"Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларын бекіту туралы" Қазақстан Республикасы Инвестициялар және даму министрінің міндетін атқарушысының 2015 жылғы 24 ақпандағы № 187 бұйрығына өзгерістер енгізу туралы

Қазақстан Республикасы Көлік министрінің м.а. 2024 жылғы 18 қарашадағы № 379 бұйрығы. Қазақстан Республикасының Әділет министрлігінде 2024 жылғы 19 қарашада № 35377 болып тіркелді

ЗҚАИ-ның ескертпесі!
Осы бұйрықтың қолданысқа енгізілу тәртібін 4 т. қараңыз

БҰЙЫРАМЫН:

1. Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларын бекіту туралы" Қазақстан Республикасы Инвестициялар және даму министрінің міндетін атқарушысының 2015 жылғы 24 ақпандағы № 187 бұйрығына (Нормативтік құқықтық актілерді мемлекеттік тіркеу тізілімінде № 12052 болып тіркелген) мынадай өзгерістер енгізілсін:

көрсетілген бұйрықпен бекітілген Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларында:

3-тармақта:

3) тармақша мынадай редакцияда жазылсын:

"3) әуеайлақты (тікұшақ айлағын) пайдаланушы – меншік құқығымен не өзге де заңды негіздерде әуеайлақты (тікұшақ айлағын) пайдаланатын, Қазақстан Республикасының, сондай-ақ Қазақстан Республикасы ратификациялаған халықаралық шарттарға сәйкес шет мемлекеттің жеке немесе заңды тұлғасы;";

11) тармақша мынадай редакцияда жазылсын:

"11) сертификаттық зерттеп-қарау – уәкілетті ұйым жүзеге асыратын әуеайлақты (тікұшақ айлағын), оның құрылымдық бөлімшелерін, жабдықтарды, пайдалану рәсімдерін, әуеайлақты (тікұшақ айлағын) күтіп-ұстау және пайдалану жөніндегі технологиялық процестерді, ұйымдық құрылымның құжаттамасын, сондай-ақ өтініш беруші мамандары біліктілігінің сертификаттау талаптарына сәйкестігін тексеру;";

4, 5 және 6-тармақтар мынадай редакцияда жазылсын:

"4. Әуеайлақтың (тікұшақ айлақтарының) жарамдылығын сертификаттаудың мақсаты жердегі және әуедегі әуе кемелерінің (бұдан әрі –ӘК) ұшу қауіпсіздігін қамтамасыз ету, сондай-ақ әуеайлақтың (тікұшақ айлағының) адамдардың өмірі мен денсаулығы үшін қауіпсіздігін қамтамасыз ету, азаматтардың меншігін және қоршаған ортаны қорғау.

Сертификатталған әуеайлақтың (тікұшақ айлағының) пайдаланушысы әуеайлақты (тікұшақ айлағын) пайдаланушыға қойылатын сертификаттау талаптарының сақталуын қамтамасыз етеді.

Сертификаттық зерттеп-қарау жүргізу кезінде әуеайлақты (тікұшақ айлағын) пайдаланушы келесі талаптарды орындау мүмкіндігі мен құралдарын, сондай-ақ қаржылық-экономикалық жағдайын және құқықтық қабілеттілігін көрсетеді:

1) азаматтық авиация әуеайлақтары (тікұшақ айлақтары) үшін белгіленген физикалық-техникалық сипаттамаларды қамтамасыз ету;

2) пайдалану рәсімдеріне, соның ішінде:

әуеайлақ деректерін ұсыну;

әуеайлақтың жұмыс алаңын (тікұшақ айлағы элементтерін) инспекциялау;

әуеайлақтың жұмыс алаңына (тікұшақ айлағы элементтеріне) техникалық қызмет көрсету;

әуеайлақтағы (тікұшақ айлағындағы) қар мен мұздан және қауіпті метеорологиялық жағдайлардан қорғау;

кедергілерді бақылау;

шектеулі көріну жағдайындағы рәсімдер;

ұшуларды электрлі жарықпен техникалық қамтамасыз ету;

азаматтық әуе кемелерінің ұшуына құстар мен жабайы табиғат тудыратын қауіптерді басқару;

әуеайлақта (тікұшақ айлағында) авариялық жағдай болған жағдайда іс-шараларды жоспарлау;

ұшуларды авариялық-құтқару қамтамасыз ету;

қозғалу қабілетін жоғалтқан ұшақты алып тастау;

әуеайлақта көлік құралдарын пайдалану;

перрондағы қызметті ұйымдастыру;

перрондағы қызметтің қауіпсіздігін басқару;

ұшу қауіпсіздігін басқару.";

5. Сертификаттау талаптары әуеайлақтың (тікұшақ айлағының) пайдаланушысында бар болуын талап етеді:

1) әуеайлақта (тікұшақ айлағында) қызметті қамтамасыз ету үшін қажетті қаржы ресурстарын бөлуге өкілеттігі бар жауапты (бірінші) басшы. Жауапты басшы әуеайлақта (тікұшақ айлағында) қызметті басқарудың тиімді жүйесін ұйымдастыруды және жүргізуді қамтамасыз етеді;

2) әуеайлақтағы (тікұшақ айлағындағы) өндірістік қызметті басқару мен бақылауға және әуеайлақ (тікұшақ айлағы) объектілеріне, арнайы техникаға, қондырғылар мен жабдықтарға техникалық қызмет көрсетуге және жөндеуге жауапты басшы(лар) (бұдан әрі – техникалық директорлар);

3) ұшу қауіпсіздігін басқару жүйесін әзірлеуге, қолдауға және күнделікті әкімшілендіруге жауапты ұшу қауіпсіздігі жөніндегі инспектор (менеджер). Ұшу қауіпсіздігі жөніндегі инспектор (менеджер) ұйымның кез келген басшыларынан тәуелсіз болып табылады және ұшу қауіпсіздігі мәселелері жөніндегі ұйымның жауапты басшысына және басшыларына тікелей қол жеткізе алады, жауапты басшыға тікелей бағынады;

4) қызмет, бөлімше, ауысым бастықтары, олардың саны ұйымдық құрылымы мен персонал санын ескере отырып, қызмет көлеміне, міндеттері мен міндеттеріне сәйкес келеді;

5) қызметті жүзеге асыру үшін мамандардың жеткіліктілігін растайтын ұйымдық құрылым, штат кестесі;

6) Қазақстан Республикасы Көлік және коммуникация министрінің 2013 жылғы 28 қыркүйектегі № 764 бұйрығымен (Нормативтік құқықтық актілерді мемлекеттік тіркеу тізілімінде № 8785 болып тіркелген) бекітілген Ұшу қауіпсіздігін қамтамасыз етуге қатысатын авиациялық персоналдың кәсіптік даярлығының үлгілік бағдарламаларына сәйкес даярлығы, осы Қағидаларға 9-қосымшаға сәйкес әуеайлақтағы (тікұшақ айлағындағы) қызметті басқаруды, әуеайлақ (тікұшақ айлағы) объектілерін пайдалануды, қондырғылар мен жабдықтарға техникалық қызмет көрсетуді жүзеге асыратын персоналдың тиісті біліктілігі;

7) әуеайлақ (тікұшақ айлағы) пайдаланушысы персоналының кәсіби даярлығын қамтамасыз ету жөніндегі нұсқаулық;

8) басшы құрам мен мамандардың міндеттері мен жауапкершілігін айқындайтын бекітілген лауазымдық нұсқаулықтар;

9) әуежай инфрақұрылымын және жер пайдалануды дамытудың егжей-тегжейлі кезеңдерін және іске асыру жоспарын қоса алғанда, басым міндеттердің тізбесін қамтитын кемінде 5 жылға бекітілген бас жоспарды қамтиды. Бас жоспарды әуеайлақ пайдаланушысы экономикалық орындылығы туралы ақпарат, тасымалдау болжамдары, атап айтқанда, әуе кемелерін пайдаланушылар қоятын ағымдағы және болашақ талаптар негізінде әзірлейді, сондай-ақ әуеайлақтағы (халықаралық әуе тасымалдарына қызмет көрсететін әуеайлақтар үшін) әуе қозғалысының көлемі ескеріле отырып және жергілікті атқарушы органдармен келісілген мерзімді түрде қайта қаралады;

10) уәкілетті ұйыммен келісілетін, әуеайлақ (тікұшақ айлағы) пайдаланушысының бірінші басшысы бекіткен Әуеайлақ (тікұшақ айлағы) бойынша нұсқаулық (бұдан әрі – Нұсқаулық). Әуеайлақ бойынша нұсқаулық осы Қағидалардың талаптарына, DOC 9774 AN\969 "Әуеайлақтарды сертификаттау жөніндегі нұсқаулық" ИКАО, DOC 9981 "Аэронавигациялық қызмет көрсету қағидалары. Әуеайлақтар" ИКАО және DOC 9261 "Тікұшақ айлақтары жөніндегі нұсқаулық" ИКАО талаптарына сәйкес әзірленеді;

11) уәкілетті ұйыммен келісілген ұшу қауіпсіздігі жөніндегі құжаттама жүйесінің сипаттамасын қоса алғанда, Ұшу қауіпсіздігін басқару жүйесі және ұшу қауіпсіздігін басқару жөніндегі бекітілген нұсқаулық;

12) әуеайлақ қызметіне жататын аэронавигациялық деректер мен аэронавигациялық ақпараттың сапасын басқару жүйелері;

13) егер әуеайлақтың (тікұшақ айлағының) жарамдылық сертификатының қолданылу саласына кіретін әуеайлақты (тікұшақ айлағын) пайдаланушы қызметінің бір бөлігін мердігер ұйымдар (әуеайлақ(тікұшақ айлағы) объектілеріне, жабдықтары мен арнайы техникаларына техникалық қызмет көрсету және жөндеу, аэронавигациялық деректерді жинау, персоналды оқыту, ұшуларды авариялық-құтқару қамтамасыз ету, әуеайлақ(тікұшақ айлағы) объектілерін жобалау) жүзеге асыратын болса, мердігер ұйымдармен келісімдер;

14) сертификаттау талаптарының, әуеайлақта (тікұшақ айлағында) белгіленген қағидалар мен рәсімдердің сақталуын ішкі бақылау жүйесі, әуеайлақты (тікұшақ айлағын) пайдаланушының өзі де, әуеайлақта (тікұшақ айлағында) қызметін жүзеге асыратын бөгде және мердігер ұйымдар да;

15) азаматтық авиация ұйымдарының қызметтерімен өзара іс-қимыл (үйлестіру) жөніндегі нұсқаулықтар;

16) авариялық-құтқару жұмыстарын ұйымдастыру және жүргізу жөніндегі бекітілген авариялық жоспар;

17) азаматтық авиация саласындағы нормативтік құқықтық актілерге сәйкес құрылған әуежай комитетінің, ұшу қауіпсіздігі жөніндегі жұмыс тобының, ұшып-қону жолағы (бұдан әрі – ҰҚЖ) операцияларының қауіпсіздігі жөніндегі жұмыс тобының;

18) техникалық құралдар, жабдықтар, арнайы жабдықтар, ғимараттар мен үй-жайлар, қауіпсіздік талаптарына сәйкес келетін қызметті жүзеге асыруға арналған жеке қорғану құралдары қажетті міндеттер мен функцияларды тиімді орындауға мүмкіндік береді."

6. Әуеайлақ (тікұшақ айлағы) объектілеріне, әуеайлақ (тікұшақ айлағы) бойынша деректерді ұсынуға, ұшуларды әуеайлақтық қамтамасыз етуге, әуеайлақ маңы аумағындағы кедергілерді бақылауға, мониторингтеуге және есепке алуға, құстар мен жабайы жануарлар тудыратын қауіптерді басқаруға және Қазақстан Республикасының әуежайларында арнайы көліктің жұмысын ұйымдастыруға қойылатын сертификаттық талаптар:

1) Қазақстан Республикасы Инвестициялар және даму министрінің 2015 жылғы 31 наурыздағы № 381 бұйрығымен бекітілген (Нормативтік құқықтық актілерді мемлекеттік тіркеу тізілімінде № 12303 болып тіркелген), азаматтық авиация әуеайлақтарының (тікұшақ айлақтарының) пайдалануға жарамдылық нормаларының, Әуеайлақтар I том "Әуеайлақты жобалау және пайдалану" Халықаралық азаматтық авиацияның конвенциясына 14-қосымшасының және Әуеайлақтар II том "Тікұшақ айлақтары" Халықаралық азаматтық авиацияның конвенциясына 14-қосымшасының талаптары;

2) аэронавигациялық деректерді беру бөлігінде Қазақстан Республикасы Инвестициялар және даму министрінің 2017 жылғы 30 маусымдағы № 420 бұйрығымен бекітілген (Нормативтік құқықтық актілерді мемлекеттік тіркеу тізілімінде № 15427 болып тіркелген), Азаматтық авиацияда аэронавигациялық ақпаратпен қамтамасыз ету қағидаларының талаптары;

3) Қазақстан Республикасы Инвестициялар және даму министрінің міндетін атқарушының 2015 жылғы 7 қазандағы № 978 бұйрығымен бекітілген (Нормативтік құқықтық актілерді мемлекеттік тіркеу тізілімінде№ 12360 болып тіркелген), Азаматтық авиацияда әуеайлақтық қамтамасыз ету қағидаларының талаптары;

4) Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 327 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11676 болып тіркелген), Қазақстан Республикасының әуежайларында арнайы көліктің жұмысын ұйымдастыру жөніндегі қағидаларының талаптары;

5) Қазақстан Республикасы Инвестициялар және даму министрінің міндетін атқарушының 2015 жылғы 26 наурыздағы № 323 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11724 болып тіркелген), Қазақстан Республикасының азаматтық әуе кемелерінің ұшуы үшін құстар мен өзге де жануарлар тудыратын қауіптерді басқару қағидаларының талаптары;

6) Қазақстан Республикасы Үкіметінің 2011 жылғы 12 мамырдағы № 504 қаулысымен бекітілген, Әуе кемелерінің ұшу қауіпсіздігіне қатер төндіруі мүмкін қызметті жүзеге асыруға рұқсаттар беру қағидаларының талаптары;

7) әуеайлақтарға техникалық қызмет көрсету, күтіп ұстау және жөндеу бойынша әзірленген нұсқаулықтың, бекітілген жұмыс технологияларының болуы;

8) әуеайлақ жабындарын ақауды анықтау бойынша рәсімдердің болуы (ақауды анықтау актілері, әуеайлақ элементтерін тексеру актілері);

9) әуе кемелерінің, ілінісу коэффициентін өлшеу жөніндегі құрылғылардың тежеу шарттарын бағалау рәсімдерінің болуы;

10) әуеайлақты (тікұшақ айлағын) күтіп-ұстауға арналған арнайы техниканың болуы;

11) әуеайлақта (тікұшақ айлағында) арнайы көліктің жұмысын ұйымдастыру бойынша бекітілген рәсімдердің болуы;

12) ұшу қауіпсіздігіне қатер төндіретін аэронавигациялық емес шамдарды, әуеайлақ (тікұшақ айлағы) аймағында және әуеайлаққа іргелес аумақта құрылыс жұмыстарын және іс-шараларды жүргізуді қоса алғанда, кедергілерді бақылау, бағалау, есепке алу және оларды жою бойынша шараларды қабылдау."

