ЗҚАИ-ның ескертпесі!
Осы бұйрық 01.01.2023 бастап қолданысқа енгізіледі
БҰЙЫРАМЫН:
1. "Көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын пайдалана отырып, электрондық нысанда аукцион өткізу қағидаларын бекіту туралы" Қазақстан Республикасы Энергетика министрі м.а. 2020 жылғы 30 шілдедегі № 269 бұйрығына (Нормативтік құқықтық актілерінің мемлекеттік тіркеу тізілімінде № 21038 болып тіркелген) келесі өзгерістер енгізілсін:
тақырыбы жаңа редакцияда жазылсын:
"Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру обьектісін пайдалана отырып, электрондық нысанда аукцион өткізу қағидаларын бекіту туралы";
кіріспесі жаңа редакцияда жазылсын:
"Жер қойнауы және жер қойнауын пайдалану туралы" Қазақстан Республикасының Кодексі 99-бабының 5-тармағына сәйкес, БҰЙЫРАМЫН:";
1-тармақ жаңа редакцияда жазылсын:
"1. Қоса беріліп отырған Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісін пайдалана отырып, электрондық нысанда аукцион өткізу қағидалары бекітілсін.";
көрсетілген бұйрықпен бекітілген Көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын пайдалана отырып, электрондық нысанда аукцион өткізу қағидалары осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Энергетика министрлігінің Жер қойнауын пайдалану департаменті Қазақстан Республикасының заңнамасында белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Энергетика министрлігінің интернет-ресурсында орналастыруды;
3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.
4. Осы бұйрық 2023 жылғы 1 қаңтардан бастап қолданысқа енгізіледі және ресми жариялануға тиіс.
|
Қазақстан Республикасы Энергетика министрі |
Б. Акчулаков |
"КЕЛІСІЛДІ"
Қазақстан Республикасының
Қаржы министрлігі
"КЕЛІСІЛДІ"
Қазақстан Республикасының
Ұлттық экономика министрлігі
"КЕЛІСІЛДІ"
Қазақстан Республикасының
Цифрлық даму, инновациялар және
аэроғарыш өнеркәсібі министрлігі
"КЕЛІСІЛДІ"
Қазақстан Республикасының
Экология, геология және
табиғи ресурстар министрлігі
| Қазақстан Республикасы Энергетика министрі 2022 жылғы 29 желтоқсандағы № 439 бұйрығына қосымша |
|
| Қазақстан Республикасы Энергетика министрінің м.а 2020 жылғы 30 шілдедегі № 269 бұйрығымен бекітілген |
Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісін пайдалана отырып, электрондық нысанда аукцион өткізу қағидалары
1-тарау. Жалпы ережелер
1. Осы Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісін пайдалана отырып, электрондық нысанда аукцион өткізу қағидалары (бұдан әрі – Қағидалар) "Жер қойнауы және жер қойнауын пайдалану туралы" Қазақстан Республикасының Кодексі (бұдан әрі – Кодекс) 99-бабының 5-тармағына сәйкес әзірленді және көмірсутектер бойынша жер қойнауын пайдалану құқығын беруге арналған электрондық аукциондар операторының (бұдан әрі – оператор) ақпараттандыру объектісін пайдалана отырып, электрондық нысанда аукцион өткізу тәртібін айқындайды.
2. Осы Қағидаларда мынадай негізгі ұғымдар пайдаланылады:
1) аукцион залы – аукцион өткізу үшін қажетті ақпаратты енгізу, сақтау және өңдеу мүмкіндігін қамтамасыз ететін ақпараттандыру объектісінің бөлімі;
2) аукцион қадамы – қол қою бонусының мөлшері арттырылатын шама;
3) аукцион қорытындыларының тізілімі – жер қойнауы учаскесін көрсете отырып, әрбір аукцион бойынша аукционға қатысушыларды және қол қою бонустарының мөлшерін көрсете отырып, аукцион қорытындылары бойынша ақпараттандыру объектісін автоматты түрде қалыптастыратын құжат;
4) аукцион объектісі (бұдан әрі – объект) – аукцион өткізу шеңберінде берілетін жер қойнауының Мемлекеттік жер қойнауы қорын басқару бағдарламасына (бұдан әрі – Бағдарлама) енгізілген жер қойнауы учаскелері бойынша көмірсутектер бойынша жер қойнауын пайдалану құқығы;
5) аукциондық нөмір – қатысушыға электрондық цифрлық қолтаңба болған кезде аукционға қатысу үшін берілетін нөмір;
6) геоақпараттық сервис (бұдан әрі – геосервис) – жер қойнауы учаскелері аукцион негізінде көмірсутектерін барлау және өндіру немесе өндіру үшін берілетін аумақтар туралы ақпаратты қамтитын, жүйелі бақылау нәтижелерін, жердегі түсірулерді, зерттеулерді, түгендеулерді, жерді пайдалану мен қорғауды мемлекеттік бақылау материалдарын, архивтік деректерді, жерді қашықтықтан зондтау деректерін енгізу арқылы алынған, мемлекеттік ақпараттық жүйелерден және электрондық ақпараттық ресурстардан алынған осындай жер учаскелерін пайдалану туралы деректерді, сондай-ақ жердің жай-күйі туралы мәліметтерді енгізуге, жинауға, өңдеуге, талдауға арналған ақпараттық сервис;
7) жеңімпаз – объект үшін қол қою бонусының неғұрлым жоғары мөлшерін ұсынған аукционға қатысушы;
8) кепілдік жарна – қол қою бонусын төлеу жөніндегі аукцион жеңімпазының міндеттемесін орындауды қамтамасыз ету болып табылатын, өтінім беруші аукционға қатысу үшін енгізетін ақшалай сома;
9) комиссия – көмірсутектер бойынша жер қойнауын пайдалану құқығын беру жөніндегі мәселелерді қарау үшін құрылған, тұрақты жұмыс істейтін алқалы орган;
10) көмірсутектер бойынша жер қойнауын пайдалану құқығын беруге арналған аукцион (бұдан әрі – аукцион) – қатысушылар өз ұсыныстарын жария түрде мәлімдейтін, ақпараттандыру объектісін пайдалана отырып электрондық форматта өткізілетін сауда-саттық нысаны;
11) Қазақстан Республикасының ұлттық куәландырушы орталығы (бұдан әрі – ҚР ҰКО) – мемлекеттік және мемлекеттік емес ақпараттық жүйелерде электрондық құжаттарды қалыптастыру үшін жеке немесе заңды тұлғаларға электрондық цифрлық қолтаңба құралдарын және тіркеу куәліктерін беретін куәландырушы орталық;
12) қатысу жарнасы – республикалық бюджет туралы заңмен белгіленген және аукцион өткізу туралы хабарламаны орналастыру күнінде қолданыстағы айлық есептік көрсеткіштің бір жүз еселенген мөлшеріндегі ақшалай сома;
13) қатысушы – оператордың ақпараттандыру объектісінде тіркелген және осы Қағидаларда белгіленген тәртіппен аукционға қатысуға жіберілген жеке немесе заңды тұлға;
14) қол қою бонусының ағымдағы мөлшері – аукцион барысында қалыптасатын қол қою бонусының мөлшері;
15) қол қою бонусының бастапқы мөлшері "Салық және бюджетке төленетін басқа да міндетті төлемдер туралы" Қазақстан Республикасы Салық кодексінің (Салық кодексі) 726-бабына сәйкес белгіленетін объект бойынша аукцион басталатын қол қою бонусының мөлшері;
16) қол қою бонусының түпкілікті мөлшері – қол қою бонусының аукцион өткізу нәтижесінде белгіленген мөлшері;
17) ұлғайтуға арналған аукцион – қол қою бонусының бастапқы мөлшері алдын ала жарияланған аукцион қадамымен ұлғайтылатын аукцион әдісі;
18) операторды ақпараттандыру объектісі (бұдан әрі – ақпараттандыру объектісі) – электрондық нысанда көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын қамтитын және ақпараттық өзара іс-қимыл арқылы белгілі бір технологиялық іс-әрекеттерді іске асыратын және аукцион өткізудің нақты функционалдық міндеттерін шешуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдастырушылық-ретке келтірілген жиынтығын білдіретін оператордың ақпараттық жүйесі;
19) электрондық құжат – ақпарат электрондық-цифрлық нысанда берілген және электрондық цифрлық қолтаңба арқылы куәландырылған құжат;
20) электрондық цифрлық қолтаңба (бұдан әрі – ЭЦҚ) – ЭЦҚ құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар терілімі;
21) Qazchain таратылған дерекқор (бұдан әрі – qazchain) – оператордың ішкі қағидалары бойынша blockchain технологиясының негізінде құрылған аукциондар туралы ақпаратты қамтитын деректер блоктарының үздіксіз тізбегі.
