Қазақстан Республикасының визаларын беру тәртiбi туралы
НҰСҚАУЛЫҚ
1-бап
Шетелдiк азаматтардың Қазақстан Республикасына келуiне және Қазақстан
Республикасынан кетуiне, егер Қазақстан Республикасының тиiстi елмен
келiсiмi арқылы басқаша тәртiп белгiленген болмаса, Қазақстан
Республикасының визалары болған жағдайда жарамды шетелдiк паспорттары
бойынша немесе олардың орнына жүретiн құжаттары бойынша рұқсат етiледi.
2-бап
Визалардың санаттары, оларды кiмнiң беретiнi
және кiмге берiлетiнi туралы
Визалар мынадай санаттарға бөлiнедi:
1) дипломатиялық
2) қызметтiк
3) жәй
4) жеке
5) туристiк
6) оқуға
7) жұмысқа
8) емделуге
9) тұрақты тұруға
1. Дипломатиялық визалар
Дипломатиялық визаларды Қазақстан Республикасының Сыртқыiсминi, ҚР Сыртқыiсминiнiң консулдық пункттерi және шет елдердегi ҚР консулдық мекемелерi дипломаттық паспорты бар адамдарға:
- дипломаттарға - Қазақстан Республикасындағы шет елдiк дипломатиялық өкiлдiктердiң, консулдық мекемелердiң мүшелерiне және халықаралық ұйымдардың өкiлдерiне;
- жоғарыда аталған санаттағы адамдардың отбасы мүшелерiне;
- шетелдiк дипломатиялық курьерлерге;
- шетелдiк азаматтарға - үкiмет, парламент мүшелерiне, Қазақстан Республикасы таныған мемлекеттердiң көрнектi қоғамдық және саяси қайраткерлерiне;
- шетелдiк дипломаттарға, штат есебiндегi консулдар мен олардың отбасы мүшелерiне, сондай-ақ егер бұл адамдардың барлығы да Қазақстан Республикасы таныған мемлекеттердiң азаматтары болып табылатын болса, Қазақстан Республикасы арқылы үшiншi бiр мемлекеттерге транзитпен өтiп бара жатқан дипломатиялық курьерлерге;
- дипломатиялық визаның берiлуi қажет деп табылған жағдайда олардың ұлттық паспорт ұсынған кезiнде Қазақстан Республикасына бара жатқан немесе Қазақстан Республикасы арқылы транзитпен өтiп бара жатқан басқа да шетелдiк азаматтарға бередi.
Дипломатиялық визалар:
- Қазақстан Республикасында дипломатиялық өкiл ретiнде танылмайтын адамдар дипломаттық паспорт ұсынған жағдайларда;
- егер олардың дипломаттық паспорты жоқ болған жағдайда дипломатиялық поштаны апара жатқан адамдарға берiлмейдi. Мұндай жағдайларда оларға қызметтiк виза берiледi.
2. Қызметтiк визалар
Қызметтiк визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде Қазақстан Республикасының Сыртқыiсминi, ҚР Сыртқыiсминiнiң консулдық пункттерi, шет елдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың Iшкi iстер басқармалары (IIБ) және Алматы қаласының Қалалық iшкi iстер басқармасы (ҚIIБ):
- Қазақстан Республикасындағы шет елдiк дипломатиялық өкiлдiктер мен консулдық мекемелердiң қызметтiк және техникалық персоналына жататын адамдарға;
- Қазақстан Республикасындағы шет елдiк дипломатиялық өкiлдiктер мен консулдық мекемелердiң қызмет көрсетушi персоналына жататын шетелдiк азаматтарға;
- жоғарыда аталған санаттағы адамдардың отбасы мүшелерiне;
- егер олардың дипломаттық паспорты болмаған жағдайда дипломатиялық поштаны тасушы адамдарға;
- Қазақстан Республикасына қызметтiк немесе қоғамдық iстер бойынша Қазақстан Республикасы таныған министрлiктердiң, ведомстволардың, ұйымдардың, мекемелердiң, кәсiпорындардың, компаниялардың, фирмалардың және басқа да заңды ұйымдардың тапсыруымен, олардың ұсынған паспорттарының санатына қарамастан, олардың сапарының қызметтiк сипатын растайтын Президент Әкiмшiлiгiнiң, Үкiметтiң, Қазақстан Республикасы Парламентiнiң, министрлiктердiң, ведомстволардың, мемлекеттiк ұйымдардың, мекемелердiң, кәсiпорындардың шақыруы болған жағдайда шетелдiк азаматтарға бередi.
