--------------Бұйрықтан үзінді--------------
"Заңға тәуелдi актiлердi жетiлдiру бойынша шаралар туралы" Қазақстан Республикасы Премьер-Министрiнiң 2004 жылғы 20 наурыздағы N 77-ө өкiмiн iске асыру мақсатында БҰЙЫРАМЫН:
1. Қоса берiлген тiзбеге сәйкес Қазақстан Республикасы Қаржы министрiнiң кейбiр бұйрықтарының күшi жойылсын.
2. Қазақстан Республикасы Қаржы министрлiгiнiң Заң қызметi департаментi (Д.В. Вагапов) қоса берiлген тiзбеде көрсетiлген бұйрықтардың күшi жойылды деп тану туралы Қазақстан Республикасы Әдiлет министрлiгiне белгiленген тәртiппен бiр апталық мерзiмде хабарласын.
3. Осы бұйрық қол қойылған күнінен бастап қолданысқа енгiзiледi.
Министр
Қазақстан Республикасы
Қаржы министрiнің
2005 жылғы 3 маусымдағы
N 211 бұйрығына қосымша
Қазақстан Республикасы Қаржы министрiнiң күшiн
жойған кейбiр бұйрықтарының тiзбесi
1. "Мемлекеттiк кепiлдiктер берудiң тәртiбi туралы нұсқаулық" Қазақстан Республикасы Қаржы министрiнiң 1995 жылғы 1 тамыз N 195 бұйрығы (Қазақстан Республикасы Әдiлет министрлiгiнде 1996 жылғы 5 наурызда N 155 тiркелген)...
--------------------------------------------
Қазақстан Республикасының
Қаржы министрлiгi бойынша
1995 жылғы 1 тамыздағы
N 195 бұйрығымен бекiтiлдi
1. ЖАЛПЫ ЕРЕЖЕЛЕР
1. Мемлекеттiк кепiлдiктер берудiң осы тәртiбi "Қазақстан Республикасының экономикасына шетелдiк капиталды тарту саласында мемлекеттiк басқару мен реттеудiң тиiмдiлiгiн арттыру жөнiндегi шаралар туралы" Қазақстан Республикасы Президентiнiң 1995 жылғы 19 қаңтардағы N 2035 U952035_ Жарлығын орындау мақсатында қабылданған "Қазақстан Республикасына шетелдiк несиелердi тарту жөнiндегi жұмысты тәртiпке келтiру жөнiндегi шаралар туралы" Қазақстан Республикасы Министрлер Кабинетiнiң 1995 жылғы 8 ақпандағы N 139 P950139_ Қаулысына сәйкес жасалды.
2. Мемлекеттiк кепiлдiк - займ алушы-Қазақстан Республикасының резидентi шетелдiк кредитор алдындағы несиелiк мiндеттемелерiн орындамаған жағдайда оларды өтеуге Қазақстан Республикасының атынан берiлген мiндеттеме.
2. МЕМЛЕКЕТТIК КЕПIЛДIКТЕРДIҢ НЫСАНЫ
3. Мемлекеттiк кепiлдiк шетелдiк кредиторға несиеге қызмет көрсетуге өкiлеттiгi бар банк арқылы берiледi.
4. Қазақстан Республикасының атынан берiлетiн мемлекеттiк кепiлдiк жазбаша нысанда уағдаласушы тараптар қабылдаған тiлде бiр дана болып жасалады.
5. Мемлекеттiк кепiлдiктерге Қазақстан Республикасының атынан тек Қазақстан Республикасының Қаржы министрi, болмаса оны алмастыратын адам ғана қол қоя алады.
6. Кепiлдiктiң сыртқы бетiнде кепiлдiктiң нөмiрi, кепiлдiк субъектiсiнiң атауы және кепiлдiк берiлетiн келiсiм туралы деректер болады және ол кепiлдiктiң N 1 бетi болып табылады. Кепiлдiктiң қалған беттерi нөмiрленуi және мынадай нысан бойынша куәландырылуы тиiс: әр беттiң төменгi жағына "Кепiлдiк N #" деген жазу басылады, кепiлдiк берушiнiң мөрi басылып, өкiлеттiгi бар адамның қолы қойылады.
3. МЕМЛЕКЕТТIК КЕПIЛДIКТЕРДI БЕРУДIҢ
ШАРТТАРЫ МЕН ТӘРТIБI
7. Мемлекеттiк кепiлдiктер Қазақстан Республикасы Қаржы министрлiгiнiң ұсынуы бойынша Қазақстан Республикасының Үкiметi бекiткен Қазақстан Республикасының сыртқы борышының бюджеттiк лимитi шегiнде ғана берiледi.
