Қазақстан Республикасының "Тұрғын үй қатынастары туралы" Заңының 97-бабына, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6-бабына, Қазақстан Республикасының "Құқықтық актілер туралы" Заңының 46-бабы 2-тармағының 4-тармақшасына, Қазақстан Республикасы Өнеркәсіп және құрылыс министрінің 2023 жылғы 8 желтоқсандағы "Тұрғын үй көмегін беру қағидаларын бекіту туралы" № 117 бұйрығына сәйкес, Ақсу қалалық мәслихаты ШЕШІМ ҚАБЫЛДАДЫ:
1. Ақсу қаласы бойынша тұрғын үй көмегін көрсетудің мөлшері мен тәртібі осы шешімнің 1-қосымшасына сәйкес айқындалсын.
2. Осы шешімнің 2-қосымшасына сәйкес, Ақсу қалалық мәслихатының кейбір шешімдерінің күші жойылды деп танылсын.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ақсу қалалық мәслихатының төрағасы | М. Омаргалиев |
| Ақсу қалалық мәслихатының 2024 жылғы 28 наурыздағы № 119/18 шешіміне 1- қосымша |
Ақсу қаласы бойынша тұрғын үй көмегін көрсетудің мөлшері мен тәртібі
Ескерту. 1- қосымша жаңа редакцияда - Павлодар облысы Ақсу қалалық мәслихатының 25.09.2024 № 150/24 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) шешімімен.
1. Тұрғын үй көмегі жергілікті бюджет қаражаты есебінен Ақсу қаласында тұратын, Қазақстан Республикасының аумағындағы жалғыз тұрғынжайы ретінде меншік құқығындағы тұрғынжайда тұрақты тіркелген және тұратын аз қамтылған отбасыларға (азаматтарға) (бұдан әрі – көрсетілетін қызметті алушы), сондай-ақ мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалдаған тұрғынжайды жалдаушыларға (қосымша жалдаушыларға):
кондоминиум объектісін басқаруға және кондоминиум объектісінің ортақ мүлкін күтіп-ұстауға, оның ішінде кондоминиум объектісінің ортақ мүлкін күрделі жөндеуге жұмсалатын шығыстарға;
коммуналдық қызметтерді және телекоммуникация желісіне қосылған телефон үшін абоненттік төлемақының ұлғаюы бөлігінде көрсетілетін байланыс қызметтерін тұтынуға;
мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалға алған тұрғынжайды пайдаланғаны үшін шығыстарды төлеуге беріледі.
Көрсетілетін қызметті алушының тұрғын үй көмегін есептеуге қабылданатын шығыстары жоғарыда көрсетілген бағыттардың әрқайсысы бойынша шығыстардың сомасы ретінде айқындалады.
2. Тұрғын үй көмегін тағайындау "Ақсу қаласының жұмыспен қамту және әлеуметтік бағдарламалар бөлімі" мемлекеттік мекемесімен (бұдан әрі – көрсетілетін қызметті беруші) тегін негізде жүзеге асыралады.
3. Көрсетілетін қызметті алушының жиынтық табысын көрсетілетін қызметті беруші тұрғын үй көмегін тағайындауға өтініш білдірген тоқсанның алдындағы тоқсанға "Тұрғын үй көмегін беру қағидаларын бекіту туралы" Қазақстан Республикасы Өнеркәсіп және құрылыс министрінің 2023 жылғы 8 желтоқсандағы № 117 бұйрығымен (бұдан әрі - Қағидалар) (Нормативтік құқықтық актілерді мемлекеттік тіркеу тізілімінде № 33763 болып тіркелген) айқындалған тәртіппен есептейді.
