I. Жалпы ережелер
1.1. Қазақстан Республикасының Министрлер Кабинетi жанындағы Ұлттық патент ведомствосының Қазақстан Республикасы Патент Заңының 22, 29 баптарында және Қазақстан Республикасының "Тауар таңбалары, қызмет көрсету белгiлерi және тауар шығу жерiнiң атаулары туралы" Заңының Z932800_ 12 және 28 баптарында қарастырылған Шағым арыз Кеңесi (бұдан әрi - "Шағым арыз Кеңесi" Қазақстан Республикасының Министрлер Кабинетi жанындағы Патент ведомствосының (Қазпатент) дауларды қарау жөнiндегi мамандандырылған бөлiмшесi болып табылады.
1.2. Шағым арыз Кеңесi өз қызметiнде:
- Қазақстан Республикасының заңдарын;
- Өнеркәсiп меншiгi объектiлерiн қорғау саласында Қазақстан Республикасы қатысушы болып табылатын халықаралық шарттар мен келiсiмдердi;
- Қазақстан Республикасының Министрлер Кабинетi жанындағы Ұлттық патент ведомствосының Шағым арыз Кеңесi қызметiне қатысты нормативтiк актілерiн;
- Шағым арыз Кеңесiнiң Жарғысын;
- Шағым арыз Кеңесiнде дауларды қарау тәртiбi туралы осы Ереженi (бұдан әрi - "Ереже") басшылыққа алады.
1.3. Осы Ереже Шағым арыз Кеңесiнде дауларды қарау тәртiбiн реттейдi. Ережеде белгiленген нормалар мен процедуралар жиынтығы Шағым арыз Кеңесiнiң, Қазпатенттiң барлық лауазым иелерiне, арыз берушiлерге және Шағым арыз Кеңесiнде дауларды қараудағы барлық қатысушылар үшiн мiндеттi болып есептеледi.
1.4. Шағым арыз Кеңесiне Қазақстан Республикасы және басқа елдердiң кез келген мүдделi заңды тұлғасы мен жеке адамы өзiнiң заңды мүддесi мен құқына нұқсан келуiнiң қорғалуы үшiн жүгiнуге құқылы.
1.5. Шағым арыз Кеңесi мүдделi адамдар немесе олардың заңды өкiлдерi түсiрген наразылықты қарау жөнiндегi арызын қарағанда:
- арыз берушiнiң атауы, оның мекен-жайы, нақты адресi және басқа да реквизиттерi, Қазақстан Республикасына немесе басқа елге қатыстылығы;
- даудың мәнi, арызға қатысты әрекет, әрекетсiздiк, немесе Қазпатенттiң лауазым иелерiнiң шығарған шешiмi;
- ұсынылған және оған барлық қарсы қойылған объектiлердiң (қорғау құжатын беруден бас тартқанда) салыстырмалы анализiмен қоса арыз берушiнiң барлық мотивтерi мен дәлелдерiнiң толық көрсеткiшi;
- арыз берушiнiң пiкiрi бойынша оның талаптары мен наразылықтарының негiзi болып табылатын жағдайдың дәлелдерi мен негiздерi;
- дау тақырыбы бойынша арыз берушiнiң нақты талабы көрсетiлуге тиiс.
Арыз ұқсас екi данамен берiледi.
1.6. Дауларды шешу Шағым арыз Кеңесi Төрағасының (мұнда және бұдан әрi оның немесе оның орынбасарларының) жарлығымен тағайындалған Шағым арыз Кеңесiнiң құрамында үш мүшесi бар алқасының Шағым арыз Кеңесiнде жүргiзiледi. Мүшелердiң бiрi-зерделiк және өнеркәсiптiк меншiк саласындағы құқық қорғауға байланысты дауларды шешуде тәжiрибелi кәсiби заңгер, ал қалған екеуi - дау тақырыбына қатысты техника мен өндiрiс салаларында көпке танылған мамандар және патент iсiнде белгiлi тәжiрибелер болуы керек. Қазпатент Төрағасы шағым арыз алқасының жеке құрамы құпиялығын дау тыңдалуының басталу сәтiне дейiн қамтамасыз етедi. Шағым арыз мүшелерi осы мәселелер жөнiнде шешiм қабылдағанына немесе қабылдамағанына қарамастан Шағым арыз Кеңесiнде қаралған мәселелерге байланысты дауларға қатысты соттарда заңды тұлғалар мен жеке адамдардың патенттiк сенiмдi өкiлдерi мен адвокаттары, өкiлдерi бола алмайды.
1.7. Дауларды шешу кезiнде шағым арыз алқасының мүшелерi тәуелсiз және қабылданған ұйғарымдар мен шешiмдердiң дәлелдiгi мен заңдылығын қамтамасыз ете отырып, қатаң заңды негiзде әрекет жасайды.
1.8. Шағым арыз Кеңесiнде дауларды шешу барлық қатысушылардың Заң мен Шағым арыз Кеңесi алдында олардың бағыныштылығына, тұрған орнына, меншiктiк нысанына, қай елге жататындығына және басқада жағдайларға қарамастан тең тұрғыда жүзеге асырылады.
1.9. Шағым арыз Кеңесi жұмысының жариялылығы шешiмдердiң жарияланымы немесе олардың Қазпатент ресми басылымдары мен Шағым арыз Кеңесiнiң ресми бюллетендерiнде мазмұндалуымен қамтамасыз етiледi.
