"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабы 1-тармағының 14)-тармақшасына, Қазақстан Республикасы Әлеуметтік Кодексінің 18-бабы 22-тармағына, "Автомобиль көлігімен мүгедектігі бар адамдарды тасымалдау жөнінде қызметтер көрсету қағидаларын бекіту туралы" Қазақстан Республикасының Көлік және коммуникация министрінің міндетін атқарушысының 2013 жылғы 1 қарашадағы № 859 бұйрығымен бекітілген Автомобиль көлігімен мүгедектігі бар адамдарды тасымалдау жөнінде қызметтер көрсету қағидаларының 31-тармағына (Нормативтік құқықтық актілерді мемлекеттік тіркеу тізілімінде № 8950 болып тіркелген) сәйкес Солтүстік Қазақстан облысы Петропавл қаласының әкімдігі ҚАУЛЫ ЕТЕДІ:
1. Солтүстік Қазақстан облысы Петропавл қаласының аумағында инватакси қызметтерін көрсетуге арналған объектілердің және белгіленген пункттердің тізбесі мына объектілер мен белгіленген пункттермен кеңейтілсін:
психологиялық-медициналық-педагогикалық кеңестер;
психологиялық-педагогикалық түзету кабинеттері;
медициналық-әлеуметтік сараптама бөлімдері;
"Азаматтарға арналған үкімет" мемлекеттік корпорациясы" коммерциялық емес акционерлік қоғамының Солтүстік Қазақстан облысы бойынша филиалының Солтүстік Қазақстан облысы Петропавл қаласының Халыққа қызмет көрсету бөлімдері;
қосымша білім беру объектілері;
мүгедектігі бар адамдарға, оның ішінде мүгедектігі бар балаларға қызмет көрсететін ұйымдар.
2. Солтүстік Қазақстан облысы Петропавл қаласының аумағында инватакси қызметін алушылар санаттары мына тұлғалар санатымен кеңейтілсін:
бірінші, екінші топ мүгедектігі бар адамдар;
жеті жасқа дейінгі мүгедектігі бар балалар;
жеті жастан он сегіз жасқа дейінгі мүгедектігі бар балалардың барлық топтары.
3. "Петропавл қаласы әкімдігінің жұмыспен қамту және әлеуметтік бағдарламалары бөлімі" коммуналдық мемлекеттік мекемесі Қазақстан Республикасының заңнамасында белгіленген тәртіпте:
1) осы қаулының аумақтық әділет органдарында мемлекеттік тіркелуін;
2) ресми жарияланғанынан кейін осы қаулының Солтүстік Қазақстан облысы Петропавл қаласы әкімдігінің интернет-ресурсына орналастырылуын қамтамасыз етсін.
4. Осы қаулының орындалуын бақылау осы салаға жетекшілік ететін қала әкімінің орынбасарына жүктелсін.
5. Осы қаулы алғашқы ресми жарияланған күнінен бастап қолданысқа енгізіледі.
| Солтүстік Қазақстан облысы Петропавл қаласының әкімі | С. Мухамедиев |