10, 11, 12, 13, және 14-тармақтар мынадай редакцияда жазылсын:

"10. Ұшу қауіпсіздігін басқару бойынша сертификаттау талаптары:

1) әуеайлақтарды пайдаланушылардың ұшу қауіпсіздігін басқару жүйесі бөлігінде Қазақстан Республикасы Үкіметінің 2016 жылғы 11 наурыздағы № 136 қаулысымен бекітілген азаматтық авиация саласындағы ұшу қауіпсіздігі жөніндегі бағдарламаның талаптары;

2) Қазақстан Республикасы Көлік және коммуникация министрінің 2011 жылғы 28 наурыздағы № 173 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6855 болып тіркелген), әуе қозғалысына қызмет көрсету кезінде, әуе кемелеріне техникалық қызмет көрсету кезінде, әуежайларда, азаматтық әуе кемелерін пайдаланушылардың, қызметі көрсетілетін қызметтерді ұсыну барысында әуе кемелерінің ұшуын орындаумен байланысты азаматтық авиацияның авиациялық оқу орталықтарының ұшу қауіпсіздігін басқару жөніндегі үлгі нұсқаулықтардың (бұдан әрі – Ұшу қауіпсіздігін басқару жөніндегі үлгілік нұсқаулық) әуежайларды пайдаланушылар бөлігінде қойылатын талаптары;

3) ұшу қауіпсіздігіне жауапты басшыны, ұшу қауіпсіздігін басқару жүйесінің әзірленуіне және тиімді жұмыс істеуіне жауапты лауазымды адамды тағайындау;

4) әуеайлақта (тікұшақ айлағында) ұшу қауіпсіздігін басқару жүйесін әзірлеудің, іске асырудың және жақсартудың бекітілген жоспарының болуы;

5) уәкілетті ұйыммен келісілген ұшу қауіпсіздігін қамтамасыз ету тиімділігі көрсеткіштерінің және ұшу қауіпсіздігінің нысаналы деңгейлерінің болуы;

6) рәсімдер мен процестер ұшу қауіпсіздігін басқару жүйесі.

Сертификатталған әуеайлақты (тікұшақ айлағын) пайдаланушы ұшу қауіпсіздігін басқару жөніндегі үлгілік нұсқаулықтың, Халықаралық азаматтық авиация туралы Конвенцияға 19-қосымшасының "Ұшу қауіпсіздігін басқару" және DOC 9859 "Ұшу қауіпсіздігін басқару жөніндегі нұсқаулық" талаптарына сәйкес ҰҚБЖ-н енгізеді.

ҰҚБЖ әуеайлақта (тікұшақ айлағында) ұшу қауіпсіздігін басқарудың ұйымдастырылған және реттелген тәсілін қамтамасыз етуге арналған. Өзгерістерді жүзеге асыруды басқару, ұшу қауіпсіздігіне бағалау жүргізу, әуеайлақтардағы (тікұшақ айлақтарындағы) ұшу қауіпсіздігі саласындағы оқиғаларға қатысты деректерді ұсыну және талдаулар жүргізу, сондай-ақ анықталған тәуекелдің әсерін жұмсарту үшін тиісті техникалық талаптардың сақталуын қамтамасыз ету бойынша тұрақты мониторингті жүзеге асыру тәртібі ХААҰ DOC 9981 "Әуеайлақтарға аэронавигациялық қызмет көрсету қағидалары" құжатының негізінде уәкілетті ұйым әзірлейтін Нұсқаулық материалда қамтылады.

Сертификаттау кезінде уәкілетті ұйым әуеайлақ (тікұшақ айлағын) пайдаланушысының ҰҚБЖ-н тексереді.

Жаңа әуеайлақты (тікұшақ айлағын) пайдаланушыны бастапқы сертификаттау кезінде оны енгізудің талап етілетін мерзімдерін ескере отырып, ҰҚБЖ-н толық емес көлемде енгізуге жол беріледі, алайда әуеайлақты (тікұшақ айлағын) пайдаланушы кемінде мынадай мәселелерді қамтамасыз етеді:

1) әуеайлақ (тікұшақ айлағын) пайдаланушысының бірінші басшысы бекіткен және ұйымның ұшу қауіпсіздігін қамтамасыз етуге қатысты міндеттемелерін көрсететін ұшу қауіпсіздігін қамтамасыз ету саласында саясат бар;

2) бірінші басшының ұшу қауіпсіздігін қамтамасыз етуге жауапкершілігі бекітілген,

3) өндірістік қызметтерге қарамастан (ұшу қауіпсіздігі жөніндегі бірінші басшының орынбасары, ұшу қауіпсіздігі жөніндегі инспектор және ұйым басшылары) ҰҚБЖ әзірлеуге, енгізуге және әкімшілендіруге жауапты қызмет бастығынан төмен емес деңгейдегі лауазымды адам тағайындалды;

4) ұшу қауіпсіздігін қамтамасыз ету үшін міндеттер мен жауапкершілік бірінші басшыны қоса алғанда, әрбір қызметкердің лауазымдық нұсқаулықтарында бекітіледі;

5) әуеайлақты (тікұшақ айлағын) пайдаланушы төмендегілерді көздейтін қағидаларды әзірледі:

персонал мен қосалқы мердігерлер оқиғалар туралы мәліметтерді ұсынады және оларға осындай мәліметтерді ұсынуға мүмкіндік беретін рәсімдердің сипаттамасы бар;

инциденттер талданады және содан кейін қабылданған әрекеттерге бақылау жасалады;

есептер мен инциденттерді талдау нәтижелерін сақтау қамтамасыз етіледі;

оқиғалар туралы мәліметтер уәкілетті ұйымға және азаматтық авиация саласындағы уәкілетті органға хабарланады;

басқа серіктестермен іс-қимылды үйлестіру қамтамасыз етіледі;

6) әуеайлақты (тікұшақ айлағын) пайдаланушы әуе кемелерімен ұшуды қауіпсіз жүргізу үшін қауіп төндіретін факторларды айқындау, талдау және бағалау, сондай-ақ осындай қауіпті азайту жөніндегі тиісті іс-шараларды жүзеге асыру қағидаларын әзірледі;

7) әуеайлақты (тікұшақ айлағын) пайдаланушы әуеайлақта (тікұшақ айлағында) кез келген өзгеріс болған жағдайда оның ұшу қауіпсіздігі үшін салдары талданатын және орын алуы мүмкін қауіпті факторлар санамаланатын қағидаларды әзірледі. Қағидаларда талдау жүргізу, бақылау рәсімдері және талдау жүргізу өлшемшарттарын қоса алғанда, қауіпті факторларды жою бойынша қабылданатын шаралар бойынша жауапты тұлғалар айқындалады. Осы бағалаулардың нәтижелері жазылады және сақталады;

8) әуеайлақты (тікұшақ айлағын) пайдаланушы ықтимал кемшіліктерді талдай алу үшін ұшу қауіпсіздігінің өлшемшарттарын көрсететін ұшу қауіпсіздігі жай-күйінің өзіндік көрсеткіштерін белгілейді және бақылайды.

9) әуеайлақ (тікұшақ айлағын) пайдаланушысы тексерушілерді даярлау бағдарламасын қамтитын ұшу қауіпсіздігінің жай-күйін тексеру бағдарламасын әзірледі;

10) әуеайлақ (тікұшақ айлағын) пайдаланушысы ұшу қауіпсіздігіне қатысты ақпаратты тарату процесін әзірледі.

11. Сертификатталған тікұшақ айлағының пайдаланушысына қойылатын сертификаттау талаптары осы Қағидалардың 5, 6, 7, 8, 9, 10-тармақтарында көрсетілгендей, қатысты бөлігінде қолданылады.";

12. Әуеайлақ (тікұшақ айлағын) пайдаланушы осы Қағидалардың 5-тармағының 1) тармақшасында көрсетілген жауапты (бірінші) басшының әуеайлақтағы (тікұшақ айлағындағы) қызмет туралы техникалық білімі мен түсінігі болуын және қауіпсіздік стандарттарының сақталуын қамтамасыз етуде жетекші рөл атқаратынын қамтамасыз етеді.

Жауапты басшы:

1) азаматтық авиация саласындағы заңнамада және әуеайлақ (тікұшақ айлағы) бойынша нұсқаулықта белгіленген талаптарға сәйкес әуеайлақты (тікұшақ айлағын) пайдалану үшін қажетті қаржылық ресурстарды қоса алғанда, барлық ресурстардың болуын;

2) егер қолжетімді ресурстар деңгейінің қысқаруы орын алса немесе ұшу қауіпсіздігінің жай-күйін нашарлататын штаттан тыс жағдайлар (мән-жайлар) пайда болса, әуеайлақтағы (тікұшақ айлағындағы) қызмет көлемдерінің, түрлерінің тиісті қысқаруын;

3) ұшу қауіпсіздігі саласындағы саясатты әзірлеу, енгізу және ілгерілеуін;

4) әуеайлақтағы (тікұшақ айлағындағы) қызметтің сертификаттау талаптарына, әуеайлақ (тікұшақ айлағы) пайдаланушысының ұшу қауіпсіздігін басқару жүйесіне, әуеайлақ туралы аэронавигациялық деректер мен аэронавигациялық ақпаратты беру сапасын басқару талаптарына және әуеайлақта (тікұшақ айлағында) белгіленген талаптарға сәйкес келуін қамтамасыз етеді.

Жауапты басшыда:

1) әуеайлақтағы (тікұшақ айлағындағы) қызметті басқару үшін қажетті өкілеттіктері;

2) ұшу қауіпсіздігі саласындағы стандарттар мен нормативтік құқықтық актілерге қатысты тиісті білімі және түсінуі;

3) басшы лауазымдарда құзыретті тұлғалардың болуын қамтамасыз ету үшін басшы құрамның құзыретіне қойылатын талаптарға қатысты түсінуі;

4) ұшу қауіпсіздігін басқаруы, сапаны басқаруы, авиациялық қауіпсіздікті басқару жүйелерінің принциптері мен әдістерін білуі, түсінуі және олардың ұйымда қалай қолданылатыны;

5) жауапты басшының рөлін білуі;

6) әуеайлақтағы (тікұшақ айлағындағы) тәуекелдерді басқарудың түйінді мәселелерін білуі және түсінуі бар.

Жауапты басшының міндеттерін беру:

болмаған кезеңде жауапты басшының күнделікті міндеттері өкілеттіктерді беру туралы бұйрыққа сәйкес ұйымның тиісті басшысына беріледі, алайда әуеайлақтың (тікұшақ айлағының) қызметі үшін жауапкершілік жауапты басшыда қалады.

Ұйымның көлемі мен күрделілігіне байланысты оқыту саласындағы міндеттер оқыту бағдарламаларын әзірлеуді, үйлестіруді, іске асыруды қамтамасыз ететін және персоналды оқытудың, сондай-ақ біліктілікті тексеру бағдарламаларының тиісті есебін жүргізетін оқыту менеджеріне беріледі.";

13. Осы Қағидалардың 5-тармағының 2) тармақшасында көрсетілген өз міндеттерін орындау үшін техникалық директорлар қажетті ресурстармен қамтамасыз етіледі.

Өндірістік қызметті күнделікті бақылауды қамтамасыз ету мақсатында әуеайлақ (тікұшақ айлағы) пайдаланушысы техникалық директорларды ауыстыру тәртібін қарастырады.

Өндірістік қызметтің көлемін және кәсіпорынның ұйымдық құрылымының күрделілігін ескере отырып, техникалық директорлардың міндеттерін біріктіруіне жол беріледі.

Техникалық директорлар мынадай құзыреттерге ие:

1) әуеайлақтарды (тікұшақ айлақтарын) пайдалану және/немесе оларға техникалық қызмет көрсету саласындағы практикалық тәжірибе мен білімге;

2) қолданылатын әуеайлақ (тікұшақ айлағы) талаптарына қатысты жан-жақты білімге;

3) қауіпсіздік және сапаны басқару саласындағы білімге;

4) әуеайлақ (тікұшақ айлағы) нұсқаулығы жайында білімге.";

14. Ұшу қауіпсіздігі жөніндегі инспектор (менеджер) осы Қағидалардың 5-тармағының 3) тармақшасына сәйкес ұшу қауіпсіздігін басқарудың тиімді жүйесін әзірлеу, басқару және қолдау үшін үйлестіруші және жауапты лауазымды тұлға болып табылады.

