ЗҚАИ-ның ескертпесі!
Осы бұйрықтың қолданысқа енгізілу тәртібін 4 т. қараңыз
"Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 399-бабының 21) тармақшасына сәйкес БҰЙЫРАМЫН:
1. Осы бұйрыққа қосымшаға сәйкес мемлекеттік емес музейлер әкелген кезде импорты қосылған құн салығынан босатылатын өнер туындыларының тізбесі бекітілсін.
2. Қазақстан Республикасы Мәдениет және спорт министрлігінің Мәдениет комитеті заңнамада белгіленген тәртіппен:
1) Осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрық қолданысқа енгізілгеннен кейін үш жұмыс күні ішінде оны Қазақстан Республикасы Мәдениет және спорт министрлігінің интернет-ресурсында орналастыруды;
3) осы тармақта көзделген іс-шаралар орындалғаннан кейін үш жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Мәдениет және спорт вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2026 жылғы 1 қаңтарға дейін қолданыста болады.
|
Қазақстан Республикасы Мәдениет және спорт министрі |
А. Оралов |
"КЕЛІСІЛДІ"
Қазақстан Республикасының
Ұлттық экономика министрлігі
| Қазақстан Республикасы Мәдениет және спорт министрі 2023 жылғы 14 наурыздағы № 76 бұйрығымен бекітілген |
Мемлекеттік емес музейлер әкелген кезде импорты қосылған құн салығынан босатылатын өнер туындыларының тізбесі
№ | Еуразиялық экономикалық одақтың сыртқы экономикалық қызметінің Бірыңғай тауар номенклатурасына сәйкес өнер туындыларының кодының түсіндірмесі | Еуразиялық экономикалық одақтың сыртқы экономикалық қызметінің Бірыңғай тауар номенклатурасына сәйкес он таңбалы код |
1. | 100 жылдан асқан картиналар, суреттер мен пастельдер | 9701210000 |
2. | 100 жылдан асқан мозаикалар | 9701220000 |
3. | Қолмен боялған немесе безендірілген басқа да дайын бұйымдар, коллаждар және 100 жылдан асқан ұқсас сәндік бейнелер | 9701290000 |
4. | Картиналар, суреттер және пастельдер, басқалар | 9701910000 |
5. | Мозаикалар, басқалар | 9701920000 |
6. | Қолмен боялған немесе безендірілген басқа да дайын бұйымдар, коллаждар және ұқсас сәндік бейнелер, басқалар | 9701990000 |
7. | 100 жылдан асқан гравюралардың, басылымдардың және литографтардың түпнұсқалары | 9702100000 |
8. | Гравюралардың, басылымдардың және литографтардың түпнұсқалары, басқалар | 9702900000 |
9. | 100 жылдан асқан кез-келген материалдан жасалған мүсіндер мен мүсіншелердің түпнұсқалары | 9703100000 |
10. | кез-келген материалдан жасалған мүсіндер мен мүсіншелердің түпнұсқалары, басқалар | 9703900000 |
11. | археология, этнография немесе тарих бойынша коллекциялар мен коллекциялық жиынтықтар | 9705100000 |
