ЗҚАИ-ның ескертпесі!
Бұйрықтың қолданысқа енгізілу тәртібін 4-т. қараңыз
БҰЙЫРАМЫН:
1. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сатып алу тізбесін қалыптастыру қағидаларын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-324/2020 бұйрығына (Нормативтік құқықтық актілерді мемлекеттік тіркеу тізілімінде № 21910 болып тіркелген) мынадай өзгерістер мен толықтырулар енгізілсін:
көрсетілген бұйрыққа қосымшамен бекітілген Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сатып алу тізбесін қалыптастыру қағидаларында:
3-тармақ мынадай редакцияда жазылсын:
"3. Уәкілетті орган тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде орфандық және (немесе) әлеуметтік мәні бар аурулардың, айналадағыларға қауіп төндіретін аурулардың профилактикасы мен емдеуге, тегін және (немесе) жеңілдікті амбулаториялық емдеу үшін дәрілік заттар мен медициналық бұйымдарды сатып алу үшін сатып алу тізбесін қалыптастырады Қазақстан Республикасы азаматтарының жекелеген санаттарын белгілі бір аурулармен (жай-күймен) қамтамасыз ету, адамдар үшін медициналық көмектің қосымша көлемін көрсету, тергеу изоляторлары мен қылмыстық-атқару (пенитенциарлық) жүйесі мекемелерінде ұсталатын жеке тұлғалардың, сондай-ақ ұзақ мерзімді шарттар шеңберінде жеткізілетін жеке және заңды тұлғалардың өтініштерін қарайды.";
10-тармақтың 5) тармақшасы мынадай редакцияда жазылсын:
"5) дәрілік заттың немесе медициналық бұйымның медициналық қолдануға көрсетілімдерінің ауруларды клиникалық хаттамаларына және дәрілік заттың немесе медициналық бұйымның медициналық қолданылуы жөніндегі нұсқаулыққа сәйкестігі;";
14 және 15-тармақтар мынадай редакцияда жазылсын:
"14. Дәрілік заттарды сатып алу тізбесінен алып тастау туралы шешім қабылдауды Формулярлық комиссия мынадай негіздердің бірі болған кезде уәкілетті органның бастамасы бойынша қарайды:
1) дәрілік түрін, дозасын, концентрациясы мен көлемін ескере отырып, дәрілік затты ҚҰФ-тан шығару;
2) ауруларды, синдромдар мен жай-күйлерді диагностикалау, профилактика, емдеу немесе оңалту кезінде дәлелденген клиникалық және (немесе) фармакоэкономикалық артықшылығы және (немесе) әсер ету ерекшеліктері және (немесе) үлкен қауіпсіздігі бар баламалы дәрілік заттар мен медициналық мақсаттағы бұйымдарды енгізу;
3) дәрілік заттар мен медициналық бұйымдардың айналысы саласындағы мемлекеттік орган ұсынған дәрілік заттар мен медициналық бұйымдарды қолдану кезінде жағымсыз жанама әсерлердің уыттылығы немесе жоғары жиілігі туралы мәліметтер пайда болған жағдайларда тоқтатылады;
4) дәрілік заттар мен медициналық бұйымдардың айналысы саласындағы мемлекеттік органдардың шешімімен Қазақстан Республикасында дәрілік заттар мен медициналық бұйымдардың қолданылуын тоқтата тұру; ;
5) дәрілік заттар мен медициналық бұйымдардың айналысы саласындағы мемлекеттік органдардың шешімімен дәрілік заттар мен медициналық бұйымдарды мемлекеттік тіркеудің күшін жою;
6) өндірушінің немесе оның Қазақстан Республикасындағы ресми өкілінің ақпараты бойынша дәрілік заттар мен медициналық бұйымдарды өндіру не оларды Қазақстан Республикасына беру тоқтатылған және (немесе) Қазақстан Республикасында дәрілік зат және (немесе) медициналық бұйым күнтізбелік бір жылдан астам болмаған жағдайларда жүзеге асырылады.
Осы тармақтың 1) және 6) тармақшаларының негізінде дәрілік затты және (немесе) медициналық бұйымды алып тастаған кезде ауыспалы қалдық жарамдылық мерзімі өткенге дейін өткізіледі.
15. Формулярлық комиссияның шешімдеріне сәйкес уәкілетті орган кодекстің 7-бабының 15) тармақшасына сәйкес сатып алу тізбесін бекітеді.
Дәрілік зат халықаралық патенттелмеген атауын немесе құрамын, АТХ кодын, фармакологиялық тобын, дәрілік нысанын, дозасын (концентрациясын), сұйық дәрілік нысандар үшін көлемін, өлшем бірліктерін көрсете отырып, сатып алу тізбесіне енгізіледі. Егер өлшем бірлігі ретінде әсер ету бірліктері көрсетілген жағдайда, дәрілік заттың дозасы көрсетілмейді, қажеттілікті жинау және сатып алу медициналық ұйымдар мәлімдеген Қазақстан Республикасында тіркелген дәрілік заттардың барлық дозаларына жүзеге асырылады.
Медициналық бұйым сатып алу тізбесіне функционалдық мақсаттағы негізгі параметрлердің қысқаша техникалық сипаттамасымен енгізіледі.
Сатып алу тізбесіне өзгерістер мен толықтырулар енгізу осы Қағидалардың 13 және 14-тармақтарында көзделген негіздерді қоспағанда, ағымдағы жылдың 1 желтоқсанынан кешіктірілмейтін мерзімде жүргізіледі.".
2. Қазақстан Республикасы Денсаулық сақтау министрлігінің Дәрі-дәрмек саясаты департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;
3) осы бұйрықты Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.
4. Осы бұйрық 2023 жылғы 1 қаңтардан бастап қолданысқа енгізілетін қылмыстық-атқару (пенитенциарлық) жүйесінің тергеу изоляторларында ұсталатын адамдарға медициналық көмек көрсететін адамдарға қатысты нормаларды қоспағанда, оны алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
ҚР Денсаулық сақтау министрінің міндетін атқарушы |
А. Есмагамбетова |
