Қазақстан Республикасының Жер кодексінің 108-бабының 3-тармағына, "Қазақстан Республикасының әкімшілік-аумақтық құрылысы туралы" Қазақстан Республикасының Заңының 11-бабының 2) тармақшасына сәйкес, Тараз қаласы, Жамбыл және Байзақ аудандары әкімдіктері мен мәслихаттарының бірлескен ұсыныстары негізінде Жамбыл облысының әкімдігі ҚАУЛЫ ЕТЕДІ және Жамбыл облыстық мәслихаты ШЕШІМ ҚАБЫЛДАДЫ:
1. Тараз қаласының шекарасына Жамбыл ауданының жалпы көлемі 11 145,5 гектар жер бөлігін, Байзақ ауданының жалпы көлемі 1 761,2014 гектар жер бөлігін қосу жолымен Тараз қаласының шекараларының жалпы көлемі 31 693,7 гектар болып осы бірлескен Жамбыл облысы әкімдігінің қаулысы мен Жамбыл облыстық мәслихатының шешімінің қосымшасына сәйкес өзгертілсін.
2. Жамбыл ауданының жалпы көлемі 11 145,5 гектар жер бөлігін Тараз қаласының шекарасына беру жолымен Жамбыл ауданының шекараларының жалпы көлемі 412 514,5 гектар болып осы бірлескен Жамбыл облысы әкімдігінің қаулысы мен Жамбыл облыстық мәслихатының шешімінің қосымшасына сәйкес өзгертілсін.
3. Байзақ ауданының жалпы көлемі 1 761,2014 гектар жер бөлігін Тараз қаласының шекарасына беру жолымен Байзақ ауданының шекараларының жалпы көлемі 444 259,80 гектар болып осы бірлескен Жамбыл облысы әкімдігінің қаулысы мен Жамбыл облыстық мәслихатының шешімінің қосымшасына сәйкес өзгертілсін.
4. Осы бірлескен Жамбыл облысы әкімдігінің қаулысының және Жамбыл облыстық мәслихаты шешімінің орындалуын бақылау Жамбыл облысы әкімінің жетекшілік ететін орынбасарына жүктелсін.
5. Осы бірлескен Жамбыл облысы әкімдігінің қаулысы мен Жамбыл облыстық мәслихатының шешімі оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Жамбыл облысының әкімі | Е. Карашукеев |
| Жамбыл облыстық мәслихатының төрағасы | А. Нуралиев |
| Жамбыл облысы әкімдігінің |
| 2024 жылғы 25 қыркүйектегі № 243 мен | |
| Жамбыл облыстық мәслихатының | |
| 2024 жылғы 25 қыркүйектегі № 17-5 | |
| бірлескен қаулысы мен шешіміне қосымша |
