"Қазақстан Республикасының әкімшілік-аумақтық құрылысы туралы" Қазақстан Республикасы Заңының 14-бабы 4) тармақшасына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 35-бабы 2-тармағына сәйкес, Шығыс Қазақстан облыстық ономастика комиссиясының 2021 жылғы 27 желтоқсандағы қорытындысы негізінде, Шығыс Қазақстан облысы Глубокое ауданы Ертіс ауылдық округінің Прапорщиково және Уварово ауылдары тұрғындарының пікірін ескере отырып ШЕШТІМ:
1. Шығыс Қазақстан облысы Глубокое ауданы Ертіс ауылдық округі Прапорщиково ауылының келесі көшелері:
Колхозная көшесі Алексей Подойников көшесіне;
Суворов көшесі Шоқан Уалиханов көшесіне қайта аталсын.
2. Шығыс Қазақстан облысы Глубокое ауданы Ертіс ауылдық округі Уварово ауылының келесі көшелері:
Суворов көшесі Халықтар достастығы көшесіне;
К.Маркс көшесі Аграфена Колесникова көшесіне қайта аталсын.
3. "Шығыс Қазақстан облысы Глубокое ауданы Ертіс ауылдық округі әкімінің аппараты" мемлекеттік мекемесі Қазақстан Республикасының заңнамасында белгіленген тәртіппен:
1) осы шешімнің Қазақстан Республикасының Әділет министрлігінде мемлекеттік тіркелуін қамтамасыз етсін;
2) ресми жарияланғаннан кейін осы шешімді Шығыс Қазақстан облысы Глубокое ауданы әкімдігінің интернет - ресурсында орналастыруды қамтамасыз етсін.
4. Осы шешімнің орындалуын бақылауды өзіме қалдырамын.
5. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ертіс ауылдық округінің әкімі | Е. Жумагулов |
