Ескерту. Күші жойылды - ҚР Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 20.12.2023 № 416 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
БҰЙЫРАМЫН:
1. "Сыбайлас жемқорлыққа қарсы қызметте қызмет өткерген қызметкерлерге еңбек сіңірген жылдары үшін зейнетақы төлемдерін тағайындау және жүзеге асыру жөніндегі нұсқаулықты бекіту туралы" Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2020 жылғы 9 шілдедегі № 212 бұйрығына (Нормативтік құқықтық актілерді мемлекеттік тіркеу тізілімінде № 20974 болып тіркелген) мынадай өзгерістер мен толықтыру енгізілсін:
көрсетілген бұйрықпен бекітілген Сыбайлас жемқорлыққа қарсы қызметте қызмет өткерген қызметкерлерге еңбек сіңірген жылдары үшін зейнетақы төлемдерін тағайындау және жүзеге асыру жөніндегі нұсқаулықта:
6-тармақ мынадай редакцияда жазылсын:
"6. Сыбайлас жемқорлыққа қарсы қызмет қызметкерлері зейнетақы төлемдерін ресімдеу үшін, соңғы қызмет орны бойынша кадр қызметіне жеке басын куәландыратын құжатты түпнұсқасында не цифрлық құжаттар сервисі арқылы және мынадай құжаттар мен олардың көшірмелерін қоса бере отырып, Қағидаларға 1-қосымшаға сәйкес нысан бойынша өтініш ұсынады:
1) зейнетақы беру жөніндегі уәкілетті органдағы банк шотының нөмірі не қылмыстық-атқару жүйесі мекемесінің қолма-қол ақшасының бақылау шоты туралы мәліметтер;
2) 3х4 сантиметр өлшемдегі түрлі-түсті екі фотосурет;
3) пайдасына 2016 жылғы 1 қаңтарға дейін бюджет қаражаты есебінен міндетті зейнетақы жарналары аударылған адамдар үшін – әскери қызметшілердің (мерзiмдi қызметтегі әскери қызметшiлерден басқа), арнаулы мемлекеттiк және құқық қорғау органдары, мемлекеттік фельдъегерлік қызмет қызметкерлерiнің, сондай-ақ арнаулы атақтар, сыныптық шендер алу және нысанды киiм киiп жүру құқықтары 2012 жылғы 1 қаңтардан бастап жойылған адамдардың пайдасына 2016 жылғы 1 қаңтарға дейін бюджет қаражаты есебінен аударылған міндетті зейнетақы жарналары сомасының 50 пайызының жеке зейнетақы шотынан есептен шығарылғаны туралы Қазақстан Республикасының заңнамасында белгіленген нысан бойынша растау-анықтама.";
мынадай мазмұндағы 14-1-тармақпен толықтырылсын:
"14-1. Зейнетақы куәлігін ауыстыру жоғалған, бүлінген, сондай-ақ зейнеткердің тегі, аты немесе әкесінің аты өзгерген жағдайларда жүргізіледі.
Сыбайлас жемқорлыққа қарсы қызметтің зейнетақы куәлігін жоғалтқан зейнеткер Табу бюросына жүгінгені және жоғалтқан зейнетақы куәлігінің жарамсыздығы туралы бұқаралық ақпарат құралдарында жариялағаны туралы құжаттардың көшірмелерін ұсынумен, Агенттіктің кадр қызметін хабардар етеді.
Сыбайлас жемқорлыққа қарсы қызметтің зейнетақы куәлігін бүлдірген жағдайда, зейнеткер бүлінген зейнетақы куәлігін кезекті жою үшін Агенттіктің кадр қызметіне ұсынады.
Зейнеткер тегі, аты немесе әкесінің аты өзгерген жағдайда, Агенттіктің кадр қызметіне сыбайлас жемқорлыққа қарсы қызметтің зейнетақы куәлігін, сондай-ақ жеке басын куәландыратын құжатты түпнұсқасында не цифрлық құжаттар сервисі арқылы өзгертілген деректерімен ұсынады.