3. Аукционды Кодекске және осы Қағидаларға сәйкес құзыретті орган ұйымдастырады. Аукцион арттыру әдісімен өткізіледі.
4. Аукцион аумақтарының географиялық координаттары Бағдарламада қамтылатын бір және/немесе бірнеше жер қойнауы учаскелеріне қатысты өткізіледі.
5. Аукционға қатысуға берілген өтініштер бойынша ақпарат (өтініштің нөмірі, өтініштің күні, аукционның түрі) (бұдан әрі – аукционға қатысуға өтініш), сондай-ақ аукционның қорытындылары туралы мәліметтер www.qazchain.kz. есептеу қуаттарында орналастырылатын qazchain желісіне беріледі.
Qazchain желісінде аукционға қатысуға берілген өтініштер бойынша деректерді сақтау (өтініштің нөмірі, өтініштің күні, аукционның түрі) таратылған дерекқор технологиясын қолдана отырып орталықтандырылмаған түрде жүзеге асырылады.
Аукцион қорытындылары бойынша, оның ішінде қатысуға берілген өтініштер бойынша ақпаратқа әрбір аукцион үшін жеке-жеке жасалатын криптографиялық кілтті пайдалана отырып шифрлау жүйесі қолданылады.
Сауда-саттық қорытындыларын тексеруге арналған функция (сауда-саттыққа қатысушының дербес деректерін көрсетпей) www.qazchain.kz пайдаланушыларына криптографиялық кілтті жариялау арқылы аукцион аяқталғаннан кейін қолжетімді болады.
Электрондық сұрау салуға пайдаланушының ЭЦҚ-сымен қол қойылады.
2-тарау. Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісін пайдалана отырып, электрондық нысанда аукцион өткізу тәртібі
1-параграф. Көмірсутектер бойынша жер қойнауын пайдалану құқығын беруге арналған аукционды өткізуге өтінішті беру және қарау
6. Аукцион өткізуге арналған өтініш қалыптастыру және беру үшін (бұдан әрі – аукцион өткізуге арналған өтініш) жеке және заңды тұлғалар:
1) Интернетке қосылған компьютерге немесе ноутбукке кіре алуы;
2) ҚР ҰКО ЭЦҚ алуы;
3) ақпараттандыру объектісінде осы Қағидалардың 7-тармағына сәйкес тіркелуі;
4) ақпараттандыру объектісінде аутентификациядан өтуі;
5) хабарламаны жіберер алдында электрондық құжатқа ЭЦҚ-мен қол қоюы қажет.
7. Ақпараттандыру объектісінде тіркелу үшін мыналарды көрсету қажет:
1) жеке тұлғалар үшін: жеке сәйкестендіру нөмірі (бұдан әрі – ЖСН), тегі, аты және әкесінің аты (ол болған жағдайда);
2) заңды тұлғалар үшін: бизнес-сәйкестендіру нөмірі (бұдан әрі – БСН), толық атауы, бірінші басшының тегі, аты және әкесінің аты (ол болған жағдайда);
3) екінші деңгейдегі банктегі есеп айырысу шотының деректемелері;
4) байланыс деректері (пошта мекенжайы, телефон, факс, электрондық пошта).
Осы тармақтың бірінші бөлігінде көрсетілген деректер өзгерген кезде қатысушы аукцион өткізуге өтініш тіркелгенге дейін ақпараттандыру объектісіне бұрын енгізілген деректерді өзгертеді.
8. Жеке және заңды тұлғалардың электрондық аукцион өткізуге арналған өтініштерін қалыптастыру, қабылдау және өңдеу үш кезеңнен тұрады:
1) жеке және заңды тұлғалардың электрондық аукцион өткізуге арналған өтінішті ақпараттандыру объектісінде қалыптастыруы және электрондық аукцион өткізуге өтінішті құзыретті органға жіберуі;
2) ақпараттандыру объектісі арқылы алынған электрондық аукцион өткізуге өтінішті құзыретті органның қабылдауы және өңдеуі;
3) ақпараттандыру объектісінде аукцион өткізуге өтінішті өңдеу мәртебесін көрсету.
9. Көмірсутектер бойынша жер қойнауын пайдалану құқығын алуға мүдделі тұлға ақпараттандыру объектісі арқылы электрондық құжат форматында жасалған, ЭЦҚ-мен куәландырылған аукцион өткізуге арналған өтінішті құзыретті органға осы Қағидаларға 1-қосымшаға сәйкес нысан бойынша береді.
Жер қойнауының әрбір учаскесі бойынша аукцион өткізуге арналған өтінішті осындай адам аукцион өткізуге арналған өтініш қабылданғанға дейін немесе оны кері қайтарып алғанға дейін береді.
10. Ақпарат объектісі аукцион өткізуге арналған өтінішті қабылдау және өңдеу кезінде аукционды өткізуге арналған өтініштің толық және дұрыс толтырылуын тексеруден тұратын форматтық-логикалық бақылау жүзеге асырады.
11. Аукцион өткізуге арналған өтініш құзыретті органға келіп түскен күннен бастап 20 (жиырма) жұмыс күні ішінде қаралуға тиіс.
Жеке немесе заңды тұлға үшін құзыретті органға аукцион өткізуге арналған өтінішті жібергеннен кейін, оны жібергеннің ақпараттандыру объектісінде құзыретті органның өтінішті қараудың ағымдағы мәртебесі көрсетіледі.
12. Аукцион өткізуге арналған өтінішті қарау нәтижелері бойынша құзыретті орган:
1) Кодекстің 95-бабына сәйкес жылына 4 (төрт) реттен көп емес аукцион өткізу туралы хабарлама жариялайды;
2) егер өтініш бергенге дейін үш жыл ішінде өтініш беруші аукцион өткізуге басқа өтініш берген, бірақ аукционға қатысушы ретінде тіркелмеген жағдайда аукцион өткізуге арналған өтінішті қараудан бас тартады. Аукцион өткізу туралы хабарлама жарияланған жағдайда өтініш беруші құзыретті органға аукционға қатысуға өтініш береді.
13. Көмірсутектер бойынша жер қойнауын пайдалану құқығын беруге арналған аукцион өткізу туралы хабарламада Кодекстің 95-бабының 2-тармағында көзделген мәліметтерден тұрады.
Қажет болған кезде құзыретті орган Бағдарламада айқындалғандарға қарағанда, жұмыстардың көлемі мен түрлері бойынша неғұрлым жоғары болатын ең төменгі талаптарды белгілейді.