1.10. Шағым арыз Кеңесiнде дауларды қарау кезiнде коммерциялық және қызметтiк құпиялардың жария болуының алдын алу мақсатында кез келген дауға қатысушының талабымен шағым арыз алқасы дау қараудың құпиялығы туралы шешiм шығарады. Мұндай жағдайда шағым арыз алқасының мәжiлiсiне жiберiлген барлық дауға қатысушылар даудың Шағым арыз Кеңесiнде қаралуына байланысты өздерiне мәлiм болған қызметтiк немесе коммерциялық құпияларды құрайтын нақты мәлiметтердiң құпиялылығы (жария етпеу) туралы мiндеттеме бередi.
1.11. Шағым арыз Кеңесiндегi iс қазақ және орыс тiлдерiнде жүргiзiледi. Iс жүргiзiлiп жатқан тiлдi бiлмейтiн дауға қатысушы адам дау материалдарымен танысуға және шағым арыз алқасының қызметiне аудармашы арқылы қатысуға және Шағым арыз Кеңесiнде қазақ және орыс тiлдерiнде сөйлеуге құқылы.
1.12. Шағым арыз Кеңесiнiң Төрағасы шағым арыз алқасы қызметiне бақылау, шағым арыз алқасы ұйғарымдары мен шешiмдерiнiң заңдылығы мен дәлелдiгiне тексеру жүргiзедi, шешiмдi қайта қарау осы Ережеде қарастырылған тәртiппен жүргiзiледi.
1.13. Шағым арыз алқасының ұйғарымы олар қабылданған бойда күшiне енедi және мiндеттi түрде орындалуға жатады.
Шағым арыз алқасының шешiмi барлық дауға қатысушыларға берiлген сәттен бастап осы Ережеде қарастырылған тәртiппен қайта шағым түспеген жағдайда 10 күннен кейiн күшiне енедi.
Күшiне кiрген шағым арыз алқасының шешiмi Қазпатенттiң барлық ұйымдары мен лауазым иелерiнiң мiндеттi орындауына жатады.
1.14. Шағым арыз кеңесiнiң шешiмiмен келiспеген жағдайда Қазақстан Республикасы заңдарында қарастырылған тәртiппен тараптардың кез келгенi шешiм қабылданған сәттен бастап алты ай iшiнде сотқа шағым беруге құқылы.
1.15. Шағым арыз Кеңесi дау ретiнде мыналарды қарайды:
- Өнертабыстар мен өнеркәсiп үлгiлерiне алдын ала патенттен және пайдалы моделдерге патенттер берiлуден бас тарту туралы, сондай-ақ өнертабыстарға, пайдалы моделдерге, өнеркәсiп үлгiлерiне, тауар таңбаларына, қызмет көрсету белгiлерi және тауар шығу жерлерiнiң атауларына өтiнiмдер қарауды қабылдаудан бас тарту туралы;
- өнертабыстар мен өнеркәсiп үлгiлерiне патент беруден бас тарту туралы шешiмге наразылық, сондай-ақ өтiнiм мәнi және арыз берiлген белгiлер сараптамасы нәтижелерi бойынша қабылданған тауар таңбаларын, қызмет көрсету белгiлерiн, тауар өндiрiлетiн жер атауларын тiркеуден бас тарту туралы;
- Қазақстан Республикасында қызмет ететiн өнертабыстарға КСРО авторлық куәлiктерi және өнеркәсiп үлгiлерiне КСРО куәлiктерiне қарсы өнертабыстар мен пайдалы моделдерге алдын ала патенттер және өнертабыстарға, өнеркәсiп үлгiлерiне және пайдалы моделдерге патенттер беруге қарсы және адамдар мен заңды тұлғалардың наразылығы, сондай-ақ тауар таңбаларын, қызмет көрсету белгiлерiн, тауар шығу жерiнiң атауларын тiркеуге және тауар шығу жерiнiң атауларын пайдалану құқығына куәлiк беруге қарсы наразылықтар;
- лицензиялық шарттарды тiркеуден бас тартуға жеке адамдар мен заңды тұлғалардың наразылығы;
- тараптардың бiрi Қазпатент, ал шағым беру тақырыбы Қазпатенттiң лауазым иелерi қабылданған шешiм, әрекет немесе әрекетсiздiк болып табылатын басқа да даулар.
