БҰЙЫРАМЫН:
1. "Теміржол көлігіндегі жол жүрісі қауіпсіздігін бұзушылықтарды тергеп-тексеру қағидаларын бекіту туралы" Қазақстан Республикасы Индустрия және инфрақұрылымдық даму министрінің 2019 жылғы 1 тамыздағы № 604 бұйрығына (Нормативтік құқықтық актілерді мемлекеттік тіркеу тізілімінде № 19183 болып тіркелген) мынадай өзгерістер енгізілсін:
көрсетілген бұйрықпен бекітілген Теміржол көлігіндегі жол жүрісі қауіпсіздігін бұзушылықтарды тергеп-тексеру қағидаларында:
1) тармақша мынадай редакцияда жазылсын:
"1) аумақтық бөлімше – Қазақстан Республикасы Көлік министрлігі Автомобиль көлігі және көліктік бақылау комитетінің көліктік бақылау инспекциясы;";
6) тармақша мынадай редакцияда жазылсын:
"6) қозғалыс қауіпсіздігін бұзу – нормативтік құқықтық актілерге сәйкес жіктелетін, тасымалдау процесін жүзеге асыру кезінде қозғалыс қауіпсіздігі бойынша белгіленген талаптардан ауытқу нәтижесінде болған теміржол оқиғасы;";
12) тармақша мынадай редакцияда жазылсын:
"12) уәкілетті органның ведомствосы – Қазақстан Республикасы Көлік министрлігінің Автомобиль көлігі және көліктік бақылау комитеті.";
6-тармақ мынадай редакцияда жазылсын:
"6. Жолаушылар пойызында жылжымалы құрамның рельстен шығып кетуіне алып келген оқиға, сондай-ақ апат немесе авария белгілері болған кезде қозғалыс қауіпсіздігінің бұзылуы туралы ақпаратты алғаннан кейін 5 жұмыс күн ішінде уәкілетті органның бұйрығымен тергеп-тексеру жөніндегі уәкілетті органның төрағалық етуімен Комиссия құрылады. Осы комиссияның құрамына уәкілетті органның лауазымды адамы болып табылатын тергеп-тексеру жөніндегі уәкіл, уәкілетті органның аумақтық бөлімшелерінің өкілдері, тасымалдау процесіне қатысушылар және мүдделі тұлғалар кіреді.
Комиссия құру туралы бұйрықта теміржол көлігіндегі қозғалыс қауіпсіздігін бұзуды тергеп-тексеруге қатысатын ұйымдардың атаулары көрсетіледі.";
1-қосымша осы бұйрыққа қосымшаға сәйкес редакцияда жазылсын.
2. Қазақстан Республикасы Көлік министрлігінің Көліктегі оқиғалар мен оқыс оқиғаларды тексеру департаментіне заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты ресми жариялағаннан кейін Қазақстан Республикасы Көлік министрлігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылауды өзіме қалдырамын.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Көлік министрінің міндетін атрқарушы |
М. Калиакпаров |
Жол жүрісі қауіпсіздігін бұзушылық орын алған жерді қарау актісі
Жерді қарау_________________________
Күні:________________________ Уақыты:__________
Жағдайы _______________________________________________________
Техникалық құралдардың жай-күйі ___________________________________________
Салдары ____________________________________________________
Жылжымалы құрамның алдын ала зақымдалу дәрежесі ___ мүліктің ___ (ұйымның атауы) ___
Алдын ала себебі________________________
Тасымалдау процесіне қатысушылардың атауы/мүдделі тараптардың атаулары _______
Акт жасағандар: _________________ ____________________________________
(Лауазымы) (Қолы) (Тегі, аты-жөні, әкесінің аты (егер бар болса)
Ескертпе: осы нысан қажеттілік болған кезде қосымша тармақтармен толықтырылуы мүмкін