Инспектордың (ұшу қауіпсіздігі жөніндегі менеджердің) функцияларына мыналар жатады:

1) қауіптерді анықтауды, ұшу қауіпсіздігі және оларды басқару саласындағы тәуекелдерді талдауды қамтамасыз ету;

2) ұшу қауіпсіздігін қамтамасыз ету жөніндегі қажетті іс-қимылдарды қабылдауды қоса алғанда, ұшу қауіпсіздігін басқару жүйесінің енгізілуін және жұмыс істеуін бақылау;

3) әуеайлақтың (тікұшақ айлағының) қауіпсіздігі жөніндегі хабарламалар жүйесін басқару;

4) ұшу қауіпсіздігінің тиісті көрсеткіштеріне негізделген ұшу қауіпсіздігінің жай-күйі туралы мерзімді есептерді ұсыну;

5) ұшу қауіпсіздігін басқару жөніндегі құжаттаманы жүргізуді ұйымдастыру;

6) ұшу қауіпсіздігін басқаруға оқытуды ұйымдастыру және оның белгіленген стандарттарға сәйкестігі;

7) ұшу қауіпсіздігі мәселелері бойынша консультациялар беру;

8) авиациялық оқиғаларды ішкі тергеп-тексеруге бастамашылық жасау және қатысу.

Ұшу қауіпсіздігі жөніндегі инспектордың (менеджердің) құзыретіне мынадай талаптар қойылады:

1) әуеайлақтарды (тікұшақ айлақтарын) пайдалану немесе әуеайлақтарға (тікұшақ айлақтарына) техникалық қызмет көрсету саласындағы немесе осыған ұқсас саладағы жеткілікті практикалық тәжірибе мен білім;

2) ұшу қауіпсіздігі мен сапасын басқару саласындағы білім;

3) әуеайлақ (тікұшақ айлағы) бойынша нұсқаулықты білу;

4) әуеайлақтар (тікұшақ айлақтар) саласындағы халықаралық стандарттарды қоса алғанда, нормативтік құқықтық актілер мен стандарттардың талаптарын білу.

Техникалық директорлардың ұшу қауіпсіздігі жөніндегі инспектордың (менеджердің) функциялары мен міндеттерін тағайындауына немесе атқаруына жол берілмейді.";

21-тармақ мынадай редакцияда жазылсын:

"21. Бастапқы сертификаттау кезінде жаңа әуеайлақ (тікұшақ айлағы) ашылғанда әуеайлақты (тікұшақ айлағын) пайдаланушы уәкілетті ұйымға сертификаттауға өтінім бергенге дейін екі айдан кешіктірмей Заңның 67-бабына сәйкес құжаттарды қоса бере отырып өтінім жібереді.

Уәкілетті ұйым өтінімді алғаннан кейін әуеайлақ (тікұшақ айлағын) пайдаланушысының келісімі бойынша әуеайлақта жоспарланатын операцияларға байланысты осы Қағидалардың 6-тармағының 1) тармақшасының талаптарына сәйкестігін тексеру мақсатында сертификаттау басталғанға дейін әуеайлақ (тікұшақ айлағы) инфрақұрылымының және оның жабдықтарының техникалық инспекцияларын жүргізеді.

Техникалық инспекциялардың ұзақтығы мен саны әуеайлақтың (тікұшақ айлағының) инфрақұрылымы мен объектілерінің дайындығына және олардың күрделілігіне байланысты.

Әуеайлақтың (тікұшақ айлағының) техникалық инспекциялары:

1) инфрақұрылымдарды (ұшу жолақтары, ұшу-қону жолағы, рөлдеу жолы, перрондар, қызметтік жолдар, арнайы алаңдар, қауіпсіздіктің соңғы аймақтары, бос аймақ), кедергілерді шектеу беттерін, көрнекі құралдарын (маркерлер, оттар, белгілер, көрсеткіштер), электр жүйелерін, сондай-ақ ұшақтарда пайдалануға арналған әуеайлақ жабдықтарын;

2) талап етілетін өрт қорғанысын, авариялық-құтқару жабдығы деңгейін;

3) құстар мен жабайы жануарлармен соқтығысу қаупін болдырмауға арналған жабдықтар мен инфрақұрылымдарын тексеруді қамтиды.

Техникалық инспекцияларды уәкілетті ұйымның авиациялық инспекторлары тексерудің бақылау парақтарын пайдалана отырып жүргізеді.";

28, 29, 30, 31, 32, 33, 34, 35 және 36-тармақтар мынадай редакцияда жазылсын:

"28. Сертификаттау процесі шеңберінде әуеайлақты (тікұшақ айлағын) пайдаланушы уәкілетті ұйымға әуеайлақтың (тікұшақ айлағының) орналасқан жері, құралдары, қызметтері, жабдықтары, пайдалану рәсімдері, ұйымдық құрылымы және ұшу қауіпсіздігін басқару жүйесін қоса алғанда, басшылық туралы барлық қажетті ақпаратты қамтитын Нұсқаулықты әзірлейді және келісуге ұсынады.

29. Нұсқаулықтың болуы әуеайлақты (тікұшақ айлағын) сертификаттау процесінің негізгі шарты болып табылады.

Нұсқаулық, әуеайлақты (тікұшақ айлағын) сертификаттық зерттеп-қарау барысында уәкілетті ұйымның авиациялық инспекторлары тексеретін барлық рәсімдерді қоса алғанда қажетті ақпаратты қамтитынын тексерілуі мақсатында уәкілетті ұйымға әуеайлаққа (тікұшақ айлағына) сертификаттық зерттеп-қарауды жүргізілгенге дейін қарауға ұсынылады.

Уәкілетті ұйым Нұсқаулық бекітілген күнінен бастап үш (3) жұмыс күні ішінде әуеайлақ (тікұшақ айлағы) пайдаланашусын Нұсқаулықтың бекітілгені туралы хабардар етуге тиіс.

Әуеайлақты (тікұшақ айлағын) пайдаланушы уәкілетті ұйымды Нұсқаулық кез келген өзгерістері туралы хабардар етеді.

Әуеайлақ (тікұшақ айлағы) басшысының бұйрығымен Нұсқаулыққа өзгерістер мен толықтыруларды жасауға, уақтылы енгізуге жауапты тұлға тағайындалады.

Нұсқаулық онда барлық түзетулерді, олардың күшіне ену және түзетулерді бекіту күндерін тіркей отырып, белгіленген тәртіппен жаңартылады.

Қолданыстағы Нұсқаулықтың бақылау даналары әуеайлақ (тікұшақ айлағы) пайдаланушысында және азаматтық авиация саласындағы уәкілетті ұйымда сақталады.

30. Әуеайлақты (тікұшақ айлағын) пайдаланушы міндеттері әуеайлақ (тікұшақ айлағы) операцияларының қауіпсіздігін қамтамасыз етуге байланысты немесе әуеайлақтың (тікұшақ айлағының) жұмыс аймақтарына кіруді көздейтін бөгде ұйымдардың персоналын қоса алғанда, Нұсқаулыққа немесе оның тиісті бөліктеріне барлық пайдалану персоналына қол жеткізуді айқындайды және қамтамасыз етеді.

Нұсқаулықты таратуда электрондық құралдар пайдаланылса әуеайлақтың (тікұшақ айлағының) пайдаланушысы түзетулерді қадағалау және олардың қабылданғанын растау тәртібін белгілейді.";

31. Нұсқаулықта оның мақсаты мен мақсаттары, сондай-ақ оны пайдалану персоналы мен мүдделі тараптардың пайдалану тәртібі келтіріледі.

Нұсқаулық ұйымдық және пайдалану құрылымына қатысты барлық тиісті ақпаратты қамтиды. Әуеайлақтың (тікұшақ айлағының) барлық пайдалану персоналы үшін ол қолданыстағы нормаларда айтылған мәселелерге қатысты ақпарат пен нұсқаулықтарды қоса алғанда, ұшу қауіпсіздігін қамтамасыз ету бөлігінде өзінің міндеттері мен жауапкершілік саласы туралы толық ақпарат алу мүмкіндігін қамтамасыз етеді. Онда әуеайлақ қызметтері мен құралдарының сипаттамасы, барлық пайдалану процедуралары және кез-келген қолданыстағы шектеулер бар.

Әуеайлақты (тікұшақ айлағын) пайдаланушы нақты операция Нұсқаулықтың әрбір ережесінің сәйкестігін және қажетті түзетулер мен толықтырулар енгізуді қамтамасыз етеді.

Нұсқаулық әуеайлақ (тікұшақ айлағы) пайдаланушысының ҰҚБЖ сипаттайды және, атап айтқанда, әуеайлақ (тікұшақ айлағы) пайдаланушысы өзінің қызметін ұшу қауіпсіздігінің нысаналы көрсеткіштері тұрғысынан қалай бағалауды жоспарлап отырғанын көрсетеді.

Нұсқаулықта әуеайлақтың (тікұшақ айлағының) ұшу қауіпсіздігін қамтамасыз ету саласындағы саясатына, пайдаланылатын рәсімдері мен нұсқаулықтарға қатысты ресми қабылданған немесе танылған құжаттамаға егжей-тегжейлі мәліметтер немесе тиісті айқас сілтемелер қамтылады.

Ірі әуеайлақтар (тікұшақ айлақтары) үшін операциялардың көлемі мен күрделілігін ескере отырып, Нұсқаулыққа операциялардың өздерін егжей-тегжейлі сипаттауды енгізудің орнына рәсімдерге, нұсқаулықтарға және олардың ережелеріне сілтемелер беруге жол беріледі. Мысалы, әуеайлақ (тікұшақ айлағы) пайдаланушысының әуеайлақты (тікұшақ айлағын) қауіпсіз пайдалануды қамтамасыз ету бойынша өзінің тәсілін сипаттау үшін ҰҚБЖ нұсқаулығын әзірлеуі және пайдалануы қолайлы.

Шағын әуеайлақтар (тікұшақ айлақтары) үшін Нұсқаулық, күнделікті операциялардың қауіпсіздігін қамтамасыз етудің негізгі рәсімдерін қамтитын қарапайым және қысқа құжат болып табылады.

32. Нұсқаулықтың жалпы бөлімі мынадай бөлімдерден тұрады:

1) титул парағы;

2) өзгерістерді тіркеу парағы, барлық өзгерістер (құжаттың басылымдары мен тексерулерінің нөмірлері мен күндері және олар үшін негіздер, тексеруді орындаған тұлға көрсетіледі) тіркеледі, өзгерістер енгізу рәсімдері, түзетулер әзірлеу талап етілуі мүмкін мән-жайлар сипатталады;

3) түзетулерді есепке алу парағы, Нұсқаулыққа оны қайта қарау немесе қайта шығару кезінде енгізілген жаңартулар және/немесе түзетулер қысқаша сипатталған;

4) Нұсқаулықтың тарату парағы мен рәсімдері;

5) қолданыстағы парақтар тізбесі;

6) мазмұны;

7) терминдер мен қысқартулар, лауазымдардың атаулары мен қысқартуларды қоса алғанда, Нұсқаулықта пайдаланылатын жалпы терминдердің қысқаша түсіндірмесі қамтылады.

33. Нұсқаулық жалпы сипаттағы ақпаратты қамтиды:

1) Нұсқаулықтың мақсаты мен қолданылу аясы, нұсқаулықтың мақсаты мен мақсаттары, сондай-ақ оны пайдалану персоналы мен мүдделі тараптардың пайдалану тәртібі сипатталған.

Нұсқаулықта әуеайлақ (тікұшақ айлағын) пайдаланушысының ұйымдастырушылық және пайдалану құрылымына қатысты барлық тиісті ақпарат бар екендігі сипаттамасы беріледі. Әуеайлақтың (тікұшақ айлағының) барлық пайдалану персоналы үшін ол қолданыстағы нормаларда айтылған мәселелерге қатысты ақпарат пен нұсқаулықтарды қоса алғанда, ұшу қауіпсіздігін қамтамасыз ету бөлігінде өзінің міндеттері мен жауапкершілік саласы туралы толық ақпарат алу мүмкіндігін қамтамасыз етеді. Онда әуеайлық қызметтері мен құралдарының, барлық пайдалану рәсімдері және кез-келген қолданыстағы шектеулер сипаттамасын қамтиды;

2) әуеайлақты (тікұшақ айлағын) сертификаттаудың құқықтық негізі, әуеайлақты (тікұшақ айлағын) сертификаттауға қатысты заңды ережелер енгізіледі;

3) әуеайлақты (тікұшақ айлағын) пайдалану шарттары және жоспарланған операциялардың сипаттамасы;

4) әуеайлақ (тікұшақ айлағы) жұмысының регламенті және пайдалану шарттары, жұмыс регламентінен басқа бұл бөлімге әуеайлақ ашық болған кез келген уақытта ол әуе кемелерінің барлық пайдаланушылары үшін тең шарттарда ашық болатыны туралы ақпарат енгізіледі;

5) әуеайлақ (тікұшақ айлағы) қызмет көрсетуді жоспарлап отырған критикалық ұшақтар;

6) әуеайлақ үшін – ұшу-қону жолағын қамтамасыз етілетін санат, ұшу-қону жалағының сипаттамасы беріледі: жабдықталмаған, жабдықталған, дәл емес және дәл қонуға кіруді қоса алғанда;

тікұшақ айлағы үшін – тікұшақ айлағының түрі: жер беті деңгейінде орналасқан, жер беті деңгейінен жоғары орналасқан немесе су бетінде орналасқан;

7) әуеайлақта (тікұшақ айлағында) орындалатын ұшулардың сипаты: коммерциялық, жолаушылар, жүк әуе тасымалдары, авиациялық жұмыстар, жалпы мақсаттағы авиацияның ұшулары;

8) әуеайлақта (тікұшақ айлағында) орындауға рұқсат етілген ұшу түріне сипаттама беріледі: халықаралық/ішкі, тұрақты/тұрақты емес, ППП/ПВП бойынша;

9) әуеайлақты пайдалануға рұқсат беретін ҰҚЖ-дағы (RVR) ең аз көріну қашықтығы;

10) аэронавигациялық ақпарат жүйесі және осы ақпаратты жариялау рәсімдері.

Бұл бөлімде аэронавигациялық деректер мен ақпараттың сапа менеджменті жүйесінің, олардың дұрыстығын (дәлдігін) және сапасын қамтамасыз етудің, ұшу қауіпсіздігінің қамтамасыз ету мақсатында аэронавигациялық ақпарат қызметіне жариялау үшін жеткізу рәсімінің сипаттамасы келтіріледі;

11) әуеайлақта (тікұшақ айлағында) әуе кемелерімен орындалатын ұшуларды тіркеу жүйесі, ұшу-қону операцияларының санын, оның ішінде ұшу-қонудың орындалуын, әуе кемесінің түрін, максималды ұшу салмағын, жолаушылар күні мен санын есепке алуды тіркеу әдісі мен рәсімдерінің сипаттамасы келтіріледі;

12) Заңның 64-бабының 1-тармағына сәйкес әуеайлақты (тікұшақ айлағын) пайдаланушының міндеттері;

13) персоналдың талап етілетін біліктілігі, әуеайлақты (тікұшақ айлағын) пайдалануды, техникалық қызмет көрсетуді және басқаруды жүзеге асыратын барлық персоналдың қажетті құзыреттілігін қамтамасыз ету рәсімдері.