3. Жәй визалар
Жәй визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде Қазақстан Республикасының Сыртқыiсминi, шет елдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың IIБ және Алматы қаласының ҚIIБ:
- Қазақстан Республикасында тiркелген мемлекеттiк емес ұйымдардың, компаниялардың, фирмалар мен басқа да заңды ұйымдардың шақыруларын алған жағдайда және жеке сипаттағы iскерлiк мақсаттармен Қазақстан Республикасына бет алған, сондай-ақ сонда жүрген шетелдiк азаматтарға және азаматтығы жоқ адамдарға бередi.
Алматы қаласының ҚIIБ мен Алматы облысының IIБ қоспағанда, облыстардың IIБ ҚР Сыртқыiсминi консулдық мекемелерi берген алғашқы визалар болмаған жағдайда оларды ұзарту құқығынсыз 1 апта мерзiмге кету визаларын бере алады.
4. Жеке визалар
Жеке визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде шет елдердегi Қазақстан Республикасы Сыртқыiсминiнiң консулдық мекемелерi, сондай-ақ Қазақстан Республикасының Iшкiiiсминi, облыстардың IIБ және Алматы қаласының ҚIIБ Қазақстанға жеке шақырулар бойынша, демалуға және жеке сипаттағы басқа да мақсаттар бойынша туысқандары мен таныстарына қонаққа келетiн шетелдiк азаматтарға және азаматтығы жоқ адамдарға бередi.
Ерекше жағдайларда жеке визалар дәрiгер куәландырған халықаралық телеграммасы болған кезде Қазақстан Республикасына туысқандарының қазасына келе жатқан шетелдiк азаматтарға және азаматтығы жоқ адамдарға берiлуi мүмкiн.
5. Туристiк визалар
Туристiк визаларды Қазақстан Республикасы Сыртқыiсминiнiң шет елдердегi консулдық мекемелерi, тек қана туристiк құжаттары бар және оларды Қазақстан Республикасының Жастар iстерi, туризм және спорт жөнiндегi министрлiгiнiң тиiстi санаттағы лицензиясына ие Қазақстан Республикасы туристiк ұйымының қабылдайтыны туралы растайтын құжаты бар адамдарға бередi.
Туристiк визалар 30 күннен аспайтын мерзiмге берiледi және тек ерекше жағдайларда ғана (туристiң науқастануы, табиғи апаттар, төтенше жағдайлар және т.б.) Қазақстан Республикасының Iшкiiсминiнде, облыстардың IIБ және Алматы қаласының ҚIIБ-сiнде ұзартылуы мүмкiн.
6. Оқуға визалар
Оқуға визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде Қазақстан Республикасының Сыртқыiсминi, шет елдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың IIБ және Алматы қаласының ҚIIБ белгiленген тәртiпте ресiмделген шақырулары болған жағдайда Қазақстанға оқуға, оқу практикасына, тағлымдамаға және т.б. бара жатқан адамдарға бередi.
Оқуға визаларды айрықшалық ретiнде шет елдерде ҚР визаларын беруге өкiлеттi консулдық мекемелер болмаған жағдайда ҚР Сыртқыiсминiнiң консулдық пункттерi бере алады.
7. Емделуге визалар
Емделуге визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде Қазақстан Республикасының Сыртқыiсминi, шет елдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың IIБ және Алматы қаласының ҚIIБ белгiленген тәртiпте ресiмделген шақырулары немесе шақыруларды растайтын өзге құжаттар болған жағдайда Қазақстанға емделуге, медициналық қаралуға, консультацияларға және басқа да осындай мақсаттармен баратын адамдарға бередi.
Жедел түрде медициналық жәрдем беру қажет болатын айрықша реттерде емделуге визаларды ҚР Сыртқыiсминiнiң консулдық пункттерi бере алады.
8. Жұмысқа визалар
Жұмысқа визаларды Қазақстан Республикасы Сыртқыiсминi консулдық мекемелерiнiң алғашқы визалары негiзiнде шет елдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың IIБ және Алматы қаласының ҚIIБ белгiленген тәртiпте ресiмделген шақырулар мен ҚР Еңбек министрлiгiнiң шақырушы ұйымдарға шетелдiк жұмысшы күшiн тартуға құқық беретiн лицензиясы бар болған жағдайда Қазақстан Республикасына жұмысқа бара жатқан адамдарға бередi. Лицензияға қоса Қазақстанға жұмысқа тартылған адамдардың паспорттық деректерi бар тiзiм мiндеттi түрде берiлуге тиiстi.
Жұмысқа визаларды шет елдерде визалар беруге өкiлеттi ҚР консулдық мекемесi болмаған жағдайда ҚР Сыртқыiсминiнiң консулдық пункттерi бере алады.
