Қазақстан Республикасының "Ветеринария туралы" Заңының 10-1- бабының 8) тармақшасына, Қазақстан Республикасының "Құқықтық актілер туралы" Заңының 27-бабының 1-тармағына сәйкес, Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Қарқаралы аудандық аумақтық инспекциясының бас мемлекеттік ветеринариялық-санитарлық инспекторының 2022 жылғы 07 желтоқсандағы №06-05-02-16/519 ұсынысы негізінде, ШЕШТІМ:
1. Қарқаралы ауданы Мартбек Мамыраев ауылдық округінің "Қоспақ" қыстағындағы "Свиридов" шаруа қожалығы аумағында ірі қара мал арасында қарасан ауруын жою бойынша кешендік ветеринариялық-санитарлық іс-шаралар жүргізілуіне орай белгіленген карантин алып тасталсын.
2. Қарқаралы ауданы Мартбек Мамыраев ауылдық округі әкімінің 2022 жылғы 30 қарашадағы № 9 "Карантин белгілеу туралы" шешімінің күші жойылды деп танылсын.
3. Осы шешімнің орындалуын бақылауды өзіме қалдырамын.
4. Осы шешім оның алғашқы ресми жарияланған күнінен бастап қолданысқа енгізіледі.
| Мартбек Мамыраев ауылдық округінің әкімі | Ж. Аскербекулы |