14. Бұрын жер қойнауын пайдалануға арналған келісімшарт тоқтатылған жер қойнауы учаскесі бойынша аукцион өткізілген жағдайда, аукцион өткізу туралы хабарламада Кодекстің 95-бабының 3-тармағында көрсетілген мәліметтерді қосымша қамтиды.
15. Әрбір объект бойынша аукцион өткізу туралы хабарлама жарияланғанға дейін құзыретті орган ақпараттандыру объектісі арқылы бар болған жағдайда объект туралы қысқаша геологиялық ақпаратты, сондай-ақ учаскенің орналасқан жері туралы кеңістіктік ұғымды қамтамасыз ететін жер қойнауын пайдалану учаскесі туралы графикалық ақпаратты (оператордың геосервисінде ақпарат болмаған жағдайда) енгізуді қамтамасыз етеді.
2-параграф. Көмірсутектер бойынша жер қойнауын пайдалану құқығын беруге арналған аукционға қатысуға өтінішті беру және қарау тәртібі
16. Жеке және заңды тұлғалардың электрондық аукционға қатысуға өтініштерін қалыптастыру, қабылдау және өңдеу мынадай кезеңдерден тұрады:
1) жеке және заңды тұлғалардың кепілдік жарнаны және қатысу жарнасын төлеуі;
2) ақпараттандыру объектісіне қатысуға жеке және заңды тұлғалардың өтінішті қалыптастыруы және қол қоюы;
3) қатысуға электрондық өтінішті құзыретті органның қабылдауы және өңдеуі;
4) ақпараттандыру объектісінде қатысуға арналған өтінішті өңдеу мәртебесін көрсету.
Жеке және заңды тұлғалар қатысуға арналған өтінішті қалыптастыру және беру үшін осы Қағидалардың 7-тармағында көзделген шарттарды сақтауды, сондай-ақ кепілдік жарнаны және аукционға қатысу жарнасын төлеуді қамтамасыз етеді.
Ақпараттандыру объектісінде қатысуға арналған өтінішті қабылдау және өңдеу кезінде өтініштің толық және дұрыс толтырылуын тексеруден тұратын форматтық-логикалық бақылау жүзеге асырылады.
Форматты-логикалық бақылау нәтижелері аукционға қатысуға арналған өтінішке енгізіледі.
17. Аукционға қатысуға арналған өтініш беру үшін берілетін мерзім оны өткізу туралы хабарлама жарияланған күннен бастап 2 (екі) айды құрайды.
18. Аукционға қатысуға мүдделі тұлға осы Қағидаларға 2-қосымшаға сәйкес нысан бойынша ЭЦҚ-мен куәландырылған аукционға қатысуға қалыптастырылған өтінішті құзыретті органға ақпараттандыру объектісі арқылы электрондық құжат форматында жібереді.
19. Аукционға қатысу үшін жарнаның мөлшері республикалық бюджет туралы заңда белгіленген және аукцион өткізу туралы хабарламаны орналастыру күніне қолданыста болатын айлық есептік көрсеткіштің бір 100 (жүз есе) еселенген мөлшерін құрайды.
Аукционға қатысу жарнасы операторға төленеді және қатысуға өтініш берген адамға қайтаруға жатпайды.
Оператор ақпараттандыру объектісі аукционға қатысуға өтініш қабылдаған күннен бастап 3 (үш) жұмыс күні ішінде мемлекет кірісіне қатысқаны үшін жарналарды аударады.
20. Кепілдік жарна операторға төленеді және аукцион жеңімпазының қол қою бонусын төлеу жөніндегі міндеттемесінің орындалуын қамтамасыз ету болып табылады.
Кепілдік жарнаның мөлшерін құзыретті орган айқындайды және:
1) көмірсутектерді барлауға және өндіруге жер қойнауын пайдалану құқығы берілген жағдайда – Қазақстан Республикасының салық заңнамасына сәйкес айқындалған қол қою бонусының бастапқы мөлшерінің екі еселенген мөлшеріне тең сома;
2) көмірсутектерді өндіруге жер қойнауын пайдалану құқығы берілген жағдайда – Қазақстан Республикасының салық заңнамасына сәйкес айқындалған қол қою бонусының бастапқы мөлшерінің бір еселенген мөлшеріне тең сома.
21. Кодекстің 97-бабының 3-тармағында көзделген негіздер бойынша құзыретті орган өтініштерді қабылдаудан бас тартқан өтініш берушілердің кепілдік жарнасы ақпараттандыру объектісінде кепілдік жарнаны қайтаруға берілгеннен кейін 3 (үш) жұмыс күні ішінде қайтарылады.
22. Аукцион жеңімпазын және аукцион жеңімпазынан кейін қол қойылатын бонустың ең үлкен мөлшерін ұсынған аукционға қатысушыны қоспағанда, аукционға қатысушылардың аукционға қатысуға жіберілген кепілдік жарнасын оператор ақпараттандыру объектісінде аукцион қорытындылары бойынша кепілдік жарнаны қайтаруға өтініш берілгеннен кейін 3 (үш) жұмыс күні ішінде қайтарады.
23. Аукцион жеңімпазының кепілдік жарнасы, сондай-ақ аукцион жеңімпазынан кейінгі қол қою бонусының ең үлкен мөлшерін ұсынған аукционға қатысушының кепілдік жарнасы осы Қағидалардың 61-тармағында көзделген талаптарды аукцион жеңімпазы орындаған жағдайда, оларға кепілдік жарнаны қайтаруға өтініш берілгеннен кейін 3 (үш) жұмыс күні ішінде қайтарылады.
Аукцион жеңімпазының Кодекстің 100-бабының 3-тармағында көзделген талаптарды орындағаны туралы құзыретті орган аукцион жеңімпазынан қол қойылған бонустың төленгенін растауды алған күннен бастап үш жұмыс күні ішінде аукцион жеңімпазынан кейінгі қол қойылған бонустың ең үлкен мөлшерін ұсынған аукционға қатысушыны ақпараттандыру объектісі арқылы хабардар етеді.
Аукцион жеңімпазының, аукцион жеңімпазынан кейінгі қол қою бонусының ең үлкен мөлшерін ұсынған аукционға қатысушының кепілдік жарнасын оның ақпараттандыру объектісінде берілген өтініші бойынша оператор аукцион жеңімпазының қол қою бонусын төлеу жөніндегі міндеттемесін орындау есебіне аударады.
24. Осы Қағидалардың 61-тармағында көзделген талаптар орындалмаған жағдайда, аукцион жеңімпазының кепілдік жарнасы қайтарылмайды және қол қою бонусын төлеу мерзімі өткен күннен бастап 3 (үш) жұмыс күні ішінде кепілдік жарнаны оператор мемлекет кірісіне аударады.
25. Аукцион жеңімпазынан кейін қол қою бонусының ең үлкен мөлшерін, Кодекстің 3 және 5-тармақтарында көзделген талаптарды ұсынған аукционға қатысушы орындамаған жағдайда, кепілдік жарна оған қайтарылмайды және қол қою бонусын төлеу мерзімі өткен күннен бастап 3 (үш) жұмыс күні ішінде кепілдік жарнаны оператор мемлекет кірісіне аударады.
26. Аукцион жеңімпазынан кейін қол қою бонусының ең үлкен мөлшерін, Кодекстің 3 және 5-тармақтарында көзделген талаптарды ұсынған аукционға қатысушы орындаған жағдайда, кепілдік жарнаны қайтаруға өтініш берілгеннен кейін 3 (үш) жұмыс күні ішінде қайтарылады.
