Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 7, 37-баптарына, Қазақстан Республикасының Жер кодексінің 43-1-бабының 2-1-тармағына сәйкес, Әйтеке би ауданының әкімдігі ҚАУЛЫ ЕТЕДІ және Әйтеке би аудандық мәслихаты ШЕШТІ:
1. Әйтеке би ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылатын жер учаскелерінің ең жоғары мөлшері жергілікті жағдайлар мен ерекшеліктерге қарай осы бірлескен қаулының және шешімнің қосымшасына сәйкес айқындалсын.
2. "Ақтөбе облысы Әйтеке би аудандық ауыл шаруашылығы және жер қатынастары бөлімі" мемлекеттік мекемесі осы бірлескен қаулы және шешімді оны ресми жарияланғаннан кейін Әйтеке би ауданы әкімдігінің интернет-ресурсында орналастыруды қамтамасыз етсін.
3. Осы бірлескен қаулы және шешімнің орындалуын бақылау Әйтеке би ауданы әкімінің орынбасарына жүктелсін.
4. Осы бірлескен қаулы және шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аудан әкімінің міндетін атқарушы | А. Алдабергенов |
|
Әйтеке би аудандық мәслихатының төрағасы |
Б. Сейлханов |
| "Әйтеке би ауданы Әкімінің аппараты" ММ 2023 жылғы 26 маусымдағы № 112 мен Әйтеке би аудандық мәслихаттың 2023 жылғы 26 маусымдағы № 60 бірлескен қаулы және шешіміне қосымша |
Әйтеке би ауданы бойынша шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа шығарылатын жер учаскелерінің жергілікті жағдайлар мен ерекшеліктеріне қарай ең жоғары мөлшері
№ | Ауылдық округтер атаулары | Ауыл шаруашылығы алқаптарының көлемі, гектар | оның ішінде | ||
егістік | шабындық | жайылым | |||
1 | Ақтасты | 5000 | 1000 | - | 4000 |
2 | Аралтоғай | 4000 | - | - | 4000 |
3 | Ақкөл | 7000 | - | - | 7000 |
4 | Әйке | 5000 | 1000 | - | 4000 |
5 | Жамбыл | 5000 | 1000 | - | 4000 |
6 | Жабасақ | 7000 | - | - | 7000 |
7 | Қарабұтақ | 10000 | - | - | 10000 |
8 | Қайрақты | 7000 | - | - | 7000 |
9 | Қызылжұлдыз | 5000 | - | - | 5000 |
10 | Темірбек Жүргенов | 5000 | 1000 | - | 4000 |
11 | Құмқұдық | 5000 | 1000 | - | 4000 |
12 | Тұмабұлақ | 10000 | - | - | 10000 |
13 | Сарат | 5000 | - | - | 5000 |
14 | Сұлукөл | 5000 | 1000 | - | 4000 |
15 | Үшқатты | - | - | - | - |
