БҰЙЫРАМЫН:
1. "Ұялы байланыс желілерінде абоненттік нөмірді көшіру қағидаларын және ұялы байланыс желілерінде абоненттік нөмірді көшіру қызметтерін енгізу күнін бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 26 қарашадағы № 1105 бұйрығына (Нормативтік құқықтық актілерді мемлекеттік тіркеу тізілімінде № 12464 болып тіркелген) мынадай өзгерістер енгізілсін:
көрсетілген бұйрықпен бекітілген Ұялы байланыс желілерінде абоненттік нөмірді көшіру қағидаларында:
7-тармақ мынадай редакцияда жазылсын:
"7. Абоненттік нөмірді көшіру мынадай шарттар болған кезде жүзеге асырылады:
1) реципиенттің АНОДҚ-қа ұялы байланыс желілерінде абоненттік нөмірді көшіруге сұрау салуды дұрыс толтыруы. Бұл ретте дұрыс деп өтінімге сәйкес сұрау салудың дұрыстығы мен дәлдігі түсініледі;
2) абоненттің дербес деректерінің дұрыстығы. Бұл ретте өтінімде көрсетілген жеке тұлғаның жеке сәйкестендіру нөмірінің (бұдан әрі – ЖСН) немесе заңды тұлғаның ЖСН/бизнес сәйкестендіру нөмірі (бұдан әрі – БСН) жоқ шетелдік жеке тұлғалар үшін жеке басын куәландыратын құжаттың нөмірі мен қолданылу мерзімінің ұялы байланыс қызметтерін көрсету туралы шартта көрсетілген деректермен сәйкес келуі донор мен абонент арасында дәйектілік деп түсініледі;
3) абоненттік нөмірді көшіру мүмкіндігін растау – соңғы ауыстыру сәтінен бастап, қате ауыстыру жағдайларын қоспағанда, кемінде күнтізбелік 60 (алпыс) күн өтуі;
4) абоненттік нөмірді көшіруге белсенді өтінімдердің болмауы;
5) есеп айырысудың кредиттік тәртібі бар абоненттерде донормен жасалған байланыс қызметтерін көрсету туралы шарт бойынша донорды тексеру сәтінде берешектің болмауы;
6) нақты уақыт режимінде қосылулардың ұзақтығын қадағалауға мүмкіндік беретін ұялы байланыс операторының роуминг-серіктесі жүйені (жабдықты және билингтік жүйені) пайдаланбаған кезде донормен жасалған байланыс қызметін көрсету туралы шарт бойынша донордың тексеру сәтінде аванстық есеп айырысу тәртібімен абоненттерде роуминг қызметтері үшін берешектің болмауы;
7) тасымалданатын абоненттік нөмірлер үшін сатып алынған абоненттік құрылғылар бойынша абонентте донор алдындағы шарт бойынша міндеттемелердің болмауы.";
9-тармақ мынадай редакцияда жазылсын:
"9. АНОДҚ-ға жіберілетін абоненттік нөмірді көшіруге сұрау салу мынадай мәліметтерді қамтиды:
1) жеке тұлғалар үшін (ЖСН-і жоқ шетелдік жеке тұлғаларды қоспағанда):
абоненттік нөмір;
ЖСН;
2) ЖСН-і жоқ шетелдік жеке тұлғалар үшін:
абоненттік нөмір;
жеке басын куәландыратын құжаттың нөмірі және қолданысының аяқталу күні;
3) заңды тұлғалар үшін:
абоненттік нөмір немесе абоненттік нөмірлер тізбесі;
Заңды тұлғаның БСН-і;
абоненттік нөмірлерді толық немесе ішінара көшіруді таңдау туралы нұсқау.
Бұл ретте абоненттік нөмірді толық көшіруді таңдау абонент абоненттік нөмірлер тізбесінде көрсеткен барлық абоненттік нөмірлерді көшіруді көздейді. Егер абоненттік нөмірлердің біреуі бойынша ауыстырудан бас тартылса, онда Тізбеде көрсетілген барлық абоненттік нөмірлер бойынша сұрау салу толық қабылданбаған болып есептеледі.