9. Тұрақты тұруға визалар
Тұрақты тұруға келу үшiн визаларды ҚР Сыртқыiсминiнiң растауы және
белгiленген тәртiпте ресiмделген басқа да қажеттi құжаттар болған жағдайда
Қазақстан Республикасының шет елдердегi консулдық мекемелерi бередi.
3-бап
Дипломатиялық визаларды қоспағанда, барлық санаттағы визаларды
Қазақстан Республикасының Iшкiiсминi, облыстардың IIБ және Алматы
қаласының ҚIIБ):
- белгiленген тәртiпте ресiмделген құжаттардың негiзiнде әртүрлi
мақсаттар бойынша одан тысқары жерге кететiн жағдайда Қазақстан
Республикасында тұрақты тұратын шетелдiк азаматтарға және азаматтығы жоқ
адамдарға бередi.
4-бап
Визалардың түрлерi
1. Визалар түрлерi бойынша былай бөлiнедi:
- келу;
- келу-кету;
- кету;
- кету-келу;
- транзиттiк.
Дипломатиялық, қызметтiк, қарапайым, жеке визалар, жұмысқа визалар - келу, келу-кету, кету, кету-келу визалары ретiнде;
Оқуға визалар - келу, кету-келу визалары ретiнде;
Туристiк визалар және емделуге визалар - келу-кету визалары ретiнде;
Тұрақты тұруға келу үшiн визалар - келу визалары ретiнде берiле алады.
2. Келу визалары:
а) Қазақстан Республикасында аккредиттелген немесе тiркелген дипломатиялық өкiлдiктерде, консулдық мекемелерде және басқада халықаралық өкiлдiктерiне жұмыс iстеу үшiн Қазақстан Республикасына бiр жылдан астам уақытқа келетiн шетелдiк азаматтарға және олардың отбасы мүшелерiне;
б) Қазақстан Республикасында оқуға, жұмысқа және т.б. үш айдан астам уақытқа, сондай-ақ тұрақты тұруға келетiн шетелдiк азаматтарға және азаматтығы жоқ адамдарға берiледi.
Келу визалары - берiлген күннен бастап қолданыс мерзiмi 3 айдан аспайтын уақытқа, ал тұрақты тұруға келетiндеге - 6 айдан аспайтын уақытқа берiледi.
3. Келу-кету визалары Қазақстанға екi жылдан аспайтын мерзiмге келе жатқан шетелдiк азаматтарға және азаматтығы жоқ адамдарға берiледi.
4. Кету визалары:
а) шетелдiк азаматтарға - олардың қызмет мерзiмiнiң аяқталуына байланысты Қазақстан Республикасынан кететiн кезiнде 2 "а" тармақта көрсетiлген өкiлдiктер қызметкерлерiне және олардың отбасы мүшелерiне;
б) олардың жұмысы, оқуы аяқталған соң немесе басқа да себептер бойынша Қазақстан Республикасынан түпкiлiктi кетуiмен байланысты шетелдiк азаматтарға және азаматтығы жоқ адамдарға, сондай-ақ Қазақстан Республикасынан басқа елдерге тұрақты тұруға кететiн адамдарға берiледi.
Кету визалары - берiлген күннен бастап қолданыс мерзiмi 3 айдан аспайтын уақытқа, ал тұрақты тұруға кететiндерге - 6 айдан аспайтын уақытқа берiледi.
5. Кету-келу визалары Қазақстан Республикасындағы шетелдiк дипломатиялық консулдық және басқа да өкiлдiктердiң қызметкерлерiне, сондай-ақ Қазақстанға жұмысқа, оқуға және т.б. iссапарға жiберiлген, Қазақстан Республикасының шегiнен уақытша кететiн шетелдiк азаматтар мен азаматтығы жоқ адамдарға және олардың отбасы мүшелерiне берiледi.
6. Транзиттiк визалар баратын елiнiң визалары мен жол жүру билетi
болған кезiнде олардың визасыз транзит құқығы жоқ болған жағдайларда
Қазақстан Республикасының аумағы арқылы өту үшiн шетелдiк азаматтарға және
азаматтығы жоқ адамдарға берiледi.
Транзиттiк визалар үш тәулiкке дейiнгi мерзiмге берiледi.
Ескерту: Екi тарапқа да транзиттiк визалардың берiлуi қажет
болған жағдайда кету күнi мен шекарадан екiншi
қайтара өту күнi көрсетiлген екi транзиттiк виза
берiледi.
5-бап
Көп мәртелiк визалар
1. Көп мәртелiк визалар Қазақстан Республикасына көп мәрте келу және Қазақстан Республикасынан көп мәрте кету құқығын бередi және қолданыс мерзiмi екi жылға дейiн уақытқа екi мәртелiк, үш мәртелiк және одан көп мәртелiк болып бөлiнедi.