27. Кепілдік жарнаны және қатысқаны үшін жарнаны өтініш берушілер жеке төлемдермен енгізеді. Төлемді тағайындауда аукционға қатысу үшін жарна енгізу кезінде қатысушының жеке сәйкестендіру нөмірі немесе бизнес сәйкестендіру нөмірі көрсетіледі.
28. Барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптарды орындау үшін жеткілікті қаржы қаражатының болуын растау үшін Кодекстің 93-бабында көзделген жағдайларда мынадай құжаттардың бірі ұсынылады:
1) барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптарды орындау үшін жеткілікті мөлшерде банктік шоттың нөмірі және болуы туралы ақпарат және банктік шоттағы қалдық туралы үзінді көшірме;
2) қарыздың нысаналы мақсаты ретінде көмірсутектер бойынша жер қойнауын пайдалану құқығын алуға үміткер адамның қызметін барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптарды орындау үшін жеткілікті мөлшерде қаржыландыруды көздейтін ақша қарызы туралы немесе көмірсутектерді барлау жөніндегі қызметті қаржыландыру туралы шарттың көшірмесі.
Көмірсутектер бойынша жер қойнауын пайдалану құқығын алуға үміткер адам қаржылық мүмкіндіктерінің бар екендігін растайтын құжат ретінде ақша қарызы туралы немесе көмірсутектерді барлау жөніндегі қызметті қаржыландыру туралы шарттың көшірмелерін ұсынған жағдайда қарыз берушіде осы тармақтың бірінші бөлігінің 1) тармақшасында көзделген қаржылық мүмкіндіктердің бар екендігін растайтын құжаттар қосымша ұсынылады.
Барлау кезеңінде жер қойнауы учаскесіндегі жұмыстардың көлемі мен түрлері бойынша ең төмен талаптарды орындау үшін қажетті қаржы қаражаты, көмірсутектер бойынша жер қойнауын пайдалану құқығын алуға үміткер адам банк шотында жеткіліксіз болған жағдайда, осы тармақтың бірінші бөлігінің 2) тармақшасында көзделген құжаттар қосымша ұсынылады.
29. Аукционға қатысуға арналған өтінішке қосымша қоса беріледі:
1) өтініш берушінің аукцион өткізу туралы хабарламада көрсетілген жер қойнауын пайдалану құқығын беру шарттарының орындалуын қамтамасыз ету міндеттемесі;
2) өтініш берушінің Кодекстің 93-бабында белгіленген талаптарға сәйкестігін растайтын құжаттар;
3) аукционға қатысуға арналған өтініште көрсетілген мәліметтерді растайтын тиісті түрде куәландырылған құжаттар.
Аукционға қатысуға арналған өтінішке қоса берілетін құжаттар ЭЦҚ-мен куәландырылған электрондық түрде ұсынылады.
30. Кодекстің 96-бабының 4-тармағына сәйкес, аукционға қатысуға арналған өтініш және оған қоса берілетін құжаттар қазақ және орыс тілдерінде жасалады. Егер өтінішті шетелдік немесе шетелдік заңды тұлға берсе, оған қоса берілетін құжаттар өзге тілде, әрбір құжатқа қазақ және орыс тілдеріндегі аудармасы міндетті түрде қоса беріліп жасалуына болады, олардың дұрыстығын нотариус куәландырады.
31. Ақпараттандыру объектісі аукционға қатысуға арналған өтінішті тіркегеннен кейін 3 (үш) минут ішінде ақпараттандыру объектісінің дерекқорында аукционға қатысуға өтініш берілген объект бойынша қатысу жарнасының және кепілдік жарнасының түскені туралы мәліметтердің болуына автоматты түрде тексеру жүргізеді.
32. Қатысушы осы Қағидалардың 7, 28 және 29-тармақтарында көрсетілген талаптарды сақтамаған жағдайда, ақпараттандыру объектісі аукционға қатысуға арналған өтінішті тіркемейді.
33. Ақпараттандыру объектісінің дерекқорында оператордың есеп айырысу шотына аукционға қатысу үшін жарнаның және кепілдік жарнаның түскені туралы мәліметтер болған жағдайда, ақпараттандыру объектісі аукционға қатысуға өтінішті қабылдауды жүзеге асырады және оған аукциондық нөмірді бекіте отырып аукционға қатысуға рұқсат береді.
34. Автоматты тексеру нәтижелері бойынша ақпараттандыру объектісі өтініш берушінің электрондық поштасына қатысуға өтінішті тіркеу туралы не қатысуға өтінішті тіркеуден бас тарту себептері туралы электрондық хабарлама жібереді.
35. Ақпараттандыру объектісі аукционды өткізу басталғанға дейін кемінде 5 (бес) минут бұрын аукционға қатысуға өтінішті кері қайтарып алған қатысушының аукциондық нөмірін жояды.
36. Қатысуға арналған өтініш құзыретті органға келіп түскен күннен бастап 10 (он) жұмыс күні ішінде қаралуға тиіс.
Ақпараттандыру объектісінде құзыретті органға қатысуға өтінішті бергеннен кейін оны жіберген жеке немесе заңды тұлғаның құзыретті органмен өтінішті өңдеудің ағымдағы мәртебесі көрінеді.
37. Аукционға қатысуға өтінішті қарау нәтижелері бойынша құзыретті орган өтінішті қабылдайды және өтініш берушіні аукционға қатысуға жібереді не мынадай негіздер бойынша өтінішті қабылдаудан бас тартады:
1) өтініш аукционға қатысуға өтініштер беру үшін берілген мерзімнен кеш берілсе;
2) өтініш Кодексте және осы Қағидаларда белгіленген талаптарға сәйкес келмесе;
3) өтініш беруші Кодексте белгіленген талаптарға сәйкес келмесе;
4) өтініш бергенге дейін 3 (үш) жыл ішінде құзыретті орган өтініш берушімен не өтініш берушіні тікелей немесе жанама бақылайтын немесе оның бақылауындағы адаммен жасалған жер қойнауын пайдалануға арналған келісімшарттың қолданылуын мерзімінен бұрын тоқтатқан болса;
5) жер қойнауын пайдаланушы болып табылатын өтініш берушіде құзыретті органның хабарламасында көрсетілген жер қойнауын пайдалануға арналған басқа келісімшарт бойынша міндеттемелердің жойылмаған бұзушылықтары болса;
6) өтініш беруші бұрын көмірсутектер бойынша жер қойнауын пайдалану құқығын беруге арналған аукцион жеңімпазы болып айқындалса, бірақ қол қою бонусын төлемеген болса;
7) өтініш беруші дұрыс емес мәліметтерді ұсынса;
8) өтініш берушіге жер қойнауын пайдалану құқығын беру елдің ұлттық қауіпсіздігіне, оның ішінде келісімшарт шеңберінде құқықтар шоғырланған және (немесе) жер қойнауын пайдалану құқықтары шоғырлаған жағдайда қауіп төндірсе.
Құзыретті орган қатысуға өтініш қабылдаған жағдайда өтініш беруші аукционға қатысуға автоматты түрде жіберіледі.
38. Шетелдік мемлекеттік органдар немесе ұйымдар берген құжаттар ұсынылған жағдайда, егер Қазақстан Республикасының заңнамасында, Қазақстан Республикасы тарабы болып табылатын халықаралық шарттар мен келісімдерде өзгеше көзделмесе, мұндай құжаттар белгіленген тәртіппен заңдастырылады немесе апостиль қойылады.
