Құжаттың мәтінінде түпнұсқаның пунктуациясы мен орфографиясы сақталған.
"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының 2001 жылғы 23 қаңтардағы Заңының 35 бабының 2 тармағына және "Ветеринария туралы" Қазақстан Республикасының 2002 жылғы 10 шілдедегі Заңының 10-1 бабының 8) тармақшасына, Күршім ауданының бас мемлекеттік ветеринариялық-санитарлық инспекторының орынбасарының 2014 жылғы 02 желтоқсандағы №846 ұсынысына сәйкес, Абай ауылдық округінің әкімі ШЕШТІ:
1. Күршім ауданының Абай ауылдық округінің Теректібұлақ ауылында ұсақ малдар арасында бруцеллез ауруының шығуына байланысты белгіленген шектеу іс-шаралары тоқтатылсын.
2. Абай ауылдық округі әкімінің 2014 жылғы 22 сәуір "Күршім ауданының Абай ауылдық округінің Теректібұлақ ауылына шектеу іс-шараларын белгілеу туралы" (нормативтік құқықтық актілерді мемлекеттік тіркеу Тізілімінде 2014 жылғы 12 мамыр № 3306 болып тіркелген) № 1 шешімінің күші жойылды деп танылсын.
3. Осы шешімнің орындалуына бақылау жасауды өзіме қалдырамын.
| Абай ауылдық округінің әкімі | Н.Сулейменова |