1.16. Шағым арыз Кеңесiнiң қарауына жатпайтын даулар:
- қызметкердiң қызметтiк мiндетiне қатысты немесе қызметкердiң кәсiпорын ерекшелiгiн құрайтын техникалық бiлiм немесе құралдарының көмегiмен жүзеге асырылған өнертабыстар мен өнеркәсiп үлгiсiне алдын ала патент, пайдалы моделге патент алу құқығы туралы;
- жұмыс берушiнiң өнеркәсiп меншiгi объектiсiн пайдаланғаны үшiн авторлық сыйақы құқығы туралы;
- жұмыс берушiнiң алдын ала патент және (немесе) патент алуы;
- жұмыс берушiнiң алдын ала патент және (немесе) патент алу құқығын басқа адамға беруi, жұмыс берушiнiң тиiстi объектiнi құпия сақтау туралы шешiм қабылдауы, немесе жұмыс берушiге байланысты себептермен жұмыс берушi берген өтiнiм бойынша алдын ала патент және (немесе) патент алынбауы;
- жұмыс берушiнiң немесе автордың өтiнiм беру құқығын басқа адамға беруi;
- қызметтiк мiндет аумағында жасалынған өнеркәсiп меншiгi объектiсiн жұмыс берушiнiң жеке өз өндiрiсiне пайдалану құқығы;
- өзiмен шарт жасасудан бас тартқан жағдайда автордың сыйақы немесе өтемақыға құқығы туралы;
- алдын ала патент немесе патенттi бiрнеше адамға қатысты өнеркәсiп меншiгi объектiсiн пайдалану туралы өзара қарым-қатынастарын туындаған даулар;
- мәжбүрлiк лицензия алу құқығы туралы;
- егер патент иесi өнертабысты, пайдалы моделдi, өнеркәсiп үлгiсiн өзге патент иесiнiң құқығына нұқсан келтiрмейтiн пайдалана алмаған жағдайда лицензиялық шарт жасау құқығы туралы;
- өнертабысқа, пайдалы моделге, өнеркәсiп үлгiсiне авторлық туралы;
- патент иесiн анықтау туралы;
- өнеркәсiп меншiгiнiң қорғалатын объектiсiн пайдалануға ерекше құқықты бұзу және патент иесiнiң басқа да мүлiктiк құқылығы туралы;
- алдымен пайдалану құқығы туралы;
- тауар шығу жерiнiң атауын пайдалану құқығы туралы тауар таңбалары мен куәлiк иелерiнiң құқығына нұқсан келуiне байланысты даулар;
- тауар таңбалары, қызмет көрсету белгiлерiне патент пен куәлiктен
туындайтын құқық қорғауға байланысты басқа да даулар;
- берекесiз бәсекеге байланысты даулар.
2. Шағым арыз процесiне қатысушылар
2.1. Тараптар және үшiншi жақтар шағым арыз iсiне қатысушылар болып
табылады. Шағым арыз Кеңесiндегi дауларды қарау кезiнде тараптардың әрбiрi
тең процессуалды құқық пен мiндеттi пайдаланады.
2.2. Шағым арыз iсiне қатысушылар төмендегiдей құқықтарды пайдаланады:
- iс материалдарымен танысып, олардан үзiндiлер жазып алады, олардың
көшiрмелерiне тапсырыс бередi және ала алады;
- дәлелдер келтiредi;
- дәлелдердi зерттеуге қатысады;
- шағым арыз процесiне қатысушыларға сауалдар қояды;
- өтiнiштер жасай алады;
- шағым арыз алқасына ауызша және жазбаша түсiнiктер бередi;
- шағым арыз процесi барысында туындаған өзiнiң дәлелдерi мен ойларын
айта алады;
- iске қатысушы басқа адамдардың өтiнiштерiне, дәлелдерiне және
ойларына наразылық бiлдiре алады;
- Шағым арыз алқасы шешiмiнiң заңдылығы мен дәлелдiгiн тексеру туралы өтiнiш жасайды және осы Ережеде қарастырылған басқа да процессуалды құқықтарды пайдалана алады.
Iске қатысушы адамдар өздерiне тиiстi процессуалды барлық құқықтарды адал пайдалануға мiндеттi.
Өз құқығын пайдаланудағы кез келген әдiлетсiздiк немесе дауды қарауға маңызды жағдайлар мен фактiлердi жасыру қарсы жақтың пайдасына жатқызылады.
2.3. Егер бiр дау төңiрегiнде Шағым арыз Кеңесiне бiрнеше арыз берушi шағымданса, онда процесте қарсы жаққа олар бiр тарап ретiнде көрiнедi. (Бiрге арыз берушiлер). Бiрге арыз берушiлер осы Ереженiң 2.5. тармағына сәйкес iс жүргiзудi қатысушылардың бiрiне жүктеулерi мүмкiн. Егер Шағым арыз Кеңесiне бiр дау төңiрегiнде бiрнеше арызшы әрқайсысы жеке арызданса, онда бұл арыз берушiлер қарсы жаққа процесте дербес көрiнедi.
2.4. Тараптардың бiрiнiң тартылуы, қайта құрылуы, басқа да заңды себептермен шығып қалуы жағдайында шағым арыз алқасы дәлелдi өтiнiшi бойынша бұл тарапты оның заңды мұрагерiмен, мұрагерiмен және т.б. жеке ұйғарым шығару жолымен алмастырады. Заңды мұрагерлiк осы процестi әу басынан қайта жаңғыртпастан шағым арыз үрдiсiнiң кез келген кезеңiнде мүмкiн болады.
2.5. Өкiлеттiлiктерi тиiстi рәсiмделген сенiмхатпен бекiтiлген жеке адамдар шағым арыз процесiнде тараптардың өкiлдерi болып таңылады.
Қазақстан Республикасынан тыс жерлерде тұратын жеке адамдар немесе шетелдiк заңды тұлғалар немесе олардың патенттiк сенiмдi өкiлдерi егер келiсiмдермен және халықаралық шарттармен өзгедей тәртiп белгiленбесе, наразылық бiлдіредi, сол бойынша Шағым арыз Кеңесiмен хаттар жазысады және Қазпатентте тiркелген патенттiк сенiмдi өкiлдерi арқылы мәжiлiстерге қатысады.