39. Шетелдік заңды тұлғалар филиал (өкілдік) құратын шетелдік заңды тұлға Кодекстің 96-бабының 3-тармағының 4) - тармақшасына сәйкес, шет мемлекеттің заңнамасы бойынша заңды тұлға болып табылатынын растайтын шетелдік заңды тұлғаның заңдастырылған (апостиль қойылған) үзінді көшірмесін, құрылтай құжаттарын немесе басқа да заңдастырылған (апостиль қойылған) құжатын, сондай-ақ "Салық және бюджетке төленетін басқа да міндетті төлемдер туралы (Салық Кодексі) Қазақстан Республикасының Кодексінің 76-бабының 1-тармағының 3)-тармақшасына сәйкес, салықтық тіркеу нөмірін (немесе оның аналогын) көрсете отырып, шетелдік заңды тұлғаның инкорпорация еліндегі салықтық тіркеуді растайтын құжатты қосымша ұсынады.
40. Кодекстің 97-бабының 3-тармағының 1), 3), 4), 6), 8) және 9) тармақшаларында көзделген негіздер бойынша аукционға қатысуға арналған өтінішті рұқсат беруден бас тарту өтініш берушіні қайта өтініш беру құқығынан айырады.
41. Өтінішті қабылдаудан бас тарту осы Қағидалардың 38-тармағының 8) тармақшасында көзделген жағдайларды қоспағанда, бас тарту себептерін көрсетуді қамтиды.
42. Қазақстан Республикасының заңнамалық актілерінде көзделген жағдайларды қоспағанда, құзыретті орган мен оператор аукционды дайындаудың және оны өткізудің бүкіл кезеңі ішінде қатысушыларға қатысы бар ақпаратты жарияламайды.
43. Қатысушы аукционға қатысуға арналған өтініште көрсететін деректері ақпараттандыру объектісінің "Заңды тұлғалар", "Жеке тұлғалар", "Жылжымайтын мүлік тіркелімі" мемлекеттік дерекқорларымен, "Атқарушылық іс жүргізу органдарының автоматтандырылған ақпараттық жүйесі" ақпараттық жүйесімен, "Қазақстан Республикасының жер қойнауын пайдалануды басқарудың бірыңғай мемлекеттік жүйесі" интеграцияланған ақпараттық жүйесімен, "Орталықтандырылған біріздендірілген дербес шот" ақпараттық жүйесімен, Қазақстан Республикасының минералдық ресурстар ұлттық деректер банкі" ақпараттық жүйесімен және салық органдарының ақпараттық жүйесімен ақпараттық өзара іс-қимыл нәтижесінде расталуға тиіс.
44. Деректерді автоматты режимде көрсетілген мемлекеттік дерекқорлардан және ақпараттық жүйелерден алған жағдайда, ақпараттандыру объектісі форматтық-логикалық бақылауды қолдана отырып, мәліметтерді тексеруді жүргізеді. Кодексте және осы Қағидаларда белгіленген сәйкессіздіктер анықталған жағдайда, ақпараттандыру объектісі аукционға қатысуға өтінішті тіркемейді.
45. Көрсетілген мемлекеттік дерекқорлардан және ақпараттық жүйелерден деректерді автоматты режимде алмаған жағдайда, қатысушы деректерді дербес енгізеді, сондай-ақ аукционға қатысуға арналған өтінішке растайтын құжаттарды тіркейді.
3-параграф. Көмірсутектер бойынша жер қойнауын пайдалану құқығын беруге арналған аукционды өткізу
46. Аукционға қатысуға жіберілген және ақпараттандыру объектісінде аукционға қатысушылар ретінде тіркелген өтініш берушілер қатысады.
47. Аукцион аукцион өткізу туралы хабарламада көрсетілген күні өткізіледі.
48. Қатысушыларды тіркеу хабарлама жарияланған күннен бастап жүргізіледі және аукцион басталғанға дейін 5 (бес) минут бұрын аяқталады, ол өткеннен кейін қатысушылар аукционға қатысуға берілген өтінішті кері қайтарып ала алмайды.
49. Оператор Кодекстің 99-бабының 6-тармағында белгіленген функцияларды жүзеге асырады.
50. Құзыретті орган аукционға қатысуға жіберген өтініш берушілер аукцион басталғанға дейін 1 (бір) сағат ішінде ЭЦҚ және ақпараттандыру объектісі беретін аукциондық нөмірді пайдалана отырып, аукцион залына кіреді. Аукцион қол қою бонусының бастапқы мөлшерін аукцион залында автоматты түрде орналастыру арқылы құзыретті орган белгілеген уақытта басталады.
51. Аукцион Астана қаласының уақыты бойынша сағат 10:00-ден 17:00-ге дейінгі кезеңде өткізіледі, бұл ретте аукцион Астана қаласы уақыты бойынша сағат 11:00-ден кешіктірілмей басталады.
52. Егер сағат 17:00-де аукцион аяқталған сәтте аукцион жеңімпазы анықталмаса, онда объектіні сатып алуға өзінің ниетін соңғы растаған қатысушы жеңімпаз болып және осы объект бойынша аукцион өткізілген болып танылады.
53. Аукцион барысында қол қою бонусының әрбір келесі мәні қол қою бонусының ағымдағы мөлшерін мынадай пайыздық қатынасына сай аукцион қадамына өсіру арқылы анықталады:
1) қол қою бонусының ағымдағы мөлшері айлық есептік көрсеткіштің 20000 еселенген мөлшеріне дейін болған кезде аукцион қадамы 25% (жиырма бес пайызды) құрайды;
2) қол қою бонусының ағымдағы мөлшері айлық есептік көрсеткіштің 20000 еселенген мөлшерінен 50000 еселенген мөлшеріне дейін болған кезде аукцион қадамы 20% (жиырма пайызды) құрайды;
3) қол қою бонусының ағымдағы мөлшері айлық есептік көрсеткіштің 50000 еселенген мөлшерінен 100000 еселенген мөлшеріне дейін болған кезде аукцион қадамы 15% (он бес пайызды) құрайды;
4) қол қою бонусының ағымдағы мөлшері айлық есептік көрсеткіштің 100000 еселенген мөлшерінен 250000 еселенген мөлшеріне дейін болған кезде аукцион қадамы 10% (он пайызды) құрайды;
5) қол қою бонусының ағымдағы мөлшері айлық есептік көрсеткіштің 250000 еселенген және одан жоғары мөлшері кезінде аукцион қадамы 5% (бес пайызды) құрайды.
54. Аукцион мынадай тәртіппен өткізіледі:
1) аукцион басталған сәтте аукцион залында қатысушылардың объект үшін қол қою бонусының мөлшері бойынша ұсыныстары көрсетіледі, олар шарттарды сақтай отырып, объектіні сатып алуға келісімін білдіру нысаны болып табылады және қол қою бонусының ағымдағы мөлшері қалыптастырылады.
Ұсыныс мөлшері бір қадамға ұлғайтылған қол қою бонусының бастапқы мөлшерінен кем емес соманы құрайды.
Егер аукцион басталған сәтте 2 (екі) және одан да көп қатысушылардың ұсыныстары объект үшін қол қою бонусының бірдей мөлшерін қамтыса және ол 10 (он) минут ішінде ұлғайтылмаса, онда осы қатысушылардың арасында ақпараттандыру объектісі өтінімі қатысушылардың басқа өтінімдерінен бұрын қабылданған қатысушыны тіркейді, олардың ұсыныстары ағымдағы қол қою бонусының мөлшері бонустың бірдей мөлшерін қамтиды.