8. Қазақстан Республикасының мемлекеттiк кепiлдiктерi (бұдан әрi "Кепiлдiктер") олардың берiлу нысандарына қарамастан (тауарлық, инвестициялық, консигнация шарттарында, лизинг және т.б.) шетелдiк қаржы институттары (банктер, халықаралық несие консорциумдары және т.б.) беретiн несиелерге берiледi.
9. Үкiметтiң шешiмi және тапсыруы бойынша Қаржы министрлiгi мемлекеттiк кепiлдiктердi несие ресурстарын мезгiлiнде қайтару және барлық iлеспе шығындарды төлеу жөнiндегi мiндеттемелердi қамтамасыз ететiн қарсы кепiлдiктердi және/немесе тиiсiнше ресiмделген кепiлдiк шарттарын мiндеттi түрде берген жағдайда, тартылып отырған несиеге қызмет көрсететiн банктермен шарттар жасалғаннан кейiн бередi.
Кепiлдiк тақырыбы Қазақстан Республикасының қолданылып жүрген заңдарына сәйкес өндiрiп алуға берiлетiн кез келген мүлiк (үй-жайлар, ғимараттар, кәсiпорындар, негiзгi қорлар, бағалы қағаздар, ақша қаражаты, валюталық құндылықтар, мүлiктiк құқықтар және т.б.) болуы мүмкiн.
Қаржы министрлiгi шетелдiк әрiптесi алдындағы мiндеттемелерiне мемлекет кепiлдiгi берiлген займ алушымен келiсiм (шарт) жасайды, онда республикалық бюджеттiң қаржылары кепiлдiк мiндеттемелердi қамтамасыз етуге пайдаланылған жағдайда олардың ақылы негiзде қайтарылуын қамтамасыз етудiң тәртiбi, мерзiмдерi мен рәсiмдерi айқындалады.
10. Мемлекеттiк кепiлдiктердi Қаржы министрлiгi банктiң өкiлеттi өкiлi банк сараптамасының оң қорытындысын, банктiң қарсы кепiлдiгiн және кепiлдiк берушiнiң шығындары толық қайтарылуын қамтамасыз ететiн басқа да құжаттарды қоса тiркей отырып тапсырыс берген күннен бастап он бес күн iшiнде ресiмдейдi.
11. Нысаны мен мазмұны шетелдiк инвесторларға ұсынылатын мемлекеттiк кепiлдiктерге оның Қазақстан Республикасының қолданылып жүрген заңдары мен халықаралық құқық нормаларына сәйкес келетiндiгiне Әдiлет министрлiгiнен оң қорытынды алынғаннан кейiн ғана қол қойылады.
12. Қаржы министрлiгi берiлген мемлекеттiк кепiлдiктердi тиiстi куәлiк пен қолданылып жүрген мемлекеттiк кепiлдiктердiң тiзiмiн бұдан былай жүргiзудi ресiмдей отырып тiркейдi.
4. БЕРIЛЕТIН МЕМЛЕКЕТТIК КЕПIЛДIКТЕР
ҮШIН АҚЫ ТӨЛЕУ
13. Мемлекеттiк кепiлдiктердi беру және тiркету үшiн тартылғалы отырған несиеге қызмет көрсететiн банктер немесе ақырғы займ алушылар кепiлдiк сомасының 2 % мөлшерiнде алдын ала мiндеттi бiр жолғы төлем төлейдi.
14. Кепiлдiк мiндеттемелерi бойынша төлемдердi жүзеге асыру үшiн Қаржы министрлiгi республикалық бюджетте арнайы қор көздейдi, оған мемлекеттiк кепiлдiк алушы займ алушылар кепiлдiк бойынша ықтимал қауiп үшiн жылдық 1 % мөлшерiнде берiлген мемлекеттiк кепiлдiк валютасында төлемдер төлейдi. Төлемдер тоқсан сайын, тоқсанның соңғы айының 30-жұлдызына дейiн жүргiзiледi. Кепiлдiк берiлген уақыт - проценттер төлеудiң алғашқы есеп айырысу кезеңiнiң басталу уақыты. Бiр жолғы және мерзiмдi төлемдер төленуге тиiстi шотты кепiлдiк беру кезiнде Қаржы министрлiгi айқындайды. Проценттiк төлемдер кепiлдiк сомасына есептеледi. Займ алушы (немесе ол үшiн) мемлекеттiк кепiлдiк бойынша негiзгi борышты өтеуiне қарай кепiлдiкке төленетiн проценттiк төлемдердiң есебiн шығару үшiн пайдаланылатын сома өтеу уақытынан өтеу сомасына кемiтiледi. Ақырғы проценттiк төлем мемлекеттiк кепiлдiк толық өтелген тоқсан үшiн жүзеге асырылады.
