"Өзіндік ерекшелігі бар тауарларды бақылау туралы" Қазақстан Республикасы Заңының 8-бабының 3) тармақшасына сәйкес БҰЙЫРАМЫН:
1. Өзіндік ерекшелігі бар тауарлармен жасалатын сыртқы экономикалық мәмілелердің есебін жүргізу қағидалары бекітілсін.
2. Қазақстан Республикасы Индустрия және инфрақұрылымдық даму министрлігінің Индустриялық даму комитеті заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Индустрия және инфрақұрылымдық даму министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Индустрия және инфрақұрылымдық даму министрінің міндетін атқарушы |
А. Бейспеков |
| Қазақстан Республикасы Индустрия және инфрақұрылымдық даму министрінің міндетін атқарушы 2023 жылғы 14 сәуірдегі № 255 бұйрықпен бекітілген |
Өзіндік ерекшелігі бар тауарлармен жасалатын сырқы экономикалық мәмілелердің есебін жүргізу қағидалары
1-тарау. Жалпы ережелер
1. Осы ерекше тауарлармен жасалатын сыртқы экономикалық мәмілелердің есебін жүргізу қағидалары (бұдан әрі - қағидалар) "Өзіндік ерекшелігі бар тауарларды бақылау туралы" Қазақстан Республикасы Заңының 8-бабының 3) тармақшасына сәйкес әзірленді және экспортты, кері экспортты, импортты, транзитті не аумақтан тыс делдалдық қызметтер немесе техникалық көмек көрсететін өзіндік ерекшелігі бар тауарлармен жүзеге асыратын Қазақстан Республикасының жеке және заңды тұлғаларының сыртқы экономикалық мәмілелердің есебін жүргізу тәртібін айқындайды.
2-тарау. Нақты тауарлармен жасалатын сыртқы экономикалық мәмілелердің есебін жүргізу тәртібі
2. Экспортты, кері Экспортты, импортты, транзитті жүзеге асыратын, аумақтан тыс делдалдық қызметтер немесе техникалық көмек көрсететін Қазақстан Республикасының Жеке және заңды тұлғалары осы Қағидалар қосымшаға сәйкес нысан бойынша өзіндік ерекшелігі бар тауарлармен жасалатын сыртқы экономикалық мәмілелердің есебін (бұдан әрі - нысан) әрбір күнтізбелік жыл үшін мемлекеттік немесе орыс тілдерінде жүргізеді.
3. Есепке алу нысаны қағаз жеткізгіште жүргізіледі. Пішін тігіліп, ондағы парақтар нөмірленуі керек. Нысанның соңғы парағының сыртқы жағына нысанды жүргізудің басталу күні және парақтардың саны, ал нысан аяқталғаннан кейін – соңғы жазбаның реттік нөмірі және оның жабылу күні қойылады. Көрсетілген жазбалар нақты тауарлардың экспортын, кері экспортын, импортын, транзитін жүзеге асыратын не аумақтан тыс делдалдық қызметтер немесе техникалық көмек көрсететін жеке тұлғаның немесе заңды тұлға басшысының қолымен куәландырылады.
Нысанды сақтауды қамтамасыз ету мақсатында ондағы барлық жазбалардың нысанды ресімдеуге көрсетілген талаптарды сақтай отырып, күнтізбелік жыл аяқталғаннан кейін 1 айдан кешіктірмей қағаз тасығышқа шығару мүмкіндігі болған жағдайда, нысанды электрондық форматта жүргізуге жол беріледі.
4. Нысандағы жазба олардың негізінде мәмілелер жасалатын құжаттардағы сыртқы экономикалық мәмілелер туралы мәліметтер (бұдан әрі - есепке алу құжаттары) негізінде қалыптастырылады. Шет тілінде жасалған есепке алу құжаттары мемлекеттік немесе орыс тілдеріне жол бойынша аударылуға тиіс.
5. Нысанға жазба осы мәміленің мәні болып табылатын тауарларға, ақпаратқа, жұмыстарға, көрсетілетін қызметтерге немесе зияткерлік шығармашылық қызметтің нәтижесіне ақы түсу мерзімдеріне қарамастан, сыртқы экономикалық мәміле жасау фактісі бойынша (осындай мәміле шеңберінде жүзеге асырылған сыртқы экономикалық мәмілелер есепке алу құжаттарында көрсетілгеннен кейін тікелей енгізіледі) енгізіледі.
6. Ерекше тауарлардың экспортын, кері экспортын, импортын, транзитін жүзеге асыратын не аумақтан тыс делдалдық қызметтер немесе техникалық көмек көрсететін Қазақстан Республикасының Жеке және заңды тұлғалары өздері жасайтын сыртқы экономикалық операцияларды есепке алудың толықтығы мен дұрыстығын қамтамасыз етеді.
7. Ерекше тауарлармен сыртқы экономикалық мәмілелерге қатысты құжаттар, егер Қазақстан Республикасының заңнамасында неғұрлым ұзақ сақтау мерзімі белгіленбесе, нақты тауарлардың экспорты, кері экспорты, импорты, транзиті не аумақтан тыс делдалдық қызметтер немесе техникалық көмек көрсету жүзеге асырылған кезден бастап бес жыл бойы сақталуға тиіс
| Өзіндік ерекшелігі бар тауарлармен сыртқы экономикалық операцияларды есепке алу қағидаларына қосымша |
Ерекше тауарлармен сыртқы экономикалық операцияларды есепке алу нысаны
№ | Күні | Оның негізінде сыртқы экономикалық операция жасалатын құжат | Сыртқы экономикалық операцияға қатысатын шетелдік тұлға туралы мәліметтер | Сыртқы экономикалық операцияның мәні туралы мәліметтер |
1 | 2 | 3 | 4 | 5 |
Ескертпелер:
1. 1-бағанда сыртқы экономикалық мәміленің реттік нөмірі көрсетіледі.
2. 2-бағанда есептік жазбаның енгізілген күні көрсетіледі.
3. 3-бағанда сыртқы сауда шартының (келісімшартының), оған қосымша келісімнің немесе оның негізінде ерекше тауарлармен сыртқы экономикалық операция жасалатын өзге де құжаттың нөмірі (ол болған кезде) және күні көрсетіледі.
4. 4-бағанда тауарларды, ақпаратты, көрсетілетін қызметтерді, зияткерлік қызмет нәтижелерін алушы немесе жұмыстарға тапсырыс беруші болып табылатын сыртқы экономикалық мәмілеге қатысатын шетелдік тұлға (шетелдік тұлға, халықаралық ұйым не оның өкілі) туралы мәліметтер (жеке тұлға үшін - тегі, аты - жөні және тұрғылықты жері, заңды тұлға үшін-атауы және орналасқан жері (мекенжайы) көрсетіледі.
5. 5-бағанда сыртқы экономикалық мәміле мәнінің атауы, ол және оның функционалдық мақсаты туралы қысқаша мәліметтер көрсетіледі.