4. Тұрғын үй көмегі кондоминиум объектісін басқаруға және кондоминиум объектісінің ортақ мүлкін күтіп-ұстауға, оның ішінде кондоминиум объектісінің ортақ мүлкін күрделі жөндеуге жұмсалатын, коммуналдық қызметтер мен телекоммуникация желісіне қосылған телефон үшін абоненттік төлемақының өсуі бөлігінде байланыс қызметтерін тұтынуға, мемлекеттік тұрғын үй қорынан берілген тұрғынжайды және жеке тұрғын үй қорынан жергілікті атқарушы орган жалдаған тұрғынжайды пайдалануға жұмсалатын шығыстарының шекті жол берілетін деңгейі мен қызмет алушының осы мақсаттарға жұмсайтын шығыстарының арасындағы жергілікті өкілді орган белгілеген айырма ретінде және жергілікті өкілді орган белгілеген осы мақсаттарға көрсетілетін қызметті алушылардың шығыстарының шекті жол берілетін деңгейі 5 (бес) пайыз мөлшерінде айқындалады.
5. Көрсетілетін қызметті алушылырға тұрғын үй көмегін тағайындау төмендегі нормаларға сәйкес жүргізіледі:
- жалғыз тұратын азаматтар үшін-тұрғын үйдің жалпы алаңынан 30 (отыз) шаршы метр;
- 2 және одан да көп адамнан тұратын отбасылар үшін – тұрғын үйдің жалпы алаңынан бір адамға 18 (он сегіз) шаршы метр;
электр энергиясын тұтыну нормасын бір адамға айына - 110 (жүз он) киловатт мөлшерінде анықтау.
Электр плиталарын пайдаланбайтын тұтынушылар үшін - бір адамға айына 90 ( тоқсан) киловатт.
6. Коммуналдық қызметтерді тұтыну нормалары тоқсан сайын қызмет көрсетушілер тұтынушыларға өтемақы шараларымен ұсынады.
7. Әлеуметтік тұрғыдан қорғалатын азаматтарға телекоммуникация қызметтерін көрсеткені үшін абоненттік төлемақы тарифінің көтерілуіне өтемақы төлеу "Әлеуметтік қорғалатын азаматтарға телекоммуникация қызметтерін көрсеткені үшін абоненттік төлемақы тарифтерінің өсуін өтеу мөлшерін айқындау және қағидаларын бекіту туралы" Қазақстан Республикасының Цифрлық даму, инновациялар және аэроғарыш өнеркәсібі министрінің 2023 жылғы 28 шiлдедегi № 295/НҚ бұйрығына сәйкес жүзеге асырылады.
8. Тұрғын үй көмегін тағайындау үшін көрсетілетін қызметті алушы (немесе оның сенiмхатқа, заңдарға, сот шешiмiне не әкiмшiлiк құжатқа негiзделген өкiлi) Қағидалардың 2-қосымшасының 8-тармағына сәйкес құжаттар тізбесін ұсына отырып, тоқсанына бір рет "Азаматтарға арналған үкімет" мемлекеттік корпорациясына (бұдан әрі – Мемлекеттік корпорация) немесе "электрондық үкімет" веб-порталына жүгінеді.
9. Көрсетілетін қызметті беруші мынадай негіздер бойынша:
1) мемлекеттік қызметті алу үшін көрсетілетін қызметті алушы ұсынған құжаттардың және (немесе) оларда қамтылған деректердің (мәліметтердің) дәйексіздігі анықталған;
2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған материалдардың, объектілердің, деректер мен мәліметтердің осы Қағидаларда белгіленген талаптарға сәйкес келмеуі;
3) көрсетілетін қызметті алушыға қатысты белгілі бір мемлекеттік қызметті алуды талап ететін қызметке немесе жекелеген қызмет түрлеріне тыйым салу туралы заңды күшіне енген сот шешімі (үкімі) болған жағдайда;
4) көрсетілетін қызметті алушыға қатысты заңды күшіне енген сот шешімі бар, соның негізінде көрсетілетін қызметті алушы мемлекеттік көрсетілетін қызметті алуға байланысты арнайы құқықтан айырылғанда мемлекеттік қызмет көрсетуден бас тартады.
