Қазақстан Республикасы Жер кодексінің 18-бабына, 69-бабының 4-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабына сәйкес, жер комиссиясының 2022 жылғы 30 маусымдағы № 834 қорытындысы, "Қостанай қаласы әкімдігінің жер қатынастары бөлімі" мемлекеттік мекемесінің 2022 жылғы 18 шілдедегі № 791, № 792, № 793 бұйрықтарымен бекітілген жерге орналастыру жобалары негізінде Қостанай қаласының әкімдігі ҚАУЛЫ ЕТЕДІ:
1. "RICH ГРУПП" жауапкершілігі шектеулі серіктестігіне осы қаулының қосымшасына сәйкес объектілер бойынша жер учаскелеріне қауымдық сервитуттар белгіленсін.
2. "Қостанай қаласы әкімдігінің жер қатынастары бөлімі" мемлекеттік мекемесі Қазақстан Республикасының заңнамасында белгіленген тәртіппен:
1) осы қаулыны Қазақстан Республикасы нормативтік құқықтық актілерінің эталондық бақылау банкінде ресми жариялауға жіберуді;
2) ресми жарияланғаннан кейін осы қаулыны Қостанай қаласы әкімдігінің интернет-ресурсына орналастыруды қамтамасыз етсін.
3. Осы қаулының орындалуын бақылау Қостанай қаласы әкімінің жетекшілік ететін орынбасарына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Әкім | М. Жүндібаев |
| Әкімдіктің | |
| 2022 жылғы 3 тамыздағы | |
| № 1640 қаулысына | |
| қосымша |
"RICH ГРУПП" жауапкершілігі шектеулі серіктестігіне қауымдық сервитут белгіленетін жер учаскелерінің тізбесі
1) Қостанай қаласы, Баймағамбетов көшесі, 30 Б мекенжайы бойынша инженерлік желілерді жобалау, төсеу- жылу трассалары үшін, жалпы алаңы 0,0361 гектар;
2) Қостанай қаласы, Баймағамбетов көшесі, 30 Б мекенжайы бойынша инженерлік желілерді жобалау, төсеу- кәріз үшін, жалпы алаңы 0,0028 гектар;
3) Қостанай қаласы, Баймағамбетов көшесі, 30 Б мекенжайы бойынша инженерлік желілерді жобалау, төсеу- су құбыры үшін, жалпы алаңы 0,0088 гектар.