Өкiл арқылы берiлген наразылыққа (оның iшiнде патенттiк сенiмдi өкiлге де) наразылық бiлдiрушiге нотариалды рәсiмделген қолхат қоса салынады.
2.6. Дау тақырыбы бойынша дербес талап қоюшы үшiншi жақ шағым арыз алқасы дау жөнiнде шешiм қабылданған сәтке дейiн Шағым арыз Кеңесiне арыз беру арқылы iске дербес қатыса алады. Олар тараптардың барлық құқықтары мен мiндеттерiн пайдаланады.
2.7. Дау тақырыбы бойынша дербес талап қоймайтын үшiншi жақ шағым арыз алқасына егер шешiм тараптардың кез келгенiнiң құқығы мен мiндетiне ықпал жасаса дау жөнiнде шешiм қабылданған сәтке дейiн тараптардың бiрiнiң жағында шағым арыз iсiне қатыса алады. Олар шағым арыз процесiне тараптардың өтiнiшi немесе шағым арыз алқасының бастамашылығымен де қатыстырылуы мүмкiн. Дербес талаптар қоймаған үшiншi жақ процессуалды құқықтарды пайдаланады және тараптардың процессуалды мiндеттерiн мойнына алады. Үшiншi жақтың келмеуi дау шешiмiне кедергi жасай алмайды.
2.8. Шағым арыз Кеңесiнiң Төрағасы шағым арыз алқасындағы кез келген даудың кез келген шағым арыз қаралуының кез келген уақытында қатынасуға құқылы.
2.9. Шағым арыз алқасы мемлекеттiк және басқа да ұйымдарды қаралып отырған дауға қатысты мәселелерге қорытынды жасау үшiн тартуы мүмкiн.
3. Дәлелдер
3.1. Шағым арыз алқасы тараптардың талаптары мен наразылықтарына негiз болатын жағдайлардың барын яки соған белгiлейтiн фактiлiк дәлелдер, құжаттар, сондай-ақ даудың дұрыс шешiлуiне маңызы бар басқа да жағдайлар шағым арыз процесiнде дәлелдер болып табылады. Бұл дәлелдер: жазбаша және заттай айғақтармен, шағым арыз процесiне қатысушы тараптардың өкiлдерi және басқа да адамдардың түсiнiктерiмен, сондай-ақ тәуелсiз сарапшылар мен кеңесшiлердiң қорытындыларымен айқындалады.
3.2. Шағым арыз процесiнде әрбiр тарап өз талаптары мен наразылықтарына дәлел ретiнде жүгiнетiн жағдайларын дәлелдеуге мiндеттi.
Дәлелдi тараптар мен шағым арызға қатысушылар барлық қатысушыларға жазбаша түрде таратады.
Егер келтiрiлген дәлелдер жеткiлiксiз болса, шағым арыз алқасы шағым арыз процесiне қатысушыларға қосымша дәлелдер келтiрудi ұсынуы, немесе өз бастамасымен оларды жинап алуға құқылы.
3.3. Шағым арыз алқасы сол дауды шешуге маңызы бар дәлелдердi ғана қабылдайды. Дәлелдеудiң белгiлi құралдарына сүйенетiн даудың жағдайы сол құралдармен дәлелденуi тиiс.
3.4. Шағым арыз алқасы жалпыға ортақ деп таныған жағдайлар дәлелдеудi қажет етпейдi. Бiр дауды шешу кезiнде шағым арыз алқасы айқындаған фактiлер сол тараптардың қатысуымен басқа дауларды шешу кезiнде қайтадан дәлелденбейдi.
3.5. Тараптарға қажеттi дәлелдi келтiрудiң қиындығы немесе мүмкiндiгi болмаған жағдайда, ол шағым арыз алқасынан осы дәлелдермен қамтамасыз етудi себебiн көрсетiп сұрауға құқылы.
Дәлелмен қамтамасыз ету мұндай жағдайда ұйымдардан олардың шағым арыз iсiне қатынасына қарамастан құжаттар, мәлiметтер мен қорытындылар талап ету жолымен, сондай-ақ сараптау жүргiзу, объектiнi сол орнында қарау және басқадай тәсiлдермен объектiнi Шағым арыз процесiне қатысуға тарту жолымен жүргiзiледi.
3.6. Дәлелдермен қамтамасыз ету туралы арызда:
- қажеттi дәлелдер;
- осы дәлелдердi растауға қажеттi жағдайлар;
- арыз берушiнi дәлелмен қамтамасыз етуге мәжбүр еткен себептер;
- осы дәлелдермен қамтамасыз етуге ұсынылатын тәсiлдер, көрсетiлуге тиiстi.
3.7. Дәлелдi елдiң басқа жерiнде, немесе басқа елде жинау қажет болған жағдайда шағым арыз алқасы нақты ұйымды, әдiстi айқындап соған осы дауды шешуге қажеттi дәлелдер жинауға шағым арыз тапсырмасын жүктейтiн ұйғарым шығарады.