2. Көп мәртелiк визаларды шетелдiк азаматтарға және азаматтығы жоқ адамдарға Президент Әкiмшiлiгiнiң, Үкiметтiң, Қазақстан Республикасы Парламентiнiң, министрлiктердiң, ведомстволардың, мемлекеттiк ұйымдардың, мекемелердiң, кәсiпорындардың және Қазақстан Республикасында тiркелген басқа да заңды ұйымдардың ұсынуымен бастапқы визалары болған жағдайда Қазақстан Республикасының Сыртқыiсминi, шетелдердегi ҚР консулдық мекемелерi, сондай-ақ Қазақстан Республикасының Iшкiiсминi, облыстардың IIБ және Алматы қаласының ҚIIБ бередi.
Қазақстан Республикасының аумағында көп мәртелiк визаларды:
- Президент Әкiмшiлiгiнiң, Үкiметтiң, Қазақстан Республикасы Парламентiнiң, министрлiктердiң, ведомстволардың, мемлекеттiк ұйымдар мен мекемелердiң, кәсiпорындар мен басқа да мемлекеттiк заңды ұйымдардың, сондай-ақ Қазақстан Республикасында аккредиттелген дипломатиялық,
консулдық және өзге де шетелдiк өкiлдiктердiң ұсынуымен - Қазақстан
Республикасының Сыртқыiсминi;
- мемлекеттiк және мемлекеттiк емес ұйымдардың, мекемелердiң,
кәсiпорындар мен басқа да заңды ұйымдардың ұсынуымен - Қазақстан
Республикасының Iшкiiсминi, облыстардың IIБ және Алматы қаласының ҚIIБ
бередi.
6-бап
Топтық визалар
1. Топтық визалар жеке визаларды ресiмдеуде қиындықтар туған жағдайда немесе басқа да әдейi себептер бойынша шетелдiк азаматтар тобының Қазақстан Республикасына ұйымдасқан түрде келуi немесе Қазақстан Республикасының аумағы арқылы транзиттiк өтуi кезiнде берiледi. Мұндай визаларды беру үшiн топтың барлық мүшелерiнiң топ құрамында Қазақстан Республикасына келуi кезiнде және Қазақстан Республикасынан кетер кезiнде бiр мезгiлде БӨП-ке жиналуы, қандай да бiр пунктке келуi және Қазақстан Республикасының аумағын арқылы жүрiп-тұруы мiндеттi шарт болып табылады.
Топтық визаларды, егер ерекше келiсiмдерде өзге жағдай көзделмеген болса,
консулдық мекемелер тек Қазақстан Республикасы Сыртқыiсминiнiң құзырлы
органдармен келiсiлген рұқсаты бойынша ғана бередi.
Топтық визалар алфавиттiк рет бойынша мынадай нысанда
жасақталған атаулы тiзiмдермен ресiмделедi:
__________________________________________________________________
| N | Тегi, аты | Туған күнi, айы | Жынысы | Паспорт | Азаматтығы |
| | | және жылы | | нөмiрi | |
|___|___________|_________________|________|_________|____________|
|___|___________|_________________|________|_________|____________|
Виза жеке парақ қағазына жапсырылады және осы Нұсқаулықтың 7-бабына сәйкес толтырылады. "Паспорттың N/раssроrt N" бағанына "топтық" деп жазылады, "қосымша мәлiметтер/аdditiоnаl information" бағанында тiзiм бойынша келетiн адамдардың саны көрсетiледi. Мысалы: "10 адамдық тiзiм қоса берiлiп отыр".
Виза қойылған парақтың төменгi жағына мынадай жазба жасалады:
"Осы виза қоса берiлетiн тiзiмде көрсетiлген (________________
тегiнен басталып ________________ тегiмен аяқталатын) әрбiр адамның БӨП-те
паспортын немесе жеке басын куәландыратын фотосуретi бар өзге құжатын
ұсынған кезiнде ғана жарамды".
Виза қойылған парақ консулдық мекеме мөрiмен расталған тiзiммен бiрге
жоғарғы сол жақ бұрышын бүктеу арқылы тiгiледi.
Визаны берген адам тiзiмнiң төменгi жағына қол қояды (лауазымы мен
тегiн көрсетумен бiрге), қойылған қол консулдық мекеменiң мөрiмен
расталады.
Виза мен тiзiм (20 адамнан аспайтын) үш данада түзiледi, олардың
бiреуi (түпнұсқасы) - топ жетекшiсiнiң қолында қалады, екiншiсi
(ксерокөшiрмесi) - Қазақстан Республикасына келген кезде БӨП-ке
тапсырылады, үшiншiсi (ксерокөшiрмесi) - шет елдегi визаны берген
консулдық мекемеде қалады.