Абоненттік нөмірді ішінара көшіруді таңдау абонент ауыстыруға донордың растамасы алынған абоненттік нөмірлер тізбесінде көрсеткен абоненттік нөмірлердің бір бөлігін ғана көшіруді көздейді. Бұл ретте бір немесе бірнеше абоненттік нөмір бойынша көшіруден бас тарту донордың растамасы алынған тізімнен абоненттік нөмірлерді көшіру үшін бас тарту болып табылмайды.";
38-тармақ мынадай редакцияда жазылсын:
"38. Ұялы байланыс операторлары:
1) АНОД операторына осы Қағидалардың 9-тармағының 1), 2) және 3) тармақшаларына сәйкес абоненттік нөмірлер туралы мәліметтерді ұсынуды;
2) көшірілетін абоненттік нөмірлерді өзінің нөмірлеу ресурсына енгізуді және жасалған шарттың қолданыста болу мерзімінде ұялы байланыс қызметтерін көрсету Қағидаларында белгіленген тәртіппен ұялы байланыс қызметтерін көрсетуді;
3) реципиенттің басқа ұялы байланыс операторының желісіне көшіруге жататын абоненттік нөмірді беруін;
4) абоненттік нөмірді көшіруді жүзеге асыру мен өзінің желісінде көшірілген абоненттік нөмір бойынша қызметтерді тиісінше көрсетуге өз желілерінің техникалық дайындығын;
5) пайдаланылатын технологияға, ұялы байланыстың көрсетілетін қызмет түріне, абоненттің байланыс қызметтеріне ақы төлеу әдісіне байланыссыз абоненттік нөмірлерді ұялы байланыс желілерінде көшіруді;
6) абоненттік нөмірлерді ұялы байланыс желілерінде көшіру шарттары туралы халыққа ақпарат беруді қамтамасыз етеді.";
қосымша осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті заңнамада белгіленген тәртіппен:
1) осы бұйрықты Қазақстан Республикасының Әділет министрлігінде мемлекеттік тіркеуді;
2) осы бұйрықты Қазақстан Республикасы Цифрлық даму, инновациялар және аэроғарыш өнеркәсібі министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Цифрлық даму, инновациялар және аэроғарыш өнеркәсібі министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Цифрлық даму, инновациялар және аэроғарыш өнеркәсібі вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Цифрлық даму, инновациялар және аэроғарыш өнеркәсібі министрі |
Б. Мусин |
"КЕЛІСІЛДІ"
Қазақстан Республикасының
Ұлттық экономика министрлігі
| Қазақстан Республикасының Цифрлық даму, инновациялар және аэроғарыш өнеркәсібі министрі 2022 жылғы 1 желтоқсандағы № 475/НҚ бұйрығына қосымша |
|
| Ұялы байланыс желілерінде абоненттік нөмірді көшіру қағидаларына қосымша |
|
| Нысан | |
| ____________________________ | |
| ____________________________ (реципиент-оператордың атауы) |
|
| ____________________________ | |
| ____________________________ (абоненттің тегі, аты, әкесінің аты (бар болған кезде), тұрғылықты мекенжайы, абоненттің байланыс нөмірі) |
Ұялы байланыс желілерінде абоненттік нөмірді көшіруге өтінім
Абоненттік нөмірді төменде келтірілген мәліметтердің негізінде _______________ - дан
___________________________________________________________ -ға көшіруді сұраймын:
(донор-оператордың атауы) (реципиент-оператордың атауы)
Абоненттің тегі, аты, әкесінің аты (бар болған кезде) / ұйымның атауы | |
ЖСН (ЖСН-і жоқ шетелдік жеке тұлғаларды қоспағанда) /БСН | |
Жеке басын куәландыратын құжаттың нөмірі және қолданысының аяқталу күні (ЖСН-і жоқ шетелдік жеке тұлғалар үшін) | |
Абоненттік нөмір/абоненттік нөмірлердің тізбесі | |
Көшіру күні (егер көшіруге өтінім кейінге қалдырылса толтырылады) |
Абоненттік нөмірді көшіруден бас тартуға негіздеме болмаған кезде:
Донор-оператормен ұялы байланыс қызметтерін көрсету туралы шартты бұзуды сұраймын |
_______________________ |
Көшірілген абоненттік нөмірді тарифтік жоспарға қосуды сұраймын: |
_______________________ |
Абонент толтырады
Мен, ________________ (абоненттің тегі, аты, әкесінің аты (бар болған кезде) абоненттік нөмірді көшіруді жүзеге асыру мақсатында реципиент-операторға, донор-операторға, АНОДҚ операторына "Дербес деректер және оларды қорғау туралы" 2013 жылғы 21 мамырдағы Қазақстан Республикасының Заңына сәйкес менің дербес деректерімді өңдеуге өз келісімімді беретінімді растаймын. |
______________________ |
Заңды тұлға-абонентпен толтырылады
Абоненттік нөмірлерді толығымен көшіруді таңдау. |
_____________ |
Абоненттің тегі, аты, әкесінің аты (бар болған кезде) | Қолы |
Реципиент-оператордың жауапты тұлғасының лауазымы | Тегі, аты, әкесінің аты (бар болған кезде) |
Қолы |