Бұл бөлімде біліктілік талаптары (біліміне, жұмыс тәжірибесіне, дағдыларына қойылатын талаптар) және оқыту түрлерін, оқытудың әрбір түрінің кезеңділігін, ұзақтығын, қысқаша сипаттамасы бар тақырыптар тізбесін, оқу тәртібі мен ең аз өту балымен білімді бағалауды, әуеайлақты (тікұшақ айлағын) пайдалануды қамтамасыз ететін персонал үшін қолданылатын оқыту стандарттарын қоса алғанда, оларды сипаттай отырып оқыту бағдарламалары келтіріледі), әуеайлаққа (тікұшақ айлағына) және оның объектілеріне техникалық қызмет көрсету; персоналды оқытуды ұйымдастыру және дербес жұмысқа жіберу рәсімдері, жазбаларды жүргізу және сақтау; персоналды аттестаттау, оның кезеңділігі, аттестаттау тәртібі, аттестаттаудан өтпегендер үшін рәсімдер, бағдарламаның өзін тексеру (валидациялау) процесі, жазбаларды жүргізу және сақтау.

34. Нұсқаулық әуеайлақ (тікұшақ айлағы) әкімшілігі туралы ақпаратты қамтиды, оның ішінде:

1) әуеайлақтың (тікұшақ айлағының) атауы мен мекенжайы;

2) әуеайлақ (тікұшақ айлағы) пайдаланушысының атауы және мекенжайы;

3) әуеайлақтағы (тікұшақ айлағындағы) қауіпсіздікке жалпы жауапты болатын жауапты басшы туралы мәліметтер (тегі, аты, әкесінің аты (бар болса), байланыс телефоны, электрондық пошта мекенжайы);

4) ұйымдық құрылым, әуеайлақ (тікұшақ айлағы) пайдаланушысының жалпы ұйымдық құрылымының сызбасы, лауазымды тұлғалардың, департаменттер мен қызметтердің атауымен жекелеген департаменттердің ұйымдық құрылымдарының сызбалары келтіріледі, олардың арасында байланыс және бағыныстылық желілері келтіріледі. Жауапты басшылардың, негізгі пайдалану персоналының лауазымдарының, жауапкершіліктері мен міндеттерінің сипаттамасы, олардың байланыс деректері келтіріледі;

5) әуежай комитеттері, әуежай комитеттері немесе осыған ұқсас құрылымдар туралы ақпарат, олардың жұмыс регламенті (мысалы, ҰҚЖ операцияларының қауіпсіздігі жөніндегі комитет, құстар мен жануарлар тудыратын қауіптермен күрес жөніндегі комитет, ұшу қауіпсіздігі жөніндегі комитет) келтіріледі.

35. Нұсқаулықта әуеайлақтың (тікұшақ айлағының) орналасқан жері туралы деректер келтіріледі:

1) әуеайлақты (тікұшақ айлағын) пайдалануға арналған әуежай құралдарын көрсете отырып, әуеайлақтың (тікұшақ айлағының) жоспары, әуеайлақтың (тікұшақ айлағының) бақылау нүктесінің орналасқан жерін, ҰҚЖ, рөлдеу жолдры (бұдан әрі – РЖ) және перрондардың орналасқан жерін көрсететін жоспар; әуеайлақтың (тікұшақ айлағының) таңбалануы мен жарық-сигналдық жабдығы (қонуға дәл кіру траекториясының көрсеткішін - PAPI, егер бар болса, глиссаданың көзбен шолу индикациясы жүйесін (VASIS) және кедергілерді жарықпен қоршауын қоса алғанда); жел көрсеткіштерінің қоса алғанда, навигациялық құралдар мен метеорологиялық жабдықтардың ұшу жолағының аумағында орналасу орындары;

2) әуеайлақтың (тікұшақ айлағының) шекаралары көрсетілген жоспары;

3) әуеайлақтан (тікұшақ айлағынан) елді мекендерге дейінгі қашықтықты көрсететін жоспар, әуеайлақтан жақын қалаға және елді мекендерге дейінгі қашықтықты, сондай-ақ әуеайлақ (тікұшақ айлағы) шекарасынан тыс орналасқан барлық әуеайлақ (тікұшақ айлағының) құралдары мен жабдықтарын орналастыру орындарын көрсете отырып, жоспар келтіріледі;

4) жаңарту рәсімдері және жоспарлардың дәлдігін қамтамасыз ету;

5) жер учаскесіне меншік құқығы, шекаралары көрсетілген әуеайлақ (тікұшақ айлағы) орналасқан жер учаскесінің жоспары.

36. Нұсқаулықта аэронавигациялық ақпарат қызметіне (бұдан әрі – ААҚ) беруге жататын әуеайлақтың (тікұшақ айлағының) деректері келтіріледі:

1) жалпы сипаттағы ақпарат, соның ішінде

әуеайлақтың (тікұшақ айлағының) атауы, әуеайлақтың (тікұшақ айлағының) кодтық белгіленуі, әуеайлақтың (тікұшақ айлағының) мекенжайы;

әуеайлақтың (тікұшақ айлағының) орналасқан жері (ең жақын елді мекенге дейінгі қашықтығы және бағыты);

әуеайлақтың (ӘБН)/тікұшақ айлағының (ТАБН) бақылау нүктесінің географиялық координаттары дүниежүзілік геодезиялық координаттар жүйесінде-1984 айқындалған (бұдан әрі-WGS-84);

әуеайлақтың (тікұшақ айлағының) геоидінің биіктігі және толқыны;

әуеайлақтар үшін – ҰҚЖ табалдырықтарын қоса алғанда ҰҚЖ биіктігі мен геоидтық толқыны, ҰҚЖ соңының және ҰҚЖ бойындағы кез келген елеулі көтерілу немесе төмендеу нүктелерінің биіктігі, сондай-ақ қонуға дәл кіруге арналған ҰҚЖ-ның қону аймағының ең жоғары биіктігі;

тікұшақ айлақтары үшін – қону және көтерілу аймағының биіктігі мен геоидтық толқыны және/немесе соңғы қонуға бет алу және ұшып көтерілу аймағының әрбір табалдырықтарының биіктігі;

перронның биіктігі;

әуеайлақ (тікұшақ айлағы) аймағындағы ауаның есептік температурасы-бірнеше жылдың ең ыстық айының тәуліктік максималды температурасы негізінде есептелген орташа айлық температура;

әуайлақты (тікұшақ айлағын) пайдаланушы; әуеайлақ (тікұшақ айлағы) пайдаланушысының аты, мекенжайы және онымен кез келген уақытта байланысуға болатын телефон нөмірлері;

2) әуеайлақтың (тікұшақ айлағының) өлшемдері және онымен байланысты ақпарат, соның ішінде:

әуеайлақ үшін – келесі декректер келтірілген ұшу-қону жолағы: шынайы азимут, ҰҚЖ-ның цифрлық белгіленуі, ұзындығы, ені, ығыстырылған ҰҚЖ табалдырығының орналасқан жері, еңісі, бетінің типі, ҰҚЖ типі, ал қонуға дәл кіруге арналған ҰҚЖ үшін-кедергілерден бос аймақтың болуы (OFZ);

тікұшақ айлағы үшін – қону және көтерілу аймағы (TLOF): өлшемдері, еңісі, бетінің типі, жүк көтеру қабілеті тоннамен (1000 кг);

әуеайлақ үшін –ұшу жолағының ұзындығы, ені мен бетінің типі (STRIP), ҰҚЖ соңындағы қауіпсіздік аймақтары (RESA), тежеудің соңғы жолақтары (SWY) келтірілген ұшу жолағы;

тікұшақ айлағы үшін – қонуға бет алу және ұшып көтерілу аймағының (FATO) типі, нақты азимут, белгілеу нөмірі (егер қарастырылған болса), бетінің ұзындығы, ені, еңісі, типі, және қауіпсіздік аймағының ұзындығы, ені бетінің типі;

рөлдеу жолдарының бетінің ұзындығы, ені, түрі және беріктігі келтірілген рөлдеу жолдары;

перрон бетінің және әуе кемелерінің тұрақ орындарының типі, беріктігі келтірілген перрон және тұрақ орындары;

кедергісіз жолақтың жер бетінің ұзындығы мен профилі келтірілген кедергілерден бос жолақ (CWY);

әуеайлақтар үшін – қонуға кіру схемаларына арналған көрнекі құралдар; жақындау шамдары және глиссаданың көрнекі индикация жүйелерінің (PAPI/ APAPI және T-VASIS/ ATVASIS) типтік сипаттамасы; ҰҚЖ, рөлдеу жолдары мен перрондардың таңбалануы мен шамдары жүйесінің сипаттамасы; рөлдеу жолдары мен перрондардағы бағдарлау мен басқарудың басқа да көрнекі құралдарының (ҰҚЖ-дағы күту орындарының, аралық күту орындарының және "тоқта" желілерінің шамдарын қоса алғанда) сипаттамасы; телескопиялық траппен визуалды байланысу жүйесінің орналасуы мен типі (егер бар болса); шамдарға арналған резервтік қуат көзінің болуы;

тікұшақ айлақтары үшін – қонуға кіру схемаларына арналған көрнекі құралдар, FATO, TLOF, РЖ мен перрон таңбалары мен шамдары;

әуеайлақтық VOR тексеру орындары; әуеайлақтық VOR тексеру орындарының орналасуы және олардың радиожиілігі сипатталған;

әуе кемелерінің стандартты рөлдеу маршруттары, олардың орналасуы және белгіленуі;

әуеайлақтар үшін – радионавигациялық жабдық пен ҰҚЖ арасындағы қашықтық, аспаптық қону жүйесін (ILS) құрайтын курстық және глиссадалық маяктар арасындағы немесе микротолқындық қону жүйесін (MLS) құрайтын азимуттық және бұрыштық антенналары мен ҰҚЖ-ның сәйкес ұштарының арасындағы қашықтық ең жақын метрге дейінгі дәлдікпен көрсетіледі;

тікұшақ айлақтары үшін – аспаптық қону жүйесін (ILS) құрайтын курстық және глиссадалық маяктар арасындағы немесе микротолқындық қону жүйесін (MLS) құрайтын азимуттық және бұрыштық антенналары мен TLOF немесе FATO сәйкес жиектері арасындағы ең жақын метрге немесе футқа дейінгі қашықтық;

әуеайлақтар үшін – әрбір табалдырықтың географиялық координаттары;

тікұшақ айлақтары үшін - қону және көтерілу аймағының және/немесе соңғы қонуға бет алу мен көтеріліп ұшу аймағының әрбір табалдырығының геометриялық орталығы;

рөлдеу жолдарының осьтік сызығының тиісті нүктелерінің географиялық координаттары;

әуе кемелері тұрағының әрбір орнының географиялық координаттары;

кедергілердің сипаттамасы, географиялық координаттары және биіктігі; жарық белгілерімен жабдықталғанына және аэронавигациялық ақпарат жинақтарындағы көрсетілгендігіне қарамастан, әуеайлақта (тікұшақ айлағында) белгіленген кедергілерді шектеу беттеріне енетін объектілердің тізбесі (сипаттамасы, географиялық координаттары және биіктіктерімен бірге);

"Әуе кемесінің классификациялық саны – жабынның классификациялық саны (ACN-PCN)" әдісімен белгіленген жасанды жабынның жүк көтергіштік қабілеті және типі;

биіктік өлшегіштерді ұшу алдындағы тексеру алаңдары, әуеайлақта орнатылған биіктік өлшегіштерді ұшу алдындағы тексеру алаңдары орындарының сипаттамасы және олардың биіктігі;

жарияланған қашықтықтар, әуеайлақтың орналасатын екпіндеу арақашықтығы (ОЕА), әуеайлақтың орналасатын ұшу-көтерілу арақашықтығы (ОҰҚА), әуеайлақтың орналасатын үзілген ұшу-көтерілу арақашықтығы (бұдан әрі - ОҮҰКА), әуеайлақтың орналасатын қону арақашықтығы (ОҚА) бойынша деректер;

қозғалу қабілетін жоғалтқан әуе кемелерін алып тастау; басшының бұйрығымен тағайындалған әуеайлақта (тікұшақ айлағында) қозғалу қабілетінен айырылған әуе кемесін алып тастау жөніндегі іс-шаралардың орындалуын үйлестіруге жауапты лауазымды адам туралы деректер, байланыс телефондарының нөмірлері, электрондық пошта мекенжайлары, сондай-ақ әуеайлақ (тікұшақ айлағы) қызметтерінің алып тастауға қабілетті ӘК-нің ең ауыр түрін көрсету жолымен ӘК-ні алып тастау жөніндегі мүмкіндіктер туралы ақпарат;

құтқару және өрт сөндіру; әуеайлақты (тікұшақ айлағын) пайдаланатын ең ұзын әуе кемелеріне сәйкес келетін құтқару және өртке қарсы қызмет санаты көрсетілген әуеайлақта/тікұшақ айлағында өрттен қорғаудың тиісті деңгейі (ӨҚТД) туралы ақпарат, сондай-ақ, әуеайлақта (тікұшақ айлағында) бар өрт сөндіру құралдарының түрі мен саны.";

38-тармақ мынадай редакцияда жазылсын:

"38. Нұсқаулықта әуеайлақты (тікұшақ айлағын) пайдалану рәсімдері және әуеайлақтағы (тікұшақ айлағындағы) авиациялық операциялардың қауіпсіздігін қамтамасыз ету жөніндегі шаралар туралы мәліметтер келтіріледі. Әр рәсімдерге қатысты әуеайлақты (тікұшақ айлағын) пайдаланушының міндеттері нақты көрсетіледі, әуеайлақты (тікұшақ айлағын) пайдаланушы немесе оның серіктестері шешуі тиіс міндеттер тізбеленеді, жүргізілетін жұмыстардың кезеңділігі мен сипаты сияқты қажетті мәліметтермен бірге осы міндеттерді орындау тәсілдері мен рәсімдері сипатталған жекелеген нұсқаулықтарға сипаттама беріледі немесе сілтемелер келтіріледі.