Тiзiмдерге түзетулер мен толықтырулар енгiзуге болмайды!
7-бап
Визаларды ресiмдеу
1. Барлық санаттардың визалары жапсырма түрiнде орындалған. Виза сериясы мен нөмiрi бiрдей визаның өзiнен және оның көшiрмесiнен тұрады.
2. Әрбiр визада оны беретiн мекеменiң нөмiрi болуға тиiс және оған қол қойылуға тиiс. Қазақстан Республикасы Сыртқыiсминi әдетте қажетiне қарай Қазақстан Республикасы Iшкiiсминiне және Қазақстан Республикасының шет елдегi консулдық мекемелерiне жылына сирек дегенде бiр рет олардың келесi жылға реттiк нөмiрiн хабарлайды.
Виза қолмен толтырылады.
Күнi, айы және жылы санмен жазылады, мысалы: 02.02.1995.
3. ДВ (дипломатиялық), ҚВ (қызметтiк) және ЖВ (жәй және тағы басқа) серияларының келу визалары берiлер кезде "шығу/ехit" сөзi сызылып тасталады.
Келу визалары берiлген күнiнен бастап 3 айдан аспайтын, ал тұрақты мекенге келушiлерге 6 айдан аспайтын қолданыс мерзiмiне берiледi.
ДВ (дипломатиялық), ҚВ (қызметтiк) және ЖВ (жәй және тағы басқа) серияларының кету визалары берiлер кезде "кiру/еntrе" сөзi өшiрiледi және "басталу мерзiмi/vаlid from" мен "аяқталу мерзiмi/vаlid until" бағандарында визаның қолданыс мерзiмi қойылады.
4. Келу-кету визалары берiлер кезде "басталу мерзiмi/vаlid from" сөздерiнен соң виза күшiне кiретiн күн қойылады, ал "аяқталу мерзiмi/vаlid until" сөздерiнен соң визаның күшi аяқталатын күн қойылады.
Сондай-ақ келу-кету визалары берiлер кезде екi күн қойылады - визаның қолданыс мерзiмi басталатын күн және оның күшi аяқталатын күн.
5. Бiр адамға берiлетiн визада "өзiмен бiрге/ассмраniеd by" бағанына сызықша қойылады.
Егер иесiнiң паспортына оның отбасы мүшелерi енгiзiлген болса, онда "өзiмен бiрге/ассомраniеd by" бағанында олардың саны жазбаша көрсетiледi және жақшаның iшiнде (паспорт бойынша), мысалы: "бiр бала (паспорт бойынша)", "екi бала (паспорт бойынша)" және т.б. көрсетiледi.
Егер отбасы мүшелерi иесiнiң паспортына жазылмаған болса, оның орнына өздерiнiң меншiктi жол жүру құжаттары болғанда олардың саны көрсетiледi, ал жақшаның iшiнде (жеке) деп жазылады. Мысалы, "бiр бала (жеке)", ал "қосымша мәлiметтер/аdditiоnаl information" бағанында баланың жол жүру құжатының түрi және нөмiрi көрсетiледi. Егер паспорттың иесiмен бiрге алғанда өздерiнiң жол жүру құжаттары бар балалар үшеуден көп болса, онда оларға жеке визалар берiледi, олардағы "қосымша мәлiметтер/аdditiоnаl information" бағанында оларды алып жүрген адамның паспортының түрi және нөмiрi көрсетiледi.
6. ДВ (дипломатиялық), ҚВ (қызметтiк) және ЖВ (жәй және тағы басқа) сериялары визаларында "шақырылған мекеме/inviting organization" бағанында мiндеттi түрде шақырушы ұйымның аты көрсетiледi, мысалы: "ҚР Қаржы министрлiгi", "Атасу" фирмасы" және т.б.
"Жеке" виза санаты жағдайында "шақырған мекеме/inviting organizanion"
бағанында шақырудың нөмiрi көрсетiледi.
7. Визаның қолданыс мерзiмiн ұзарту жаңа визаны беру жолымен
және "қосымша мәлiметтер/аdditiоnаl information" бағанына қолданыс
мерзiмi бiткен виза нөмiрiнiң көрсетiлуiмен жасалады, мысалы:
"N 0000000 визасын ұзарту".
Ескерту: "қосымша мәлiметтер/аdditiоnаl information" бағанына
мына төмендегi сияқты қажеттi мәлiметтердi де енгiзуге
болады:
- паспорт иесi мiнетiн көлiк құралының түрi және
нөмiрi, мысалы: "АК-00000 "Фольксваген" жеңiл
автомобилiмен жүредi";
- егер виза жақын туысқандарының бiрiнiң қайтыс
болғанын растайтын, куәландырылған телеграмманың
негiзiнде берiлген болса телеграмманың күнi және
нөмiрi;
- шет елдiк азаматтар мен азаматтығы жоқ адамдардың
баруы үшiн жабық елдi мекеннiң аты, ҚР Сыртқыiсминiнiң
растауының уақыты мен нөмiрi, егер аталған санаттағы
адамдардың оған баратын ниетi болған жағдайда, мысалы:
"Курчатов қ, N 3272 11.03.96 ж."
