БҰЙЫРАМЫН:
1. "Нотариаттық іс жүргізу жөніндегі ережені бекіту туралы" Қазақстан Республикасы Әділет министрінің 2012 жылғы 31 қаңтардағы № 32 бұйрығына (Нормативтік құқықтық актілерді мемлекеттік тіркеу тізілімінде № 7445 болып тіркелген) мынадай өзгерістер енгізілсін:
көрсетілген бұйрықпен бекітілген Нотариаттық іс жүргізу жөніндегі ережесінде:
81-тармақ мынадай редакцияда жазылсын:
"81. Аяқталған мұрагерлік істі сақтауға дайындаған кезде құжаттар осы Ереженің 35-тармағына сәйкес мынадай тәртіппен:
мұраға құқығы туралы куәлік;
мұраны қабылдау туралы, мұраға құқығы туралы куәлікті беру туралы немесе мұрадан бас тарту туралы өтініштер;
БНАЖ арқылы "АХАЖ тіркеу пункті" ақпараттық жүйесінде алынған қайтыс болуды мемлекеттік тіркеу туралы мәліметтер ("АХАЖ тіркеу пункті" ақпараттық жүйесінде қайтыс болу туралы мәліметтер болмағанда немесе Қазақстан Республикасынан тыс жерде қайтыс болу жағдайында қайтыс болу туралы куәліктің немесе хабарламаның, анықтаманың, не акт жазбасының көшірмесі);
БНАЖ арқылы "Жеке тұлғалар" мемлекеттік деректер қорынан мұра берушінің тіркелген орны туралы мәліметтер;
мұрагерлердің мұра берушімен туысқандық қатынастарын растайтын құжаттардың көшірмелері, мұраға негіздеме (өсиет, туысқандық деңгейі туралы, бала асырап алу туралы, мұра берушінің асырауында тұрғаны туралы құжаттар);
мұрагерлердің шеңберін анықтау үшін жасалған нотариустың сұрау салулары және оларға жауаптар;
БНАЖ-да мұрагерлік істің бар / жоқ екендігі туралы анықтама;
мұраның мұра берушіге тиістілігін растайтын құжаттары (құқығын белгілеуші құжаттары);
мұрагерлік іске қоса берілген құжаттар тігіледі.";
85-тармақ мынадай редакцияда жазылсын:
"85. Құпия өсиеті бар конвертті ашу жөніндегі іс жүргізуді бастау үшін өсиет қалдырушының қайтыс болуы туралы куәлікті немесе хабарламаны, сондай-ақ құпия өсиеті бар конвертті, ол өсиет қалдырушыда немесе өсиетті орындаушыда (өсиет алушы адамда) сақталған жағдайда, құпия өсиетті ашу және жария ету туралы өтінішті оның құпия өсиетін куәландырған немесе ол сақталатын нотариустың алуы негіз болып табылады.";
ереженің 16-қосымшасы осы бұйрыққа қоса берілген қосымшаға сәйкес жаңа редакцияда жазылсын.
2. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіппен осы бұйрықты мемлекеттік тіркеуді қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасы Әділет вице-министріне жүктелсін.
4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Әділет министрі |
К. Мусин |
"КЕЛІСІЛГЕН"
Қазақстан Республикасы
Мәдениет және спорт министрлігі
| Қазақстан Республикасы Әділет министрі 2022 жылғы 28 қыркүйектегі № 813 Бұйрыққа қосымша |
|
| Нотариаттық іс жүргізу жөніндегі ережеге 16-қосымша |
|
| нысан |
Құпия өсиетті ашу туралы хабарлама
Қайда
Кімге
Мен, ________________________________________________________
(Тегі, аты, әкесінің аты (бар болған жағдайда)
____________________________________________________________________
(мемлекеттік нотариаттық кеңсенің немесе жекеше нотариустың нотариаттық
округының атауы, жекеше нотариусқа мемлекеттік лицензия берген орган
және нөмірі, берілген күні,)
нотариусы Сізге 20___ жылдың "___"__________________ құпия өсиет жасаған
__________________________________________________________________________
(құпия өсиет жасаған тұлғаның тегі, аты, әкесінің аты (бар болған жағдайда) көрсетіледі) қайтыс болу туралы куәлігі/хабарлама ұсынылғанын хабарлаймын.
Қазақстан Республикасы Азаматтық кодексінің 1051-бабының 4-1-тармағына сәйкес құпия өсиет жасаған адамның қайтыс болуы туралы куәлік немесе хабарлама ұсынылған кезде нотариус қайтыс болу туралы куәлік немесе хабарлама ұсынылған күннен бастап он күннен кешіктірмей өсиеті бар конвертті ашады.
20___ жылы "__" __________ ____сағат____ минутта мына мекенжайда
__________________________________________________________________________
__________________________________________________________________________
(құпия өсиет жасаған тұлғаның тегі, аты, әкесінің аты (бар болған жағдайда) көрсетіледі) құпия өсиетін жариялау және ашу жүргізілетінін Сізге хабарлаймын.
Сізге заң бойынша мұрагер ретінде құпия өсиетті ашуға және жариялауға келуді ұсынамын.
Нотариусқа жүгінгенде заң бойынша өсиет қалдырушының мұрагері екендігін растайтын және жеке басын анықтайтын құжаттар ұсынылады.
Күні
Қолы