2) аукцион басталған сәттен бастап қатысушыға осы Қағидалардың 53-тармағында белгіленген аукцион қадамына басқа қатысушының қол қою бонусының ең жоғары ағымдағы мөлшерін ұлғайту мүмкіндігі беріледі;
3) егер аукцион басталғаннан бастап 10 (он) минут ішінде қатысушылардың ешқайсысы қол қою бонусының ең жоғары ағымдағы мөлшерін ұлғайтпаса, онда оны ұсынған қатысушы ақпараттандыру объектісімен Аукцион қорытындыларының тізілімінде тіркеледі және осы объект бойынша аукцион өтті деп танылады;
4) егер қол қою бонусының ағымдағы мөлшері ұлғайғаннан кейін 10 (он) минут ішінде қатысушылардың ешқайсысы қол қою бонусының ағымдағы мөлшерін ұлғайту арқылы объектіні сатып алуға өзінің ниетін растамаса, онда объектіні сатып алуға өзінің ниетін соңғы растаған қатысушы аукцион қорытындыларының тізілімінде ақпараттандыру объектісімен тіркеледі және осы объект бойынша аукцион өткізілді деп есептеледі. Осы объект бойынша аукцион қорытындыларының тізілімі құзыретті органның электрондық поштасына жіберіледі.
55. Объект бойынша аукцион қатысушылардың бірі қол қою бонусының неғұрлым жоғары ұсынған мөлшеріне дейін жүргізіледі.
3-тарау. Көмірсутектер бойынша жер қойнауын пайдалану құқығын беруге арналған аукционның қорытындысын шығару
56. Аукцион қорытындыларының тізілімін осы Қағидаларға 3-қосымшаға сәйкес нысан бойынша аукцион аяқталғаннан кейін ақпараттандыру объектісі қалыптастырады және ақпараттандыру объектісінде орналастырылады.
57. Құзыретті органның шешімі бойынша Аукцион қорытындылары тізілімінің негізінде, қол қою бонусының ең көп мөлшерін ұсынған қатысушы аукцион жеңімпазы болып танылады.
58. Әрбір объект бойынша аукцион қорытындылары аукцион өткізілетін күні құзыретті органның ЭЦҚ-мен және аукцион жеңімпазымен ақпараттандыру объектісіне қол қоятын аукцион нәтижелері туралы хаттамамен ресімделеді. Хаттаманың электрондық көшірмесі ақпараттандыру объектісінде көрсетілген жеңімпаздың электрондық поштасына жіберіледі.
59. Аукцион қорытындылары туралы хаттама аукцион нәтижелері мен жеңімпаздың және құзыретті органның қол қою бонусының түпкілікті мөлшері бойынша көмірсутектерді барлау және өндіруге немесе өндіруге арналған келісімшартқа қол қою міндеттемелерін белгілейтін құжат болып табылады.
60. Аукцион қорытындылары оны өткізген күннен бастап 3 (үш) жұмыс күні ішінде құзыретті органның интернет-ресурсында қазақ және орыс тілдерінде жарияланады.
61. Аукцион жеңімпазы аукцион қорытындылары жарияланған күннен бастап 20 (жиырма) жұмыс күні ішінде:
1) қол қою бонусын төлейді;
2) құзыретті органға қол қою бонусы төлемінің растауын және өз тарапынан қол қойылған, Қазақстан Республикасы Энергетика министрінің 2018 жылғы 11 маусымдағы № 233 бұйрығымен бекітілген (Нормативті құқықтық актілерді мемлекеттік тіркеу тізілімінде № 17140 тіркелген) көмірсутектерді барлау мен өндіруге немесе өндіруге арналған үлгілік келісімшартқа сәйкес әзірленген көмірсутектерді барлау мен өндіруге немесе өндіруге арналған келісімшартты жібереді.
62. Егер аукцион жеңімпазы осы Қағидалардың 61-тармағында көрсетілген мерзім ішінде қол қою бонусын төлемеген және өз тарапынан қол қойылған жер қойнауын пайдалануға арналған келісімшартты құзыретті органға ұсынбаған жағдайда, мұндай адам келісімшарт жасасу құқығынан айырылады, бұл ретте тиісті жер қойнауы учаскесі бойынша келісімшарт жасасу құқығы құзыретті органның Кодекстің 100-бабының 3-тармағында көзделген мерзім өткеннен кейін 3 (үш) жұмыс күні ішінде жіберілетін жазбаша хабарламасымен аукцион жеңімпазынан кейінгі қол қою бонусының ең үлкен мөлшерін ұсынған аукционға қатысушыға беріледі.
Келісімшарт жасасу құқығын аукцион жеңімпазынан кейін қол қою бонусының ең үлкен мөлшерін ұсынған аукционға қатысушыға берген жағдайда, ақпараттандыру объектісіндегі құзыретті орган тиісті хаттамаға қол қояды.
Құзыретті органнан жазбаша хабарлама жіберілген күннен бастап 20 (жиырма) жұмыс күні ішінде аукцион жеңімпазынан кейінгі қол қою бонусының ең үлкен мөлшерін ұсынған аукционға қатысушы Кодекстің 100-бабының 3-тармағында көзделген аукцион жеңімпазына қойылатын талаптарды орындауға міндетті. Бұл ретте Кодекстің 100-бабының 3-тармағында көзделген қол қою бонусын аукцион жеңімпазынан кейінгі қол қою бонусының ең үлкен мөлшерін ұсынған аукционға қатысушы осындай аукционға қатысушы ұсынған мөлшерде төлейді.
Құзыретті органнан жазбаша хабарлама жіберілген күннен бастап 20 (жиырма) жұмыс күні ішінде аукцион жеңімпазынан кейінгі қол қою бонусының ең үлкен мөлшерін, Кодекстің 100-бабының 3-тармағында көзделген аукцион жеңімпазына қойылатын талаптарды ұсынған аукционға қатысушы орындамаған жағдайда, мұндай адам келісімшарт жасасу құқығынан айырылады, ал жер қойнауы учаскесі аукционға қайта қойылады.
4-тарау. Көмірсутектер бойынша жер қойнауын пайдалану құқығын беруге арналған аукционды тоқтата тұру, кейінге шегеру және болғызбау
63. Аукцион барысында аукционға қатысуға кедергі келтіретін техникалық іркіліс туындаған кезде қатысушы:
1) аукционға қатысушының мониторына оператордың байланыс деректерімен электрондық хабарлама шығару арқылы ақпараттандыру объектісімен тұрақты байланыс болмаған сәттен бастап 30 (отыз) секунд ішінде хабарланады;
2) телефон немесе электрондық хабарлама арқылы бұл туралы оператордың байланыс деректері бойынша дереу хабардар етеді.
64. Оператор техникалық іркіліс фактісін белгілейді және ол ақпараттандыру объектісі жағында болған жағдайда, ақпаратты ақпараттандыру объектісінде орналастыру арқылы аукционға барлық қатысушыларды хабардар етеді.
65. Қатысушының компьютерлік және/немесе телекоммуникациялық жабдықтарының техникалық іркілісі кезінде аукцион жалғасады. Қатысушы жабдығының іркіліс фактісі ақпараттандыру объектісі арқылы тіркеледі.
66. Аукционды өткізуге немесе аукционды өткізу рәсіміне кедергі келтіретін ақпараттандыру объектісінің техникалық іркілісі фактісі болған жағдайда, оператор бұл туралы құзыретті органды жазбаша хабардар етеді және құзыретті органның интернет-ресурсында ақпаратты орналастыру және аукционға қатысушының өтінімінде көрсетілген қатысушының электрондық поштасына электрондық хабарлама жіберу арқылы аукционға қатысқан қатысушыларды осы аукционды жалғастыру күні мен уақыты туралы міндетті түрде алдын ала хабардар ете отырып, аукционды техникалық іркіліс түзетілген күннен кейінгі келесі жұмыс күніне ауыстырады.