Жоғалған немесе бүлінгеннің орнына, сондай-ақ тегі, аты немесе әкесінің аты өзгерген кезде жаңа зейнетақы куәлігін Агенттіктің кадр қызметі сыбайлас жемқорлыққа қарсы қызметтің жаңа зейнетақы куәлігін дайындауға жұмсалатын шығыстарды мемлекет кірісіне өтегені туралы растайтын құжаттарды, сондай-ақ 3х4 сантиметр өлшемдегі түрлі-түсті екі фотосуретті тапсырғаннан кейін береді.";
31-тармағының 2) тармақшасы мынадай редакцияда жазылсын:
"2) жеке басты куәландыратын құжат (жеке куәлік, азаматтығы жоқ адамның куәлігі, шетелдіктің тұруға ықтиярхаты) түпнұсқасында не цифрлық құжаттар сервисі арқылы;";
ескертпелерде:
4-тармақтың бесінші абзацы мынадай редакцияда жазылсын:
"оң жақ бөліктің ортасында қызыл түспен орындалған "№ __ КУӘЛІК" деген жазу орналастырылған, оның астында арнаулы атағы немесе біліктілік сыныбы, аты, әкесінің аты (болған жағдайда), тегі және "ЗЕЙНЕТКЕР" деген жазу мемлекеттік тілде көрсетіледі. Зейнетақы куәлігінің нөмірі қара түспен басылады;";
5-тармақтың үшінші және төртінші абзацтары мынадай редакцияда жазылсын:
"сол жақ бөлігінде зейнеткердің 3х4 сантиметр өлшемдегі түрлі-түсті фотосуреті (анфас) орналастырылады. Сыбайлас жемқорлыққа қарсы қызмет зейнеткері фотосуретке күнделікті киетін нысанды киімде (китель, көгілдір түсті жейде, галстук) бас киімсіз ақ фонда, ордендік планкаларымен және білімі туралы белгілермен (болған жағдайда) түседі. Погондардағы айырмашылық белгілері зейнетақы куәлігін толтыру күніне берілген арнайы атағына сәйкес болуға тиіс. Зейнетке шығу сәтінде сыбайлас жемқорлыққа қарсы қызметтің біліктілік сыныбы болған зейнеткері сыбайлас жемқорлыққа қарсы қызметтің зейнетақы куәлігін ауыстыратын жағдайда, фотосуретке ақ фонда бас киімсіз іскерлік нысандағы киіммен түседі;
оң жақ бөліктің ортасында қызыл түспен орындалған "УДОСТОВЕРЕНИЕ № __" деген жазу орналастырылған, оның астында арнаулы атағы немесе біліктілік сыныбы, аты, әкесінің аты (болған жағдайда), тегі және "ПЕНСИОНЕР" деген жазу орыс тілінде көрсетіледі. Зейнетақы куәлігінің нөмірі қара түспен басылады;";
7-қосымша осы бұйрыққа косымшаға сәйкес жана редакцияда жазылсын.
2. Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Кадр жұмысы департаменті заңнамамен белгіленген тәртіпте:
1) осы бұйрықтың Қазақстан Республикасының Әділет министрлігінде мемлекеттік тіркелуін;
2) осы бұйрықты оны ресми жариялағаннан кейін Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) аппарат басшысына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Төрағасы |
А. Жұмағали |
"КЕЛІСІЛДІ"
Қазақстан Республикасының
Цифрлық даму, инновациялар және
аэроғарыш өнеркәсібі министрлігі
Нысан
Зейнетақы куәліктерін есепке алу кітабы
р/с № | Зейнеткерлік куәліктің реті бойынша нөмірі, тіркеу күні | Зейнеткердің тегі, аты, әкесінің аты (болған жағдайда), арнаулы атағы немесе біліктілік сыныбы, лауазымы және қызметтен шығарылар алдындағы қызмет орны, туған күні | Зейнеткерлік куәлікті беру (алғашқы рет немесе ауыстыру №___) | Куәлікті алу: тегі, инициалдары, қолы, алған күні | Ескертпе |
1 | 2 | 3 | 4 | 5 | 6 |
