Приозерск қаласы әкімдігінің 2013 жыл 3 қазандағы № 27/04 "қылмыстық - атқару инспекциясы пробация қызметінің есебінде тұрған тұлғалар, сондай-ақ бас бостандығынан айыру орындарынан босатылған тұлғалар және интернаттық ұйымдардың кәмелетке толмаған түлектері үшін жұмыс орындары квотасын белгілеу туралы" қаулысының күшін жою туралы

Қарағанды облысы Приозерск қаласының әкімдігінің 2016 жылғы 4 тамыздағы № 28/4 қаулысы

Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару және өзiн-өзi басқару туралы" Заңына, 2016 жылғы 6 сәуірдегі "Халықты жұмыспен қамту туралы" Заңының 22 бабына және 2016 жылғы 8 сәуірдегі № 8/18/1629 Қазақстан Республикасы әділет министрлігі Қарағанды облысы әділет департаментінің хатына сәйкес, Приозерск қаласының әкiмдiгi ҚАУЛЫ ЕТЕДI:
1. Приозерск қаласы әкімдігінің 2013 жыл 3 қазандағы № 27/04 "Қылмыстық -атқару инспекциясы пробация қызметінің есебінде тұрған тұлғалар, сондай-ақ бас бостандығынан айыру орындарынан босатылған тұлғалар және интернаттық ұйымдардың кәмелетке толмаған түлектері үшін жұмыс орындары квотасын белгілеу туралы" (нормативтік құқықтық кесімдерді мемлекеттік тіркеудің Тізіліміне 2013 жылғы 31 қазандағы № 2411 болып тіркелген, Приозерский вестник газетінің 2013 жылдың 15 қарашасында жарияланған) қаулысының күші жойылды деп танылсын.
2. "Приозерск қаласының жұмыспен қамту және әлеуметтік бағдарламалар бөлімі" ММ басшысы А. Ким Қазақстан Республикасы Әділет министрлігі Қарағанды облысы Әділет департаментін Приозерск қаласы әкімдігінің 2013 жыл 3 қазандағы № 27/04 "қылмыстық-атқару инспекциясы пробация қызметінің есебінде тұрған тұлғалар, сондай-ақ бас бостандығынан айыру орындарынан босатылған тұлғалар және интернаттық ұйымдардың кәмелетке толмаған түлектері үшін жұмыс орындары квотасын белгілеу туралы" қаулысының күші жойылғаны туралы хабардар етсін.
3. Осы қаулының орындалуын бақылау Приозерск қаласы әкiмiнiң орынбасары Б.Ә. Қазиеваға жүктелсiн.

Приозерск қаласының әкiмі

Қ. Камзин