- басқа да қосымша мәлiметтер.
Қосымша мәлiметтер болмаған жағдайда аталған баған толтырылмайды.
8. ЖВ (жәй және тағы басқа) сериясының визаларындағы визаның санатын
анықтайтын жазба "санаты/саtеgоrу" бағанында қолдан жасалады, мысалы:
"оқуға", "туристiк" және т.б.
9. ДВ (дипломатиялық), ҚВ (қызметтiк) және ЖВ (жәй және тағы басқа)
серияларының визаларындағы көп мәртелiк визалар берiлер кезде
"мәртесi/еntriеs" бағанындағы қажет емес белгiлер сызылып тасталады.
10. Визаның мәтiнiне түзетулер жасауға болмайды. Мәтiнi түзетiлген
немесе осы бапта көрсетiлгеннен өзгеше түрде ресiмделген визалар жарамсыз
деп саналады.
8-бап
Визаланатын құжаттарға қойылатын талаптар
Шетелдiк азаматтарға және азаматтығы жоқ адамдарға визалар күшi бар шетелдiк паспорттарды немесе оларды ауыстыратын, солардың түпнұсқа екендiгi және иесiне тиесiлiгi күдiк тудырмайтын құжаттарды көрсеткен кезде берiледi.
Паспорттық құжаттардағы ескерiлмеген тазартып өшiрулер мен түзетулер, мөрмен куәландырылмаған фотосуреттер мен сөгiлген беттер табылған жағдайда мұндай құжаттардың иелерiне визалар берiлмейдi.
Жалған құжаттардың немесе оларда жасалған ескерiлмеген түзетулердiң себебiмен визаларды беруден бас тартқан жағдайлар туралы Қазақстан Республикасының Сыртқы iстер министрлiгiне мәлiмдеу қажет.
9-бап
Визаларды берудiң жалпы тәртiбi
Қазақстан Республикасына келу визаларын Қазақстан Республикасының дипломатиялық өкiлдiктерi және консулдық мекемелерi немесе жеке жағдайларда Қазақстан Республикасының осыған арнайы өкiлеттiк берiлген өкiлдерi бередi.
1. Қазақстан Республикасына келу визаларын беруге қабылдаушы тараптың (Президенттiң Әкiмшiлiгi, Үкiмет, Парламент, министрлiктер, ведомстволар, ұйымдар, кәсiпорындар, мекемелер және Қазақстан Республикасында тiркелген басқа да заңды тұлғалар, сондай-ақ жеке адамдар) ұлттық қауiпсiздiк органдарымен белгiленген тәртiпте ресiмделген және келiсiлген, егер өзгесi Қазақстан Республикасының халықаралық шарттарында және келiсiмдерiнде көзделмеген болса, жазбаша шақыруы негiз болып табылады.
2. Шет ел азаматының визаны беру туралы өтiнiшi алынған соң консулдық мекеме Қазақстаннан келген шақырудың бар-жоғын, сұралып отырған визаның қолданыс мерзiмi бiткен соң қолданыс мерзiмi алты айдан ерте емес уақытта аяқталуға тиiстi ұсынылған паспорттық құжаттың түпнұсқа екендiгiн, виза анкетасының толтырылуының дұрыстығын тексередi және өтiнiш берушiден шешiм қабылдау үшiн қажет болуы мүмкiн басқа да мәселелердi анықтайды.
3. Өтiнiштi зерттеу барысында мыналарды iстеу қажет:
а) өтiнiш берушiнiң "ТМД аумағына келуге рұқсаты жоқ
адамдардың тiзiмiне" жатпайтынын;
б) виза анкетасының сұрақтарына берiлген жауаптардың
мазмұнын паспорттық құжаттың көрсеткiштерiмен және
өтiнiш берушiмен әңгiме барысында немесе басқа да
көздерден алынған мәлiметтермен салыстыру;
в) өтiнiш берушiнiң паспорттық құжаты оған тұрақты
тұратын елiне қайтуға немесе Қазақстан Республикасына
барып-қайтқан соң басқа елге баруына құқық беретiнiн
анықтау;
г) ұлттық қауiпсiздiк органдарымен Қазақстан
Республикасына келу визасын беру мүмкiндiгiн келiсу
(Сыртқыiсминi шетелдiк мекемелерi үшiн - Бас консулдық
басқармасы арқылы).