10. Құжаттарды қарау және тұрғын үй көмегін көрсету туралы шешім қабылдау немесе көрсетуден бас тарту туралы дәлелді жауап беру мерзімі Мемлекеттік корпорациядан немесе "электрондық үкіметтің" веб-порталы құжаттардың толық топтамасын қабылдаған күннен бастап сегіз жұмыс күнін құрайды.
11. Тұрғын үй көмегі кондоминиум объектісін басқаруға және ортақ мүлікті ұстауға ай сайынғы жарналар үшін өнім берушілер ұсынған шот-фактуралар мен жиынтық табыс туралы ағымдағы тоқсанда құжаттарды тапсыру уақытына қарамастан бір тоқсанға тағайындалады, кондоминиум объектісінің, оның ішінде кондоминиум объектісінің ортақ мүлкін күрделі жөндеуден өткен тоқсанда телекоммуникация желісіне қосылған телефонға абоненттік төлемнің ұлғаюы бөлігінде шығындар сметасы мен коммуналдық және байланыс қызметтеріне шоттарды қоса алғанда.
12. Тұрғын үй көмегін тағайындау көрсетілетін қызметті алушылырға тиісті қаржы жылына арналған қала бюджетінде көзделген қаражат шегінде жүзеге асырылады.
13. Көрсетілетін қызметті алушылырға тұрғын үй көмегін төлеуді көрсетілетін қызметті беруші есептелген сомаларды тұрғын үй көмегін алушылардың немесе қызметтерді жеткізушілердің ағымдағы шоттарына екінші денгейдегі банктер арқылы аудару жолымен жүзеге асырады.
| Ақсу қалалық мәслихатының 2024 жылғы 28 наурыздағы № 119/18 Шешіміне 2- қосымша |
Ақсу қалалық мәслихатының күші жойылған кейбір шешімдерінің тізбесі
1. Ақсу қалалық мәслихатының 2017 жылғы 17 наурыздағы "Ақсу қаласы бойынша тұрғын үй көмегін көрсету тәртібі мен мөлшерін белгілеу туралы" 87/11 шешімі (Нормативтік құқықтық актілерді мемлекеттік тіркеу тізілімінде № 5458 болып тіркелген).
2. Ақсу қалалық мәслихатының 2022 жылғы 18 наурыздағы "Ақсу қалалық мәслихатының 2017 жылғы 17 наурыздағы "Ақсу қаласында аз қамтамасыз етілген отбасыларына (азаматтарға) тұрғын үй көмегін көрсетудің мөлшері мен тәртібін айқындау туралы" № 87/11 шешіміне өзгерістер енгізу туралы" № 135/21 шешімі (Нормативтік құқықтық актілерді мемлекеттік тіркеу тізілімінде № 27270 болып тіркелген).
3. Ақсу қалалық мәслихатының 2023 жылғы 12 сәуірдегі "Ақсу қалалық мәслихатының 2017 жылғы 17 наурыздағы "Ақсу қаласы бойынша тұрғын үй көмегін көрсетудің мөлшері мен тәртібін айқындау туралы" № 87/11 шешіміне өзгерістер енгізу туралы" № 16/3 шешімі (Нормативтік құқықтық актілерді мемлекеттік тіркеу тізілімінде № 7322 болып тіркелген).
4. Ақсу қалалық мәслихатының 2023 жылғы 5 желтоқсандағы "Ақсу қалалық мәслихатының 2017 жылғы 17 наурыздағы № 87/11 "Ақсу қаласы бойынша тұрғын үй көмегін көрсетудің мөлшері мен тәртібін айқындау туралы" шешіміне өзгеріс енгізу туралы" № 70/10 шешімі (Нормативтік құқықтық актілерді мемлекеттік тіркеу тізілімінде № 7436-14 болып тіркелген).