3.8. Шағым арыз алқасы тараптардың өтiнiшiмен немесе өз бастамашылығымен олардың табылған жерiнде байқау мен зерттеу жүргiзуге құқылы. Дәлелдi байқау мен зерттеу қорытындылары бойынша сол жерде хаттама түзiлiп, оған шағым арыз алқасының мүшелерi, талаптардың өкiлдерi, сондай-ақ байқауға басқа да қатысушылар қол қояды. Хаттама iске тiркеледi.
3.9. Даудың дұрыс шешiмiн шығаруға маңызды жағдайлар туралы мәлiметтерi бар құжаттар түрiндегi жазбаша дәлелдер түпнұсқа немесе расталған көшiрме түрiнде берiледi.
Егер дауды шешуге құжаттың бiр бөлiгi ғана құжат болса, одан расталған көшiрмесi алынады. Ол шағым арыз процесi барысында расталуы мүмкiн.
Қажет болған жағдайларда шағым арыз алқасы тараптардан құжаттардың түпнұсқасын талап етуге құқылы.
Жазбаша дәлелдер немесе оларды талап етуге өтiнiш бiлдiрушi тараптар осы дәлелдермен iске маңызды қандай жағдайлар анықталуы мүмкiн екендiгiн көрсетуге мiндеттi.
3.10. Дауды шешуге маңызды жағдайларды анықтауға көмегi тиетiн макеттер, жұмыс iстеп тұрған моделдер, үлгiлер, сызбалар және басқа да заттар заттай айғақтар болып табылады.
Заттай айғақтар әкелген немесе оны талап етуге өтiнiш бiлдiрушi тараптар осы дәлелмен iске маңызды қандай жағдай айқындалуы мүмкiн екендiгiн көрсетуге мiндеттi.
3.11. Шағым арыз алқасы дау шешiлгеннен кейiн процеске қатысушылардың өтiнiштерi бойынша қажет болған жағдайларда расталған көшiрмелерiн алған соң құжаттардың түпнұсқалары мен айғақ заттарын қайтарады.
3.12. Шағым арыз процесiне егер олар даудың мәнi бойынша түсiнiк беруге шақырылса лауазым иелерi мен ұйымның басқа да қызметкерлерi қатыстырылуы мүмкiн. Шағым арыз алқасының шешiмi бойынша олар өздерiне белгiлi мәлiметтер мен iс жағдайы бойынша жазбаша түрде хабарлауға мiндеттi.
3.13. Шағым арыз алқасы арнаулы бiлiктiлiктi қажет ететiн мәселелер түйiнiн тарқату үшiн өз ұйғарымымен тәуелсiз сараптама тағайындауға құқылы. Шағым арыз процесiне қатысушылар шағым арыз алқасына тәуелсiз сарапшылар мен кеңесшiлер анықтайтын мәселелер қоюға құқылы. Тәуелсiз сарапшылар мен кеңесшiлердiң қорытындылары талап етiлетiн мәселелердiң тобын шағым арыз алқасы ұйғарымдағы ұйғарыммен белгiлейдi. Iске қатысушы адамдар ұсынған мәселелердiң қайтарып тасталғанын алқа дәлелдеуге тиiстi.
3.14. Тәуелсiз сараптама жүргiзу осыған қажеттi бiлiмi бар құзырлы мамандарға тiкелей жүктелуi керек.
Тәуелсiз сарапшы дау материалдарымен танысады және шағым арыз процесiне қатысушылардан қосымша материалдар мен түсiнiктер сұрауға құқылы. Қажет болған жағдайларда тәуелсiз сараптама тараптардың өкiлдерiнiң қатысуымен жүргiзiледi.
3.15. Тәуелсiз сарапшының қорытындысында:
- жүргiзген зерттеулердiң толық сипаттамасы;
- солардың нәтижелерi бойынша шығарылған қорытынды;
- шағым арыз алқасының қойған сауалдарына дәлелдi жауаптар болуға тиiстi.
Алқаға қорытынды жазбаша түрде берiлiп, көшiрмелерi тараптарға жiберiледi. Сарапшылардың кез келген күдiгi тек арыз берушiнiң пайдасына шешiледi.
3.16. Егер тәуелсiз сараптама жүргiзу кезiнде дауды дұрыс шешу үшiн маңызды ол турасында шағым арыз алқасы сауалдар қоймаған жағдайлар анықталса, қорытындысында тәуелсiз сарапшы сол жағдайлар бойынша қорытындылар шығарады.
3.17. Тәуелсiз сарапшының қорытындысында толықтай айқындық немесе жетiспеушiлiк болған жағдайда шағым арыз алқасы қайталама сараптау белгiлеп, оны басқа тәуелсiз сарапшыға немесе сарапшы комиссияға тапсыруға құқылы.
3.18. Шағым арыз алқасы барлық дәлелдеулердi даудың барлық жағдайларын жан-жақты, толық және объективтi зерттелген негiзге сүйенiп, әрi тек заңды басшылыққа ала отырып бағалайды. Шағым арыз алқасы үшiн ешқандай дәлелдер алдын ала күшiне енген болып есептелмейдi. Тараптардың бiрiнiң талаптары немесе наразылықтарына негiзделген фактiлiк мәлiметтер мен жағдайларды екiншi тараптың мойындауын, егер дауға бұл жағдайларға таласқа түсетiн басқа да адамдар қатынасса, шағым арыз алқасы үшiн мiндеттi болып есептелмейдi.