Пайдалану рәсімдері мыналарды қамтиды:

1) әуеайлақ (тікұшақ айлағы) туралы ақпарат беру, әуеайлақ (тікұшақ айлағы) туралы деректер мен ақпаратты тарату үшін қолданылатын рәсімдер мен ақпараттық жүйелердің, олардың аэронавигациялық ақпарат жинағында (бұдан әрі – AIP) енгізілетін өзгерістерінің, сондай-ақ NOTAM шығаруға арналған ААҚ-ға сұрау салулар беру рәсімдерінің сипаттамасы келтіріледі, оның ішінде:

азаматтық авиация саласындағы уәкілетті ұйымды және аэронавигациялық ақпарат қызметін әуеайлақтағы (тікұшақ айлағындағы) кез келген өзгерістер туралы хабардар ету және әуеайлақ (тікұшақ айлағы) жұмыс және жұмыс емес сағаттарында осы өзгерістер туралы хабарламаны тіркеу тәртібі;

өзгерістер туралы хабарламаға жауапты лауазымды адамдар, олардың функциялары және хабарлама саласы және әуеайлақтың (тікұшақ айлағының) жұмыс және жұмыс емес сағаттарында олармен байланысу үшін телефон нөмірлері;

азаматтық авиация саласындағы уәкілетті ұйым көрсеткен өзгерістер туралы ақпарат хабарланатын мекенжай мен телефон нөмірлері келтіріледі;

2) әуеайлақтың (тікұшақ айлағының) бақыланатын аймағына және қолжетімділігі шектеулі аймақтарға кіруді бақылау, соның ішінде:

әуеайлақтағы (тікұшақ айлағындағы) азаматтық авиация қызметіне заңсыз араласуды болғызбауға және адамдардың, көлік құралдарының, жануарлардың әуеайлақ (тікұшақ айлағы) аумағына рұқсатсыз кіруін болғызбауға жауапты авиациялық қауіпсіздік қызметі (АҚҚ) қамтамасыз ететін әуеайлақтың (тікұшақ айлағының) бақыланатын аймағына және қолжетімділігі шектеулі аймаққа кіруді бақылауды қамтамасыз ететін авиациялық қауіпсіздік жөніндегі белгіленген және орындауға жататын рәсімдер туралы мәліметтер ұсынылады;

әуеайлақ (тікұшақ айлағы) пайдаланушысының, ӘК пайдаланушыларының, әуеайлақта (тікұшақ айлағында) тұрақты орналасқан ӘК пайдаланушыларының қол жеткізуін бақылау жөніндегі функциялар туралы мәліметтер беріледі;

әуеайлаққа (тікұшақ айлағына) кіруді бақылауға жауапты АҚҚ лауазымды адамдарының және олардың функцияларының тізбесі, сондай-ақ олармен жұмыс және жұмыс уақытынан тыс уақытта байланысу үшін телефон нөмірлері келтіріледі;

3) әуеайлақта (тікұшақ айлағында) авариялық жағдай болған жағдайда іс-шараларды жоспарлау, әуеайлақта (тікұшақ айлағында) немесе оның маңында туындайтын түрлі төтенше жағдайларды жою жоспарларын біріктіретін және мынадай кіші бөлімдерден тұратын авариялық жоспар туралы мәліметтер келтіріледі:

төтенше жағдайларға арналған іс-қимыл жоспарлары, әуеайлақта (тікұшақ айлағында) немесе оның маңында әуе кемесімен болған инциденттер мен апатты оқиғалар, ғимараттардағы өрттер, азаматтық авиация қызметіне заңсыз араласу актілері (әуе кемелерінің немесе ғимараттардың жарылу қаупі, әуе кемелерін заңсыз басып алу қаупі), техногендік және басқа да авариялар нәтижесінде туындайтын авариялық жағдайларға арналған әуеайлақта (тікұшақ айлағында) бар іс-қимыл жоспарлары туралы ақпарат келтіріледі, жергілікті жағдайларға сүйене отырып, табиғи сипаттағы, сондай-ақ қауіпсіз қызметті қамтамасыз ету жөніндегі іс-шараларды және авариялық жағдайдан кейін қалыпты қызметке көшуді қамтитын іс-қимыл жоспары;

байланыс пен өзара іс-қимыл орнатылатын ұйымдардың, агенттіктердің және билік өкілдерінің тізбесі;

қажетті функцияларды, олардың телефон нөмірлерін, электрондық пошта мекенжайларын, SITA, AFTN, радиожиілікті орындау үшін әуежай аумағында да, одан тыс жерлерде де ұйымдардың, агенттіктердің және тиісті өкілеттіктері бар тұлғалардың тізімі келтіріледі;

оқиға орнында өткізуге жауапты басшыны тағайындау туралы ережелер және төтенше жағдайдың әрбір түріне оның міндеттерін сипаттау келтіріледі;

әуеайлақта (тікұшақ айлағында) авариялық жағдай болған жағдайда хабарлау схемалары мен тәртібінің сипаттамасы;

әуеайлақ (тікұшақ айлағы) құралдары мен жабдықтары, авариялық жағдайда пайдаланылатын әуеайлақ құралдары мен жабдықтары, оларды сынау және сынау жиілігі туралы мәліметтер;

байланыс құралдары, АҚЖ басшылығы үшін байланыс құралдарының жұмысқа қабілеттілігін тексеру рәсімдерінің болуы және болуы;

авариялық жоспарды тексеру бойынша оқу-жаттығулар;

төтенше жағдайларды жою үшін персоналды оқыту;

4) құтқару және өрт сөндіру, әуеайлақта (тікұшақ айлағында) құтқару және өрт сөндіру саласында қойылатын талаптарға сәйкестігі бөлігінде құралдар, жабдықтар, персонал және рәсімдер туралы деректер келтіріледі, соның ішінде:

ӨҚТД бойынша әуеайлақ (тікұшақ айлағы) санатын айқындау, әуежайда ұшуды орындайтын ең ірі әуе кемесінің мөлшеріне қарай әуеайлақтың (тікұшақ айлағының) ӨҚТД қамтамасыз етілетін санатын айқындайтын қағидаттардың сипаттамасы;

ӨҚТД бойынша әуеайлақ (тікұшақ айлағы) санатын арттыру, ӨҚТД санатын арттыру үшін ұшуларды іздестіру авариялық-құтқару қамтамасыз ету қызметі (бұдан әрі - ҰІАҚҚҚ) жүзеге асыратын іс-қимылдарды сипаттай отырып, әуеайлақ (тікұшақ айлағы)пайдаланушысының бөгде ұйымдары мен бөлімшелері де жүзеге асыратын іс-қимылдар сипатталады;

ӨҚТД бойынша әуеайлақта (тікұшақ айлағында) көзделген (қамтамасыз етілетін) от сөндіретін заттар санының сипаттамасы келтірілетін әуеайлақ (тікұшақ айлағы) бойынша санатын қамтамасыз ету критерийлері, олардың шығысының қамтамасыз етілетін нормалары, өрт сөндіру автомобильдерінің саны, ӨҚТД бойынша әуеайлақтың (тікұшақ айлағының) санатын төмендету немесе арттыру жағдайларын қоса алғанда, персоналмен жасақталуы;

ҰІАҚҚҚ қызметкерлерінің қосымша міндеттері;

ҰІАҚҚҚ персоналын тиісті хабардар ету мақсатында ұшақтардың қозғалыс учаскелерін (ҰҚЖ, жұмыс алаңының қалған учаскелері) бақылау рәсімдерін, өрт-құтқару жасақтарын өрістетудің нормативтік уақыты қалай бақыланатынын және қамтамасыз етілетінін көрсететін рәсімдерін (АҚС-ның орналасуын, АҚС бойынша өрт сөндіру автомобильдерін бөлуді, бұрылыстардың ең аз саны бар ҰҚЖ-ға жолдар мен ең қысқа маршруттарды пайдалану, ҰҚЖ-ның белгіленген нүктелеріне өрт сөндіру автомобильдерінің қозғалыс сызбалары) қамтитын;

ҰІАҚҚҚ персоналы қосалқы міндеттерді орындау барысында өрт-құтқару жасақтарын өрістету мүмкіндігіне теріс әсер етпейтінін қамтамасыз ететін рәсімдерді қамтитын, құтқару және өрт сөндіру рәсімдері;

құтқару қызметтері жұмыс істейтін ауданда күрделі жағдайларға арналған (су айдындары, сулы-батпақты жерлер немесе кәдімгі доңғалақты жүрісте көлік құралдарын қолдану мүмкін болмайтын басқа да жету қиын жерлер болған кезде қосымша мамандандырылған жабдық қажет ететін) авариялық-құтқару жабдығы, бұл әсіресе қону/ұшу учаскесінің едәуір бөлігі осы аудандардың үстінен өтетін жағдайларда өте маңызды;

басқа ұйымдар ұсынатын авариялық жабдықтар, авариялық жабдықты беру тәртібі мен негіздерінің сипаттамасын қоса алғанда, сондай-ақ мұндай жабдықпен қамтамасыз етілмеген жағдайда жоспарлардың болуы;

ҰІАҚҚҚ персоналының кәсіби даярлығын қамтамасыз ету процесін сипаттайтын ережелер келтірілген ҰІАҚҚҚ персоналының біліктілігі, оның ішінде жанармай тұтану жағдайындағы, жоғары температурада және түтін болған кезде тыныс алу аппараттарын пайдалану жағдайындағы практикалық жаттығулар, алғашқы медициналық көмек көрсету, шектеулі көріну жағдайындағы (LVP) апаттық рәсімдер, персоналды тыныс алу жолдарын қорғау және дербес қорғаныс құралдарын пайдалануды үйрету кезіндегі қауіпсіздік техникасы мен еңбекті қорғау қағидаттары;

әуеайлақтан (тікұшақ айлағынан) тыс авиациялық оқиғалар орындарына қол жеткізу, әуеайлақтың (тікұшақ айлағының) жақын маңындағы авиациялық оқиғалар орындарына жетуіқалай қамтамасыз етілетінін көрсететін рәсімдерінің, соның ішінде айналадағы жердің күрделі рельефі жағдайында, мұндай жерлерге қол жетуінің сипаттамасы;

өрт қауіпсіздігі қызметтерін ұсыну, әуеайлақты (тікұшақ айлағында) пайдаланушы әуеайлақта (тікұшақ айлағында) және әуеайлаққа (тікұшақ айлағына) жақын орналасқан объектілердегі өрттерге ҰІАҚҚҚ қызметінің ден қоюын көздейтін немесе бөгде ұйымдар мен әуежайдың қызметтеріне өртке қарсы қызметтердің арнайы түрлерін ұсынатын жағдайларда, соның ішінде әуеайлақта (тікұшақ айлағында) ұшуларды үздіксіз және қауіпсіз орындау үшін әуеайлақтың (тікұшақ айлағының) ӨҚТД бойынша қажетті санатын қамтамасыз ету рәсімінің сипаттамасы;

ӨҚТД бойынша әуеайлақ (тікұшақ айлағы) санатын төмендету және оны авиациялық оқиғалар кезінде қалпына келтіру рәсімі, әуеайлақтан (тікұшақ айлағында) тыс жерде болған авиациялық оқиғаға өрт-құтқару жасақтары шыққан жағдайда ұшуды үздіксіз қамтамасыз ету үшін әуеайлақтағы (тікұшақ айлағындағы) ӨҚТД қажетті деңгейін қамтамасыз ету жөніндегі рәсімнің сипаттамасы;

су қоры, өрт сөндіру көліктерін сумен қайта толтыру үшін су көздерінің (су айдындары мен гидранттардың) жай-күйі мен болуы (орналасу схемалары, мерзімді тексеру рәсімдері);

шектеулі көріну жағдайындағы апаттық рәсімдер;

ҰІАҚҚҚ шығыс материалдарын пайдалану және толықтыру саясаты мен рәсімдері келтіріледі;

5) әуеайлақтың (тікұшақ айлағының) жұмыс алаңын инспекциялау, әуеайлақтың (тікұшақ айлағының) жұмыс алаңы мен кедергілерді шектеу беттерінің инспекциялық тексерулерін (жедел тексерулер, 1-деңгейдегі бақылау тексерулері) жүргізу рәсімдерінің сипаттамасы келтіріледі;

әуеайлақтың (тікұшақ айлағының) жұмыс алаңына инспекциялық тексеру жүргізу тәртібі, жасанды жабындарды, олардың жай-күйін, оларда бөгде заттардың болуын, ұшу жолағының шөп жамылғысының жай-күйін, ұшу жолағында және әуеайлақ (тікұшақ айлағы) маңында есепке алынбаған кедергілердің болуын қоса алғанда, 1-деңгейдегі әуеайлақтың (тікұшақ айлағының) жұмыс алаңын инспекциялық тексеру оларды жүргізу тәртібі, кезеңділігі, инспекциялық тексеру жүргізудің бақылау тізбесін қолдану сипатталады;

әуеайлақтың (тікұшақ айлағының) жұмыс алаңын жоспардан тыс инспекциялау, әуеайлақтың (тікұшақ айлағының) жұмыс алаңында қозғалтқыштың істен шығуына, пневматиктің немесе дөңгелектің бұзылуына немесе одан кейін қауіп төндіретін бөгде заттардың сынықтары қалуы мүмкін кез келген басқа оқиғаға байланысты ұшып көтерілу тоқтатылғаннан кейін бөгде заттардың сынықтарының болуы туралы хабарламаларды алған кезде перрон, ҰҚЖ және РЖ инспекцияларының тәртібін сипаттау келтіріледі;

