылдарының жеке қосалқы шаруашылықтарының ірі қара малдарынан ұйымдастырылған санитарлық табынға сарып ауруы ошақтарын жою бойынша кешенді ветеринариялық-санитариялық іс-шаралардың жүргізілуіне байланысты, белгіленген шектеу іс-шаралары тоқтатылсын.
2. Күршім ауданы Сарыөлең ауылдық округі әкімінің 2021 жылғы 26 сәуірдегі № 1 "Күршім ауданы Сарыөлең ауылдық округіне қарасты Сарыөлең, Барақ батыр, Бірлік ауылдарының жеке қосалқы шаруашылықтарынан сарып ауруына оң нәтиже берген аулаларының мүйізді ірі қара малдарынан ұйымдастырылған санитарлық табынға шектеу іс-шарасын белгілеу туралы" (Нормативтік құқықтық актілерді мемлекеттік тіркеу тізілімінде № 8682 болып тіркелген) шешімінің күші жойылды деп танылсын.
3. "Шығыс Қазақстан облысы Күршім ауданы Сарыөлең ауылдық округі әкімінің аппараты" мемлекеттік мекемесі Қазақстан Республикасының заңнамада белгіленген тәртіппен:
1) осы шешімнің Қазақстан Республикасының Әділет министрлігінде мемлекеттік тіркелуін;
2) осы шешімді оның ресми жарияланғаннан кейін Күршім ауданы әкімдігінің интернет-ресурсына орналастыруын қамтамасыз етсін.
4. Осы шешімнің орындалуын бақылауды өзіме қалдырамын.
5. Осы шешім оның алғашқы ресми жарияланған күнінен бастап қолданысқа енгізіледі.
|
ШҚО Күршім ауданының Сарыөлең ауылдық округінің әкімі |
С. Аксартов |