4. Зерттеу нәтижесiнде консулдық мекеме осы Нұсқаулықты басшылыққа ала отырып, визаларды беру немесе бермеу туралы шешiм қабылдайды.
Ескерту: Шет елдегi ҚР консулдық мекемесiнiң сұрауына жауап
болмаған, Қазақстан Республикасы Сыртқыiсминiнен басқа
нұсқау болмаған жағдайда бiр мәртелi виза сұрау
жiберiлген соң, жетi күннен кейiн берiле алады. Көп
мәртелi виза растаусыз берiлмейдi.
5. Консулдық мекеме "ТМД аумағына келуге рұқсаты жоқ адамдардың тiзiмiне" енгiзiлген шет ел азаматтарына визаларды беруден бас тартады және мұнымен бiр мезгiлде осындай адамдардың виза алғысы келетiн өтiнiшi туралы келуге болмайтыны жайындағы циркулярлық хаттың нөмiрi мен уақытына сiлтеме жасай отырып, Қазақстан Республикасының Сыртқыiсминiне мәлiмдейдi.
Визаларды беруден бас тартудың себептерi өтiнiш жасаған адамдарға хабарланбайды.
6. Консулдық мекеме "ТМД аумағына келуге рұқсаты жоқ адамдардың тiзiмi" бойынша Қазақстан Республикасы Сыртқыiсминiнiң визаларды беру туралы нұсқаулары түсiп қойған шет ел азаматтарын да тексередi. Егер бұл адамдар осы тiзiмге жататын болса Қазақстан Республикасы Сыртқыiсминiнiң қосымша растауы сұралады.
7. Шет елдегi ҚР консулдық мекемелерiнде тұрған "ТМД аумағына келуге
рұқсаты жоқ адамдардың тiзiмiне" өзгерiстер Қазақстан Республикасы
Сыртқыiсминiнiң нұсқауы бойынша жасалады.
8. Шет ел азаматына және азаматтығы жоқ адамға келу визасы мына
жағдайларда берiлмейдi:
а) мемлекеттiк қауiпсiздiктi, қоғамдық тәртiптi немесе
халықтың денсаулығын сақтауды қамтамасыз ету
мүдделерiнде;
б) егер ол Қазақстан Республикасының егемендiгiне қарсы
сөйлейтiн, оның аумағының бiрлiгiн және тұтастығын
бұзуға шақыратын болса;
в) егер ол мемлекетаралық, ұлтаралық және дiни өшпендiлiктi
қоздыратын болса;
г) егер бұл Қазақстан Республикасы азаматтарының және басқа
адамдардың құқықтары мен заңды мүдделерiн қорғау үшiн
қажет болса;
д) егер ол террорлық қызмет үшiн сотталған немесе сот оны
аса қауiптi рецидивист деп таныған болса;
е) егер ол бұдан бұрын Қазақстан Республикасынан қуылған
болса;
ж) егер Қазақстан Республикасында бұрын болған кезiнде оның
Қазақстан Республикасындағы шет ел азаматтарының
құқықтық жағдайы туралы заңды, республиканың кедендiк,
валюталық немесе өзге заңдарын бұзғаны анықталған болса;
з) егер келу туралы өтiнiш беру кезiнде ол өзi туралы жалған
мәлiметтер берген немесе қажеттi құжаттарды ұсынбаған
болса;
и) Қазақстан Республикасының заңдарында көзделген өзге де
жағдайлар.
9. Шет ел азаматына және азаматтығы жоқ адамға кету визасы мынадай
жағдайларда берiлмейдi:
а) егер оны қылмыстық жауапкершiлiкке тарту үшiн негiздер
болса - iстiң жүргiзiлуi тоқтағанша;
б) егер ол жасаған қылмыстары үшiн сотталған болса - жазасын
өтегенше немесе жазадан босағанша;
в) егер ол оған сот жүктеген мiндеттемелердi орындаудан
жалтаратын болса - мiндеттемелер орындалғанша;
г) Қазақстан Республикасының заңдарында белгiленген өзге де
негiздер бойынша.
10-бап
Визалардың қолданыс мерзiмiн ұзарту
1. Қазақстан Республикасының аумағында шет ел мемлекеттерiнiң ресми делегациялары, министрлiктерi және ведомстволары делегацияларының мүшелерiне, сондай-ақ Қазақстан Республикасына, Қазақстан Республикасы Президентi Әкiмшiлiгiнiң, Үкiметiнiң, Парламентiнiң, министрлiктерiнiң, ведомстволарының және Қазақстан Республикасының басқа да мемлекеттiк органдарының шақыруы бойынша келген басқа да адамдарға берiлген дипломатиялық, қызметтiк және жәй визаларды Қазақстан Республикасының Iшкi iстер министрлiгi ұзартады.