ҰҚЖ және РЖ жай-күйін оларда ластауыштар болған кезде бағалау, хабарламаларды дайындау және тарату, ластауыштың түрін, ластауышпен жабылған алаңын, борпылдақ ластауыштар қабатының қалыңдығын, ҰҚЖ жай-күйінің кодын айқындау, үйкеліс коэффициентін өлшеу;

әуеайлақтың (тікұшақ айлағының) жұмыс алаңдарын тексеру кезінде әуе қозғалысын басқару органдарымен өзара әрекеттесу және қажетті байланыс құралдары;

инспекциялардың нәтижелері туралы деректерді ұсыну және тиісті шаралар қабылдау, жасанды жабындарды тазалауды, жұмыс алаңының учаскелеріне жөндеу жүргізуді, шөп шабуды, жарық сигнал беру жабдығының ақауларын жоюды, есепке алынбаған кедергілерді жоюды, сондай-ақ қажет болған жағдайда жұмыс алаңының жекелеген учаскелерін жабуды және пайдалануды тоқтатуды қоса алғанда, тиісті шаралар қабылдау үшін әуеайлақта (тікұшақ айлағында) анықталған кемшіліктер туралы ақпаратты барлық мүдделі қызметтер мен ұйымдарға жеткізу туралы рәсімдер;

инспекция нәтижелерін тіркеу тәртібі, жұмыс алаңын инспекциялау нәтижелерін тіркеу тәртібіне және ұшу алаңының жай-күйі журналында анықталған қауіпті жағдайларды жоюға бағытталған қабылданған шараларды тіркеуге, осы журналдың сақтау орнын сипаттауға қатысты ережелер келтіріледі;

жұмыс алаңын тексеруге жауапты лауазымды тұлғалардың тізімі, әуеайлақтың (тікұшақ айлағының) жұмыс алаңын инспекциялауды орындауға, жұмыс алаңының пайдалануға жарамдылығы туралы шешім қабылдауға жауапты әуеайлақ қызметінің лауазымды адамдарының тізімі, лауазымды адамдар деректерінің негізгі функцияларының сипаттамасы, байланыс үшін байланыс деректері келтіріледі;

6) әуеайлақтың (тікұшақ айлағының) жұмыс алаңдарына техникалық қызмет көрсету (жөндеу), мыналарды қоса алғанда:

ҰҚЖ үйкеліс сипаттамаларын бағалауды қоса алғанда жасанды жабыны бар әуеайлақтың (тікұшақ айлағының) жұмыс алаңдарына техникалық қызмет көрсету түрлері мен кезеңділігі, сондай-ақ техникалық қызмет көрсету үшін пайдаланылатын құралдар;

жасанды жабыны жоқ ҰҚЖ, РЖ техникалық қызмет көрсету түрлері мен кезеңділігі (бар болса), сондай-ақ техникалық қызмет көрсету үшін пайдаланылатын құралдар;

ұшу жолақтарына, рөлдеу жолдарының жолақтарына соңғы қауіпсіздік аймағына (СҚБ) және кедергілерден еркін жолақтарға техникалық қызмет көрсету түрлері мен кезеңділігі, сондай-ақ техникалық қызмет көрсету үшін пайдаланылатын құралдар;

дренаж жүйесіне техникалық қызмет көрсету, әуеайлақтағы (тікұшақ айлағындағы) дренаж жүйесінің сипаттамасы, әуеайлақтың (тікұшақ айлағының) дренаж жүйесіне техникалық қызмет көрсетудің түрлері, тәртібі мен кезеңділігі, сондай-ақ техникалық қызмет көрсету үшін пайдаланылатын құралдар;

әуеайлақ (тікұшақ айлағы) объектілерінің істен шығу немесе қауіпті жағдайлар туындаған жағдайда деректерді ұсыну және іс-қимыл жасау, әуеайлақтың (тікұшақ айлағының) пайдалану жай-күйі, әуеайлақтың (тікұшақ айлағының) жұмыс алаңының бөліктері мен объектілерін пайдаланудан уақытша шығару туралы ақпаратты таратуға, оның ішінде ЖҰҚЖ, РЖ, перрон, техникалық қызмет көрсету және жөндеу жүргізу үшін тұрақ орындарын жабуға немесе қауіпті жағдайлардың туындауына (ақаулардың, уақытша кедергілердің болуы) қатысты ережелер келтіріледі;

7) қар мен мұздан және қауіпті метеорологиялық жағдайлардан қорғау, қар мен мұздың әсеріне ұшыраған әуеайлақтарда (тікұшақ айлақтарында) пайдалану жарамдылығын сақтау рәсімдерінің сипаттамасы келтіріледі, сондай-ақ осы өңірге тән қауіпті метеорологиялық құбылыстар (қатты жел, найзағай, шаңды дауыл, төмен және жоғары температура, төмен көріну жағдайлары) кезіндегі қызметтің және қолданылатын шаралардың сипаттамасы келтіріледі;

қар мен мұзданумен күресу жоспары, пайдаланылатын құралдар мен рәсімдерді қамтитын, сондай-ақ ҰҚЖ-ның және әуеайлақтың (тікұшақ айлағының) жұмыс алаңының өзге де бөліктерінің жабылуына және кейіннен ашылуына байланысты міндеттер мен өлшем шарттарды айқындайтын қар мен мұздануға қарсы күрес жоспарының сипаттамасы келтіріледі. Әуеайлақты (тікұшақ айлағын) пайдаланушы мен әуе қозғалысына қызмет көрсету органы (бұдан әрі - ӘҚҚ) арасында қар мен мұзды жою жөніндегі іс-қимылдарды үйлестірудің сипаттамасы келтіріледі;

әуеайлақта (тікұшақ айлағында) орын алуы мүмкін қауіпті метеорологиялық құбылыстар жағдайына іс-қимылдар, әуеайлақта (тікұшақ айлағында) белгілі бір аймаққа тән қауіпті метеорологиялық құбылыстар кезінде (мысалы, найзағай, қатты жер бетіндегі желдер мен дауылдар, құмды дауылдар) қабылданатын іс-қимылдардың сипаттамасы келтіріледі, оның ішінде осы ақпаратты тарату және әуежай мен әуеайлақта (тікұшақ айлағында) жұмыс істейтін бөгде ұйымдар персоналының осы іс-әрекеттердің орындалуын бақылау, уақытша тоқтатуға байланысты өлшемшарттардың сипаттамасы келтіріледі ҰҚЖ пайдалану және әуеайлақта (тікұшақ айлағында) белгілі бір жұмыстарды орындау, сондай-ақ осындай шешімдер қабылдауға жауапты лауазымды тұлғалар;

метеорологиялық қызмет көрсетушімен іс-қимылды үйлестіру, қолда бар келісімдер (шарттар) негізінде кез келген күрделі метеорологиялық жағдайлар туралы ақпарат алу мақсатында әуежай персоналының метеорологиялық қызмет көрсетушімен іс-қимылын үйлестірудің сипаттамасы келтіріледі;

8) әуеайлақты (тікұшақ айлағын) көрнекі құралдар және электрмен жабдықтау, аэронавигациялық оттарды (кедергілерді жарықпен қоршауды қоса алғанда), белгілерді, маркерлерді және электр қондырғыларын тексеру және оларға техникалық қызмет көрсету рәсімдері туралы ақпарат келтіріледі;

жер үсті оттарының жүйесін пайдалану жөніндегі міндеттерді бөлудің сипаттамасы келтіріледі;

жарық сигнал беру жүйесін пайдалану, жарық сигнал беру жүйесінің жарықтығын орнату, шектеулі көріну жағдайларында жұмыс рәсімдерін енгізу кезінде жарық сигнал беру жүйесін пайдалану рәсімдерінің сипаттамасы келтіріледі;

резервтік және апаттық электр көздері, қолданыстағы резервтік және апаттық электрмен жабдықтау көздерінің сипаттамасы, ауысу уақыты, сондай-ақ негізгі электрмен жабдықтау көздерінің істен шығуы кезіндегі пайдалану рәсімдері, электрмен жабдықтау жүйесінің ішінара немесе жалпы істен шығуын жою әдістері келтіріледі;

тексерулер жүргізу тәртібі, электр қондырғылары мен жарық сигналдық жабдықтардың жай-күйіне тексеру (техникалық бақылау) жүргізу рәсімдерінің сипаттамасы және тексерулердің бақылау тізбелері, оның ішінде әуеайлақтың (тікұшақ айлағының) санатталған минимумы сақталатын жарық сигналдық жабдықтың тән істен шығулары келтіріледі, тексерулерге шамдардың фотометриялық өнімділігі, қарқындылықты өлшеу, сәуленің дивергенция бұрышы және шамдардың бағыты кіреді;

тексеру нәтижелерін тіркеу және шаралар қабылдау, тексеру нәтижелерін тіркеу тәртібінің сипаттамасы және анықталған қауіпті жағдайларды жоюға бағытталған тиісті шаралар қабылдау келтіріледі;

кедергілерді жарықпен қоршау, әуеайлақ (тікұшақ айлағы) аумағында және одан тыс жерлерде кедергілерді жарықпен қоршау үшін жауапкершілік пен орналастырудың сипаттамасы, кедергілерді жарықпен қоршауға техникалық қызмет көрсетуге қатысты ережелер келтіріледі;

апаттық жағдайларды қоса алғанда техникалық қызмет көрсетуді жүргізу тәртібінің сипаттамасы келтіріледі;

траншеялар төсеу және жер жұмыстарын қоса алғанда жарық сигнал беру жабдығының жұмысына әсер етуі мүмкін әуеайлақта (тікұшақ айлағында) және одан тыс жерлерде жүргізілетін жұмыстарды бақылау;

от жүйелерін тексеруге және техникалық қызмет көрсетуге жауапты лауазымды тұлғалардың тізімі және олардың функциялары, сондай-ақ осы тұлғалармен байланысу үшін олардың телефон нөмірлері;

9) әуеайлақта (тікұшақ айлағында), әуеайлақтың (тікұшақ айлағының) жұмыс алаңында және оның маңында құрылыс және техникалық қызмет көрсету жөніндегі жұмыстарды, оның ішінде кедергілерді шектеу бетінен жоғары орындалатын жұмыстарды қауіпсіз жүргізуді қамтамасыз ету, оның ішінде:

жұмыс жүргізу кезінде әуеайлақты (тікұшақ айлағын) қауіпсіз пайдалануды қамтамасыз ететін процессі, келесі элементтерді қамтитын процестердің сипаттамасы келтіріледі: жұмыстарды жоспарлау рәсімдері; орындалатын операциялар немесе пайдаланылатын жүйелер үшін жоспарланатын өзгерістердің қауіпсіздігін бағалау рәсімі; жұмыстарды жүргізуге рұқсат беру рәсімі; жүргізілетін жұмыстарға қатысты ақпаратты тарату рәсімі; жұмыстарды жүргізу орнын белгілеу және әуе кемелерінің операцияларын қайта бастау рәсімі; бақылау, жұмыстарды қадағалау және басқару рәсімі;

әуеайлақта (тікұшақ айлағында) жұмыстар жүргізу кезінде ӘҚҚ органдарымен байланыс;

осындай жұмыстарды жоспарлауға және орындауға жауапты лауазымды тұлғалар мен ұйымдар (ұйымдар мен лауазымды тұлғалардың тізімі және олардың функциялары, байланыс деректері), сондай-ақ осы тұлғалармен және ұйымдармен тұрақты байланысты қамтамасыз ету туралы ақпарат;

әуеайлақта/тікұшақ айлағында жұмыстар жүргізілгені туралы хабардар болуға тиіс лауазымды тұлғалар мен ұйымдар (жұмыстардың жүргізілгені туралы хабардар болуға тиіс әуеайлақта (тікұшақ айлағында) тұрақты орналасқан пайдаланушылармен, жерүсті қызметтерімен және әуе кемелерін пайдаланушыларымен жұмыс және жұмыс уақытынан тыс уақытта байланысу үшін лауазымды тұлғалардың тізімі, олардың байланыс деректері);

10) перрондағы қызметті ұйымдастыру;

ӘҚҚ органдары мен перрондағы қызметті ұйымдастырумен айналысатын қызметтер арасындағы өзара іс-қимыл тәртібі;

әуе кемелерінің тұрақ орындарын бөлу тәртібі;

қозғалтқыштарды іске қосу және әуе кемелерін сүйретуге рұқсат беруді қамтамасыз ету, қауіпсіз қашықтықты қамтамасыз ету тәртібі;

тұраққа ӘК орнатуға сигнал беруге жауапты қызметті;

әуе кемесін басқаруға жауапты қызмет;

11) перрондағы қауіпсіздікті қамтамасыз ету, оның ішінде:

әуе кемесі қозғалтқыштарының реактивті ағынының әсерінен қорғау шаралары мен рәсімдері;

әуе кемелеріне отын құю кезіндегі қауіпсіздік шаралары (жерге тұйықтау, электрондық құрылғыларды қолдану, бортта жолаушылармен жанармай құю, алғашқы өрт сөндіру құралдары, авиаЖЖМ төгілуі, ӘК құю кезінде жабдықтарды орналастыру);

перронды тазалау және тазалау тәртібі;

жерге қызмет көрсету құралдарын орнату орындарын таңбалау;

перрондағы өрт сөндіру құралдарының орналасуы және оларды тексеру тәртібі;

телескопиялық траппен қазіргі заманғы визуалды қондыру жүйелерін пайдалануға қатысты ережелер (егер олар қамтамасыз етілсе);

перрондағы оқиғалар мен оқиғалар туралы хабарламаларды (ақпаратты) беру тәртібі;

перрондағы қауіпсіздік талаптарын қамтамасыз етуді тексеруді ұйымдастыру тәртібі, әуеайлақ (тікұшақ айлағы) пайдаланушысы тарапынан перронда жұмыс істейтін барлық персоналдың (оның ішінде бөгде ұйымдардың) перронда қауіпсіздікті қамтамасыз ету жөніндегі талаптарды сақтауына бағытталған жүргізілетін тексерулердің сипаттамасы келтіріледі;

12) әуеайлақтың (тікұшақ айлағының) пайдаланушысы белгілеген әуеайлақтың (тікұшақ айлағының) жұмыс алаңында көлік құралдарын басқару рәсімдері, оның ішінде:

