Құжаттың мәтінінде түпнұсқаның пунктуациясы мен орфографиясы сақталған.
"Ветеринария туралы" Қазақстан Республикасының 2002 жылғы 10 шiлдедегi Заңының 10-бабы 2-тармағының 10) тармақшасына, "Қазақстан Республикасындағы жергiлiктi мемлекеттiк басқару және өзiн-өзi басқару туралы" Қазақстан Республикасының 2001 жылғы 23 қаңтардағы Заңының 31- бабы 1-тармағының 18) тармақшасына сәйкес және Тарбағатай ауданының аумақтық бас мемлекеттiк ветеринариялық-санитариялық инспекторының 2016 жылғы 01 тамыздағы № 421 ұсынысы негiзiнде Тарбағатай ауданының әкiмдiгi ҚАУЛЫ ЕТЕДI:
1. Тарбағатай ауданының Екпін ауылдық округiнiң "Күйгенқора" учаскесіндегі шектеу iс-шаралары тоқтатылсын.
2. "Тарбағатай ауданының Екпін ауылдық округінің "Күйгенқора" учаскесіне шектеу іс-шараларын енгізе отырып ветеринариялық режимін белгілеу туралы" Тарбағатай ауданының әкімдігінің 2016 жылғы 08 қаңтардағы № 04 (нормативтік құқықтық актілерді мемлекеттік тіркеудің тізіліміне № 4379 болып енгізілген) қаулысының күші жойылды деп танылсын.
3. Осы қаулының орындалуына бақылау жасау аудан әкімінің орынбасары Қ.Мауадиновқа жүктелсін.
4. Осы қаулы қол қойылған күннен бастап күшіне енеді және қолданысқа енгiзiледi.
| Аудан әкiмi | Д.Оразбаев |
