Құжаттың мәтінінде түпнұсқаның пунктуациясы мен орфографиясы сақталған.
Қазақстан Республикасының 2001 жылғы 23 қаңтардағы "Қазақстан Республикасының жергілікті мемлекеттік басқару және өзін-өзі басқару туралы" Заңының 35-бабының 2-тармағына, Қазақстан Республикасының 2002 жылғы 10 шілдедегі "Ветеринария туралы" Заңының 10.1-бабының 8-тармағына сәйкес және Ұлан ауданының бас мемлекеттік ветеринарлық- санитарлық инспекторының 2015 жылғы 19 қарашадағы № 432 ұсынысы негізінде, Алмасай ауылдық округінің әкімі ШЕШТІ:
1. Ұлан ауданы Алмасай ауылдық округінің Алмасай ауылында ірі қара малдардың арасында бруцеллез ауруына сауықтыру іс-шараларының аяқталуына байланысты, шектеу іс-шаралары алынсын.
2. "Алмасай ауылдық округі әкімінің аппараты" мемлекеттік мекемесінің 2014 жылғы 13 маусымдағы "Ұлан ауданының Алмасай ауылдық округінің Алмасай ауылына шектеу іс-шараларын белгілеу туралы" (нормативтік құқықтық акт мемлекеттік тіркеу тізілімінде 3390 нөмірімен 2014 жылғы 30 маусымда тіркелген, аудандық "Ұлан таңы" газетінің 2014 жылғы 3 маусымдағы № 45 санында жарияланған) № 4 шешімінің күші жойылсын.
3. Осы шешімінің орындалуын бақылауды өзіме қалдырамын.
4. Осы шешім алғаш ресми жарияланған күннен кейін күнтізбелік он күн өткен соң қолданысқа еңгізіледі.
| Алмасай ауылдық округінің әкімі | Н. Дутбаев |