әуеайлақтың (тікұшақ айлағының) пайдаланушысы әзірлеген әуеайлақтағы көлік құралдарының қозғалыс қағидалары, жылдамдықты шектеу және Қағидалардың, қозғалыс схемаларының сақталуын бақылау әдістері;

әуеайлақта (тікұшақ айлағында) көлік құралын басқару құқығына талондар беру жүйесі, ҰҚЖ-ға және маневр жасау алаңының учаскелеріне, сондай-ақ перрондар мен өнеркәсіптік аймақтарға бөле отырып, әуеайлақтың (тікұшақ айлағының) жұмыс алаңында жүргізушілерге көлік құралдарын басқаруға рұқсат беру әдістері мен өлшемшарттарының сипаттамасы келтіріледі;

ӘҚҚ органымен байланысты қамтамасыз етуге қатысты ережелер мен құралдар;

әуеайлақта (тікұшақ айлағында) пайдаланылатын көлік құралдарына қойылатын қажетті жарақтар мен талаптардың сипаттамасы;

13) құстар мен өзге де жануралар тудыратын қауіптерді басқару жұмыстарын ұйымдастыру, соның ішінде:

құстар мен өзге де жануарлар тудыратын қауіпті бағалау жөніндегі іс-шаралар;

құстар мен өзге де жануарларды қорқытуға қатысты ережелер мен әдістер;

құстар мен өзге де жануарлар тудыратын қауіптерге қарсы күрес жөніндегі бағдарламаны іске асыру жөніндегі іс-шаралар;

жабайы табиғатты бақылауға жауапты лауазымды тұлғалар, онда жабайы табиғатты бақылауға жауапты лауазымды тұлғалардың тізімі, олардың функцияларының сипаттамасы, жұмыс және жұмыс уақытынан тыс байланыс үшін байланыс деректері келтіріледі;

14) кедергілерді мониторингілеу және бақылау, әуеайлақты (тікұшақ айлағын) пайдаланушының кедергілерді мониторингілеу, есепке алу және жою жөніндегі рәсімдері туралы мәліметтер келтіріледі, соның ішінді;

кедергілерді шектеу беттерін және А типті әуеайлақтық кедергілер картасын бақылауды ұйымдастыру, әуеайлақта (тікұшақ айлағында) және әуеайлақ (тікұшақ айлағы) маңы аумағында белгіленген кедергілерді шектеу беттерінің шегінде, сондай-ақ А типті карта шегінде объектілерді мониторингтеу рәсімдерінің сипаттамасы, мониторингті орындауға жауапты лауазымды адамдардың тізімі;

сыни кедергілерді анықтау үшін кедергілерді шектеу беттерінің шекаралары шегінде ғимараттардың немесе конструкциялардың биіктігін мониторингілеу және бақылау тәртібі;

әуеайлақ (тікұшақ айлағының) маңындағы жаңа құрылысқа бақылау жүргізу тәртібі (комиссия құру);

рұқсат берілімеген кедергілер пайда болған жағдайда қабылданатын іс-әрекеттер және хабарлау рәсімі;

кедергілерді жоюға қатысты ережелер;

азаматтық авиация саласындағы уәкілетті ұйымды және тиісті қызметтерді кедергілердің сипаты мен орналасқан жері туралы, сондай-ақ қажетті шараларды қабылдау және AIP жинақтарына өзгерістер енгізу үшін кедергілердің кез келген кейіннен пайда болуы немесе жойылуы туралы хабардар ету тәртібі;

15) авариялық жағдайда қозғалу қабілетін жоғалтқан әуе кемелерін алып тастау, жұмыс алаңында қозғалу қабілетін жоғалтқан немесе оған тікелей жақын орналасқан әуе кемелерін алып тастау, соның ішінде:

апаттық қону кезінде әуе кемелерін алып тастау жоспары;

әуеайлақты (тікұшақ айлағын) пайдаланушының және әуе кемесін пайдаланушының функциялары;

әуе кемесін пайдаланушыны хабардар ету тәртібі;

әуе қозғалысына қызмет көрсету органдарымен өзара іс-қимыл жасау тәртібі;

қозғалу қабілетін жоғалтқан әуе кемесін алып тастау үшін жабдықты алу және персоналды тарту тәртібі;

16) қауіпті материалдармен жұмыс, қауіпті материалдармен қауіпсіз жұмыс істеу және оларды сақтау рәсімдері, соның ішінде:

қауіпті материалдарды сақтау орындары, әуеайлақта (тікұшақ айлағында) тез тұтанатын сұйықтықтарды (авиациялық отынды қоса алғанда) және кез келген басқа да қауіпті материалдарды сақтауға арналған арнайы аймақтарды ұйымдастыру тәртібінің сипаттамасы келтіріледі;

қауіпті материалдарды жеткізу, сақтау, өңдеу тәсілдері;

17) көру мүмкіндігі шектеулі жағдайларда әуеайлақты (тікұшақ айлағын) пайдалану, соның ішінде:

әуеайлақта (тікұшақ айлағында) шектеулі көріну шарттары туралы хабарлау тәртібі, әуеайлақтың (тікұшақ айлағының) жұмыс алаңында қызметті жүзеге асыруға қатысатын барлық пайдалану персоналын хабардар ету рәсімінің сипаттамасы келтіріледі;

ҰҚЖ көріну қашықтығының (RVR) мәндерін қоса алғанда, метеорологиялық ақпаратты алу және тарату, ҰҚЖ-дағы көріну қашықтығын өлшеуге жауапты лауазымды тұлғалардың тізімі және жұмыс және жұмыс уақытынан тыс уақытта байланыс үшін олардың байланыс деректері келтіріледі;

көру мүмкіндігі шектеулі жағдайларда жұмыс рәсімдерін жариялау кезінде ҰҚЖ-н қорғау (егер мұндай жағдайларда ұшуларға рұқсат етілсе), ҰҚЖ-н қорғау үшін ҰҚЖ-на рұқсатсыз шығу, жұмыстарды тоқтату рәсімдерінің сипаттамасы және ҰҚЖ-дағы операцияларды бақылау тәртібі келтіріледі;

көру мүмкіндігі шектеулі жағдайында пайдалану тәртібі мен қағидалары, жұмыс алаңында көлік құралдары мен персоналды пайдаланудың қолданылатын қағидаларын қоса алғанда, шектеулі көріну жағдайларында ұшуды орындағанға дейін, ұшу процесінде және одан кейін пайдалану рәсімдері мен қағидаларының, сондай-ақ шектеулі көріну жағдайларында ұшу кезінде әуеайлақтық электр және навигациялық жүйелердің жанында техникалық қызмет көрсету бойынша құрылыс жұмыстарын жүргізуді шектеу жөніндегі рәсімдердің сипаттамасы келтіріледі;

18) әуеайлақта (тікұшақ айлағында) орнатылған радиолокациялық, навигациялық және метеорологиялық құралдардың орналасқан жерлерін кедергілерден қорғау, соның ішінде:

радиолокациялық, навигациялық құралдар мен метеорологиялық жабдықтар орналасқан жерлердің маңындағы қызметті бақылауды ұйымдастыру тәртібі;

радиолокациялық, радионавигациялық құралдар мен метеорологиялық жабдықтар орнату маңында және орындарында жүргізілетін жерүсті техникалық қызмет көрсету тәртібі;

радиолокациялық, радионавигациялық құралдарды орналастыру туралы, сондай-ақ қауіпті микротолқынды сәулелену туралы ескертетін белгілерді орнату тәртібі.";

40 және 41-тармақтар мынадай редакцияда жазылсын:

"40. Егер қандай да бір мәліметтер осы әуеайлаққа (тікұшақ айлағына) қолданылмауы салдарынан Нұсқаулыққа енгізілмесе, әуеайлақты (тікұшақ айлағын) пайдаланушы Нұсқаулықтың тиісті бөлімінде оның орын алу себебін көрсетеді.

41. Комиссия сертификаттық зерттеп-қарау кезінде сертификаттық зерттеп-қарау жүргізу жеріне барады және:

1) әуеайлақ (тікұшақ айлағының) объектілерінің, әуеайлақтың (тікұшақ айлағының) геометриялық, физикалық сипаттамаларының және оның жабдықтарының Нұсқаулыққа және сертификаттау талаптарына сәйкестігін;

2) әуеайлақты (тікұшақ айлағын) пайдалану рәсімдерін (әуеайлақты/тікұшақ айлағын пайдалануға дайын күйде дайындығында ұстау бойынша жүргізілген жұмыстардың толықтығы);

3) әуеайлақта (тікұшақ айлағында) қауіпсіздікті қамтамасыз ету және басқару жүйесін (пайдаланушының әуеайлақты (тікұшақ айлағын) сертификаттау талаптарына сай келетін күйде ұстау мүмкіндігін бағалау);

4) ұйымдық құрылымды, штаттың жинақталуы және азаматтық авиация ұйымының (өтініш берушінің) басқару негізгі қағидаттарын;

5) ұйымдастыруда және азаматтық авиация ұйымының қызметін қамтамасыз етуде басшылық құрамның, сондай-ақ тікелей ұшу қауіпсіздігін қамтамасыз етуімен байланысты мамандардың тәжірибесін;

6) өтініш берушінің басқа ұйымдармен тиісті арнайы жабдықтарды пайдалану, техникалық қызмет көрсету, жөндеу және бақылау құқығына жасасқан өзара іс-қимыл жасау шарттарының болуын, сондай-ақ авиация персоналын оқытуын;

7) функционалдық міндеттерді қамтамасыз ету үшін өндірістік алаңдардың санының жеткілікті болуын;

8) пайдалану техникалық құжаттардың болуын;

9) әуеайлақ (тікұшақ айлағы) объектілерінің, азаматтық авиация ұйымының өндіріс жабдықтары мен құралдарының техникалық сипаттамаларын (көрсеткіштерін), өтініш берушінің әуеайлақтың сертификаттау және пайдалану талаптарына сәйкестігін аталған әуеайлақта (тікұшақ айлағында) критикалық ұшаққа қызмет көрсету кезінде қамтамасыз ету қабілетін айқындауға мүмкіндік беретін өндірістік рәсімдерін қарастырады.";

46 және 47-тармақтар мынадай редакцияда жазылсын:

"46. 1-деңгейдегі сертификаттау талаптарына сәйкессіздіктер өтініш берушінің техникалық және қаржылық мүмкіндіктері негізге алына отырып, адамның өмірі мен денсаулығын, қоршаған ортаны қорғауды, ұшу қауіпсіздігі мен авиациялық қауіпсіздікті қамтамасыз етуге өтініш берушінің қабілетсіздігімен сипатталады.

1-деңгейдегі сертификаттау талаптарына сәйкессіздік кезінде азаматтық авиация саласындағы уәкілетті ұйым сертификат (авиациялық жұмыстарды орындау құқығына арналған куәлік) беруден бас тартады не өтініш беруші анықталған сәйкессіздіктерді жойған кезге дейін Қазақстан Республикасының әуе кеңістігін пайдалану және авиация қызметі туралы Қазақстан Республикасының заңнамасында белгіленген жағдайларда және тәртіппен сертификаттың (авиациялық жұмыстарды орындау құқығына арналған куәліктің) қолданысын шектейді.

2-деңгейдегі сертификаттау талаптарына сәйкес келмеген жағдайда уәкілетті ұйым:

1) анықталған сәйкессіздікті жою үшін ол анықталған сәттен бастап үш айдан аспайтын мерзімге келіседі.

Егер қолайсыз ауа райы жағдайлары, эпидемиологиялық жағдай, құрылыс жұмыстарын жүргізу, сатып алуды жүзеге асыру сияқты объективті себептер болса, үш ай ішінде сәйкессіздікті жоюға уақытша кедергі келтіретін болса, анықталған сәйкессіздікті жою үшін уәкілетті ұйым неғұрлым ұзақ мерзімге келісуі мүмкін. Бұл ретте өтініш беруші ұшу қауіпсіздігі белгіленгенге баламалы деңгейін қамтамасыз ететін қосымша шаралар қабылдайды.

Өтініш беруші анықталған сәйкессіздікті жою бойынша түзету іс-қимылдарының жоспарын әзірлейді және сертификаттық зерттеп-қарау нәтижелерімен танысқан сәттен бастап он жұмыс күні ішінде азаматтық авиация саласындағы уәкілетті ұйымға ұсынады;

2) анықталған сәйкессіздікті жою бойынша өтініш беруші ұсынған шараларды бағалау негізінде түзету іс-қимылдарының жоспарын келіседі не оны негіздемемен пысықтауға қайтарады.";

47. Уәкілетті ұйым ұсынылған дәлелді құжаттамаларды тексеру және/немесе қажет болған жағдайда жоспардан тыс тексеру жүргізу арқылы әуеайлақты (тікұшақ айлағын) пайдаланушының түзету іс-әрекеттер жоспарын ұсынуын және (немесе) жоспарда белгіленген мерзімдерде түзету іс- әрекеттернің орындалуын бақылайды.

Егер әуеайлақты (тікұшақ айлағын) пайдаланушы түзету іс-қимылдарының жарамды жоспарын ұсынбаса немесе уәкілетті ұйым белгілеген мерзімдерде түзету іс-әрекеттерін орындамаса, 2-деңгейдегі сертификаттау талаптарына сәйкессіздік 1-деңгейдегі сертификаттау талаптарына сәйкессіздікке айналады және уәкілетті ұйым сертификат беруден бас тартады, бұрын берілген сертификатты кері қайтарып алады, тоқтата тұрады немесе Қазақстан Республикасының әуе кеңістігін пайдалану және авиация қызметі туралы заңнамасында белгіленген жағдайларда және тәртіпте сертификаттың жарамдылық аясын шектейді.";

53-тармақ мынадай редакцияда жазылсын:

"53. Уәкілетті ұйым мынадай жағдайларда сертификаттың қолданылуын алты айға дейін тоқтата тұрады немесе шектейді:

1) 1-деңгейге қатысты сертификаттау талаптарына сәйкессіздіктер мен бұзушылықтарды анықталғанда;

2) әуеайлақты (тікұшақ айлағын) пайдаланушының өтінімі бойынша.

Уәкілетті ұйым жоғарыда көрсетілген жағдайлар анықталған (табылған) кезден бастап сертификаттың қолданылуын тоқтата тұрады.