Тәуелсiз сарапшының қорытындысы шағым арыз алқасында талқыланды және дау бойынша басқа да дәлелдермен бiрге бағаланады. Тәуелсiз сарапшының қорытындысын шағым арыз алқасы жеткiлiктi дәлелдерiн көрсете отырып қабылдамай тастауы мүмкiн.
4. Шағым арыз шығындары
4.1. Шағым арыз шығындары мемлекеттiк баж салығы және дау қарауға байланысты басқа да шығындардан тұрады.
4.2. Қазпатент пен оның құрамалық бөлiмшелерiнiң шешiмдерi, әрекетi немесе әрекетсiздiгi туралы арыздар, сондай-ақ шағым арыз алқасының шешiмдерi мен ұйғарымдарының заңдылығы мен дәлелдiгiн тексеру туралы арыздарға Қазақстан Республикасы Министрлер Кабинетi бекiткен ставкалар бойынша заңмен қарастырылғаннан басқа жағдайларда мемлекеттiк баж салығы төленедi.
Шағым арыз Кеңесi төтенше жағдайларда арызды мемлекеттiк баж салығы төленбей-ақ қарауға қабылдауға құқылы. Мұндай жағдайларда мемлекеттiк баж салығы дау шешiлгеннен кейiн алынады.
4.3. Мемлекеттiк баж салығын қайтару Шағым арыз Кеңесiнде дауды қараудан бас тарту туралы дау қаралғанға дейiн шағым арыз алқасына түскен арыз бойынша жүргiзiледi.
4.4. Дауларды қарауға байланысты шағым арыз шығынына жататындар:
- шағым арыз процесiнде қорытынды жасауға немесе қатынасуға тартылған тәуелсiз сарапшылар мен кеңесшiлерге төленуге тиiстi сомалар;
- материалдарды басқа тiлге аудару үшiн шығындар;
- дәлелдердi қарау және зерттеуге байланысты сол жерлерге барып келуге кеткен шығындар;
- дау қарауға байланысты басқа да шығындар.
4.5. Тәуелсiз сараптама мен кеңестер беру, ақы төлеп аударту арқылы материалдар аударту және аудармашының дауға қатысуына Қазпатент белгiлеген төлем ставкасы, фактiлiк көлемi және жұмсалған уақытына кеткен шығындарды шағым арыз алқасы белгiлейдi.
4.6. Осы Ереженiң 4.4. т. қарастырылған шағым арыз шығындары шағым арыз дауының нәтижесiне қарамастан шағым арыз iсiн қозғаған жаққа жүктелiнедi.
Тәуелсiз сараптама жүргiзу жөнiндегi шығынды мүдделi тарап көтередi.
Арыз берушi шағым арыз процесiне әрi қарай қатысудан бас тартқан жағдайда заңда қарастырылған төтенше жағдайлардан басқа кездерде оның төлеген шағым арыз шығындары қайтарылмайды.
5. Процессуалдық мерзiмдер
5.1. Шағым арыз Кеңесiнiң процессуалдық әрекетi Қазақстан Республикасы Патент заңы және Қазақстан Республикасының "Тауар таңбалары, қызмет көрсету және тауар шығу жерлерiнiң атаулары туралы" Заңымен белгiленген мерзiмдерде жүргiзiледi.
Процессуалды мерзiмдер заңмен айқындалмаған жағдайларда олар Шағым арыз Кеңесiмен (алқамен) белгiленедi.
5.2. Процессуалдық әрекет нақты күнтiзбелiк уақытпен белгiленедi мiндеттi түрде болуға тиiс жағдай немесе уақыт мерзiмi көрсетiледi. Соңғы жағдайда әрекет бүткiл мерзiм iшiнде жасалынуы мүмкiн. Жылдармен, айлармен немесе күндермен есептелетiн процессуалдық мерзiм оның бастауы болып белгiленген күнтiзбелiк уақыт немесе жағдайдың басталуымен басталады. Мерзiмнiң соңғы жұмыс күнi емес уақытқа тап келген жағдайда мерзiмнiң аяқталған күнi келесi күн болып есептелiнедi.
5.3. Барлық өтпеген процессуалдық мерзiмнiң ағымы дау туралы iс тоқталысымен доғарылады. Дау жөнiндегi iс қайта жалғастырылған күннен бастап процессуалдық мерзiм ағысы да жалғастырылады.
5.4. Тараптардың өтiнiшi бойынша Шағым арыз Кеңесi егер мерзiм өткен сәттен бастап 12 ай өтпесе арыз берушi мемлекеттiк баж салығын төлегеннен кейiн өткiзiп алынған мерзiм қалпына келтiрiлдi.
6. Шағым арыз қаралуы
6.1. Дауды қарау шағым арыз мәжiлiсiнде дауға қатысушыларға хабарланып өткiзiледi. Дауды қарау ауызша және шағым арыз алқасының өзгерiссiз құрамымен жүргiзiледi. Алқа мүшелерiнiң бiрi ауысқан жағдайда дауды қарау ең басынан басталуға тиiс.
6.2. Дауды қарауды осы Ережеде бекiтiлген тәртiппен үш адамнан тағайындалған шағым арыз алқасы жүргiзедi. Алқа осы мәжiлiс төрағасын сайлайды, ол алқа құрамын жариялап, шағым арыз процесiне қатысушылардың мiндеттерi мен құқықтарын түсiндiредi және оларға тиiстi құқықтарының жүзеге асырылуына көмек көрсетедi.