5-тарау. Көмірсутектер бойынша жер қойнауын пайдалану құқығын беруге арналған аукционды өтпеді деп немесе жарамсыз деп тану
67. Егер аукцион өткізілетін күні 2 (екі) қатысушыдан кем тіркелсе, аукцион өткізілмеді деп танылады және қайтадан өткізілмейді.
68. Аукционды өтпеді деп тану барлық қатысушы комиссия мүшелері қол қоятын хаттамамен ресімделеді.
Аукционды өтпеді деп тану туралы хабарлама хаттама ресімделген күннен бастап 3 (үш) жұмыс күні ішінде қазақ және орыс тілдерінде құзыретті органның ресми интернет-ресурсында орналастырылуға тиіс.
69. Аукционды жарамсыз деп тану қатысушының немесе құзыретті органның талап етуі бойынша сотпен жүзеге асырылады.
70. Мыналар аукционды жарамсыз деп тану үшін негіздер болып табылады:
1) Кодексте белгіленген, аукцион жеңімпазын айқындауға әсер еткен аукцион өткізу қағидаларын бұзу;
2) аукцион қорытындылары бойынша жер қойнауын пайдалануға келісімшарт жасалған адамның құзыретті органға мұндай адамды аукционға қатысуға жіберу туралы шешімге әсер еткен көрінеу жалған мәліметтерді ұсыну фактісінің анықталуы.
71. Кодекстің 102-бабының 3-тармағына сәйкес, аукционға қатысушылар аукционның қорытындыларына оның қорытындылары жарияланған күннен бастап 3 (үш) ай ішінде осы Қағидалардың 70-тармағының 1) тармақшасында көрсетілген негіз бойынша Қазақстан Республикасының заңнамасына сәйкес, шағым жасауға құқылы.
72. Келісімшарт жасалғанға дейін аукционның жарамдылығына дау айтылған жағдайда, сот мәні бойынша шешім шығарғанға дейін келісімшартты жасасу мерзімі тоқтатыла тұрады.
73. Аукционды жарамсыз деп тану аукцион қорытындылары бойынша жасалған келісімшарттың жарамсыздығына алып келеді.
74. Осы Қағидалардың 70-тармағының 1) тармақшасында көрсетілген негіз бойынша аукцион жарамсыз деп танылған жағдайда, мұндай аукционның жеңімпазы деп жарияланған тұлға Кодекстің 102-бабының 6-тармағына сәйкес, төленген қол қою бонусын қайтаруды талап етуге құқылы.
6-тарау. Қорытынды ережелер
75. Аукционды ұйымдастыру және өткізу барысында туындайтын даулар Қазақстан Республикасының азаматтық заңнамасында белгіленген тәртіппен шешіледі.
Аукцион өткізуге өтініш
1. Жер қойнауының мемлекеттік қорын басқару бағдарламасын қарап, көмірсутектер бойынша жер қойнауын пайдалану құқығын беруге мынадай жер қойнауы учаскесі бойынша аукцион өткізуді сұраймын (-мыз):
жер қойнауының мемлекеттік қорын басқару бағдарламасында көрсетілген учаскенің атауы _________;
аукцион негізінде көмірсутектерді барлау мен өндіру және өндіру үшін берілетін географиялық координаттар _________________.
2. Мені (бізді) тікелей немесе жанама бақылайтын жеке тұлғалар, заңды тұлғалар, мемлекеттер және халықаралық ұйымдар туралы мәліметтер (заңды тұлғалар үшін):
мемлекеттің атауы ______________________________________________
тұлғаның, ұйымның атауы _______________________________________
3. Ұсынылған ақпараттың дұрыстығын растаймын, Қазақстан Республикасының заңнамасына сәйкес дұрыс емес мәліметтерді ұсынғаны үшін жауапкершілік туралы хабардар етемін және заңмен қорғалатын құпияны құрайтын мәліметтерді пайдалануға, сондай-ақ дербес деректерді және өзге де ақпаратты жинауға, өңдеуге, сақтауға, түсіруге және пайдалануға келісім беремін.
4. Өзім (-міз) туралы мәліметтерді ұсынамын (-мыз):
1) заңды тұлға үшін:
атауы __________________________________________________________
орналасқан жері ________________________________________________
бизнес-сәйкестендіру нөмірі ______________________________________
заңды тұлға ретінде мемлекеттік тіркелгені туралы мәліметтер (сауда тізілімінен үзінді көшірме немесе өтініш иесі шет мемлекеттің заңнамасы бойынша заңды тұлға болып табылатынын куәландыратын басқа да заңдастырылған (апостиль қойылған) құжат) _____________________________
басшының тегі, аты және әкесінің аты (ол болған жағдайда) ____________
мекенжайы: ____________________________________________________
телефон нөмірі (факс): ___________________________________________
ұялы телефон нөмірі____________ e-mail:_________________________
банк деректемелері: _____________________________________________
жеке сәйкестендіру коды _________________________________________
банк сәйкестендіру коды _________________________________________
банктің атауы ___________________________________________________
бенефициар коды________________________________________________
2) жеке тұлға үшін:
тегі, аты және әкесінің аты (ол болған жағдайда) _____________________
жеке сәйкестендіру нөмірі ________________________________________
жеке басын куәландыратын құжаты __________________________________
мекенжайы: ____________________________________________________
нақты тұрғылықты жері __________________________________________
азаматтығы ____________________________________________________
телефон нөмірі (факс): __________________________________________
ұялы телефон нөмірі____________ e-mail: _________________________
банк деректемелері:
жеке сәйкестендіру коды _________________________________________
банк сәйкестендіру коды _________________________________________
банктің атауы ___________________________________________________
бенефициар коды ________________________________________________
Өтініш берушінің ЭЦҚ-дан деректері; өтініш берушінің ЭЦҚ-мен қол қойылған күні мен уақыты.
20 _____ жылғы "___" ______ сағат_______ минут.
Аукционға қатысуға өтініш
1. Көмірсутектер бойынша жер қойнауын пайдалану құқығын беруге арналған аукцион өткізу туралы жарияланған хабарламаны қарап және "Көмірсутектер бойынша жер қойнауын пайдалану құқығын беруге арналған электрондық аукциондар операторының интернет-ресурсын пайдалана отырып, электрондық нысанда аукцион өткізу қағидаларын бекіту туралы" Қазақстан Республикасы Энергетика министрі м.а. 2020 жылғы 30 шілдедегі № 269 бұйрығымен бекітілген (Нормативтік-құқықтық актілерді мемлекеттік тіркеу тізілімінде № 21038 тіркелген) Көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісін пайдалана отырып, электрондық нысанда аукцион өткізу қағидаларымен танысып,
_______________________________________________________________
(жеке тұлғаның тегі, аты, әкесінің аты (ол болған жағдайда) немесе заңды тұлғаның атауы және басшының тегі, аты, әкесінің аты (ол болған жағдайда)
көмірсутектер бойынша жер қойнауын пайдалану құқығын беруге арналған электрондық аукциондар операторының ақпараттандыру объектісінде 20___ жылғы "___" __________________ өткізілетін аукционға қатысуға ниет білдіреді.
