"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 27-бабына, "Өсімдік шаруашылығы өнімінің шығымдылығы мен сапасын арттыруды субсидиялау қағидаларын бекіту туралы" Қазақстан Республикасы Ауыл шаруашылығы министрінің 2020 жылғы 30 наурыздағы № 107 бұйрығына (Нормативтік құқықтық актілерді мемлекеттік тіркеу тізілімінде № 20209 болып тіркелген) сәйкес Жамбыл облысының әкімдігі ҚАУЛЫ ЕТЕДІ:
1. Мыналар:
1) 2024 жылға басым дақылдар өндірісін дамытуды субсидиялауға арналған басым дақылдар тізбесі осы қаулының 1-қосымшасына сәйкес;
2) 2024 жылға басым дақылдар өндірісін дамытуды субсидиялауға арналған субсидиялар нормалары осы қаулының 2-қосымшасына сәйкес бекітілсін.
2. "Жамбыл облысы әкімдігінің ауыл шаруашылығы басқармасы" коммуналдық мемлекеттік мекемесі заңнамада белгіленген тәртіппен:
1) осы қаулының әділет органдарында мемлекеттік тіркелуін;
2) осы қаулының Жамбыл облысы әкімдігінің интернет-ресурсында орналастырылуын қамтамасыз етсін.
3. Осы қаулының орындалуын бақылау Жамбыл облысы әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Жамбыл облысының әкімі | Е. Карашукеев |
| Жамбыл облысы әкімдігінің | |
| 2024 жылғы 3 сәуірдегі № 76 | |
| қаулысына 1-қосымша |
2024 жылға басым дақылдар өндірісін дамытуды субсидиялауға арналған басым дақылдар тізбесі
№ | Басым дақылдар атауы |
1 | Қант қызылшасы |
2 | Дәндік жүгері |
3 | Күнбағыс |
4 | Мақсары |
5 | Өнеркәсіптік жылыжайдағы көкөністер |
6 | Фермерлік жылыжайдағы көкөністер |
| Жамбыл облысы әкімдігінің | |
| 2024 жылғы 3 сәуірдегі № 76 | |
| қаулысына 2-қосымша |
2024 жылға басым дақылдар өндірісін дамытуды субсидиялауға арналған субсидиялар нормалары
№ | Басым дақылдар атауы | Өлшем бірлігі тонна, гектар | Субсидия нормасы, теңге |
1 | Қант қызылшасы | тонна | 25 000 |
2 | Дәндік жүгері | тонна | 20 000 |
3 | Күнбағыс | тонна | 20 000 |
4 | Мақсары | тонна | 20 000 |
5 | Өнеркәсіптік жылыжайдағы көкөністер | гектар | 5 000 000 |
6 | Фермерлік жылыжайдағы көкөністер | гектар | 3 000 000 |