6.3. Мәжiлiсте тараптар мен (немесе) олардың өкiлдерi, тәуелсiз сарапшылар (кеңесшiлер) және процеске қатысушы басқа да адамдар тыңдалады. Өз түсiнiктерiн олар алқада түрегелiп тұрып бередi. Алқа әрбiр тарапқа дауды шешу үшiн кез келген қажеттi дәлелдерiн келтiруiне тең және толық мүмкiндiк жасауға және дау жөнiнде объективтi, негiздi және заңды шешiм шығаруға барлық шараларды қолдануға мiндеттi.
6.4. Процеске қатысушылар дауды шешу басталғанға дейiн егер шағым арыз алқасы мүшесiнiң жеке басы дау шешiмiне тiкелей немесе жанама мүдделi болса наразылық бiлдiруге құқылы. Егер осындай негiз процеске қатысушыға дауда қарау басталып кеткеннен кейiн мәлiм болған жағдайда кешiрек өтiнiш жасауға да мүмкiндiк берiледi. Наразылық бiлдiру дәлелдi әрi жазбаша түрде берiлуге тиiс. Мүшеге қарсылық бiлдiру туралы мәселенi Шағым арыз алқасының Төрағасы шешедi, әрi мұнда бiр шағым арыз алқасы құрамында туысқандық қарым-қатынастағы, сондай-ақ бiр-бiрiне бағынышты қызметтiк қатынастағы адамдардың болмауы ескерiледi.
6.5. Шағым арыз процесiне қатысушы тараптар дауды шешу басталғанға дейiн болмаса оны шешу кезiнде тәуелсiз сарапшыға (кеңесшiге) немесе аудармашыға егер олардың жеке бастары тура немесе жанама түрде дау шешiмiне мүдделi болса, сондай-ақ сарапшының (кеңесшiнiң) немесе аудармашының жарамсыздығы себептi наразылық бiлдiруге құқылы. Наразылық бiлдiру дәлелдi және жазбаша түрде бiлдiруге тиiс.
Наразылық бiлдiру мәселесiн Шағым арыз Кеңесiнiң Төрағасы шешедi.
6.6. Арыз берушiнiң ұсынған материалдарына немесе тараптардың кез келгенiнен алқа материалдар талап еткен тараптар пiкiр бiлдiрмеген жағдайларда дау алқаның қолындағы бар материалдар негiзiнде шешiлуi мүмкiн.
6.7. Шағым арыз алқасының мәжiлiсiне тараптардың өкiлдерi келмей қалған жағдайларда егер бұл келмеуi, алқаның пiкiрiнше, дау шешiмiне кедергi жасамаса, келмеуi себептi жағдайда байланысты болғандықтан өз өкiлiнiң қатысуынсыз даудың шешiлуiне жазбаша наразылық бiлдiрмесе дау олар жоқта да шешiлуi мүмкiн.
6.8. Егер дау шағым арыз алқасының осы мәжiлiсiнде қаралуы мүмкiн болмаса, ол дауды кейiнге қалдыруға құқылы. Дауды кейiнге қалдыру туралы алқа ұйғарым шығарады, онда келесi мәжiлiстiң уақыты мен орны көрсетiледi.
6.9. Егер тараптардың бiрi екiншi тараптардың позициясын дәлелдi және заңды деп жазбаша түрде мойындап, даудан бас тартса шағым арыз алқасы дау жөнiнде iстi доғарады. Дау жөнiндегi iстi доғару туралы алқа ұйғарым шығарады. Осы тараптар арасындағы сол дау жөнiнде, сол тақырыпта және сол негiзде Шағым арыз Кеңесiне қайта жүгiну осы дауды шешу үшiн жеткiлiктi маңызы бар жаңадан жағдайлар айқындалған кезде ғана мүмкiн болады.
6.10. Дауды тiкелей шешу кезiнде алқа шешiм шығарады. Шешiм даудың барлық жағдайларын талқылау нәтижесi бойынша қазiргi заң фактiлiк жағдайлар мен iс материалдары негiзiнде мәжiлiсте қабылданады.
6.11. Шешiм шағым арыз алқасы мүшелерiнiң көпшiлiк даусымен
қабылданады. Жазбаша түрдегi шешiмге барлық алқа мүшелерi қолдарын қояды.
Шешiмге келiспеген алқа мүшесi жазбаша түрде түсiрген ерекше пiкiрi
жарияланбастан iске тiгiледi.
6.12. Шағым арыз алқасының шешiмi кiрiспе, сипаттама, дәлелдеме және
нәтижелiк бөлiмдерден тұрады, мұнда:
6.12.1. Кiрiспе бөлiмiнде:
- iс нөмiрi;
- шешiм қабылданған уақыты;
- шағым арыз алқасының құрамы;
- процеске қатысушы тараптар өкiлдерiнiң аты-жөнi;
- дауды қарауға қатысқан басқа да адамдар көрсетiледi.
6.12.2. Сипаттама бөлiмiнде:
- арыз берушi талабының қысқаша баяндалуы;
- екiншi тарап пiкiрiнiң қысқаша баяндалуы;
- тараптардың және олардың өкiлдерiнiң түсiнiктерi мен өтiнiштерiнiң
қысқаша баяндалуы;
- дауды қарауға қатысушы басқа адамдар түсiнiгiнiң қысқаша баяндалуы;
- шағым арыз алқасы жүргiзген әрекеттiң сипаттамасы болуға тиiстi.