Анықталған сәйкессіздіктер жойылғаннан және уәкілетті ұйымға растайтын құжаттар ұсынылғаннан кейін сертификаттың қолданылуын қалпына келтіруді уәкілетті ұйым осы Қағидалардың 7, 8-қосымшаларында келтірілген сертификаттық зерттеп-қараудың үлгілік бағдарламаларға сәйкес сертификаттау талаптарына сәйкессіздік анықталған ауқымда да, сондай-ақ бүкіл сертификаттау ауқымында да жүргізуге жол берілген сертификаттық зерттеп-қараудан кейін жүзеге асырады.";

56-тармақ мынадай редакцияда жазылсын:

"56. Сертификаттың қолданысын тоқтата тұрған немесе кері қайтарылып алынған жағдайда, уәкілетті ұйым шешім қабылданған күннен бастап 3 (үш) жұмыс күні ішінде сертификаттың иесіне қабылданған шешім туралы хабарлайды.

Сертификаттың күшін жою әуеайлақ (тікұшақ айлағы) пайдаланушысы сертификаттың қолданылуын тоқтата тұру немесе сертификаттың күшін жою туралы хабарлама алған кезден бастап күшіне енеді.

Әуеайлақ (тікұшақ айлағы) пайдаланушысы хабарламаны алған күні уәкілетті ұйымға хабарламаны алғаны туралы хабарлайды.";

59-тармақтың бірінші абзацы мынадай редакцияда жазылсын:

"59. Осы Қағидалардың 69-тармағында тізбесі берілген әуеайлақта (тікұшақ айлағында) ұшу қауіпсіздігінің баламалы деңгейін (бұдан әрі – ҰҚБД) әзірлеу және өзгерістерді жоспарлау кезінде әуеайлақ (тікұшақ айлағы) пайдаланушысының қолданыстағы ұшу қауіпсіздігін басқару жүйесі шеңберінде ұшу қауіпсіздігін бағалау жүргізіледі, оның барысында мынадай рәсімдер орындалады:";

60-тармақтың бірінші бөлігі мынадай редакцияда жазылсын:

"60. ҰҚБД-н қамтамасыз ету және әуеайлақтағы (тікұшақ айлағындағы) өзгерістерді жоспарлау мақсатында ұшу қауіпсіздігін бағалауды жүргізу үшін әуеайлақты (тікұшақ айлағын) пайдаланушыға тиісті ғылыми-зерттеу және/немесе өзге де құзыретті ұйымдарды жалдауға жол беріледі. Бағалау жүргізу кезінде уәкілетті ұйыммен кеңесу қажет.";

62-тармақ мынадай редакцияда жазылсын:

"62. ҰҚБД қамтамасыз ету және әуеайлақтағы (тікұшақ айлағындағы) өзгерістерді жоспарлау үшін ұшу қауіпсіздігін бағалауды талдау аяқталғаннан кейін уәкілетті ұйым:

1) әуеайлақ (тікұшақ айлағы) пайдаланушысын ұшу қауіпсіздігін бағалаудың қабылданғаны туралы хабардар етеді;

2) егер тәуекелдің кейбір түрлері толық көлемде бағаланбаса немесе анықталмаса, әуеайлақ (тікұшақ айлағы) пайдаланушысымен ұшу қауіпсіздігін бағалаудың қолайлылығына қатысты келісімге қол жеткізу бойынша өз іс-әрекеттерін үйлестіреді;

3) егер келісімге қол жеткізу мүмкін болмаса, әуеайлақты (тікұшақ айлағын) пайдаланушы бағалау рәсімін ықтимал қайта ұсынуды ескере отырып, ұсынысты қабылдамайды;

4) немесе ұшу қауіпсіздігін қамтамасыз ету үшін шектеу шараларын белгілей алады.";

69 және 70-тармақтар мынадай редакцияда жазылсын:

"69. Уәкілетті ұйым тарапынан келісімді алу үшін сертификат иесі өзгерістер енгізілгенге дейін:

1) ұшу түрлерін;

2) қонуға кіру және ұшу шарттарын;

3) ұшу-қону жолақтарының, қонуға бет алу және ұшу аймақтарының (FATO), қону және көтерілу аймақтарының (TLOF) физикалық және геометриялық сипаттамаларын;

4) рөлдеу жолдарын, әуе кемелерінің тұрақ орындарын, перрондарын;

5) жарық сигналдық, электр жабдықтарын орнату, реконструкциялау немесе жаңғырту;

6) әуеайлақтың (тікұшақ айлағының) жарамдылық сертификатына өзгерістер енгізуді талап ететін, талап етілетін өрттен қорғау деңгейі бойынша ҰҚЖ санатындағы өзгерістерін;

7) бұрын уәкілетті ұйым белгілеген шектеулерді алып тастауын;

8) әуеайлақта (тікұшақ айлағында) реконструкциялау, күрделі жөндеу сияқты үшінші тараптардың мердігерлік жұмыстарына байланысты ұзақ мерзімді өзгерістерін;

9) әуеайлақтың (тікұшақ айлағының) кодтық әріпінен жоғарырақ кодтық әріпті әуе кемелерінің операцияларына;

10) сертификаттың қолданылу аясындағы өзгерістерді растайтын құжаттарды уәкілетті ұйымға хабарламаны және өзгерістерді жібереді.";

70. Осы Қағидалардың 69-тармағында көрсетілген өзгерістерге қатысты әуеайлақты (тікұшақ айлағын) пайдаланушы қолданыстағы ҰҚБЖ элементі ретінде өзгерістерді басқару үдерісі шеңберінде қауіпті факторларды анықтау және әуеайлақты пайдалануға әсер ететін олардың қауіптілігін азайту шараларын әзірлеу мақсатында осы Қағидалардың 60, 61, 62, 63, 64-тармақтарының талаптарына сәйкес ұшу қауіпсіздігін бағалауды жүргізеді. Ұшу қауіпсіздігін бағалау уәкілетті ұйымға жіберіледі.

Уәкілетті ұйым ұсынылған құжаттарды 10 жұмыс күні ішінде қарайды, қажет болған жағдайда әуеайлаққа (тікұшақ айлағына), пайдалану рәсімдеріне тексеру жүргізу туралы шешім қабылдайды. Қарау немесе жүргізілген тексеру нәтижелері бойынша әуеайлақ (тікұшақ айлағын) пайдаланушысы ұсынған өзгерістерді уәкілетті ұйым келісіледі және қажет болған жағдайда әуеайлақтың (тікұшақ айлағының) жарамдылық сертификатына тиісті өзгерістер енгізіледі немесе егер әуеайлақ (тікұшақ айлағының) пайдаланушысы ұсынған өзгерістерді іске асыру кезіндегі шаралар сертификаттау талаптарына сәйкес келетін ұшу қауіпсіздігінің деңгейін қамтамасыз етпесе, қабылданбайды.

Әуеайлақты (тікұшақ айлағын) пайдаланушы өзгерістерді жүзеге асыру кезеңінде әуеайлақты (тікұшақ айлағын) пайдалану рәсімін уәкілетті ұйымға қарау үшін ұсынады.

Егер әуеайлақты (тікұшақ айлағын) пайдаланушы уәкілетті ұйым тарапынан алдын ала келісуді талап ететін жоғарыда көрсетілген өзгерістерді мұндай келісімсіз жүзеге асырса, уәкілетті ұйымның Заңның 16-3-бабының 5-тармағына және 66-бабының 8-тармағына сәйкес жарамдылық сертификатының қолданылуын тоқтата тұруға, жарамдылық сертификатын қайтарып алуға немесе жарамдылық сертификатының қолданылуы шеңберінде жүзеге асырылатын әуеайлақ (тікұшақ айлағы) пайдаланушысының қызметіне тиісті шектеулер қоюға құқығы бар.

Техникалық қызмет көрсету, ағымдағы жөндеу, өндіріс көлемінің уақытша қысқаруынан туындаған инфрақұрылымның, техникалық құралдардың немесе қызметтің жұмыс деңгейінің уақытша төмендеуі әуеайлақтың (тікұшақ айлағының) жарамдылық сертификатын жарамсыз етпейді және оған өзгерістер енгізуді талап етпейді.";

72-тармақ мынадай редакцияда жазылсын:

"72. Сертификат иесі өзгерістерді ескере отырып, әуеайлақ (тікұшақ айлағы) объектісінің пайдалану сертификаттау талаптарына сәйкестігін белгілейді және өзгерістер енгізу үшін уәкілетті ұйымның мақұлдауын алуға өтінім жібереді.

Әуеайлақтың (тікұшақ айлағының) пайдалану талаптарына сәйкестігін өзгерістерді ескере отырып белгілеу жөніндегі жұмысқа қажет болған жағдайда ғылыми-зерттеу немесе өзге де құзыретті ұйымдар жалданады.";

3-қосымша осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Көлік министрлігінің Азаматтық авиация комитеті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жарияланғаннан кейін Қазақстан Республикасы Көлік министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Көлік вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі.

Қазақстан Республикасы Көлік министрінің міндетін атқарушы

М. Калиакпаров

"КЕЛІСІЛДІ"

Қазақстан Республикасы

Ұлттық экономика министрлігі

"КЕЛІСІЛДІ"

Қазақстан Республикасы

Цифрлық даму, инновациялар

және аэроғарыш өнеркәсібі министрлігі

	Қазақстан Республикасы Көлік министрінің міндетін атқарушы 2024 жылғы 18 қарашадағы № 379 бұйрығына қосымша
	Әуеайлақтардың (тікұшақ айлақтарының) жарамдылығын сертификаттау және оларға сертификат беру қағидаларына 3-қосымша

Әуеайлақты (тікұшақ айлағын) сертификаттық тексеру актісі __________

20___жылғы "___" _______ №_____ бұйрықпен тағайындалған мынадай

құрамдағы комиссия:

Комиссия төрағасы ____________________________________________________

Комиссия мүшелері:___________________________________________________

(тегі, аты, әкесінің аты (бар болса), лауазымы)

______________________________ кезеңінде ұсынылған құжаттаманы қарады,

әуеайлақтың (тiкұшақ айлағының) сертификаттық талаптарға сәйкестiгiне

зерттеп-қарау жүргiздi және мыналарды анықтады:

1. Әуеайлақты (тікұшақ айлағын) мемлекеттік тіркеу туралы куәлік

____________________________________________________________________

(№, берілген күні және қолданылу мерзімі)

2. Әуеайлақтың (тікұшақ айлағының) пайдалануға жарамдылық сертификаты

____________________________________________________________________

(№, берілген күні және қолданылу мерзімі)

3. Басқару және ұйымдастыру.

1) Құжаттама жиынтығының сәйкестігі және құжаттаманы басқару;

2) Өндірістік база (әуеайлақ (тікұшақ айлақ) объектілерін пайдалануды және оларға техникалық қызмет көрсету, оларға техникалық қызмет көрсетуді жүзеге асыратын персоналға арналған материалдар, құралдар, жабдықтар, ғимараттар мен үй-жайлар);

3) Пайдалану қызметін жүзеге асыратын авиация персоналына қойылатын талаптар, әуеайлақ (тікұшақ айлақ) объектілеріне, құрылыстар мен жабдықтарға техникалық қызмет көрсету және осы қызметті басқару. Құзыреттілікті дайындау және тексеру бағдарламалары.

4. Әуеайлақтың (тікұшақ айлағының) физикалық сипаттамалары, жарық сигналдық жабдықтан басқа көрнекі құралдар.

5. Әуеайлақты (тікұшақ айлағын) күтіп ұстау:

1) әуеайлақтың (тікұшақ айлағының) жұмыс алаңын инспекциялау (қарап- тексеру);

2) әуеайлақтың (тікұшақ айлағының) және объектілердің жұмыс алаңына техникалық қызмет көрсету;

3) қар мен мұздан және қауіпті метеорологиялық жағдайлардан қорғау;

4) әуеайлаққа (тікұшақ айлағына) қызмет көрсету және жөндеу үшін арнайы техника.

6. Әуеайлақтың (тікұшақ айлағының) жарық сигналдық жабдықтарының жүйесі және оларға техникалық қызмет көрсету. Тікұшақ айлақтары үшін - радиотехникалық және метеорологиялық жабдықтар.

7. Электрмен жабдықтау және электр жүйелері, тексеру, техникалық қызмет көрсету.

8. Кедергілерді есепке алу және шектеу, ұшу қауіпсіздігіне қатер төндіретін қызметті бақылау.

9. Әуеайлақ (тікұшақ айлағы) туралы деректер және оларды ұсыну.

10. Ұшуларды авариялық-құтқарумен қамтамасыз ету.

11. Құстар мен жануарлар тудыратын қауіпті басқару.

12. Әуеайлақта (тікұшақ айлағында) қызметті ұйымдастыру:

1) әуеайлақта (тікұшақ айлағында) жұмыстар жүргізу кезінде ұшулардың қауіпсіздігі;

2) перрондағы қызметті ұйымдастыру. Перрондағы қызметтің қауіпсіздігін басқару;

3) әуеайлақта арнайы техниканың, арнайы көліктің, машиналар мен механизмдердің қозғалысын ұйымдастыру;

4) ЖҰҚЖ-да операциялардың қауіпсіздігі;

5) тікұшақ айлағында қауіпті жүктермен қызметті ұйымдастыру.

13. Авиаотынмен қамтамасыз ету, отын құю кешендерінің жабдығы (ЖЖМ қоймалары), авиа ЖЖМ сапасын бақылау және зертханасы, отын құю машиналары мен механизмдері.

14. Ұшу қауіпсіздігін басқару жүйесі.

Әуеайлақтың (тікұшақ айлағының) сертификаттау талаптарына сәйкестігі туралы комиссияның қорытындысы.

Комиссия төрағасы____________________________________________________

Комиссия мүшелері: __________________________________________________

(қолы, тегі, аты, әкесінің аты (бар болса)

Таныстым:___________________________________________________________

(Басшының тегі, аты, әкесінің аты (бар болса) азаматтық авиация ұйымдары, қолы)

Сертификаттық тексеру жүргізу күні: "___"____________ 20 ___ жыл.