ШЕШІМ ҚАБЫЛДАДЫ:
1. Жаңақала ауданы әкiмiнiң "Жаңақала ауданы аумағында сайлау учаскелерiн құру туралы" 2018 жылғы 30 қарашадағы № 9 шешіміне (Нормативтік құқықтық актілерді мемлекеттік тіркеу тізілімінде № 5417 болып тіркелген) келесі өзгерістер енгізілсін:
көрсетілген шешімнің қосымшасында:
№119 сайлау учаскесі жаңа редакцияда жазылсын:
"№119 сайлау учаскесі
Орналасқан жері: Сарыкөл ауылы, Сарыкөл көшесі 4, Батыс Қазақстан облысы әкімдігі білім басқармасының Жаңақала ауданы білім беру бөлімінің "Абай атындағы жалпы орта білім беретін мектебі" коммуналдық мемлекеттік мекемесі ғимараты.
Шекаралары: Сарыкөл ауылы, Жорта, Сайхы, Нәрік, Мардан, Постройка, Бекбике, Ақмола қыстаулары.";
№122 сайлау учаскесі жаңа редакцияда жазылсын:
"№122 сайлау учаскесі
Орналасқан жері: Жуалыой ауылы, Жуалыой көшесі 10, Батыс Қазақстан облысы әкімдігі білім басқармасының Жаңақала ауданы білім беру бөлімінің "Х.Нұрымғалиев атындағы жалпы орта білім беретін мектебі" коммуналдық мемлекеттік мекемесі ғимараты.
Шекаралары: Жуалыой ауылы, Сарыбай, Қойқұм, Мұқан, Дәулет, Құти, Байкенже, Қабыл, Ешкі, Әбіл, Тілекқабыл, Асабай, Мырзабай, Қабден, Аманғали қыстаулары.".
2. Осы шешімнің орындалуын бақылау Жаңақала ауданы әкімі аппаратының басшысына жүктелсін.
3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аудан әкімі | А. Кушкинбаев |
"КЕЛІСІЛДІ"
Жаңақала ауданының аумақтық
сайлау комиссиясы
