Қазақстан Республикасының Жер кодексінің 17, 69 және 71-1 баптарына, Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 31 бабына сәйкес, Қазақстан Республикасы Энергетика Министрлігінің 2021 жылғы 23 сәуірдегі көмірсутектер бойынша жер қойнауын пайдалану құқығын беру жөніндегі аукцион нәтижелері туралы № 203095 хаттамасы негізінде, Байғанин ауданының әкімдігі ҚАУЛЫ ЕТЕДІ:
1. Байғанин ауданы, Жарқамыс ауылдық округі аумағында орналасқан "Шатырлысай" учаскесінде жалпы көлемі 6655,9 гектар жер учаскесіне жер пайдаланушылардан алып қоймай, "BSG OIL" жауапкершілігі шектеулі серіктестігімен пайдалы қазбаларды барлау үшін 6 жыл мерзімге қауымдық сервитуті белгіленсін.
2. "Байғанин аудандық жер қатынастары бөлімі" мемлекеттік мекемесі заңнамада белгіленген тәртіппен:
осы қаулыны, оны ресми жариялағаннан кейін Байғанин ауданы әкімдігінің интернет-ресурсында орналастыруды қамтамасыз етсін.
3. Осы қаулының орындалуын бақылау аудан әкімінің осы салаға жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін қолданысқа енгізіледі.
| Аудан әкімі | К. Утаров |
