"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабына және Қазақстан Республикасы Үкіметінің "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" 2021 жылғы 1 қыркүйектегі № 590 қаулысына сәйкес, аудан әкімдігі ҚАУЛЫ ЕТЕДІ:
1. Қоса беріліп отырған Жетісай ауданының "Жұмыспен қамту және әлеуметтік бағдарламалар бөлімі" мемлекеттік мекемесінің "Асыл қазына және Тең қоғам" әлеуметтік қызметтер көрсету орталығы коммуналдық мемлекеттік мекемесінің Ережесі бекітілсін.
2. "Жетісай ауданының жұмыспен қамту және әлеуметтік бағдарламалар бөлімі" мемлекеттік мекемесі Қазақстан Республикасының заңнамасында белгіленген тәртіпте:
1) осы қаулыны Қазақстан Республикасының нормативтік құқықтық актілерінің эталондық бақылау банкінде ресми жариялауға жіберуін;
2) осы қаулыны оның ресми жарияланғаннан кейін оны Жетісай ауданы әкімдігінің интернет-ресурсында орналастырылуын қамтамасыз етсін.
3. Осы қаулының орындалуын бақылау Жетісай ауданы әкімі аппаратының басшысына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аудан әкімі | М.Қадырбек |
| Жетісай ауданы әкімдігінің 2022 жылғы "06 " маусымдағы № 424 қаулысына қосымша |
Жетісай ауданының жұмыспен қамту және әлеуметтік бағдарламалар бөлімі мемлекеттік мекемесінің "Асыл Қазына және Тең қоғам" әлеуметтік қызметтер көрсету орталығы коммуналдық мемлекеттік мекемесінің ережесі
1. Жалпы ережелер
1. Жетісай ауданының "Жұмыспен қамту және әлеуметтік бағдарламалар бөлімі" мемлекеттік мекемесінің "Асыл қазына және Тең қоғам" әлеуметтік қызметтер көрсету орталығы коммуналдық мемлекеттік мекемесі (бұдан әрі – Коммуналдық мемлекеттік мекеме) Жетісай ауданының жұмыспен қамту және әлеуметтік бағдарламалар бөлімі мемлекеттік мекемесінің құрылымдық бөлімшесі болып табылады.
2. Коммуналдық мемлекеттік мекеменің құрылтайшысы: Жетісай ауданы әкімдігі болып табылады.
3. Коммуналдық мемлекеттік мекеменің уәкілетті басқару органы Жетісай ауданының жұмыспен қамту және әлеуметтік бағдарламалар бөлімі мемлекеттік мекемесі болып табылады.
4. Мекеменің түрі: коммуналдық.
5. Коммуналдық мемлекеттік мекеме ұйымдық құқықтық нысанында құрылған, заңды тұлға мәртебесіне ие коммерциялық емес мекеме болып табылады.
6. Құрылымдық бөлімше өз қызметінде Қазақстан Республикасының Конституциясын, заңдарын, Қазақстан Республикасы Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
7. Коммуналдық мемлекеттік мекеменің Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
8. Коммуналдық мемлекеттік мекемесі азаматтық-құқықтық қатынастарды өз атынан жасайды.
9. Коммуналдық мемлекеттік мекемесі заңнамаға сәйкес, уәкілеттік берілген болса, ол мемлекеттің атынан азаматтық-құқықтық қатынастардың тарапы болуға құқылы.
10. Құрылымдық бөлімше өз құзіретінің мәселелері бойынша заңнамада белгіленген тәртіппен басшысының бұйрықтарымен және Қазақстан Республикасының заңнамасында көзделген актілер қабылдайды.
11. Коммуналдық мемлекеттік мекеменің құрылымы мен штат санының лимиті Қазақстан Республикасының заңнамасына сәйкес бекітіледі
12. Заңды тұлғаның орналасқан жері: Қазақстан Республикасы, 160500, Түркістан облысы, Жетісай ауданы, Жетісай қаласы, Ш.Айманов көшесі, 38А үй.
2. Мемлекеттік органның құрылымдық бөлімшесінің мақсаттары, құқықтары мен міндеттері
13. Мақсаттары:
1) Мүмкіндігі шектеулі және зейнеткерлік жастағы азаматтарды әлеуметтендіру үшін қолжетімді жағдайлар жасау;
2) Арнаулы әлеуметтік қызметтерді көрсету;
3) Белсенді ұзақ өмір сүрудің жеке жоспарларын әзірлеу;
4) Әлеуметтік тәуекелдер мен қиын өмірлік жағдайлардың алдын алу;
5) Мақсатты топтардың қажеттіліктерін талдау және орталық қызметінің тиімділігін бақылау үшін мәліметтер қорын жинау.