6.12.3. Дәлелдеме бөлiмiнде:
- шағым арыз алқасы анықтаған даудың мәнiсi;
- тараптардың өтiнiшi мен дәлелдерiн сол бойынша шағым арыз алқасы
қабылдаған немесе керi қайтарған дәлелдерi;
- шешiм қабылдау кезiнде шағым арыз алқасы басшылыққа алған заңдар
көрсетiледi.
6.12.4. Нәтижелiк бөлiмде оларды қанағаттандыру, немесе қанағаттандырудан толықтай немесе жартылай бас тарту туралы мәлiмделген талаптар бойынша қорытынды болуға тиiс.
шағым арыз алқасының қорытындысы қандай да болмасын жағдайлардың туу яки тумауына тәуелдi болмауға тиiс. Шартты шешiмдер жiберiлмейдi.
Мәлiмделген талаптар қанағаттандырылған жағдайда нәтижелiк бөлiмде дау пайдасына шешiлген тараптың атауы көрсетiледi.
Нәтижелiк бөлiмде тараптар арасында шағым арыз шығындарының бөлiнуi туралы көрсетiледi.
6.13. Қабылданған шешiмдi осы мәжiлiсте төрағалық еткен алқа мүшесi жариялайды. Ерекше күрделi жағдайларда шешiмнiң тек нәтижелiк бөлiмi ғана жарияланады, ал шешiмнiң өзiн шағым арыз алқасы үш күндiк мерзiм iшiнде рәсiмдеуге тиiстi. Шешiмдi жариялау кезiнде тараптарға шешiмнiң заңдылығы мен дәлелдiгiн тексеру туралы арыз беру тәртiбi түсiндiрiледi.
6.14. Дауды шешу кезiнде Қазпатент қызметкерлерi әрекеттерiнен заң бұзушылық байқалған жағдайларда шағым арыз алқасы Қазпатентте қабылданған заңдар, нормалар, әдiстемелер мен процедураларды жетiлдiру жөнiндегi дәлелдi ұсыныстарын Шағым арыз Кеңесiнiң төрағасына жолдауға құқылы.
6.15. По результатам рассмотрения спора апелляционная коллегия вправе
направить председателю Апелляционного Совета свои мотивированные
предложения по совершенствованию действующего законодательства, норм,
методики и процедур, принятых в Казпатенте.
Ескерту: 6.15-тармақтың аудармасы болмағандықтан мәтіні орысшада
беріліп отыр.
6.16. Шағым арыз алқасының шешiмдерi мен ұйғарымдары дау қаралғаннан
кейiн он күн өткен соң тараптар өкiлдерiнiң қолдарына берiледi немесе
жiберiледi.
7. Шағым арыз алқасы шешiмдерiнiң заңдылығы мен
дәлелдiгiн тексеру
7.1. Тараптар шағым арыз Кеңесiнiң төрағасына шағым арыз алқасы шешiмiнiң заңдылығы мен дәлелдiгiн тексеру туралы арыз беруге құқылы. Арызда шешiмнiң заңдылығы мен дәлелдiгiн тексеру туралы мәселе қойылатын негiздер көрсетiлуге тиiс.
7.2. Шағым арыз Кеңесiнiң Төрағасы шағым арыз алқасы шешiмiнiң заңдылығы мен дәлелдiгiн тексеру туралы арызды түскен күнiнен бастап бiр ай мерзiм iшiнде қарайды.
7.3. Шешiмнiң заңдылығы мен дәлелдiгiн тексеру туралы арызды қарау нәтижесi бойынша Шағым арыз Кеңесiнiң Төрағасы өзiнiң дәлелдi қаулысымен шешiмнiң заңдылығы мен дәлелдiгiн бекiтуге немесе арыздың дәлелдерiмен келiсе отырып, шағым арыз алқасының шешiмiн бұзуға және дауды өзге құрамдағы шағым арыз алқасына қайта қарауға жолдауға қақылы.
7.4. Шешiмнiң өзгертiлуiне болмаса бұзылуына негiз болатындар:
- дау бойынша жағдай мәнiсiнiң толық анықталмауы;
- шағым арыз алқасы дәлелдi деп тапқан дауды дұрыс шешуге айтарлықтай
мәнi бар жағдайлардың толық дәлелденбеуi;
- дау жағдайы шешiмiнде баяндалған қорытындылардың сәйкес келмеуi;
7.5. Дау қайта қаралған жағдайда арыз шағым алқасы дау мәнiсi бойынша
түпкiлiктi болып табылатын шешiм шығарады.
7.6. Шағым арыз Кеңесi (алқасы) шешiмiмен келiспеген жағдайда
тараптар сотқа жүгiнуге құқылы.
Егер соттың талабы бойынша Шағым арыз Кеңесi нақтылы дау бойынша
барлық қажеттi материалдарды сотта қарауға тапсырса, мұндай жағдайда
өздерiне мәлiм болған мәлiметтердiң құпиялылығын сақтау мiндетi Шағым арыз
Кеңесiнен алынып тасталады.
Оқыған:
Багарова Ж.А.