15. Ақырғы займ алушының ақша қаражаты болмаған жағдайда кепiлдiк бергенi үшiн бiр жолғы төлемдi және ықтимал қауiп үшiн төленетiн төлемдердi жүзеге асыру үшiн Қаржы министрлiгi соңғысымен борыш мiндеттемесiн (келiсiмiн) жасайды, онда төлемдердi өтеудiң мерзiмдерi мен схемасы, олардың бюджетке төлейтiн процентi, мiндеттемелердi бұзғаны үшiн қолданылатын айып санкциялары айқындалады.
Бұл төлемдер ақырғы займ алушылардың шоттарынан мiндеттi түрде аударылуы тиiс.
16. Мемлекеттiк кепiлдiк күшiне енген кезде шетелдiк инвесторға қарызды өтеу Қаржы министрлiгi осы мақсаттар үшiн көзделген республикалық бюджеттiң арнаулы қорының қаржылары есебiнен жүргiзiледi.
17. Займ алушының ол үшiн мемлекеттiң кепiлдiк мiндеттемелерiн
қамтамасыз етуге жұмсалған қаржыларды республикалық бюджетке қайтаруы жөнiндегi мiндеттемелерi кепiлдiк бойынша шетелдiк әрiптеске алғашқы төлем төленген сәттен бастап күшiне енедi. Қайтару негiзгi борыш пен iлеспе төлемдердi бiртұтас ұлттық валютамен - қайтару сәтiндегi Қазақстан Республикасы Ұлттық банкiнiң бағамы бойынша теңгемен өтеу нысанында жүзеге асырылады.
5. КЕПIЛДIКТIҢ ҚОЛДАНЫЛУ КҮШIНIҢ МЕРЗIМI
18. Егер кепiлдiк берiлгеннен кейiн алты ай iшiнде несиенi игеру басталмаса және несие келiсiмiнде өзгеше көзделмеген болса, Қаржы министрлiгi берiлген кепiлдiктi жою жөнiнде шешiм шығарады.
19. Кепiлдiктi жою туралы шешiмге Қаржы министрi, болмаса оның орнындағы адам қол қояды.
Кепiлдiктiң жойылғаны туралы ақпарат қарызгер банкке берiледi.
20. Мемлекеттiк кепiлдiктiң қолданылу күшi ол арқылы қамтамасыз етiлген мiндеттеменiң тоқтатылуымен бiрге тоқтатылады, бұл iшкi займ алушыны оның мiндеттемелерiнiң кепiлдiк өтемiне жұмсалған қаржыларды өтеуден босатпайды.
21. Қолданылу күшi жоқ кепiлдiктердiң түпнұсқа даналары оларды алушылар арқылы Қаржы министрлiгiне қайтарылуға тиiс.
22. Кредитор (жеткiзушi) ауыстырылған жағдайда бұл кепiлдiк жойылады. Жаңа кепiлдiк өзгерген жағдайларды ескере отырып, қайта қаралғаннан кейiн берiлуi мүмкiн.
6. БАҚЫЛАУ
23. Қазақстан Республикасының Қаржы министрлiгi займ алушылар мен өкiлеттi банктердiң шетелдiк кредиторлар алдындағы мемлекеттiк кепiлдiк берген мiндеттемелерiнiң мезгiлiнде және толық орындалуына бақылауды жүзеге асырады.
24. Қазақстан Республикасының Қаржы министрлiгi өкiлеттi банктер мен займ алушылардың несие келiсiмдерiнде бюджеттен тыс көздерден жұмсау көзделген, кепiлдiк берiлген төлемдердiң орнын толтыруға бюджеттен жұмсалған шығындарды өтеу жөнiндегi мiндеттемелерiнiң атқарылуын бақылауды жүзеге асырады.
7. СЫРТҚЫ ҚАРЫЗДЫ ӨТЕУ ҮШIН ЖАУАПКЕРШIЛIК
25. Займ алушыларға, сондай-ақ тартылып отырған несиеге қызмет көрсететiн және пайдаланылған шетелдiк несиелердi мезгiлiнде және толық өтеу және оның iлеспе шығындарын төлеу жөнiндегi өзiнiң мiндеттемелерiн орындамайтын банктерге Қазақстан Республикасының қолданылып жүрген заңдарына сәйкес жасалған шарттар мен келiсiмдерде көзделген санкциялар қолданылады.