14. Құқықтары:
1) Мүмкіндігі шектеулі және зейнеткерлік жастағы азаматтарға арнаулы әлеуметтік қызметтерді көрсету, тоқтату (тоқтата тұру) шарттарын айқындайды;
2) Мүмкіндігі шектеулі және зейнеткерлік жастағы азаматтардың өмір сүру сапасын жақсартуға, оларды белсенді зияткерлік, шығармашылық, қоғамдық қызметке және ұрпақтар сабақтастығына тартуға бағытталған жүйелі мәдени-демалыс жұмыстарының инфрақұрылымын құру;
3) Мүмкіндігі шектеулі және зейнеткерлік жастағы азаматтарға ақпараттық-кеңес беру, әлеуметтік, құқықтық және психологиялық қолдау көрсету;
15. Функциялары:
1) Мүмкіндігі шектеулі және зейнеткерлік жастағы азаматтарды медициналық емес сипаттағы сауықтыру іс-шараларымен қамтамасыз ету;
2) Мүмкіндігі шектеулі және зейнеткерлік жастағы азаматтарға әлеуметтік-психологиялық қызмет көрсету;
3) Мүмкіндігі шектеулі азаматтарға әлеуметтік-құқықтық қызмет көрсету;
4) Мүмкіндігі шектеулі азаматтарды мүмкін болатын еңбек қызметіне жәрдемдесу;
5) Мүмкіндігі шектеулі және зейнеткерлік жастағы азаматтардың әлеуметтік-мәдени және рухани қажеттіліктерін қанағаттандыруға бағытталған көркемөнерпаздар үйірмелерін ұйымдастыру;
6) Мүмкіндігі шектеулі және зейнеткерлік жастағы азаматтардың белсенді өмір салтын сақтау;
3. Мемлекеттік органның құрылымдық бөлімшесінің бірінші басшысының мәртебесі және өкілеттіктері
16. Құрылымдық бөлімшені басқаруды бірінші басшы жүзеге асырады, ол мекемеге жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
17. Құрылымдық бөлімшенің бірінші басшысын Жетісай ауданының жұмыспен қамту және әлеуметтік бағдарламалар бөлімінің басшысы қызметке тағайындайды және босатады.
18. Құрылымдық бөлімшенің бірінші басшысының Қазақстан Республикасының заңнамасына сәйкес қызметке тағайындалатын және қызметтен босатылатын орынбасары (орынбасарлары) болады.
19. Құрылымдық бөлімше басшысының өкілеттіктері:
1) Мемлекеттік мекеме атынан сенім хатсыз іс-қимыл жасайды;
2) барлық ұйымдарда мемлекеттік мекеменің мүддесін білдіреді;
3) заңнамада белгіленген жағдайлар мен шекте мүлікке билік етеді;
4) шарттар жасайды;
5) сенім хаттар береді;
6) Мемлекеттік мекеменің іс-сапарлар, тағылымдамалар мен қызметкерлердің біліктілігін көтерудің өзге де түрлері жөніндегі тәртібі мен жоспарларын бекітеді;
7) банктік шоттар ашады;
8) барлық қызметкерлер үшін міндетті бұйрықтар шығарады және нұсқаулар береді;
9) коммуналдық мемлекеттік мекеменің басқару органы тағайындайтын қызметкерлерден басқа қызметкерлерін еңбек заңнамасына сәйкес жұмысқа қабылдауды және жұмыстан босатуды жүргізеді;
10) коммуалдық мемлекеттік мекеменің қызметкерлеріне көтермелеу шараларын қолданады және мемлекеттік мекеме қызметкерлерін тәртіптік жазалар қолданады;
11) өз орынбасары мен мекеме қызметкерлерінің міндеттері мен өкілеттігінің шеңберін белгілейді.
12) сыбайлас жемқорлыққа қарсы бағытталған шараларды қабылдайды;
13. заңнамамен, осы ережемен және уәкілетті органмен оған жүктелген өзге де қызметтерді жүзеге асырады.
20. Басшы өз орынбасарларының өкілеттіктерін қолданыстағы заңнамаға сәйкес белгілейді.
4. Мемлекеттік органның құрылымдық бөлімшесінің мүлкі
21. Коммуналдық мемлекеттік мекеменің жедел басқару құқығында оқшауланған мүлкі болуы мүмкін.
22. Коммуналдық мемлекеттік мекеменің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
23. Коммуналдық мемлекеттік мекемеге бекітілген мүлік коммуналдық меншікке жатады.
24. Егер заңнамада өзгеше көзделмесе, "Жетісай ауданының "Жұмыспен қамту және әлеуметтік бағдарламалар бөлімі" мемлекеттік мекемесінің "Асыл қазына және Тең қоғам" әлеуметтік қызметтер көрсету орталығы коммуналдық мемлекеттік мекемесі" коммуналдық мемлекеттік мекемесі өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
5. Мемлекеттік органның құрылымдық бөлімшесін қайта құру және тарату
25. "Жетісай ауданының "Жұмыспен қамту және әлеуметтік бағдарламалар бөлімі" мемлекеттік мекемесінің "Асыл қазына және Тең қоғам" әлеуметтік қызметтер көрсету орталығы коммуналдық мемлекеттік мекемесі" коммуналдық мемлекеттік мекемесі қайта ұйымдастыру және тарату Қазақстан Республикасының заңнамасына сәйкес жүзеге асырылады.