Визалардың барлық санаттары, дипломатиялық және туристiк визаларды қоспағанда, сондай-ақ шет ел мемлекеттерiнiң ресми делегацияларының мүшелерiне берiлген визаларды Қазақстан Республикасының Iшкiiсминi, облыстардағы IIБ және Алматы қаласының ҚIIБ ұзартады.
Қазақстан Республикасының аумағындағы визаларды ұзарту кезiнде мекемелермен қосымша келiсу талап етiлмейдi.
2. Қазақстан Республикасынан тысқары жерлерде визаларды Қазақстан Республикасының Сыртқыiсминiмен келiсу бойынша консулдық мекемелер ұзартады.
Қазақстан Республикасы Сыртқыiсминiнiң нұсқауы бойынша берiлген, пайдаланылмаған визаның қолданыс мерзiмiн ұзарту үшiн Қазақстан Республикасы Сыртқыiсминiнiң қосымша рұқсаты талап етiледi.
Бұл туралы жасалған сұрауда визаның пайдаланылмаған себебi көрсетiлуге тиiс.
3. Шет ел азаматтарының Қазақстан Республикасына келуiнiң және
болуының нақты күндерi көрсетiлген визаларды беруге ҚР Сыртқыiсминiнiң
консулдық мекемеге беретiн рұқсаттары солардағы көрсетiлген мерзiмдер
бiткен соң күшiн жояды.
Шет ел азаматтарының келуiнiң және кетуiнiң нақты күндерi
көрсетiлмеген, олардың Қазақстан Республикасында болуының ұзақтығы ғана
анықталған рұқсаттар ҚР консулдық мекемесi осындай рұқсатты алған сәтiнен
бастап үш ай бойында күшiнде болады.
11-бап
Визаларға қол қою құқығы
Визаларға қол қоюшылар:
- Қазақстан Республикасы Сыртқыiсминi осыған өкiлеттiк берген
жедел-дипломатиялық қызметкерлер, сондай-ақ елшiлер және
шет елдегi консулдық мекемелердiң басшылары;
- Қазақстан Республикасы Iшкiiсминi Паспорт және виза
жұмысы басқармасының (бөлiмдерiнiң), облыстардың, IIБ,
Алматы қаласы ҚIIБ бастықтары немесе олардың
орынбасарлары.
ҚР шет елдегi консулдық мекемелерi Қазақстан Республикасының
Сыртқыiсминiне визаларға қол қоюға өкiлеттiк берiлген адамдар туралы
(тегi, аты, әкесiнiң аты, қызметi және қолының үлгiсi) мәлiмдейдi.
12-бап
Берiлетiн визалардың есебiн жүргiзу
1. Ресiмделген визалар туралы мәлiметтер дипломатиялық, қызметтiк (жәй) және транзиттiк визалар есебiнiң журналдарына енгiзiледi (N 1 қосымша).
Визада Қазақстан Республикасына келудiң және Қазақстан Республикасынан кетудiң нақты пункттерiн көрсеткен кезде журналда тиiстi белгiлер жасалуы қажет.
2. Шет елдегi ҚР консулдық мекемесi Қазақстан Республикасының Сыртқыiсминiне Қазақстан Республикасы Сыртқыiсминi белгiлеген тәртiпте және мерзiмде берiлген визалар туралы есеп беру материалдарын табыс етедi.
3. Бүлiнген визалық жапсырма блокта қалады, әрбiр факт бойынша тиiстi
акт жасалады.
4. Әр түрлi себептер бойынша жол жүру құжатындағы визаның күшiн
жойған жағдайда (мерзiмдердiң, санаттардың, түрiнiң өзгеруi және т.б.)
фотосуретiнен және паспорттық мәлiметтер беттерiнен ксерокөшiрмесi
түсiрiледi, сондай-ақ күшiн жойған виза бар бет түсiрiледi. Мұның
барысында тиiстi акт жасалады.
Қазақстан Республикасы Қазақстан Республикасы
Сыртқы iстер министрлiгi Бас Iшкi iстер министрлiгi Паспорт
Консулдық Басқармасы және виза жұмысы бас
басқармасы
N 1 қосымша
_____________________________________________________________________
Рет.|Виза|Аза.|Тегi,|Туған|Пас.|Шақы.|Виза|Виза|Мөр. |Визаның|Консул.|
тiк | N |мат.|аты |жылы,|порт|рушы |са. |түрi|телiк|қолда. |дық |
N | |тығы| |айы | N |тарап|на. | | |нылу |алым |
| | | | | | |ты | | |кезеңi | |
____|____|____|_____|_____|____|_____|____|____|_____|_______|_______|