2. Мен (біз) объект бойынша аукцион нәтижелерін анықтағанға дейін оператордың интернет-ресурсы блоктайтын аукционға қатысу үшін жарна және кепілдік жарна енгіздім (-ік):
объектінің атауы ________________________________________________
қатысу жарнасының сомасы, теңге _________________________________
кепілдік жарна, теңге _____________________________________________
3. Барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптарды орындау үшін жеткілікті қаржы қаражатының болуын растау үшін Кодексте көзделген жағдайларда мынадай құжаттар ұсынылады:
№ р/с | Растайтын құжат | Қаржы көлемі | Валюта |
Шот нөмері, |
1. | Барлау кезеңінде жер қойнауы учаскесіндегі жұмыстардың көлемі мен түрлері бойынша ең төменгі талаптарды орындау үшін жеткілікті мөлшерде банктік шоттың болуы және нөмірі туралы анықтама және банктік шоттағы қалдық туралы үзінді көшірме | |||
2. | Қарыздың нысаналы мақсаты ретінде көмірсутектер бойынша жер қойнауын пайдалану құқығын алуға үміткер адамның қызметін барлау кезеңінде жер қойнауы учаскесіндегі жұмыстардың көлемі мен түрлері бойынша ең төмен талаптарды орындау үшін жеткілікті мөлшерде қаржыландыруды көздейтін ақша қарызы туралы немесе көмірсутектерді барлау жөніндегі қызметті қаржыландыру туралы шарттың көшірмесі; |
4. Мені (бізді) тікелей немесе жанама бақылайтын жеке тұлғалар, заңды тұлғалар, мемлекеттер және халықаралық ұйымдар туралы мәліметтер:
мемлекеттің атауы _______________________________________________
тұлғаның, ұйымның атауы ________________________________________
5. Ұсынылған ақпараттың дұрыстығын растаймын және заңмен қорғалатын құпияны құрайтын мәліметтерді пайдалануға, сондай-ақ дербес деректерді және өзге де ақпаратты жинауға, өңдеуге, сақтауға, түсіруге және пайдалануға келісім беремін.
6. Менің (біздің): Кодекстің 97-бабының 3-тармағында көзделген қатысушыға қойылатын талаптарға сәйкессіздігім (із) анықталған жағдайда, құзыретті орган өтінішті қабылдаудан бас тартады.
Бұл ретте Кодекстің 97-бабының 4-тармағына сәйкес, мен (біз) қайтадан өтініш беру құқығынан айырыламын (- мыз), мен (біз) қол қойған аукцион қорытындылары туралы хаттама мен көмірсутектерді барлау мен өндіруге немесе өндіруге арналған келісімшарт Кодекстің 102-бабына сәйкес жарамсыз деп танылатындығымен келісемін (- міз).
7. Егер мен (біз) аукцион жеңімпазы(-дары) деп анықталған жағдайда, қол қою бонусының түпкілікті мөлшерін төлеуге, аукцион қорытындылары туралы хабарлама жарияланған күннен бастап 20 (жиырма) жұмыс күні ішінде қол қою бонусының төленгені туралы растауды және Қазақстан Республикасы Энергетика министрінің 2018 жылғы 11 маусымдағы № 233 бұйрығымен бекітілген "Жер қойнауын пайдалануға арналған үлгілік келісімшарттарды бекіту туралы" (Нормативті құқықтық актілерді мемлекеттік тіркеу тізілімінде № 17140 тіркелген) _________________ үлгілік келісімшартқа сәйкес әзірленген_________________ өз тарапынан ЭЦҚ-мен қол қойылған келісімшартты, сондай-ақ "Жер қойнауы және жер қойнауын пайдалану туралы" Қазақстан Республикасының Кодексі 100-бабының 3-тармағы 2) тармақшасында көзделген өзге де міндеттемелерді жолдауға өзіме (-мізге) міндеттеме (- лер) аламын (-мыз).
8. Мен (біз) енгізген кепілдік жарна (Қағидаларда белгіленген жағдайларда) және аукционға қатысу үшін жарна сомасы қайтарылмайтындығымен және оператордың мемлекет кірісіне жіберетіндігімен келісемін.
9. Тарату, қайта ұйымдастыру немесе банкроттық сатысында тұрмайтынымызды растаймыз (заңды тұлғалар үшін).
10. Салық және бюджетке төленетін басқа да міндетті төлемдерді төлеу бойынша өтелмеген қарызым жоқ екенін растаймын (-мыз).
11. Көмірсутектерді барлау мен өндіруге жер қойнауын пайдалану құқығын алған жағдайда, барлау кезеңінде жер қойнауы учаскесіндегі жұмыстардың көлемдері мен түрлері бойынша ең төмен талаптарды орындау үшін жеткілікті қаржы қаражаты бар екенін растаймын (-мыз).
12. Өзім (-іміз) туралы мәліметтерді ұсынамын:
1) заңды тұлға үшін:
атауы _________________________________________________________
бизнес-сәйкестендіру нөмірі_______________________________________
заңды тұлға ретінде мемлекеттік тіркелгені туралы мәліметтер (сауда тізілімінен үзінді көшірме немесе өтініш иесі шет мемлекеттің заңнамасы бойынша заңды тұлға болып табылатынын куәландыратын басқа да заңдастырылған құжат)
______________________________________________
басшының тегі, аты және әкесінің аты (ол болған жағдайда)
__________________________________________________________________
тұрғылықты жері (мекенжайы):____________________________________
телефон нөмірі (факс): ___________________________________________
ұялы телефон нөмері:_____________________e-mail: ____________________
банк деректемелері: ______________________________________________
жеке сәйкестендіру коды _________________________________________
банк сәйкестендіру коды _________________________________________
банктің атауы ___________________________________________________
бенефициар коды ________________________________________________
адамның жеке сәйкестендіру нөмірі/бизнес-сәйкестендіру нөмірі
____________________________________________
Өтінішке қоса беріледі:
1) _____________________________________________________________
2) _____________________________________________________________
2) жеке тұлға үшін:
тегі, аты және әкесінің аты. (ол болған жағдайда) _____________________
жеке сәйкестендіру нөмірі_________________________________________
паспорттық деректер _____________________________________________
мекенжайы:_____________________________________________________
нақты тұрғылықты жері __________________________________________
азаматтығы _____________________________________________________
телефон нөмірі (факс): ___________________________________________
ұялы телефон нөмері:___________________e-mail: ___________________
банк деректемелері: ______________________________________________
жеке сәйкестендіру коды _________________________________________
банк сәйкестендіру коды _________________________________________
банктің атауы ___________________________________________________
бенефициар коды ________________________________________________
адамның жеке сәйкестендіру нөмірі/бизнес-сәйкестендіру нөмірі
_____________________________________
Өтінішке қоса беріледі:
1) __________________________________________________________
2) __________________________________________________________
Өтініш берушінің ЭЦҚ-дан деректері; өтініш берушінің ЭЦҚ-мен қол қойылған күні мен уақыты.
20 __ жылғы "___" __________ _______ сағат__________минут.
Қатысушының аукциондық нөмірі_______________
(аукцион аяқталғаннан кейін өтінімде көрсетіледі).
Өтініш берушінің техникалық тексеру қорытындылары бойынша мәліметтері жеке сәйкестендіру нөмірі/бизнес-сәйкестендіру нөмірі бойынша күн/ай/жыл, сағат/минут/секунд жай-күйіне салықтарды және бюджетке төленетін міндетті төлемдерді төлеу бойынша өтелмеген берешектің болуы туралы ақпарат табылған жоқ.
Көмірсутектер бойынша жер қойнауын пайдалану құқығын беру жөніндегі аукцион қорытындыларының тізілімі
Аукцион нөмірі: ______________________
Аукционның басталу күні мен уақыты: ________________________
Қол қою бонусының бастапқы мөлшері: ____________________ теңге
Жер қойнауы учаскесінің атауы, учаскенің орналасқан жері:
________________________________________________________________
Жер қойнауын пайдалану түрі: _____________________________________
Барлау кезеңі: ___________________________________________________
Аукцион қадамы № | Қол қою бонусының мөлшерін растау күні мен уақыты | Қатысушының аукциондық нөмірі | Қол қою бонусының расталған мөлшері |
1 | 2 | 3 | |
1 | |||
2 |
