"Халық денсаулығы және денсаулық сақтау жүйесі туралы" Қазақстан Республикасы Заңының 12-бабы 1-тармағының 3) тармақшасына сәйкес, Алматы қаласының мәслихаты ШЕШТІ:
1. Тегін медициналық көмектің кепілдік берілген көлемі шеңберінде жоғары технологиялық медициналық көрсетілетін қызметтерді және (немесе) міндетті әлеуметтік медициналық сақтандыру жүйесінде медициналық көмекті алу үшін Алматы қаласында тұрақты тұратын Қазақстан Республикасының азаматтарына елді мекеннен тысқары жерлерге тегін жол жүру ұсынылсын.
2. "Алматы қаласы тұрғындарының қала шегiнен тысқары жерлерде емделуі үшiн бюджет қаражаты есебiнен тегiн және жеңiлдiкпен жол жүрудi ұсыну туралы" Алматы қаласы мәслихатының 2011 жылғы 7 желтоқсандағы № 494 шешімінің (Нормативтік құқықтық актілерді мемлекеттік тіркеу тізілімінде № 919 болып тіркелген) күші жойылды деп танылсын.
3. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Алматы қаласы мәслихатының хатшысы | С. Канкуров |
